Mika 6:6 - ŊMALƐ KRƆŊKRƆŊ LƐ

⁶ Mɛni mikɛaaba Yehowa hiɛ, ni mɛni mikɛaabakoto Nyɔŋmɔ ni yɔɔ ŋwɛi shɔŋŋ lɛ hiɛ? Miba ehiɛ kɛ shãa afɔlei? Mikɛ tsinabii ni eye afifi abashã shãa afɔlei ahã lɛ?

Ṅmãle̱ Kroṅkroṅ Le̱

⁶ “Meni mike̱-aba Iehowa hĩe, ni makoto ši ye̱ Nyoṅmo̱ ní yo̱ ṅwei šoṅṅ le̱ hĩe? Ani mike̱ *šā̃-afo̱lei ke̱ tšinabii ni eye afifi aba ehĩe? Ies. 1.11. Amos 5,21. 22.

Mika 6:6 ပူးပေါင်းရင်းမြစ်များ

2 Samuel 21:3

No hewɔ lɛ, David tsɛ Gibeonbii lɛ, ni ebi amɛ akɛ, “Mɛni mifee mihã nyɛ, ni mɛni mikɛkpãtã nyɛ bɔ ni afee ni nyɛjɔɔ Yehowa webii lɛ?”

Lalai 116:12

Mɛni maŋɔ to Yehowa najiaŋ, yɛ ejuji fɛɛ ni efee mi lɛ hewɔ?

Lalai 22:29

Lɛ shikpɔŋ lɛ nɔ hewolɔi lɛ fɛɛ aaakoto. Mɛi ni egboi momo, kɛ mɛi ni baagboi fɛɛ baakoto lɛ.

Lalai 95:2

Nyɛhãa wɔbaa ehiɛ kɛ shidaa, wɔkɛ lala abɔa oshe kɛjiea eyi.

Lalai 95:6

Oo, nyɛbaa! Nyɛhãa wɔkotoa lɛ, ni wɔjaa lɛ! Nyɛhãa wɔkulaa shi yɛ Yehowa, wɔBɔlɔ lɛ hiɛ.

2 Mose 12:5

Nyɛŋɔa toobi ni kpa bɛ ehe, nuu ni eye afi, yɛ too gwantɛŋi loo too abotiai lɛ ateŋ.

2 Mose 23:15

Nyɛyea Akpiti Gbijurɔ lɛ. Bɔ ni miwo nyɛ ehe kitã lɛ, nyɛyea aboloo ni akɛ mã akpiti shã. Nyɛyea lɛ gbii kpawo yɛ be ni ato lɛ, ni ji Abib nyɔɔŋ lɛ nɔ, ejaakɛ no nɔ nyɛshi Ijipt shikpɔŋ lɛ nɔ. No be lɛ mli lɛ mɔ ko akaba mi jamɔ ni ehiɛɛɛ edɛŋ afɔle.

Abe̱i 15:8

Mɛi fɔ̃ji afɔle lɛ, Yehowa miihi; shi jalɔi asɔlemɔ lɛ, enaa he miishɛɛ.

Abe̱i 21:3

Jalɛ saneyeli kɛ kojomɔ kpakpa lɛ, esa Yehowa hiɛ fe afɔleshãa.

Yesaia 40:16

Lebanon kooloi lɛ afalɛ lɛ efaaa ha shãa afɔle, ni emli tsei shɛɛɛ lai ni akɛshãa afɔle.

Yeremia 6:20

Mɛni mifeɔ krɔbɔo ni jɛ Sheba, kɛ maŋsɛɛ shɔŋŋ sinamon ni jeɔ ŋma he? Shãa afɔlei ni nyɛshãa nyɛhãa mi lɛ, miheee; nyɛkooloo afɔlei lɛ hu esaa mihiɛ.

Ezekiel 46:9

“Kɛji maŋbii lɛ miiba abaja Yehowa yɛ gbii juji lɛ anɔ lɛ, mɔ ni baatsɔ̃ kooyigbɛ agbo lɛ mli kɛbote mli ni ebaja lɛ, etsɔ̃ wuoyigbɛ agbo lɛ kɛje kpo. Ni mɔ ni aaatsɔ wuoyigbɛ agbo lɛ kɛbote mli lɛ, etsɔ̃ kooyigbɛ agbo lɛ kɛje kpo. Mɔ ko akatsɔ̃ agbo ni etsɔ̃ kɛba mli lɛ nɔŋŋ kɛje kpo. Mɔ fɛɛ mɔ aya ehiɛ tɛ̃ɛ kɛje kpo.

Daniel 3:26

Kɛkɛ ni Maŋtsɛ Nebukadnezar tsi bɛŋkɛ flɔnɔɔ kɛ emli la grigri lɛ naa. Kɛkɛ ni ewo enaa nɔ, ni ekɛɛ, “Shadrak kɛ Meshak kɛ Abednego, Nyɔŋmɔ ŋwɛi flooflonyo lɛ tsuji, nyɛjea kpo yɛ la lɛ mli kɛbaa.” Kɛkɛ ni Shadrak kɛ Meshak kɛ Abednego je kpo yɛ la lɛ mli kɛba.

Daniel 4:9

‘Belteshazar, klalɔi fɛɛ atsɛ, mile akɛ nyɔŋmɔi krɔŋkrɔŋi lɛ amumɔ yɛ omli, ni teemɔŋ sane ko teemɔŋ sane ko waaa hãaa bo; lamɔ ni mila lɛ nɛ; tsɔ̃ɔmɔ mi eshishi.’

Daniel 5:18

“Maŋtsɛ, Nyɔŋmɔ mɔ ni yɔɔ ŋwɛi shɔŋŋ lɛ hã otsɛ Nebukadnezar tsɔ̃ maŋtsɛ wulu ni yɔɔ hewalɛ kɛ agbojee kɛ anunyam kpeteŋkple;

Daniel 5:21

Ashwie lɛ kɛje adesai ateŋ; ejwɛŋmɔ tsɔ̃ tamɔ kooloo jwɛŋmɔ, ni eyahi ŋaŋ tejii ateŋ, ni ekpe jwɛi tamɔ tsina. Ŋwɛi bɔ nyɔ egbɔmɔtso nɔ aahu kɛyashi beyinɔ ni eyoo akɛ Nyɔŋmɔ ni yɔɔ ŋwɛi shɔŋŋ lɛ, eyɛ hewalɛ yɛ maŋtsɛyeli nɔ, ni mɔ ni esumɔɔ lɛ, lɛ maŋtsɛ ewoɔ.

Hosea 5:6

Amɛkɛ amɛtoi kɛ amɛtsinai baaya ayashã afɔle kɛtao Yehowa sɛɛgbɛ, shi amɛnaŋ lɛ, ejaakɛ Yehowa egbala ehe shi eshi amɛ.

Amos 5:22

Nyɛshãa shãa afɔlei kɛ nyɛniyenii afɔlei tete nyɛhãa mi nɛ, shi miheee. Shidaa afɔlei ni nyɛkɛ nyɛkooloi ni eshwishwii shãa lɛ hu, mikwɛɛɛ po.

4 Mose 7:51

kɛ tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛ baashã shãa afɔle,

Mateo 19:16

Ni mɔ ko ba eŋɔɔ ni ebabi lɛ akɛ, “Tsɔɔlɔ, mɛɛ nɔ kpakpa po mafee ni mana naanɔ wala?”

Marko 12:33

ni lɛ suɔmɔ kɛjɛ otsui fɛɛ kɛ nilee fɛɛ kɛ susuma fɛɛ kɛ nyɛmɔ fɛɛ mli kɛ naanyo suɔmɔ tamɔ bɔ ni mɔ sumɔɔ lɛ diɛŋtsɛ ehe lɛ, efe shãa afɔlei kɛ afɔlei fɛɛ.”

Marko 5:7

ni ebo kɛ gbee ni wa ekɛɛ, “Yesu, Nyɔŋmɔ ni yɔɔ ŋwɛi shɔŋŋ lɛ Bi, mɛni sane mikɛ bo yɔɔ? Mina Nyɔŋmɔ akɛ kaapiŋ mi!”

Luka 10:25

Ni naa, mlatsɔɔlɔ ko te shi damɔ shi, ni eka lɛ ekɛɛ, “Tsɔɔlɔ, mɛni mafee ni mana naanɔ wala?” Yesu bi lɛ akɛ,

Yohane 6:26

Yesu here amɛ nɔ ekɛɛ, “Anɔkwale mikɛɔ nyɛ akɛ, jeee okadii lɛ ni nyɛna lɛ hewɔ nyɛtaoɔ mi nɛɛ, shi moŋ akɛni nyɛye aboloo lɛ eko ni nyɛtɔrɔ lɛ hewɔŋ.

Bɔfoi 16:17

Enyiɛ wɔ kɛ Paulo sɛɛ ni ebolɔɔ akɛ, “Nɛkɛ gbɔmɛi nɛɛ, Nyɔŋmɔ ni yɔɔ ŋwɛi shɔŋŋ lɛ tsuji ji amɛ, ni amɛmiijaje yiwalaheremɔ gbɛ lɛ amɛmiitsɔ̃ɔ nyɛ.”

Bɔfoi 16:30

ni ekɛ amɛ je kpo ni ekɛɛ, “Nuŋtsɔmɛi, mɛni sa ni mafee ni ahere miyiwala?”

Bɔfoi 2:37

Shi be ni amɛnu enɛ lɛ, etsurɔ amɛtsuiiaŋ, ni amɛkɛɛ Petro kɛ bɔfoi ni eshwɛ lɛ akɛ, “Anyɛmimɛi, te wɔɔfee tɛŋŋ?”

Efesobii 3:14

Enɛ hewɔ ni miyaa minakutsei anaa yɛ Tsɛ lɛ hiɛ,

Hebribii 10:11

Ni osɔfo fɛɛ osɔfo lɛ, gbi fɛɛ gbi lɛ, edamɔɔ shi esɔ̃mɔɔ, ni eshãa nakai afɔlei lɛ nɔŋŋ kpitiokpitio, nii ni nyɛɛɛ eshai ajie gbi ko gbi ko lɛ.

1 Samuel 15:22

Shi Samuel kɛɛ Saul akɛ, “Ani Yehowa nyaa shãa afɔlei kɛ gbee afɔlei ahe fe ni abaabo lɛ toi lo? Naa, toiboo hi fe afɔleshãa, ni ehi fe toi agboi amli fɔ.