Mika 6:7 - ŊMALƐ KRƆŊKRƆŊ LƐ

⁷ Ani toi agboi akpekpei aloo mu tsɛnsii akpei nyɔŋmai abɔ aaasa Yehowa hiɛ? Aso mikɛ mikromɔbi, mimusuŋbi lɛ ahã yɛ mihe esha hewɔ?

Ṅmãle̱ Kroṅkroṅ Le̱

⁷ Ani Iehowa aaná tõagboi akpei abo̱ lo mũ fãi akpei-nyoṅmai abo̱ he tšui? Aso míṅõ mikromo̱bi míhã ye̱ mimlatõmo̱ le̱ hewo̱, alo mike̱ mimũsũṅbi ahã ye̱ misusuma he eša le̱ hewo̱?”

Mika 6:7 ပူးပေါင်းရင်းမြစ်များ

2 Maŋtsɛmɛi 16:3

Efee esha fe Israel maŋtsɛmɛi ni nyiɛ ehiɛ lɛ tete. Egbe lɛ diɛŋtsɛ emusuŋbi ekɛshã afɔle ehã amãgãi, nɔ ko ni Yehowa hiɔ, ni no hã eshwie jeŋmajiabii lɛ yɛ Israelbii lɛ ahiɛ lɛ.

2 Maŋtsɛmɛi 21:6

Egbe emusuŋbi ekɛshã afɔle; ekala, ni eye ŋkunyaa; ni eto sisatsɛlɔi kɛ wɔjiatsɛmɛi. Efee efɔɔji babaoo yɛ Yehowa hiɛ ekɛwo Yehowa mli la.

2 Maŋtsɛmɛi 23:10

Maŋtsɛ Yosia bule Tofet, wɔŋjamɔhe ni yɔɔ Hinombii aJɔɔ lɛ mli lɛ, bɔ ni afee ni mɔ ko mɔ ko akagbe ebinuu loo ebiyoo ekɛshã afɔle ekɛhã wɔŋ Molek lɛ dɔŋŋ.

2 Maŋtsɛmɛi 3:27

Kɛkɛ ni eŋɔ ebi nuu ni ji ekromɔbi, ni kulɛ ebaaye maŋtsɛ yɛ esɛɛ lɛ, ni ekɛ lɛ shã shãa afɔle yɛ gbogbo lɛ nɔ, ehã Moabbii anyɔŋmɔ lɛ. Enɛ wo Israelbii lɛ ahe gbeyei ni amɛgbala amɛhe shi kɛje maŋ lɛ mli, ni amɛku amɛsɛɛ kɛba amɛ diɛŋtsɛ amɛshikpɔŋ lɛ nɔ.

Hiob 29:6

Mitsinai kɛ mitoi hãa mi fufɔ babaoo, ni mimutsei shwere yɛ tɛsai amli.

Lalai 50:9

Mitaooo owe lɛŋ tsinanuu ko loo otoi atsu lɛŋ too kpakpo ko.

Lalai 51:16

Ejaakɛ onyaaa afɔle he; kɛji mishã shãa afɔle tete lɛ onyaŋ he.

Lalai 51:18

Oo Naa Nyɔŋmɔ, feemɔ Zion ejurɔ yɛ oduromɔ naa; tswaa Yerusalɛm gbogboi lɛ ekoŋŋ.

Abe̱i 15:8

Mɛi fɔ̃ji afɔle lɛ, Yehowa miihi; shi jalɔi asɔlemɔ lɛ, enaa he miishɛɛ.

Abe̱i 21:3

Jalɛ saneyeli kɛ kojomɔ kpakpa lɛ, esa Yehowa hiɛ fe afɔleshãa.

Yesaia 1:1

Ninaa ni ajie atsɔ̃ Yesaia, Amoz bi lɛ, yɛ Yuda shikpɔŋ lɛ kɛ Yerusalɛm maŋ lɛ hu he, yɛ Yuda maŋtsɛmɛi nɛɛ, Uzia kɛ Yotam kɛ Ahaz kɛ Hezekia, ayinɔ nɛ:

Yesaia 40:16

Lebanon kooloi lɛ afalɛ lɛ efaaa ha shãa afɔle, ni emli tsei shɛɛɛ lai ni akɛshãa afɔle.

Yeremia 19:5

Ni amɛmamɔ afɔleshãa latɛi yɛ Baal jamɔhei lɛ, ni amɛshãa amɛmusuŋbii yɛ nɔ akɛ shãa afɔle amɛhãa Baal. Mifãko amɛ, ni nakai nɔ ko bako mijwɛŋmɔ mli tete dã.

Yeremia 6:20

Mɛni mifeɔ krɔbɔo ni jɛ Sheba, kɛ maŋsɛɛ shɔŋŋ sinamon ni jeɔ ŋma he? Shãa afɔlei ni nyɛshãa nyɛhãa mi lɛ, miheee; nyɛkooloo afɔlei lɛ hu esaa mihiɛ.

Yeremia 7:31

Ni amɛyama afɔleshãa latɛ yɛ Tofet yɛ Hinom Jɔɔ lɛ mli, koni amɛgbe amɛbihii kɛ amɛbiyei amɛkɛshã afɔle. Enɛ ji nɔ ko ni mifãko akɛ afee; ebako miyiŋ tete po.

Ezekiel 23:37

Ejaakɛ amɛfite gbãlã, ni amɛshwie lá shi; amɛkɛ amɛwɔji lɛ bɔ ajwamãŋ, ni bii ni mikɛ amɛfɔ lɛ, tete amɛkɛ amɛ fee niyenii amɛkɛhã amɛwɔji.

Hosea 5:6

Amɛkɛ amɛtoi kɛ amɛtsinai baaya ayashã afɔle kɛtao Yehowa sɛɛgbɛ, shi amɛnaŋ lɛ, ejaakɛ Yehowa egbala ehe shi eshi amɛ.

Hosea 6:6

Ejaakɛ nɔ ni mitaoɔ yɛ nyɛdɛŋ ji suɔmɔ ni tsakeee shi jeee afɔle; nɔ ni mitaoɔ ji lee ni aleɔ Nyɔŋmɔ shi jeee shãaafɔle.

3 Mose 18:21

Kaaŋmɛɛ obii lɛ ateŋ mɔ ko he ohã ni akɛ lɛ ja Molek ni akɛ no wo oNyɔŋmɔ lɛ gbɛi he muji. Mi ji Yehowa.

3 Mose 20:1

Yehowa kɛ Mose wie,

Amos 5:22

Nyɛshãa shãa afɔlei kɛ nyɛniyenii afɔlei tete nyɛhãa mi nɛ, shi miheee. Shidaa afɔlei ni nyɛkɛ nyɛkooloi ni eshwishwii shãa lɛ hu, mikwɛɛɛ po.

Filemon 1:12

miwo lɛ gbɛ kɛmiiba oŋɔɔ, lɛ ni ji mitsui lɛ.

Kojolɔi 11:31

no lɛ, kɛ miyaye omanye ni miku misɛɛ kɛjɛ Amonbii lɛ aŋɔɔ miiba lɛ, mɔ fɛɛ mɔ ni aaajɛ miwe lɛ agbo lɛ mli aaaba kpee mi lɛ, eeetsɔ̃ Yehowa nɔ; ni mikɛ lɛ aaafee shãa afɔle.”

Kojolɔi 11:39

Nyɔji enyɔ lɛ naagbee lɛ, eku esɛɛ eba etsɛ ŋɔɔ ekoŋŋ, ni Yefta fee ebiyoo lɛ tamɔ bɔ ni ewo shi lɛ, ni ebiyoo lɛ gbo akɛ oblayoo foro. Enɛ tsɔ̃ kusum yɛ Israel,

1 Samuel 15:22

Shi Samuel kɛɛ Saul akɛ, “Ani Yehowa nyaa shãa afɔlei kɛ gbee afɔlei ahe fe ni abaabo lɛ toi lo? Naa, toiboo hi fe afɔleshãa, ni ehi fe toi agboi amli fɔ.