Mika 6:14 - ŊMALƐ KRƆŊKRƆŊ LƐ

¹⁴ Nyɛaaye nii, shi nyɛtɔrɔŋ; ni hɔmɔ aaakã he aye nyɛ. Nyɛaaloo nii nyɛto, shi efeŋ shweshweeshwe, ni nɔ ni nyɛaabaa yi tete lɛ, makpãtã hiɛ yɛ ta mli.

Ṅmãle̱ Kroṅkroṅ Le̱

¹⁴ Ooye nii, ši oto̱ṅ, ši ohõmo̱ le̱ aahĩ omli kẽ; oodšienii; ši oke̱-yaṅ; ni noni oke̱-ate le̱, maṅõ-hã klante;

Mika 6:14 ပူးပေါင်းရင်းမြစ်များ

Yesaia 30:6

Kooloi ni yɔɔ wuoyigbɛ shiaŋa lɛ mli lɛ ahe ninaa nɛ, “Amɛtsɔ̃ɔ haomɔ kɛ hejaramɔ shikpɔŋ lɛ nɔ, he ni jatayoo kɛ jatanuu hũuɔ yɛ, he ni shinɔ kɛ onufu filikilɔ yɔɔ lɛ, ni amɛloɔ amɛnii ni amɛna lɛ amɛtereɔ tejibii ni amɛkɛ amɛjwetrii tereɔ yoomai kɛyaa maŋ ko ni he bɛ sɛɛnamɔ kɛha amɛ lɛ ŋɔɔ.

Yesaia 65:13

No hewɔ lɛ, bɔ ni Nuŋtsɔ Nyɔŋmɔ kɛɔ nɛ. Naa, mitsuji lɛ aaaye nii atɔ, shi nyɛ lɛ hɔmɔ baaye nyɛ. Naa, mitsuji lɛ aaana nu amɛnu, shi nyɛ lɛ kumai aaaye nyɛ Naa mitsuji lɛ aaanya, shi nyɛ lɛ nyɛhiɛ aaagboi.

Yesaia 9:20

Amɛaashara nii amɛye yɛ ninejurɔgbɛ, shi hɔmɔ aaaye amɛ kɛ̃, ni amɛaaye nii yɛ amɛbɛkugbɛ hu, shi amɛtɔrɔŋ. Mɔ fɛɛ mɔ aaaye enaanyo loo.

Yeremia 48:44

Mɔ ni aaajo gbeyei lɛ naa foi lɛ, eeeyagbee bu lɛ mli; ni mɔ ni aaakwɔ kɛje bu lɛ mli lɛ, eeeyadu tsɔne lɛ. Ejaakɛ mahã nɛkɛ jaramɔi nɛɛ aba Moabbii anɔ, afi nɔ ni mibagbala amɛtoi lɛ.

Ezekiel 5:12

Gbele hela kɛ hɔmɔ baaplene oyikulɛ mlijaa etɛ̃ mli ekome yɛ omli, mlijaa etɛ̃ mli ekome baanyɔnyɔɔ yɛ klante naa yɛ maŋ lɛ sɛɛ; ni oyikulɛ mlijaa etɛ̃ mli ekome lɛ, magbɛ amɛ mashwã jeŋ koji ejwɛ lɛ fɛɛ ni mafã klante kɛnyiɛ amɛsɛɛ.

Hosea 4:10

Amɛbaaye nii nɛ, shi amɛtɔrɔŋ, ni amɛaabɔ ajwamãŋ nɛ, shi amɛshwereŋ kɛ bii, ejaakɛ amɛkwa mi, Yehowa, ni amɛtee wɔji moŋ aŋɔɔ.”

3 Mose 26:26

Mafo nyɛŋmãa ni nyɛnaa nyɛyeɔ sɛɛ lɛ; ni no baahã yei nyɔŋma ashã aboloo fɛɛ ni nyɛyɔɔ shãa lɛ yɛ flɔnɔɔ kome pɛ mli. Aboloo lɛ hu abaaŋmɛ kɛ nsɛni ahã nyɛ nyɛye; ni nyɛaaye nɛ shi nyɛtɔrɔŋ.

Hagai 1:6

Nyɛduɔ nii babaoo, shi fioo pɛ nyɛnaa nyɛkpaa. Nyɛyeɔ nii, shi nyɛtɔrɔɔɔ; ni nyɛnuɔ dãa shi nyɛtɔrɔɔɔ dãa. Nyɛbuɔ mama, shi mɔ ko mɔ ko he efeee kulɔɔ. Ni mɔ ni yeɔ apaa ni awoɔ lɛ nyɔmɔ hu lɛ, ekɛwoɔ kotoku ni shishi egbulɔ mli.”

Hagai 2:16

te nyɛyaa ŋmãakuu, ni be mli ni nyɛmiikwɛ gbɛ akɛ nyɛbaana ŋmãa kei ohai enyɔ lɛ, nyɛyaninaa kei oha pɛ? Mɔ ni baa wain bu naa akɛ eeba ebayɛ wain gbɛi oha lɛ, ebaninaa wain gbɛi nyɔŋmai enumɔ pɛ?