Mika 5:6 - ŊMALƐ KRƆŊKRƆŊ LƐ

⁶ Amɛkɛ klante aaaye Asiria shikpɔŋ lɛ nɔ, Nimrod Shikpɔŋ lɛ. Amɛaahere wɔ kɛaajɛ Asiriabii lɛ adɛŋ, kɛji amɛba amɛbashimɔshimɔɔ shi yɛ wɔshikpɔŋ lɛ nɔ lɛ.

Ṅmãle̱ Kroṅkroṅ Le̱

⁶ Ni Iakob ſē̱nõ le̱ aatšṍ *tamo̱ bó̱ ní dše̱ Iehowa ṅõ ye̱ mãdšimãdši pī ateṅ, tamo̱ futufuli ní ſãa dſe̱i no̱, ní emẽẽ gbomo ko gbomo ko, ní ekwe̱e̱ gbomei abii agbe̱ le̱. *Lal. 110,3.

Mika 5:6 ပူးပေါင်းရင်းမြစ်များ

2 Maŋtsɛmɛi 15:29

Israel Maŋtsɛ Peka yinɔ lɛ Tiglat-Pileser, Asiria maŋtsɛ lɛ, fã ta kɛba Israel. Ebaŋɔ Gilead kɛ Galilea shikpɔji lɛ kɛ amɛmli maji nɛɛ: Iyon, Abel-Bet-Maaka, Yanoa, Kedesh, Hazor. Eŋɔ Naftali shikpɔŋ muu lɛ fɛɛ hu. Kɛkɛ ni eŋɔ Israelbii fɛɛ ni yɔɔ shikpɔŋ nɛɛ nɔ lɛ nom kɛtee Asiria.

1 Kronika 1:10

Kush fɔ binuu ko ni atsɛ lɛ akɛ Nimrod. Lɛ eje shishi efee ehe nuu kãkãlɔ yɛ shikpɔŋ lɛ nɔ.

2 Kronika 33:11

No hewɔ lɛ, Yehowa hã Asiria maŋtsɛ tatsɛmɛi lɛ fã ta kɛba, ni amɛbatua Yuda. Amɛmɔ Manase, ni amɛkɛ kpoŋ lala lɛ, ni amɛwo lɛ akɔɔble gboklɛ, ni amɛkpala lɛ kɛtee Babilon.

Hiob 29:22

Kɛji miwie sɛɛ lɛ, mɔ ko ewieee dɔŋŋ; ni miwiemɔi lɛ boteɔ amɛmli.

Lalai 110:3

Gbi nɔ ni ooofã ta lɛ, omaŋbii lɛ aaaba oŋɔɔ yɛ amɛ diɛŋtsɛ amɛsuɔmɔ naa. Oblahii lɛ aaaba oŋɔɔ tamɔ leebi bɔ yɛ ogɔŋ krɔŋkrɔŋ lɛ nɔ.

Lalai 72:6

Maŋtsɛ atsɔ̃ tamɔ nu ni nɛɔ jwɛi ni ashwao nɔ; etsɔ̃ tamɔ futufuli ni shwãa shikpɔŋ gbiŋ nɔ.

Yesaia 14:2

Maŋsɛɛbii aaawa Israelbii lɛ kɛaayashɛ Israelbii ashikpɔŋ lɛ nɔ, ni amɛaatsɔ̃mɔ hii nyɔji kɛ yei nyɔji aha Israelbii lɛ. Israelbii lɛ aaaŋɔ mɛi ni ŋɔ amɛ nom lɛ nom, ni amɛaaye mɛi ni fee amɛ niseniianii lɛ anɔ akɛ nuŋtsɔmɛi.

Yesaia 14:25

No ji akɛ mibakpãtã Asiriabii ni yɔɔ mishikpɔŋ, Israel, nɔ lɛ ahiɛ. Mibanaanaa amɛnɔ yɛ migɔji lɛ anɔ, ni mikɛbaawó Asiriabii apã ni kã Israelbii anɔ lɛ kɛje amɛkuɛ.”

Yesaia 33:1

Kpoo hã bo, fitelɔ, bo mɔ ni bo diɛŋtsɛ lɛ afiteko bo. Kpoo hã bo, bo mɔshishinyiɛlɔ ni mɔ ko enyiɛko oshishi. Kɛji ogbe onifitemɔ lɛ naa lɛ, bo hu abaakpãtã ohiɛ; ni kɛji ogbe mɔshishinyiɛmɔ lɛ naa lɛ, bo hu abaanyiɛ oshishi.

Yesaia 37:36

Yehowa bɔfo ko tee Asiria tabilɔi lɛ ashitoohe lɛ mli, ni eyagbe mɛi akpei oha kɛ nyɔŋmai kpaanyɔ kɛ enumɔ. Be ni ate shi leebi maŋkpa lɛ, naa gbɔmɛi lɛ jwere shi ni amɛgboi.

Yesaia 37:37

Kɛkɛ ni Asiria Maŋtsɛ Sankerib gbala ehe shi, ni eku esɛɛ etee shĩa, ni eyahi Nineve.

Yesaia 6:13

Ni kɛji eshwɛ maŋbii lɛ amlijaa nyɔŋma mli ekome tete yɛ shikpɔŋ lɛ nɔ lɛ, aaaku sɛɛ akpãtã amɛhiɛ. Shi amɛaatsɔ tamɔ tso kpele ni atoo agbee shi ni eshwɛ ekuku yɛ su mli. Tso kuku nɛɛ lɛ dumɔ wu krɔŋkrɔŋ ni.”

Yeremia 14:22

Ani majimaji lɛ alagbãalagbã wɔji lɛ ateŋ eko nyɛɔ ehãa nu nɛɔ? Loo ŋwɛi tete nyɛɔ lɛ diɛŋtsɛ ehãa nu nɛɔ? Ao! Yehowa, wɔNyɔŋmɔ, bo pɛ gbɛ wɔkwɛɔ, ejaakɛ bo pɛ otsuɔ enɛɛmɛi fɛɛ kwa.

Nahum 2:11

Nɛgbɛ maŋ lɛ ni tsɔ̃ tamɔ jata oblahii ashihilɛhe lɛ yɔɔ, he ni jata shãtã eniyenii kɛtee ebii aŋɔɔ yɛ, ni mɔ ko gbaaa enaa lɛ?

Zefania 2:13

Yehowa baakpã enine mli kɛshɛ kooyigbɛ kɛkpãtã Asiria hiɛ; ni ebaahã Nineve maŋ lɛ atsɔ̃ amaŋfɔ̃, ni enɔ baagbi wesewese tamɔ shiaŋa nɔ.

Zefania 3:12

ejaakɛ mibashi gbɔmɛi omlɛfoi kɛ humii pɛ yɛ nyɛteŋ. Amɛbaatao abobaahe yɛ Yehowa gbɛi mli,

Luka 1:71

akɛ eeehere wɔyiwala kɛaajɛ wɔhenyɛlɔi kɛ mɛi fɛɛ ni he tsɛ̃ɔ wɔ lɛ adɛŋ.

Luka 1:74

akɛ eeehã ajie wɔ yɛ wɔhenyɛlɔi adɛŋ ni wɔsɔmɔ lɛ ni gbeyeishemɔ ko bɛ mli

Luka 24:27

Ni ebɔ̃i kɛjɛ Mose kɛ Gbalɔi lɛ fɛɛ nɔ, ni etsɔ̃ɔ amɛ nibii ni yɔɔ Ŋmalɛi lɛ fɛɛ mli yɛ ehe lɛ ashishi.

5 Mose 32:2

Mitsɔ̃ɔmɔ aaashwie shi tamɔ nu ni miinɛ, ni eeenyɔ tamɔ bɔ, tamɔ futufuli ni miishwã jwɛfɔ nɔ, tamɔ nu kulibii yɛ bai anɔ.