Mika 6:8 - ŊMALƐ KRƆŊKRƆŊ LƐ

⁸ Dabida! Ao Adesa, Yehowa etsɔ̃ɔ bo nɔ ni hi. Nɔ ni ebiɔ yɛ odɛ̃ŋ nɛ, akɛ ofee nɔ ni ja gbɛ, osumɔ onyɛmimɛi, okɛ oNyɔŋmɔ lɛ anyiɛ yɛ heshibaa mli.

Ṅmãle̱ Kroṅkroṅ Le̱

⁸ Gbomo, adšadše noni hĩ ke̱ noni Iehowa *bio̱ ye̱ odeṅ atšõo: no dši ake̱ ofe noni dša gbe̱, ni osumo̱ edšurõfemo̱, ni oke̱ o-Nyoṅmo̱ le̱ anyie ye̱ hešibā mli. *5 Mose 10,12. 1 Sam. 15,22.

Mika 6:8 ပူးပေါင်းရင်းမြစ်များ

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

1 Mose 5:22

ni efɔ bihii kɛ biyei krokomɛi.

2 Kronika 30:11

Shi kɛ̃lɛ mɛi fioo ko jɛ Asher kɛ Manase kɛ Zebulonbii ateŋ ba amɛhe shi amɛbo tsɛmɔ lɛ toi, ni amɛba gbijurɔ lɛ yeli yɛ Yerusalɛm.

2 Kronika 32:26

Shi naagbee mli aahu lɛ Hezekia je ehe sɛɛ, ni lɛ kɛ Yerusalɛm fɛɛ ba amɛhe shi amɛhã Yehowa; ni no hewɔ lɛ, Yehowa gbalaaa amɛtoi yɛ Hezekia yinɔ.

2 Kronika 33:19

Manase faikpamɔ lɛ kɛ bɔ ni Nyɔŋmɔ bo lɛ toi ehã lɛ, kɛ hei grɔŋŋi ni emamɔ jemawɔji ajamɔhei yɛ lɛ, kɛ wɔŋ koi kɛ amãgãi ni efeefee fɛɛ dani eje ehe sɛɛ, ni eba ehe shi ehã Yehowa lɛ, aŋmala yɛ Gbalɔi Ahe Saji Awolo lɛ mli.

2 Kronika 33:23

Amon eyabaaa ehe shi kwraa ehãaa Yehowa tamɔ etsɛ Manase ba ehe shi lɛ, shi moŋ etɔ̃ tɔ̃mɔi babaoo.

2 Kronika 34:27

oje ohe sɛɛ, ni oba ohe shi yɛ Nyɔŋmɔ hiɛ, ni be ni onu nɔ fɔŋ ni baaba Yerusalɛm kɛ Yerusalɛmbii anɔ lɛ hu lɛ oba ohe shi yɛ mihiɛ, ni ogbala ohe atade, ni owo yara ni ofo lɛ hewɔ lɛ, mi hu mibo bo toi.

Nehemia 9:13

Okpeleke shi kɛba Sinai Gɔŋ lɛ nɔ, ni ojɛ ŋwɛi okɛ amɛ wie; ohã amɛ mlai kpakpai kɛ akpɔi kɛ kitãi kpakpai.

Lalai 101:1

Mala anɔkwayeli kɛ jalɛ saneyeli he lala! Hɛɛ, bo Yehowa, oyi mala majie.

Lalai 112:4

Jalɔi lɛ, la tsoɔ yɛ duŋ mli hãa amɛ; durolɔ kɛ mɔbɔnalɔ kɛ jalɔ ji lɛ.

Lalai 112:9

Edɛŋ kpɔɔ pam hãa ohiafoi, ejalɛ lɛ hiɔ shi kɛyaa naanɔ; aaahã ena hewalɛ, ni ehiɛ aaaba nyam.

Lalai 37:26

Ehãa mɔ nɔ daa nɛɛ, ni efaa mɔ nɔ, ni eshwiei tsɔ̃ɔ jɔɔmɔ.

Lalai 73:28

Shi mi lɛ, Nyɔŋmɔ masɛi hilɛ hi hã mi. Mikɛ Nuŋtsɔ Nyɔŋmɔ lɛ efee mibobaahe, bɔ ni afee ni magba onitsumɔi lɛ fɛɛ.

Abe̱i 21:3

Jalɛ saneyeli kɛ kojomɔ kpakpa lɛ, esa Yehowa hiɛ fe afɔleshãa.

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Yesaia 56:1

Bɔ ni Yehowa kɛɛ nɛ, “Nyɛyea jalɛ sane, ni nyɛfea nɔ ni ja, ejaakɛ midɛŋ yiwalaheremɔ lɛ eshɛ shi etã, ni abaajie lɛ kpo atsɔ̃ɔ.

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Yesaia 66:2

Mi, minine bɔ enɛɛmɛi fɛɛ, ni no hewɔ lɛ, enɛɛmɛi fɛɛ lɛ minɔ ni,” Yehowa kɛɛ. “Shi mɔ he tsui ni minaa nɛ, mɔ ni ji humi, ni eshwaa ehe yɛ etsui mli, ni ehe kpokpoɔ yɛ miwiemɔ lɛ naa.”

Yeremia 22:16

Eye nɔnalɔ kɛ ohiafo sane ehã lɛ; ni no hã ehi ehã lɛ lɛ.

Yeremia 22:3

Yehowa kɛɛ nyɛkojo yɛ jalɛ naa, ni nyɛye jalɛ sane; ni nyɛhere mɔ ni aaye lɛ amim lɛ yɛ mɔ ni yeɔ lɛ amim lɛ dɛŋ; ni nyɛkafee gbɔ loo awusa loo okulafo efɔŋ; asaŋ nyɛkawa amɛyi; ni nyɛkashwie mɔ ni efeko nɔ fɔŋ ko lá shi yɛ biɛ.

Yeremia 9:23

Nilelɔ akashwã kɛmiifɔ̃ enilee nɔ. Hewalɔ hu akashwã kɛmiifɔ̃ ehewalɛ nɔ, ni niiatsɛ akashwã kɛmiifɔ̃ eninamɔ nɔ;

Yāfó 3:26

Ehi akɛ atoɔ tsui shi kpoo amɛɔ Yehowa yiwalaheremɔ lɛ.

Ezekiel 16:63

Oookai enɛ ni ohiɛ aaagbo, ni okatswa odaaŋ dɔŋŋ yɛ ohiɛgbele lɛ hewɔ, be ni mikɛ nifɔɔjianii ni ofee lɛ fɛɛ efa bo lɛ,” Yehowa kɛɛ.

Ezekiel 33:14

Asaŋ, kɛji mikɛɛ efɔŋfeelɔ akɛ ‘Gbo kɛ̃ ooogbo,’ ni ekpa eshafeemɔ, ni efee nɔ ni ja ni ehi lɛ,

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Hosea 12:6

Nyɛ hu, enɛ hewɔ lɛ nyɛhea nyɛNyɔŋmɔ lɛ nɔ nyɛyea, ni nyɛkpalea kɛbaa eŋɔɔ. Nyɛnaa mɛi amɔbɔ; nyɛyea jalɛ sane, ni nyɛyea anɔkwa daa kɛkwɛa lɛ gbɛ.”

Hosea 6:6

Ejaakɛ nɔ ni mitaoɔ yɛ nyɛdɛŋ ji suɔmɔ ni tsakeee shi jeee afɔle; nɔ ni mitaoɔ ji lee ni aleɔ Nyɔŋmɔ shi jeee shãaafɔle.

3 Mose 26:41

ni no hewɔ hu mi hu mite shi miwo amɛ, ni mihã amɛyaje amɛhenyɛlɔi shikpɔŋ nɔ lɛ, kɛji amɛtsui ni ekpiliŋ lɛ he jɔ, ni amɛba amɛhe shi, ni amɛkpɛlɛ̃ amɛnifɔɔji lɛ ahe nyɔmɔwoo lɛ nɔ lɛ,

Amos 5:24

Nyɛyea jalɛ sane moŋ koni etsɔ̃ tamɔ nu ni hoɔ; nyɛhãa jalɛ ahea shi, ni etsɔ̃ tamɔ faa ni hoɔ daa.

Mika 6:9

Ehi akɛ ashe Yehowa gbeyei. Eeetsɛ maŋ lɛ ekɛɛ, “Nyɛboa toi, nyɛ mɛi ni nyɛbuaa nyɛhe naa kɛkpeɔ yɛ maŋ lɛ mli!

Zefania 2:3

Nyɛ shikpɔŋ lɛ nɔ heshibalɔi fɛɛ ni feɔ Yehowa suɔmɔnaa nii, nyɛtaoa Yehowa sɛɛgbɛ; nyɛtaoa jalɛ sɛɛgbɛ; ni nyɛtaoa heshibaa sɛɛgbɛ, ni eko lɛ aaaŋɔ nyɛ atee yɛ Yehowa mlifu gbi lɛ nɔ.

Zakaria 7:9

“Bɔ ni Yehowa, Taiatsɛ, lɛ kɛɛ nɛ, ‘Nyɛkojoa yɛ jalɛ naa, ni nyɛkɛ musuŋtsɔlɛ kɛ mɔbɔnalɛ ahia shi akɛ nyɛmimɛi.

Mateo 5:3

“Ajɔɔ mumɔ lɛ mli ohiafoi lɛ; shi amɛnɔ ji ŋwɛi maŋtsɛyeli lɛ.”

Mateo 5:7

“Ajɔɔ mɛi ni naa mɔbɔ; shi aaana amɛ mɔbɔ.”

Luka 10:42

nɔ kome ehia. Nɔ ni hi lɛ no Maria ekɔ lɛ, ni no lɛ ashɔŋ yɛ edɛŋ.”

Luka 11:42

Shi kpoo hã nyɛ, Farisifoi, akɛ nyɛhãa kowɛ kɛ shwie kɛ bai srɔtoi fɛɛ mlijaa nyɔŋmanyɔŋma, ni nyɛshiɔ jalɛ saneyeli kɛ suɔmɔ ni akɛsumɔɔ Nyɔŋmɔ lɛ! Kulɛ esa akɛ nyɛfeɔ enɛɛmɛi hu nyɛkɛshiɔ ekrokomɛi lɛ anɔ.

Luka 12:14

Shi ekɛɛ lɛ akɛ, “Naanyo, namɔ womi kojolɔ loo nijalɔ yɛ nyɛnɔ?”

Luka 6:36

No hewɔ lɛ, nyɛnaa mɔbɔ, tamɔ bɔ ni nyɛTsɛ lɛ hu naa mɔbɔ lɛ.”

Romabii 7:16

Shi kɛ nɔ ni misumɔɔɔ lɛ nɔŋŋ mifeɔ lɛ, belɛ mikpɛ̃lɛ̃ɔ akɛ Mla lɛ hi.

Romabii 9:20

Shi, bo gbɔmɔ, namɔ ji bo, ni okɛ Nyɔŋmɔ kaneɔ? Ani nɔ ni ashɔ̃ lɛ aaabi mɔ ni shɔ̃ lɛ lɛ akɛ, “Mɛɛba oshɔ̃ mi nɛkɛ?”

1 Korintobii 7:16

Shi, bo yoo, bo obaahere owu lɛ yiwala jio, ole? Aloo bo nuu, bo hu obaahere oŋa lɛ yiwala jio, ole?

Efesobii 4:32

Shi nyɛmli ahia ahãhãa nyɛhe, nyɛmusuŋ atsɔ̃tsɔ̃a nyɛ yɛ nyɛhe, nyɛkɛfafaa nyɛhe, tamɔ bɔ nɔŋŋ ni Nyɔŋmɔ kɛfa nyɛ yɛ Kristo mli lɛ.

5 Mose 27:10

no hewɔ lɛ, nyɛboa Yehowa, nyɛNyɔŋmɔ lɛ, toi, ni nyɛyea ekitãi kɛ ekpɔi ni miwoɔ nyɛ ŋmɛnɛ gbi nɛɛ lɛ nɔ.”

5 Mose 30:15

“Naa, ŋmɛnɛ gbi nɛɛ lɛ, mikɛ wala kɛ gbele kɛ ekpakpa kɛ efɔŋ fɛɛ miishwie nyɛhiɛ.

Kolosebii 3:12

No hewɔ lɛ, akɛni Nyɔŋmɔ halamɔbii, mɛi krɔŋkrɔŋi kɛ suɔmɔ mɛi ji nyɛ nɛɛ lɛ, nyɛwoa musuŋtsɔlɛ, mlihilɛ, heshibaa jwɛŋmɔ, kpoofeemɔ, tsuishitoo.

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

Yakobo 2:20

Ao, yaka gbɔmɔ, Ootao ole akɛ hemɔkɛyeli ni nitsumɔi bɛ he lɛ hemɔkɛyeli ni egbo ni lo?

Yoshua 24:14

“No hewɔ lɛ, nyɛshea Yehowa gbeyei, ni nyɛjiea nyɛyitsoŋ nyɛsɔ̃mɔa lɛ kɛ anɔkwayeli; nyɛkwaa nyɔŋmɔi ni nyɛtsɛmɛi atsɛmɛi lɛ sɔ̃mɔ yɛ Mesopotamia kɛ Ijipt hu lɛ koni nyɛsɔ̃mɔ Yehowa.

1 Petro 3:8

Shi naagbee lɛ, nyɛ fɛɛ nyɛhiɛa jwɛŋmɔ kome, nyɛnanaa nyɛhãa nyɛhe, nyɛsumɔsumɔa nyɛhe akɛ nyɛmimɛi, nyɛmli ashãa nyɛ ahãa nyɛhe, nyɛjwɛŋa heshibaa jwɛŋmɔ.

1 Samuel 12:23

Mi hu enɛ akagbale mi fɔ̃ŋfɔ akɛ makpa sɔlemɔ kɛ nyɛ hãmɔ ni mikɛfee esha mishi Yehowa. Shi moŋ mibatsɔ̃ɔ nyɛ nɔ ni hi kɛ nɔ ni ja ni sa akɛ nyɛfee.

1 Samuel 15:22

Shi Samuel kɛɛ Saul akɛ, “Ani Yehowa nyaa shãa afɔlei kɛ gbee afɔlei ahe fe ni abaabo lɛ toi lo? Naa, toiboo hi fe afɔleshãa, ni ehi fe toi agboi amli fɔ.