Mika 5:7 - ŊMALƐ KRƆŊKRƆŊ LƐ

⁷ Israelbii ni aaashwɛ lɛ aaatamɔ ŋwɛi bɔ ni Yehowa hãa enyɔɔ maji pii anɔ lɛ. Mɛi ni aaashwɛ lɛ aaatamɔ futufuli ni shwãa jwɛfɔ nɔ. Amɛkɛ amɛhe aaafɔ̃ Yehowa nɔ, shi jeee gbɔmɔ adesa ko nɔ.

Ṅmãle̱ Kroṅkroṅ Le̱

⁷ Ni Iakob ſē̱nõ le̱ aatšṍ ye̱ dšeṅmãdši le̱ amli ke̱ mãdšimãdši pī ateṅ tamo̱ dšata ye̱ kōṅ koloi ateṅ, lo tamo̱ dšata oblanyo ye̱ tōikui ateṅ, ní ké̱ ebatšṍ mli ke̱-ho le̱, *enānāa no̱ ní etšere̱o̱ mli, ní dšielo̱ ko be̱ le̱. *Lal. 7,3. 6.

Mika 5:7 ပူးပေါင်းရင်းမြစ်များ

2 Samuel 17:12

Ni wɔbaatiu David kɛya he fɛɛ he ni eyɔɔ, ni be ni eeehɛle shi lɛ wɔɔɔshwie enɔ tamɔ bɔ nyɔɔ lɛ, ni lɛ kɛ mɛi ni fata ehe lɛ, amɛteŋ mɔ kome nɛkɛ eshwɛŋ.

Lalai 110:3

Gbi nɔ ni ooofã ta lɛ, omaŋbii lɛ aaaba oŋɔɔ yɛ amɛ diɛŋtsɛ amɛsuɔmɔ naa. Oblahii lɛ aaaba oŋɔɔ tamɔ leebi bɔ yɛ ogɔŋ krɔŋkrɔŋ lɛ nɔ.

Lalai 133:3

Etamɔ Hermon bɔ ni nyɔɔ Zion gɔji lɛ anɔ lɛ. Ejaakɛ Yehowa ewo Zion jɔɔmɔ kɛ wala he shi kɛyaashi naanɔ.

Lalai 72:6

Maŋtsɛ atsɔ̃ tamɔ nu ni nɛɔ jwɛi ni ashwao nɔ; etsɔ̃ tamɔ futufuli ni shwãa shikpɔŋ gbiŋ nɔ.

Abe̱i 19:12

Maŋtsɛ mlifu tamɔ jata huumɔ; shi kɛ ena mɔ he tsui lɛ, etamɔ bɔ ni jwere jwɛi nɔ.

Yesaia 32:15

Be miiba ni Nyɔŋmɔ aaafɔse Mumɔ lɛ kɛaajɛ ŋwɛi eshwie wɔnɔ, ni shiaŋa lɛ aaatsɔ̃ shikpɔŋ ni baa nii, ni shikpɔŋ ni baa nii aaatsɔ̃ koo.

Yesaia 44:3

Ejaakɛ mibanɛ nu mashwie shikpɔŋ ni yeɔ nu kumai nɔ, ni mahã fai atue yɛ shikpɔŋ gbiŋ lɛ nɔ. Mahã oshwiei ayimɔ obɔ̃bɔ̃ kɛ mimumɔ lɛ, ni mijɔɔmɔ aaahi oshwiei anɔ.

Yesaia 55:10

“Ejaakɛ bɔ ni nu kɛ snoo nɛɔ kɛjɛɔ ŋwɛi shwieɔ shi, ni ekuuu esɛɛ kɛyaaa ŋwɛi, akɛ ja eha shikpɔŋ lɛ nu, ni eha eba nii, ni ewo yibii, ni eha nidulɔ wui, ni ekɛ niyenii eha mɔ ni yeɔ lɛ.

Yesaia 66:19

ni amɛaana okadi ni tsɔ̃ɔ akɛ mi ji mɔ ni gbalaa amɛtoi lɛ. “Ni matsu mɛi ni ahe baaje toigbalamɔ lɛ mli lɛ kɛaatee Tarshish kɛ Libia kɛ Lud, ni ji gãitsɛ̃lɔi amaŋ lɛ. Matsu kɛya Tubal kɛ Helabii ŋshɔkpɔi ni yɔɔ shɔŋŋ ni amɛnuko mihe, asaŋ amɛnako minunyam lɛ bii hu aŋɔɔ. Amɛaajaje minunyam lɛ amɛtsɔ̃ɔ yɛ jeŋmaji lɛ ateŋ.

Yeremia 14:22

Ani majimaji lɛ alagbãalagbã wɔji lɛ ateŋ eko nyɛɔ ehãa nu nɛɔ? Loo ŋwɛi tete nyɛɔ lɛ diɛŋtsɛ ehãa nu nɛɔ? Ao! Yehowa, wɔNyɔŋmɔ, bo pɛ gbɛ wɔkwɛɔ, ejaakɛ bo pɛ otsuɔ enɛɛmɛi fɛɛ kwa.

Ezekiel 14:22

“Ni kɛji hiɛkãalɔi komɛi aaashwɛ yɛ maŋ lɛ mli, ni amɛaanyɛ amɛhere amɛbihii kɛ biyei ayiwala lɛ, kɛji nakai bihii kɛ biyei lɛ ba nyɛŋɔɔ ni nyɛna amɛjeŋba kɛ amɛnifeemɔi pɛ, nyɛbaanu shishi akɛ toigbalamɔ ni mikɛba Yerusalɛm yɛ enifɔɔji anii ni efee lɛ he lɛ, esa lɛ.

Ezekiel 47:1

Nuu lɛ kɛ mi ku sɛɛ kɛba Sɔlemɔ we lɛ shinaa lɛ shi ekoŋŋ; ni naa, nu miiho kɛmiijɛ Sɔlemɔ we lɛ shinaa kpoku lɛ shishi kɛmiiya bokãgbɛ he ni Sɔlemɔ we lɛ hiɛgbɛ kwɛɔ lɛ. Nu lɛ miiho kɛmiijɛ Sɔlemɔ we lɛ wuoyigbɛ yɛ shinaa lɛ kpoku lɛ shishi, yɛ afɔleshãa latɛ lɛ wuoyigbɛ.

Ezekiel 5:5

Bɔ ni Nuŋtsɔ Nyɔŋmɔ kɛɛ nɛ, “Yerusalɛm nɛ; mikɛ lɛ ema majimaji ateŋ, ni shikpɔji krokomɛi ebɔle he kɛkpe.

Daniel 11:32

Ekɛ naadɔkɔmɔ baalaka mɛi ni ekwa jamɔ lɛ; shi mɛi ni miiye amɛNyɔŋmɔ lɛ anɔkwa lolo lɛ baadamɔ shi kpɛŋŋ amɛshi lɛ.

Hosea 14:5

Mibatsɔ̃ tamɔ bɔ ni enyɔ shiaŋa nɔ mahã Israelbii. Amɛbaagba floŋŋ tamɔ fɔfɔi; ni amɛfãi aaaya su mli shɔŋŋ tamɔ Lebanon tsei.

Hosea 6:3

Nyɛhãa wɔbɔa mɔdɛŋ wɔlea Yehowa. Bɔ ni ŋwanejee ko bɛ he akɛ daa gbi lɛ je tsɛreɔ lɛ, nakai nɔŋŋ ŋwanejee ko bɛ he akɛ Yehowa baajie ehe kpo etsɔ̃ɔ wɔ. Ebaaba wɔŋɔɔ tamɔ Agbiɛnaa nunɛmɔ tueɔ shwieɔ shikpɔŋ lɛ nɔ lɛ.”

Yoel 2:32

Shi mɔ fɛɛ mɔ ni aaasɔle atsɛ Yehowa gbɛi lɛ, aaahere eyi wala. Ni tamɔ bɔ ni Yehowa ekɛɛ lɛ. Mɛi komɛi ahe aaaje mli, yɛ Zion Gɔŋ, Yerusalɛm; mɛi ni mahala lɛ ayi aaana wala.”

Mika 2:12

“Shi bɔ fɛɛ bɔ ni fee lɛ, mabua nyɛnaa, nyɛ Israelbii fɛɛ ni eshwɛ. Mabua nyɛnaa tamɔ too gwantɛŋ ku kome; mabua nyɛnaa tamɔ too ku yɛ amɛniyelihe yɛ ŋa nɔ; nyɛshikpɔŋ lɛ nɔ baashi hoo ekoŋŋ kɛ gbɔmɛi.”

Mika 4:13

Yehowa kɛɛ, “Yerusalɛmbii, nyɛtea shi; ni nyɛgbea nyɛhenyɛlɔi lɛ tamɔ agbeɔ ŋmãa! Mahã nyɛhe awa tamɔ tsinanuu kɛ eklontoi ni wa tamɔ dade kɛ ekoklotoi hu ni wa tamɔ akɔɔble. Nyɛaaye maji pii anɔ kunim; ni nyɛaajɔɔ haanii ni amɛshɔ̃ aklanaŋ naa lɛ nɔ nyɛhã mi, mi ni ji je lɛ fɛɛ Nuŋtsɔ lɛ.”

Mika 4:7

Ni mikɛ akpaketsɛmɛi ni yɔɔ maŋsɛɛ shɔŋŋ, kɛ maŋ, mɛi ni eshwɛ lɛ baaje shishi, ni mafee amɛ maŋ ni da agbo. Ni Yehowa aaaye amɛnɔ maŋtsɛ yɛ Zion Gɔŋ lɛ nɔ kɛaajɛ nakai be lɛ kɛaatee naanɔ fɛɛ.”

Mika 5:3

No hewɔ lɛ, Yehowa aaaŋmɛɛ emaŋ lɛ he ehã amɛhenyɛlɔi lɛ kɛyashi beyinɔ ni yoofɔyoo lɛ aaafɔ ebinuu lɛ, ni enyɛmimɛi lɛ ateŋ mɛi ni eshwɛ ni yɔɔ nomŋɔɔ mli lɛ aaaku amɛsɛɛ kɛaaba amɛnyɛmɛi Israelbii lɛ aŋɔɔ.

Mika 5:8

Israelbii ni aaashwɛ yɛ maji lɛ ateŋ lɛ aaatamɔ jata yɛ kooŋ kooloi ateŋ, aloo tamɔ jata oblanyo yɛ tookui ateŋ. Kɛji eegbɔbi kɛbote kooloi lɛ ateŋ lɛ, ehuruɔ eyiɔ amɛnɔ, ni etserɛɔ amɛmli, ni jielɔ ko bɛ.

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

Zefania 3:13

amɛ mɛi ni baashwɛ yɛ Israel lɛ. Amɛfeŋ nɔfɔŋ lɛ, amɛmaleŋ lɛ, mɔshishiumɔ wiemɔ ko ejeŋ amɛnaa. Amɛbaahi shi, ni amɛbaashwere, ni mɔ ko woŋ amɛhe gbeyei.”

Zakaria 14:8

Nakai gbi lɛ nɔ lɛ wala nu baaho kɛaajɛ Yerusalɛm; fã kome kɛ enaa baaya ayawo Ŋoo Ŋshɔ lɛ mli, ni fã kome lɛ hu kɛ enaa baaya ayawo Mediterenia Ŋshɔ lɛ mli. Hulutsoobe kɛ fɛ̃ibe mli fɛɛ lɛ nu nɛɛ baakã he eho.

Zakaria 9:13

Ejaakɛ midɔ Yuda mli tamɔ gãitso, ni mikɛ Efraim efee egãimlibi. Bo Zion, matee obihii lɛ ashi, ni amɛaatsɔ̃ tamɔ tatsɛ klante yɛ midɛŋ, yɛ bo, Hela, obihii lɛ anɔ.”

Mateo 28:19

No hewɔ lɛ, nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi lɛ kɛ Mumɔ Krɔŋkrɔŋ lɛ gbɛi mli,

Bɔfoi 11:15

Shi be ni mibɔ̃i wiemɔ lɛ, Mumɔ Krɔŋkrɔŋ lɛ bayi amɛnɔ, tamɔ bɔ ni eyi wɔ hu wɔnɔ tsutsu lɛ.

Bɔfoi 13:46

Ni Paulo kɛ Barnaba wie kɛ ekãa amɛkɛɛ, “Kulɛ nyɛ tsutsu esa akɛ ajaje Nyɔŋmɔ wiemɔ lɛ atsɔ̃ɔ; shi akɛni nyɛŋwã wiemɔ lɛ ni nyɛbuuu nyɛhe akɛ nyɛsa naanɔ wala lɛ hewɔ lɛ, naa, wɔdɔ wɔyi kɛmiiya jeŋmajiaŋbii lɛ aŋɔɔ.

Bɔfoi 16:9

Ni nyɔɔŋ lɛ Paulo na yɛ ninaa mli akɛ nuu Makedonianyo ko damɔ shi miikpa lɛ fai akɛ, “Ba Makedonia ni obaye obua wɔ!”

Bɔfoi 9:15

Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ.

Romabii 10:20

Yesaia kɛ ekãa kɛɛ, “Mihã mɛi ni taooo mi lɛ na mi, Ni mijie mihe kpo mitsɔ̃ɔ mɛi ni biko mishi lɛ.”

Romabii 11:12

Shi kɛ amɛshigbeemɔ lɛ tsɔ̃ je lɛ ninamɔ, ni amɛnɔgbɔmɔ lɛ hu tsɔ̃ jeŋmaji aninamɔ lɛ, belɛ amɛyifalɛ lɛ te eeehã ninamɔ lɛ afee tɛŋŋ?

Romabii 9:30

Belɛ te wɔɔkɛɛ tɛŋŋ? Akɛ jeŋmajiaŋbii ni ediii jalɛ sɛɛ lɛ ena jalɛ ni ji jalɛ ni jɛ hemɔkɛyeli mli lɛ;

1 Korintobii 3:6

Mi lɛ, mitɛo; Apolo shwie nɔ nu; shi Nyɔŋmɔ hã eda.

5 Mose 32:2

Mitsɔ̃ɔmɔ aaashwie shi tamɔ nu ni miinɛ, ni eeenyɔ tamɔ bɔ, tamɔ futufuli ni miishwã jwɛfɔ nɔ, tamɔ nu kulibii yɛ bai anɔ.

Kojolɔi 6:36

Kɛkɛ ni Gideon kɛɛ Nyɔŋmɔ akɛ, “Kɛji minine nɔ obaatsɔ ohere Israel tamɔ bɔ ni okɛɛ lɛ,