Mika 5:5 - ŊMALƐ KRƆŊKRƆŊ LƐ

⁵ ni ekɛ hejɔlɛ aaaba. Kɛji Asiriabii lɛ aaabatua wɔshikpɔŋ lɛ, kɛji amɛaafite wɔmɔji ni buɔ wɔhe lɛ ni amɛaatsɔ̃ mli kɛho lɛ, no lɛ wɔɔtee hiɛnyiɛlɔi kãkãlɔi babaoo shi wɔwo amɛ.

Ṅmãle̱ Kroṅkroṅ Le̱

⁵ Ni ame̱ke̱ klante aalè̱ Ašur šikpoṅ le̱ ke̱ Nimrod šikpoṅ le̱ ye̱ egbói le̱ anā; ni eeherewo̱ ke̱-dše̱ Ašur deṅ, ké̱ eba wo̱šikpoṅ le̱ no̱, ni ebanānā wo̱hūsũi le̱ ano̱ le̱.

Mika 5:5 ပူးပေါင်းရင်းမြစ်များ

Hiob 5:19

Ebaajie bo yɛ amanehului babaoo amli hu, nɔ ko nɔ ko efeŋ bo.

Lalai 72:7

Jalɛ saneyeli ashwere yɛ elumɔyeli be lɛŋ, ni toiŋjɔlɛ aba babaoo kɛyaashi beyinɔ ni nyɔɔŋtsere bɛ dɔŋŋ.

Abe̱i 30:18

Nibii etɛ̃ yɛ ni feɔ mi naakpɛɛ tsɔ̃, ni nɔ ni ji ejwɛ lɛ minuuu shishi;

Abe̱i 30:29

Nibii etɛ̃ yɛ ni amɛfamɔɔ amɛnaji abladeiaŋ; ni nɔ ni ji ejwɛ lɛ, enyiɛmɔ yɛ fɛo.

Abe̱i 6:16

Yehowa miihi nibii kpawo:

Jajelɔ 11:2

Feemɔ mɛi kpawo loo kpaanyɔ ejurɔ, ejaakɛ oleee sane gbonyo ni nyiɛ gbɛ baa yɛ jeŋ.

Yesaia 14:25

No ji akɛ mibakpãtã Asiriabii ni yɔɔ mishikpɔŋ, Israel, nɔ lɛ ahiɛ. Mibanaanaa amɛnɔ yɛ migɔji lɛ anɔ, ni mikɛbaawó Asiriabii apã ni kã Israelbii anɔ lɛ kɛje amɛkuɛ.”

Yesaia 44:28

Ekɛɛ yɛ Koresh he akɛ, ‘Mitookwɛlɔ ji lɛ, ni ebaafee nii ni sa mihiɛ’; ni ekɛɛ yɛ Yerusalɛm he akɛ, ‘Abaasaa ama’, ni ekɛɛ yɛ Sɔlemɔ we lɛ hu he akɛ, ‘Abaato oshishi ekoŋŋ.’ ”

Yesaia 59:19

No hewɔ lɛ, amɛaashe Yehowa gbɛi lɛ gbeyei yɛ anaigbɛ; aaashe ehewalɛ lɛ gbeyei yɛ hulushiteehe, ejaakɛ ebaaba tamɔ faa ni etue ni Yehowa mumɔ lɛ etsi eyisɛɛ.

Yesaia 65:8

Bɔ ni Yehowa saa ekɛɛ nɛ, “Bɔ ni anaa yɛ wainyibii amli, ni no hewɔ lɛ, akɛɔ akɛ, ‘Akafite lɛ, ejaakɛ abaana ehe sɛɛ’ lɛ, nakai mafee yɛ mitsuji lɛ ahewɔ; mikpãtãŋ amɛ fɛɛ amɛhiɛ.

Yesaia 7:14

No hewɔ lɛ, Nuŋtsɔ lɛ diɛŋtsɛ baatsɔ̃ɔ nyɛ okadi. Naa, Oblayoo foro ko baana musu, ni ebaafɔ binuu, ni eeewo lɛ gbɛi Imanuel

Yeremia 33:15

Nakai be lɛ mibahã David shwie jalɔ ko abaye esɛɛ akɛ maŋtsɛ; ebaakojo yɛ jalɛ naa, ni ebaaye jalɛ sane yɛ shikpɔŋ lɛ nɔ.

Amos 1:3

Bɔ ni Yehowa kɛɛ nɛ, “Tɔ̃mɔi babaoo ni Damaskobii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛgbɛlɛ Gileadbii tamɔ akɛ dade gbɛlɛɔ nii.

Amos 1:6

Bɔ ni Yehowa kɛɛ nɛ, “Tɔ̃mɔi babaoo ni Gazabii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛŋɔ jaku muu fɛɛ nom kɛtee amɛyahã Edombii.

Zakaria 10:11

Amɛbaafo amanehulu ŋshɔ lɛ, mahã ŋshɔkei lɛ aŋmɛ dɛŋŋ. Nilo Faa lɛ fɛɛ kwa baagbi. Abaaba Asiria hetsɛmɔ lɛ shi, ni Ijipt hewalɛ lɛ sɛɛ baafo.

Zakaria 10:3

Yehowa kɛɛ akɛ, “Mimli efu tookwɛlɔi ni ji maŋsɛɛ nɔyelɔi lɛ, ni magbala amɛhiɛnyiɛlɔi lɛ atoi; ejaakɛ Yehowa, Taiatsɛ lɛ, jwɛŋɔ etooku ni ji Yudabii lɛ ahe; ni eeehã amɛaatsɔ̃ tamɔ etayaa okpɔŋɔ ni eshwãa efɔ̃ɔ enɔ lɛ.

Zakaria 12:6

“Nakai be lɛ mli lɛ, mahã Yuda akutsei lɛ atsɔ̃ tamɔ la kɛ ŋɛsu yɛ laii ateŋ; amɛaatamɔ jatɛŋ ni tsoɔ ni shãa abelebaa gbiŋ; ni amɛaakpãtã maji krokomɛi ni yɔɔ amɛninejurɔ kɛ amɛbɛku gbɛ lɛ fɛɛ ahiɛ. Yerusalɛmbii aaafee shweshweeshwe yɛ Yerusalɛm.

Zakaria 9:10

Makpãtã ta shwiilii fɛɛ ni aaajɛ Efraim aba lɛ ahiɛ; ni majie ta okpɔŋɔ lɛ hu kɛje Yerusalɛm. Makumɔ tawuu gãii lɛ amli dukuduku. Eeeshi maji lɛ toiŋjɔlɛ ni elumɔyeli aaajɛ ŋshɔnaa kɛyagbee ŋshɔnaa. Ni eeejɛ Eufrate Faa lɛ naa kɛyashi je lɛ naagbee hei tɔ̃ɔ.

Zakaria 9:13

Ejaakɛ midɔ Yuda mli tamɔ gãitso, ni mikɛ Efraim efee egãimlibi. Bo Zion, matee obihii lɛ ashi, ni amɛaatsɔ̃ tamɔ tatsɛ klante yɛ midɛŋ, yɛ bo, Hela, obihii lɛ anɔ.”

Luka 2:14

“Anunyam ahã Nyɔŋmɔ yɛ ŋwɛi flooflo, ni hejɔlɛ aba shikpɔŋ lɛ nɔ, ni ana gbɔmɛi ahe tsuijurɔ!”

Yohane 14:27

“Hejɔlɛ mishiɔ mahã nyɛ, hejɔlɛ ni ji minɔ lɛ mikɛhãa nyɛ, jeee bɔ ni je lɛ hãa lɛ mihãa nyɛ nɛɛ. Nyɛtsui akayea, ni asaŋ nyɛkashea gbeyei.

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 19:14

Ni tai ni yɔɔ ŋwɛi lɛ tara okpɔŋɔi yɛji anɔ kɛnyiɛ esɛɛ, ni amɛwo klala yɛŋ futaa ni he tse.