Mika 6:5 - ŊMALƐ KRƆŊKRƆŊ LƐ

⁵ Mimaŋbii, nyɛkaia nɔ yiŋ ni Moab maŋtsɛ Balak to yɛ nyɛhe, kɛ nɔ hetoo ni Bileam, Beor bi lɛ, hã lɛ. Nyɛkaia nibii ni ba yɛ gbɛ lɛ nɔ kɛjɛ Akasia shitoohe lɛ kɛtee Gilgal tɔ̃ɔ lɛ. Nyɛkaia nibii nɛɛ bɔ ni afee ni nyɛna nibii ni mi, Yehowa, mitsu ni mikɛhere nyɛyiwala lɛ.”

Ṅmãle̱ Kroṅkroṅ Le̱

⁵ Mimaṅ, kaimo̱ nõ yiṅ ni *Balak, Moab maṅtše̱ le̱, to, le̱ nõ hetõ ní Bileam, Beor bi le̱, hãle̱; kaimo̱ ke̱-dše̱ Šitim ke̱-yaši Gilgal tō̃, beni afe ní ole Iehowa dšale̱ nitšumo̱i le̱! *4 Mose 22-24.

Mika 6:5 ပူးပေါင်းရင်းမြစ်များ

Lalai 111:4

Ehãa akaiɔ enaakpɛɛ nitsumɔi lɛ. Durolɔ kɛ mɔbɔnalɔ ji Yehowa.

Lalai 143:11

Oo Yehowa, ogbɛi lɛ hewɔ lɛ, hã miyi ana wala! Ojalɛ lɛ hewɔ lɛ, jiemɔ mi kɛje haomɔ mli.

Lalai 36:10

Oo, hã osuɔmɔ ni tsakeee lɛ ahi shi daa ahã mɛi ni le bo, ni oyiwalaheremɔ lɛ hu ahi shi daa ahã mɛi ni ja kɛmɔ shi lɛ.

Lalai 71:19

Oo Naa Nyɔŋmɔ, ojalɛ kɛ ohewalɛ lɛ kwɔ kɛshɛɔ ŋwɛii amli ŋwɛi. Oo Nyɔŋmɔ, bo ofee nibii wuji osaso bɛ.

Yesaia 1:27

Jalɛ saneyeli ji nɔ ni aaahere Yerusalɛm maŋ lɛ kɛ emli mɛi fɛɛ ni aaashwa amɛhe lɛ ayiwala.

4 Mose 22:41

Enɔ jetsɛremɔ leebi lɛ, Balak tsɛ Balaam fata ehe, ni amɛkwɔ Baal Gɔŋ lɛ kɛtee eyiteŋ; ni Balaam jɛ jɛi ni ena Israelbii asafo muu lɛ ayifalɛ.

4 Mose 23:27

Balak kɛɛ Balaam akɛ, “Agbɛnɛ hã wɔya he kroko. Eko lɛ Nyɔŋmɔ aaana he tsui, ni eeeŋmɛ bo gbɛ akɛ olomɔ Israelbii lɛ yɛ jɛi ohã mi.”

4 Mose 25:1

Be ni Israelbii lɛ yɔɔ Shitim, Akasia tso Jɔɔ lɛŋ lɛ, amɛhii lɛ kɛ Moab yei lɛ bɔ̃i ajwamãŋbɔɔ.

4 Mose 25:2

Moab yei lɛ kpeɔ Israelhii lɛ kɛyaa hei ni amɛshãa afɔlei amɛkɛhãa amɛmaŋ wɔji lɛ yɛ lɛ; ni Israelhii lɛ yayeɔ afɔleshãa niyenii lɛ eko, ni amɛjaa Moabbii lɛ awɔji lɛ hu.

4 Mose 31:16

Naa, Mɛnɛɛmɛi nɔŋŋ tsɔ̃ Balaam ŋaawoo nɔ, ni amɛhã Israelbii tɔ̃ Yehowa nɔ, ni amɛkwa lɛ yɛ Peor sane lɛ mli lɛ, ni kɛtsɔ̃ no nɔ ni gbele hela bote Yehowa asafo lɛ mli lɛ.

4 Mose 31:8

amɛgbe Midian majiatsɛmɛi enumɔ ni ji Evi kɛ Rekem kɛ Zur kɛ Hur kɛ Reba fɛɛ yɛ ta lɛ mli. Amɛgbe Balaam, Beor bi lɛ, hu kɛ klante.

4 Mose 33:49

Israelbii lɛ to shi yɛ Yordan Faa lɛ naa, ni amɛjwere shi kɛjɛ Bet Yeshimot aahu kɛyashi Akasia Jɔɔ lɛ mli yɛ Moab ŋa lɛ nɔ.

Efesobii 2:11

No hewɔ lɛ, nyɛkaia akɛ nyɛ ni sa ni nyɛ ji jeŋmajiaŋbii yɛ heloo gbɛfaŋ ni mɛi ni atsɛɔ amɛ ketiafolɔi ni akɛ niji folɔ amɛ ketia yɛ heloo mli lɛ tsɛɔ nyɛ foolɔi lɛ,

5 Mose 16:3

Nyɛkɛ masha nii akayea Hehoo niyenii lɛ. Nyɛyea ma akpiti aboloo gbii kpawo akɛ amanehulu aboloo, ejaakɛ nyɛshi Ijipt shikpɔŋ lɛ nɔ kɛ hejojomɔ. Nyɛyea ma akpiti aboloo nɛɛ koni nyɛwala gbii abɔ fɛɛ lɛ, nyɛkɛkai gbi ni nyɛje Ijipt shikpɔŋ lɛ nɔ lɛ.

5 Mose 23:6

Nyɛkataoa amɛ ekpakpa loo ejurɔyeli kɔkɔɔkɔ.

5 Mose 8:18

Shi moŋ nyɛkaia akɛ Yehowa, nyɛNyɔŋmɔ lɛ, lɛ ji mɔ ni duro nyɛ hewalɛ ni nyɛkɛna nii ni nyɛyɔɔ lɛ, koni ehã ekpãŋmɔ ni ekã nyɛtsɛmɛi lɛ kitã yɛ he lɛ ama shi, tamɔ nyɛnaa ŋmɛnɛ nɛɛ lɛ.

5 Mose 8:2

Nyɛkaia gbɛ ni Yehowa, nyɛNyɔŋmɔ lɛ, kɛ nyɛ tsɔ̃ nɔ lɛ fɛɛ, yɛ shiaŋa lɛ nɔ afii nyɔŋmai ejwɛ nɛɛ mli lɛ, koni ekɛhã nyɛhumi shi, ni asaŋ koni etsɔ̃ nɔ ekɛka nyɛ ekwɛ ni ekɛle nɔ ni yɔɔ nyɛtsuiiaŋ akɛ nyɛaaye ekitãi lɛ anɔ lo, aloo nyɛyeŋ nɔ.

5 Mose 9:7

“Nyɛkaia, ni nyɛhiɛ akakpaa nɔ, bɔ ni nyɛtsɔ̃ nyɛwo Yehowa, nyɛNyɔŋmɔ lɛ, mlifu nyɛhã be mli ni nyɛyɔɔ shiaŋa lɛ nɔ lɛ. Kɛjɛ gbi nɔ ni nyɛshi Ijipt shikpɔŋ lɛ nɔ aahu kɛbashi nyɛbashɛ biɛ nɛɛ lɛ, Yehowa hiɛ atua sɔŋŋ kɛkɛ nyɛtseɔ.

Yoshua 2:1

Kɛkɛ ni Yoshua, Nun bi lɛ, tsu hii enyɔ nigii kɛjɛ Shitim koni amɛyasara shikpɔŋ lɛ nɔ, ni ekɛɛ amɛ akɛ, “Nyɛyaa nyɛyasaraa shikpɔŋ lɛ nyɛbaa, shi titri lɛ Yeriko.” Kɛkɛ ni hii lɛ yi mli amɛtee, ni amɛyato yoo ajwamãŋ ko ni atsɛɔ lɛ Rahab lɛ we.

Yoshua 3:1

Kɛkɛ ni Yoshua te shi leebi maŋkpa, ni lɛ kɛ Israelbii lɛ fɛ̃ɛ fã kɛjɛ Akasia shitoohe lɛ, ni amɛba Yordan Faa lɛ naa. Amɛwɔ yɛ jɛi dani amɛfo faa lɛ.

Yoshua 4:19

Israelbii lɛ fo Yordan lɛ yɛ klɛŋklɛŋ nyɔŋ lɛ nɔ gbi ni ji nyɔŋma lɛ nɔ, ni amɛyato shi yɛ Gilgal yɛ Yeriko bokãgbɛ husu lɛ nɔ.

2 Petro 2:15

Amɛje gbɛ ni ja lɛ nɔ, ni amɛdu gbɛ kɛyanyiɛ Beor bi Bileam, mɔ ni sumɔ nɔshafeemɔ mli nyɔmɔwoo lɛ, gbɛ lɛ nɔ;

1 Yohane 1:9

Kɛji wɔjaje wɔhe eshai lɛ wɔtsɔ̃ɔ Nyɔŋmɔ lɛ, anɔkwafo kɛ jalɔ ji lɛ, ni ekɛ wɔhe eshai lɛ aaafa wɔ ni eeetsumɔ wɔhe kɛjɛ nii ni ejaaa gbɛ fɛɛ mli.

Yuda 1:11

Kpoo hã amɛ! Ejaakɛ amɛkɔ Kain gbɛ lɛ, ni amɛkɔ shishiumɔ amɛfɔ̃ amɛnɔ tamɔ Bileam yɛ sɛɛnamɔ hewɔ, ni amɛhiɛ ekpãtã yɛ atuatsemɔ mli tamɔ Kora.

Kpojiemɔ 2:14

Shi kɛ̃lɛ mikɛ bo yɛ sane fioo yɛ ohe, no ji akɛ oyɛ mɛi yɛ jɛi ni hiɛ Bileam tsɔ̃ɔmɔ lɛ mli; Bileam ni tsɔ̃ɔ Balak akɛ etsɔ̃ Israelbii lɛ atsɔ̃ne ni amɛye wɔji afɔleshãanii ni amɛbɔ ajwamãŋ lɛ.

Kojolɔi 11:25

Aso oyɛ hewalɛ fe Balak, Zipor bi lɛ ni ji Moab maŋtsɛ lɛ? Ani ekɛ Israel epele nii ahe pɛŋ aloo ekɛ amɛ ewu pɛŋ?

Kojolɔi 5:11

Be ni atswaa saŋku yɛ nuyɛɛhei lɛ, amɛaagba Yehowa kunim lɛ, Israel okwaafoi akunim lɛ. Kɛkɛ ni Yehowa mɛi lɛ kpeleke shi kɛjɛ amɛmaji lɛ amli.

1 Samuel 12:7

No hewɔ lɛ, agbɛnɛ nyɛdamɔa shi nyɛmɛa koni mi kɛ nyɛ akojoa yɛ Yehowa hiɛ, yɛ nibii fɛɛ ni ekɛhere nyɛ kɛ nyɛtsɛmɛi lɛ ahewɔ.