Mika 5:4 - ŊMALƐ KRƆŊKRƆŊ LƐ

⁴ Kɛ nɔyelɔ lɛ ba lɛ, eeeye emaŋ lɛ nɔ, ni eeelɛ amɛ kɛ hewalɛ ni jɛ Yehowa dɛŋ; eeeye nɔ kɛ agbojee hu ni ji Yehowa, eNyɔŋmɔ lɛ diɛŋtsɛ agbojee. Nɔyelɔ lɛ kɛ maŋbii lɛ aaahi shi shweshweeshwe, ejaakɛ aaakpɛ̃lɛ nɔ akɛ eje agbo yɛ je lɛ mli he fɛɛ he;

Ṅmãle̱ Kroṅkroṅ Le̱

⁴ Ni mone̱ aatšṍ *hedšo̱le̱. Ké̱ Ašur mītao aba wo̱šikpoṅ le̱ no̱ ní ebabote wo̱mõdši fe̱fe̱dši le̱ amli le̱, no le̱ wo̱o̱tē no̱kwe̱lo̱i kpawo ke̱ lume̱i kpānyo̱ ši wo̱-wole̱. *Ies. 9,5. Ef. 2,15.

Mika 5:4 ပူးပေါင်းရင်းမြစ်များ

Lalai 145:12

koni amɛhã gbɔmɛi adesai abii ale ohewalɛ nitsumɔi lɛ, kɛ omaŋtsɛyeli lɛ nyam kɛ egbojee.

Lalai 22:27

Jeŋ koji kpawo lɛ aaakai, ni amɛaakpale kɛaaba Yehowa ŋɔɔ; ni majimaji lɛ amli akutsei lɛ fɛɛ aaakula shi amɛja lɛ.

Lalai 72:19

Ajie enunyam gbɛi lɛ yi kɛya naanɔ! Jeŋ muu lɛ fɛɛ ayi tɔ kɛ enunyam lɛ! Amen! Amen!

Lalai 72:8

Elumɔyeli aaahe shi kɛaajɛ ŋshɔnaa kɛyagbee ŋshɔnaa; kɛaajɛ Eufrate Faa lɛ naa kɛyashi je lɛ naagbeehei kɛ̃.

Lalai 93:1

Yehowa miiye maŋtsɛ; ewula kɛ agbojee; Yehowa ewula; emia kɛ hewalɛ. No hewɔ lɛ, je lɛ ma shi shiŋŋ, ni anyɛŋ ahoso.

Lalai 98:3

Ekai esuɔmɔ ni tsakeee lɛ kɛ enɔkwayeli ni eyɔɔ hã Israel we lɛ. Je lɛ naagbeehei fɛɛ ena kunim ni wɔNyɔŋmɔ lɛ ye lɛ.

2 Mose 23:21

Nyɛkwɛa ni ahia yɛ egbɛfaŋ, ni nyɛyea ewiemɔ nɔ. Nyɛkatsea ehiɛ atua; ekɛ ewiemɔ lɛ nɔtɔmɔ ekeŋ nyɛ, ejaakɛ ehiɛ mihewalɛ.

Yesaia 45:22

“Jeŋ gbɔmɛi fɛɛ, nyɛkua nyɛsɛɛ kɛbaa miŋɔɔ, koni ahere nyɛyiwala. Ejaakɛ mi pɛ ji Nyɔŋmɔ, ni kɛjɛ misɛɛ lɛ mɔ ko bɛ dɔŋŋ.

Yesaia 49:5

Agbɛnɛ Yehowa kɛɛ, Yehowa mɔ ni shɔ̃ mi yɛ musuŋ koni mibatsɔ̃ etsulɔ ni maŋɔ Israel kɛba eŋɔɔ, koni abua Israel naa abaha lɛ. Akɛni mihiɛ eba nyam yɛ Yehowa hiɛ, ni miNyɔŋmɔ lɛ etsɔ mihewalɛ.

Yesaia 52:10

Yehowa ejie ehewalɛ krɔŋkrɔŋ lɛ kpo etsɔ̃ɔ majimaji lɛ fɛɛ, ni jeŋ muu lɛ fɛɛ aaana wɔNyɔŋmɔ lɛ dɛŋ yiwalaheremɔ lɛ.

Yesaia 52:13

Bɔ ni Yehowa kɛɛ nɛ, “Naa, mitsulɔ lɛ baashwere, aaawo ehiɛ nyam, ni aaawo enɔ; aaawo enɔ gojoo.

Yesaia 8:7

No hewɔ lɛ, naa, Nuŋtsɔ lɛ kɛ Asiria maŋtsɛ kɛ eta lɛ fɛɛ miiba koni amɛbatua amɛ.

Mika 7:14

Yehowa, feemɔ tookwɛlɔ ohã omaŋ lɛ, ni olɛ amɛ, maŋ ni bo diɛŋtsɛ ohala lɛ. Amɛyɛ ŋa kplanaa nɔ banee yɛ Gɔŋ Karmel lɛ yiteŋ, tsɛbelɛ shikpɔŋ ni baa nii bɔle amɛ kɛkpe. Hã ni amɛhi Bashan kɛ Gilead shikpɔŋ frɔ̃frɔ̃ lɛ nɔ; ni amɛye enɔ nii tamɔ blema ko lɛ.

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Zakaria 9:10

Makpãtã ta shwiilii fɛɛ ni aaajɛ Efraim aba lɛ ahiɛ; ni majie ta okpɔŋɔ lɛ hu kɛje Yerusalɛm. Makumɔ tawuu gãii lɛ amli dukuduku. Eeeshi maji lɛ toiŋjɔlɛ ni elumɔyeli aaajɛ ŋshɔnaa kɛyagbee ŋshɔnaa. Ni eeejɛ Eufrate Faa lɛ naa kɛyashi je lɛ naagbee hei tɔ̃ɔ.

Maleaki 1:5

Nyɛbaana nɔ ni baaba lɛ kɛ nyɛ diɛŋtsɛ nyɛhiŋmɛii; ni nyɛbaakɛɛ akɛ, “Yehowa da kɛteke Israel kɛ ehusui fɛɛ.”

Mateo 16:18

Ni mi hu miikɛɛ bo akɛ, bo ji Petro lɛ, ni nɛkɛ tɛsaa nɛɛ nɔ matswa misafo lɛ mama, ni gbohiiaje agboi lɛ nyɛŋ enɔ aye.

Mateo 2:6

‘Ni bo, Betlehem ni oyɔɔ Yuda shikpɔŋ lɛ nɔ lɛ, jeee bo ji bibioo fe fɛɛ yɛ Yuda lumɛi lɛ ateŋ kwraa, shi omli lumɔ ni aaakwɛ mimaŋ Israel lɛ aaajɛ!’ ”

Mateo 25:31

“Shi be ni Gbɔmɔ Bi lɛ aaaba yɛ enunyam lɛ mli, ni bɔfoi lɛ fɛɛ aaafata ehe lɛ, no mli lɛ eeeta enunyam sɛ̃i lɛ nɔ;

Luka 1:32

Eeetsɔ̃ agbo, ni aaatsɛ lɛ Ŋwɛinyo lɛ Bi, ni Nuŋtsɔ Nyɔŋmɔ aaaŋɔ etsɛ David maŋtsɛ sɛi lɛ ahã lɛ.

Yohane 10:38

shi kɛji no mitsuɔ, ni kɛ̃lɛ nyɛheee mi nyɛyeee lɛ, nyɛhea nitsumɔi lɛ kɛkɛ nyɛyea mɔ, koni nyɛle ni nyɛhe nyɛye akɛ Tsɛ lɛ yɛ mimli, ni mi hu miyɛ Tsɛ lɛ mli.”

Yohane 20:17

Yesu kɛɛ lɛ akɛ, “Kaata mihe; miyako ŋwɛi yɛ miTsɛ ŋɔɔ; shi yaa minyɛmimɛi lɛ aŋɔɔ ni oyakɛɛ amɛ akɛ, miiya ŋwɛi yɛ miTsɛ kɛ nyɛ hu nyɛTsɛ kɛ miNyɔŋmɔ kɛ nyɛ hu nyɛNyɔŋmɔ lɛ ŋɔɔ.”

Efesobii 1:3

Ajɔɔ Nyɔŋmɔ, wɔ Nuŋtsɔ Yesu Kristo Tsɛ lɛ, mɔ ni kɛ mumɔŋ jɔɔmɔ ejɔɔ wɔ yɛ ŋwɛiniiaŋ yɛ Kristo mli lɛ.

1 Petro 1:5

Ni atsɔ̃ɔ hemɔkɛyeli nɔ abuɔ nyɛhe yɛ Nyɔŋmɔ hewalɛ naa atoɔ yiwalaheremɔ ni asaa ato ni abaajie kpo yɛ naagbee be lɛ mli lɛ.

Yuda 1:1

Yuda, ni ji Yesu Kristo tsulɔ kɛ Yakobo nyɛmi lɛ; ŋma yahã mɛi ni atsɛ amɛ ni afee amɛ krɔŋkrɔŋ yɛ Tsɛ Nyɔŋmɔ lɛ mli ni akɛ amɛ eto ahã Yesu Kristo lɛ.

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”