Mika 5:8 - ŊMALƐ KRƆŊKRƆŊ LƐ

⁸ Israelbii ni aaashwɛ yɛ maji lɛ ateŋ lɛ aaatamɔ jata yɛ kooŋ kooloi ateŋ, aloo tamɔ jata oblanyo yɛ tookui ateŋ. Kɛji eegbɔbi kɛbote kooloi lɛ ateŋ lɛ, ehuruɔ eyiɔ amɛnɔ, ni etserɛɔ amɛmli, ni jielɔ ko bɛ.

Ṅmãle̱ Kroṅkroṅ Le̱

⁸ Wó onine no̱ ye̱ ohaolo̱i le̱ ano̱, ní obenye̱lo̱i le̱ fẽ aplenē!

Mika 5:8 ပူးပေါင်းရင်းမြစ်များ

1 Mose 49:9

Yuda lɛ, jata binuu ni; mibi yagbe milɛloo ni eku esɛɛ eeba! Eedɛkɛ shi, eebumɔ shi tamɔ jata, tamɔ jatayoo; namɔ aaanyɛ lɛ ajije?

Lalai 104:20

Ohãa duŋ woɔ, ni je naa; no mli kooŋ kooloi fɛɛ jeɔ kpo.

Lalai 44:5

Ohewalɛ naa wɔtsirɛɔ wɔhenyɛlɔi wɔtswiaa shi yɛ; ogbɛi mli wɔnaanaa mɛi ni teɔ shi woɔ wɔ lɛ anɔ yɛ.

Lalai 50:22

Agbɛnɛ, nyɛ mɛi ni nyɛhiɛ ekpa Nyɔŋmɔ nɔ lɛ, nyɛkadia enɛ kɛjeee nakai lɛ, mibatserɛ nyɛmli dukuduku ni mɔ ko bɛ ni baahere nyɛyiwala.

Abe̱i 30:30

Nomɛi ji jata, ni ji kooloi ateŋ ekãalɔ fe fɛɛ, ni etsɔ̃ɔɔ esɛɛ ehãaa mɔ ko mɔ ko

Yesaia 5:29

Amɛhuuɔ tamɔ jata, amɛhuuɔ tamɔ jata oblahii pɛ; amɛshiɔ amɛsɛŋ ni amɛyeɔ kooloo ni amɛgbɔbiɔ lɛ nɔ, ni amɛmɔɔ lɛ kɛyaa, ni mɔ ko nyɛɛɛ kooloo ni amɛmɔ lɛ yiwala ahere.

Ezekiel 39:10

Bɔ ni afee ni amɛkayalɛ lai kɛjɛ ŋa nɔ, ni amɛkayafolɔ tsei hu kɛjɛ koo mli; ejaakɛ amɛkɛ tawuu nibii lɛ baafee lai amɛshã. Mɛi ni ha amɛnibii lɛ, agbɛnɛ amɛ hu amɛaaha amɛ nibii amɛtse; ni mɛi ni tswa amɛ ojo lɛ, amɛ hu amɛaatswa amɛ ojo amɛtse.” Nuŋtsɔ Yehowa kɛɛ.

Hosea 5:14

Mibahuru tamɔ jata mayi Israel kɛ Yuda hu nɔ, ni mi diɛŋtsɛ mibatserɛ amɛmli, kɛkɛ lɛ mishi amɛ mitee. Mashãtã amɛ kɛya ni mɔ ko mɔ ko nyɛŋ amɛyiwala ehere.

Mika 2:12

“Shi bɔ fɛɛ bɔ ni fee lɛ, mabua nyɛnaa, nyɛ Israelbii fɛɛ ni eshwɛ. Mabua nyɛnaa tamɔ too gwantɛŋ ku kome; mabua nyɛnaa tamɔ too ku yɛ amɛniyelihe yɛ ŋa nɔ; nyɛshikpɔŋ lɛ nɔ baashi hoo ekoŋŋ kɛ gbɔmɛi.”

Mika 4:13

Yehowa kɛɛ, “Yerusalɛmbii, nyɛtea shi; ni nyɛgbea nyɛhenyɛlɔi lɛ tamɔ agbeɔ ŋmãa! Mahã nyɛhe awa tamɔ tsinanuu kɛ eklontoi ni wa tamɔ dade kɛ ekoklotoi hu ni wa tamɔ akɔɔble. Nyɛaaye maji pii anɔ kunim; ni nyɛaajɔɔ haanii ni amɛshɔ̃ aklanaŋ naa lɛ nɔ nyɛhã mi, mi ni ji je lɛ fɛɛ Nuŋtsɔ lɛ.”

Mika 4:7

Ni mikɛ akpaketsɛmɛi ni yɔɔ maŋsɛɛ shɔŋŋ, kɛ maŋ, mɛi ni eshwɛ lɛ baaje shishi, ni mafee amɛ maŋ ni da agbo. Ni Yehowa aaaye amɛnɔ maŋtsɛ yɛ Zion Gɔŋ lɛ nɔ kɛaajɛ nakai be lɛ kɛaatee naanɔ fɛɛ.”

Mika 5:3

No hewɔ lɛ, Yehowa aaaŋmɛɛ emaŋ lɛ he ehã amɛhenyɛlɔi lɛ kɛyashi beyinɔ ni yoofɔyoo lɛ aaafɔ ebinuu lɛ, ni enyɛmimɛi lɛ ateŋ mɛi ni eshwɛ ni yɔɔ nomŋɔɔ mli lɛ aaaku amɛsɛɛ kɛaaba amɛnyɛmɛi Israelbii lɛ aŋɔɔ.

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

Zakaria 10:5

Yudabii lɛ aaatsɔmɔ kãkãlɔi yɛ ta mli, ni amɛaanaanaa amɛhenyɛlɔi anɔ yɛ blohuiaŋ tamɔ anaa ŋmiamɔ. Amɛbaawu tai ni amɛaahã amɛhenyɛlɔi tabilɔi okpɔŋɔianɔtralɔi ahiɛ ashwie shi, ejaakɛ Yehowa kɛ amɛ yɛ.

Zakaria 11:6

“No hewɔ lɛ, minaŋ mɔ ko mɔ ko mɔbɔ dɔŋŋ yɛ shikpɔŋ nɛɛ nɔ; naa, maŋmɛɛ mɔ fɛɛ mɔ he mawo enɔkwɛlɔ kɛ emaŋtsɛ hu dɛŋ. Ni nɔkwɛlɔi nɛɛ baakpãtã shikpɔŋ lɛ hiɛ ni mihereŋ mɔ ko mɔ ko yiwala.

Zakaria 12:3

Nakai be lɛ mli lɛ mahã Yerusalɛm atsɔ̃ tɛ ni tsii mahã maji ni bɔle lɛ lɛ. Maŋ fɛɛ maŋ ni aaaka tɛ nɛɛ nɔ womɔ lɛ aaapila. Ni shikpɔŋ lɛ nɔ majimaji krokomɛi fɛɛ aaafee ekome amɛte shi amɛwo Yerusalɛm.

Zakaria 14:18

Ni kɛji Ijiptbii lɛ hu eyaaa Yerusalɛm koni amɛyaye Asesei Agbijurɔ lɛ eko lɛ, no lɛ amɛhu haomɔ ni Yehowa ha eba maji lɛ ni yayeee Asesei Agbijurɔ lɛ eko lɛ anɔ lɛ aaaba amɛ hu amɛnɔ.

Zakaria 9:15

Yehowa, Taiatsɛ lɛ, aaabu emɛi ahe; Amɛaatserɛ amɛhenyɛlɔi amli, ni amɛaanaanaa amɛ nɔ. Amɛaashwie amɛhenyɛlɔi alá shi ni lá lɛ aaaho tamɔ afɔleshãa kooloo lá ni afɔse kɛmiijɛ okpolu mli aashwie afɔleshãa latɛ nɔ.

Maleaki 4:3

Gbi nɔ ni mibatsu minii nɛɛ lɛ, nyɛbaanaanaa mɛi fɔ̃ji lɛ anɔ yɛ nyɛnajiashi ejaakɛ amɛtsɔ̃mɔ lamlu.” Yehowa kɛɛ.

4 Mose 24:9

Edɛke shi; ebu shi tamɔ jata, tamɔ jatayoo; namɔ aaatsiɛ lɛ? Mɔ fɛɛ mɔ ni jɔɔ bo lɛ, aaajɔɔ lɛ, ni mɔ fɛɛ mɔ ni lomɔɔ bo lɛ, aaalomɔ lɛ.”

Mateo 10:14

Ni kɛji mɔ ko hereee nyɛ, ni ebooo nyɛwiemɔi lɛ atoi lɛ, kɛ nyɛmiije nakai shĩa lɛ loo nakai maŋ lɛ mli lɛ, nyɛkpokpoa nyɛnajiashi mlu lɛ.

Bɔfoi 18:6

Shi akɛni amɛkuɔ enaa ni amɛwieɔ musubɔɔ wiemɔi hewɔ lɛ, ekpala ehe eshwie amɛnɔ ni ekɛɛ amɛ akɛ, “Nyɛlá abua nyɛyiteŋ; mi lɛ sɔ̃ ko wulaaa mi. Kɛjɛ be nɛ nɔ kɛyaa nɛɛ, matee jeŋmajiaŋbii lɛ aŋɔɔ.”

Hebribii 12:25

Nyɛkwɛa ni ahĩa, koni nyɛkakwa mɔ ni wieɔ lɛ, ejaakɛ kɛ mɛi ni kwa mɔ ni wie tsɔ̃ɔ amɛ yɛ shikpɔŋ lɛ nɔ lɛ ahe ejeee mli lɛ, belɛ wɔ lɛ, wɔhe ejeŋ mli kwraa kɛji wɔkpale kɛjɛ mɔ ni jɛɔ ŋwɛi wieɔ lɛ he.

Hebribii 2:3

te wɔ lɛ wɔbaafee tɛŋŋ wɔjo nyɔmɔwoo naa foi hu, kɛji wɔbuuu nɛkɛ yiwalaheremɔ kpeteŋkple nɛɛ lɛ? Nuŋtsɔ lɛ tsutsu wie he, ni mɛi ni nu lɛ hu ma nɔ mí amɛhã wɔ,