Mika 6:16 - ŊMALƐ KRƆŊKRƆŊ LƐ

¹⁶ Enɛ baaba mli, ejaakɛ Maŋtsɛ Omri nibii gbohii lɛ kɛ ebi Ahab nibii fɔ̃ji lɛ, nomɛi anɔ nyɛtsa. No hewɔ lɛ, mahã nyɛmaji lɛ atsɔ̃ amaŋfɔ̃, ni abuŋ nyɛ, ni aaabo nyɛ ‘tsia’!”

Ṅmãle̱ Kroṅkroṅ Le̱

¹⁶ Edšake̱ ayeo̱ *Omri akpo̱i le̱ ke̱ Ahab we nifemo̱nii le̱ fiā no̱, ni nyenyieo̱ ye̱ ame̱ṅāwõi le̱ anā: beni afe ní mafeo amaṅfõ, ní mafe emli bii le̱ hũ tšiabōnõ; ní nyetĕre mimaṅ le̱ ahorabō̱ le̱! *1 Maṅ. 16,25. 29-33.

Mika 6:16 ပူးပေါင်းရင်းမြစ်များ

1 Maŋtsɛmɛi 18:4

ejaakɛ be ni Yezebel kpãtãa gbalɔi lɛ ahiɛ lɛ, Obadia ŋɔ gbalɔi oha, ni ekɛ amɛ tee tɛkploi enyɔ amli, mɛi nyɔŋmai enumɔenumɔ, ni ekɛ aboloo kɛ nu lɛ amɛ.

1 Maŋtsɛmɛi 9:8

Nɛkɛ Sɔlemɔ we nɛɛ baabutu kwraa, bɔ ni kɛji mɔ ko baho ni ena lɛ, ehe baajɔ̃ ehe, ni eeebo, ‘tsiaa!’ Mɛi aaabi akɛ, ‘Te eba tɛŋŋ ni Yehowa fee shikpɔŋ nɛɛ kɛ Sɔlemɔ we nɛɛ nɛkɛ?’

2 Maŋtsɛmɛi 16:3

Efee esha fe Israel maŋtsɛmɛi ni nyiɛ ehiɛ lɛ tete. Egbe lɛ diɛŋtsɛ emusuŋbi ekɛshã afɔle ehã amãgãi, nɔ ko ni Yehowa hiɔ, ni no hã eshwie jeŋmajiabii lɛ yɛ Israelbii lɛ ahiɛ lɛ.

2 Maŋtsɛmɛi 21:3

Ejaakɛ jamɔhei grɔŋŋi lɛ ni etsɛ Hezekia fite lɛ esaa emamɔ ekoŋŋ. Emamɔ afɔleshãa latɛi koni akɛshã afɔle ahã Baal; ni efee jemawɔŋ yoo Ashera amãgã tamɔ bɔ ni Israel Maŋtsɛ Ahab fee lɛ. Asaŋ Manase ja ŋwɛi ŋulamii lɛ, ni esɔ̃mɔ amɛ hu.

2 Kronika 22:4

Efee efɔŋ yɛ Yehowa hiɛ tamɔ Ahab fee lɛ, ejaakɛ etsɛ Yehoram gbele sɛɛ lɛ, Ahab we lɛ mli ajɛ ni awoɔ lɛ ŋaa ni naagbee mli aahu lɛ no kpãtã ehiɛ lɛ.

2 Kronika 34:25

Akɛni amɛkwa mi’, ni amɛyashã tsofakɛŋma amɛkɛhã jemawɔji; ni amɛkɛ amɛnifeemɔnii ewo mimli la hewɔ lɛ, mimli efu maŋ nɛɛ naakpa diɛŋtsɛ bɔ ni enaa la gboŋ.

Lalai 1:1

Ajɔɔ mɔ ni booo mɛi fɔ̃ji aŋaawoo toi, ni ekɛ eshafeelɔi ebɔɔɔ, ni etaaa hefɛoyelɔi ateŋ.

Lalai 44:13

Ohã mɛi ni bɔle wɔ lɛ bɔɔ wɔ ahora, mɛi ni bɔle wɔ lɛ yeɔ wɔhe fɛo ni amɛŋmɔɔ wɔ.

Lalai 44:14

Ohã wɔtsɔ̃mɔ mɛi ni abuuu amɛ yɛ majimaji lɛ ateŋ; wɔtsɔ̃mɔ hefɛoyelinii wɔhã majimaji lɛ.

Yesaia 25:8

Eeekpãtã gbele hiɛ kɛaatee nanɔ, ni Nuŋtsɔ Nyɔŋmɔ aaatsumɔ hiɛiaŋ yaafonui fɛɛ. Ebaafo emaŋ lɛ hiɛgbele lɛ sɛɛ yɛ shikpɔŋ muu lɛ fɛɛ nɔ. Yehowa diɛŋtsɛ wiemɔ nɛ.

Yesaia 9:16

Ejaakɛ mɛi ni nyiɛ maŋbii lɛ ahiɛ lɛ ehã maŋbii lɛ edu gbɛ, ni amɛ mɛi ni anyiɛ amɛhiɛ lɛ ahiɛ ekpãtã.

Yeremia 19:8

Mahã maŋ nɛɛ atsɔ̃ nyaŋemɔnɔ, ni abaabo lɛ ‘tsia!’ Ni mɔ fɛɛ mɔ ni aaatsɔ̃ jɛi kɛho lɛ he aaajɔ̃ ehe, ni ebaabo ‘tsia’ yɛ amanehulu ni maŋ lɛ ena lɛ hewɔ.

Yeremia 25:18

Yerusalɛm kɛ Yuda shikpɔŋ lɛ nɔ maji wuji lɛ kɛ amɛmaŋtsɛmɛi kɛ lumɛi lɛ fɛɛ koni amɛtsɔ̃mɔ amaŋfɔ̃ kɛ shiaŋa kɛ nɔ ni aboɔ lɛ ‘tsia!’ Kɛ loomɔnɔ tamɔ bɔ ni eyɔɔ ŋmɛnɛ gbi nɛɛ.

Yeremia 25:9

naa, mibatsu koni ayaŋɔ kooyigbɛ shikpɔji lɛ anɔ bii lɛ kɛ Babilon Maŋtsɛ Nebukadnezar hu abahã mi, ni mahã amɛfã ta kɛbatua Yuda shikpɔŋ nɛɛ kɛ enɔ bii lɛ kɛ shikpɔji krokomɛi fɛɛ ni bɔle lɛ lɛ. Mibakpãtã amɛhiɛ butuu, ni amɛaatsɔ̃ nyaŋemɔnɔ ni aboɔ lɛ ‘tsia!’ Ni amɛhiɛ aaashwie shi kɛya naanɔ.

Yeremia 29:18

Mibahã ta kɛ hɔmɔ kɛ gbele hela anyiɛ amɛsɛɛ, ni jeŋ maŋtsɛyelihei fɛɛ ni yɔɔ shikpɔŋ lɛ nɔ lɛ ahe baajɔ̃ amɛhe yɛ nɔ ni baaba amɛnɔ lɛ hewɔ. Amɛbaatsɔ̃ gbeyei nɔ amɛhã shikpɔŋ lɛ nɔ maŋtsɛyelihei fɛɛ, ni abaaye amɛhe fɛo, ni abaabɔ amɛ ahora, ni amɛbaatsɔ̃ mɛi ni alomɔ amɛ yɛ hei fɛɛ ni mibagbɛ amɛ mashwã kɛya lɛ.

Yeremia 51:51

Nyɛkɛɛ akɛ, ‘Wɔhiɛ egboi ejaakɛ wɔnu wɔhorabɔɔ lɛ kɛ wɔ diɛŋtsɛ wɔtoi, ni wɔhiɛ eshwie shi kpɔtɔɔ, ejaakɛ mɛi kpɔ̃ji ebabote Yehowa we lɛ mli hei krɔŋkrɔŋi lɛ.’

Yeremia 7:24

Shi amɛbooo mi toi lɛ, amɛyeee migbee nɔ hu; shi moŋ amɛyanyiɛ nɔ ni amɛ diɛŋtsɛ amɛjwɛŋmɔ kɛ amɛtsuii fɔ̃ji ni wa lɛ kɛɛ amɛ lɛ sɛɛ; ni no hewɔ lɛ, amɛ amɛjeŋba fite fe tsutsu lɛ.

Yāfó 5:1

Ao! Yehowa, kaimɔ nɔ ni eba wɔnɔ lɛ; kwɛmɔ bɔ ni wɔhiɛ eshwie shi!

Ezekiel 39:26

Kɛji amɛbahi amɛshikpɔŋ lɛ nɔ shweshweeshwe bɔ ni mɔ ko mɔ ko wooo amɛhe gbeyei lɛ, amɛhiɛ baakpa nɔ akɛ be ni amɛtɔ̃ minɔ lɛ amɛhiɛ shwie shi.

Daniel 9:16

Ao! Nuŋtsɔ, yɛ ojalɛ saneyeli hewɔ lɛ, ofainɛ, foo omli ni efu Yerusalɛm kɛ omli ni ewo lɛ la lɛ sɛɛ. Bo diɛŋtsɛ omaŋ kɛ gɔŋ krɔŋkrɔŋ ni. Eshai ni wɔfee kɛ eshai hu ni wɔtsɛmɛi lɛ fee lɛ hewɔ lɛ, omaŋ Yerusalɛm kɛ omaŋbii lɛ ahiɛ eshwie shi yɛ majimaji ni bɔle wɔ lɛ ahiɛ.

Hosea 12:14

Israelbii ewo Yehowa mli la naakpa; ni no hewɔ lɛ, esa akɛ amɛgboi; ni amɛmusu aaatere amɛ. Yehowa baagbala amɛtoi ejaakɛ amɛwo lɛ hiɛgbele.

Hosea 5:11

Efraim kã piŋmɔ mli. Nyɔŋmɔ ebu lɛ fɔ ejaakɛ etswa efai shi akɛ eyaanyiɛ yaka nii asɛɛ.

Mika 2:6

Mɛi shiɛɔ ni amɛkɛɔ akɛ, “Kaashiɛ owo wɔ. Kaashiɛ enɛɛmɛi nɛɛ owo wɔ; hiɛgbele ko bɛ ni baaba wɔnɔ.

Mika 6:13

No hewɔ lɛ, mije nyɛ nitswiamɔ kɛ hiɛkpãtãmɔ shishi momo yɛ nyɛhe eshai lɛ ahewɔ.

Kpojiemɔ 2:20

Shi kɛ̃lɛ mikɛ bo yɛ sane ko, akɛ oŋmɛ yoo Isabel ni tsɛɔ ehe gbalɔ yoo lɛ gbɛ ni etsɔ̃ɔ mitsuji lɛ anii, ni elakaa amɛ ni amɛbɔ ajwamãŋ ni amɛye wɔji afɔleshãanii.