Mika 4:9 - ŊMALƐ KRƆŊKRƆŊ LƐ

⁹ Mɛɛba obolɔɔ? Mɛɛba okɛ̃mɔɔ tamɔ yoo ni baafɔ? Maŋtsɛ ni obɛ hewɔ ni, aloo oŋaawolɔ ni egbo hewɔ ni?

Ṅmãle̱ Kroṅkroṅ Le̱

⁹ Agbe̱ne̱ mĕba oblo̱ö̱ wā? *Ani maṅtše̱ be̱ omli, alo onāwolo̱ le̱ elādše, edšake̱ kō̃mo̱ eta ohe tamo̱ yō ní bafo̱? *Ier. 3,19.

Mika 4:9 ပူးပေါင်းရင်းမြစ်များ

Yesaia 13:8

ni amɛbaajijaa; ŋmiŋmi baamɔmɔ amɛ, ni amɛbaababla shi tamɔ yoo ni miikɔmɔ; amɛaakwɛkwɛɛ amɛhiɛiaŋ kɛ naakpɛɛ, ni amɛhiŋmɛii aaatsu tamɔ lá.

Yesaia 21:3

No hewɔ lɛ, mihɛ mli eyi obɔ̃ kɛ piŋmɔ, kɔ̃ɔmɔ eta mihe; kɔ̃ɔmɔ eta mihe tamɔ yoo ni baafɔ. Mishɔ kwekweekwe, hewɔ lɛ minuuu nii. Mijijaa hewɔ lɛ minaaa nii.

Yesaia 26:17

Ao Yehowa, bɔ ni yoo ni hiɛ musu kɛ̃mɔɔ ni ebolɔɔ yɛ enɔnaa lɛ mli kɛji fɔ̃mɔ eshɛ shi etã lɛ, nakai pɛpɛɛpɛ wɔyɔɔ yɛ ohiɛ nɛɛ.

Yeremia 22:23

Nyɛ mɛi ni nyɛkãmɔ Lebanon tsenedru tsui amli shweshweeshwe ŋmɛnɛ nɛɛ, kɛji hejaramɔ ba lɛ, nyɛaana nɔ tamɔ yoo ni baafɔ.

Yeremia 30:10

“No hewɔ lɛ, bo, mitsulɔ Yakob, kaashe gbeyei; ni Israel, otsui akafã, ejaakɛ mibahere nyɛ kɛ nyɛshwiei hu, kɛjɛ shɔŋŋ shikpɔŋ lɛ nɔ, kɛjɛ amɛnomŋɔɔ shikpɔŋ lɛ nɔ. Yakob baaku esɛɛ eba ni ebahi shi yɛ toiŋjɔlɛ kɛ hejɔlɛ mli; ni mɔ ko mɔ ko woŋ ehe gbeyei. Mi, Yehowa, mikɛɛ.

Yeremia 4:21

Mɛɛ beyinɔ nɔŋŋ makã he mana ta aflaŋaa, ni manu tɛtɛrɛmantɛrɛ gbɛɛmɔ kɛyashi?

Yeremia 4:31

Ejaakɛ minu yoo ni miikɔmɔ he. Kɔ̃ɔmɔ lɛ tamɔ yoo ni baafɔ ekromɔbi kɔ̃ɔmɔ. Yerusalɛm ni tsui miisu lɛ gbee ni; ni ekpã enijiaŋ eebo akɛ, ‘Kpoo hã mi! Miinyɔ yɛ mɛi ni gbeɔ mi ahiɛ.’ ”

Yeremia 48:41

ni ebaaŋɔ Moab maji ni ebaashɔ̃ emɔji lɛ. Ni nakai be lɛ Moab hii kãkãlɔi lɛ atsui aaatsɔ̃ tamɔ yoo ni miikɔmɔ tsui.

Yeremia 50:43

Babilon maŋtsɛ nu amɛhe pɛ, kɛkɛ ni enijiaŋ je wui, ni etsui fã tamɔ yoo ni miikɔmɔ ni ebaafɔ.

Yeremia 8:19

Naa, kɛjɛ shikpɔŋ lɛ nɔ hei fɛɛ, minuɔ mimaŋbii abolɔmɔ akɛ, “Ani Yehowa bɛ Zion lo? Zion maŋtsɛ lɛ bɛ Zion?” Yehowa, amɛmaŋtsɛ lɛ, to he akɛ, “Mɛɛba nyɛwo mi mlifu kɛ maŋsɛɛ amãgãi ni nyɛkotoɔ ni nyɛjaa lɛ?”

Yāfó 4:20

Mɔ dɛŋ ni wɔwala yɔɔ, ni ji maŋtsɛ ni Yehowa efɔ lɛ mu lɛ; amɛtsɔ̃ lɛ, ni amɛmɔ lɛ ŋaa mli. Lɛ ji mɔ ni wɔkɛɛ yɛ ehe akɛ, “Yɛ lɛ eshishi lɛ, wɔɔhi shi shweshweeshwe yɛ majimaji lɛ ateŋ” lɛ.

Hosea 10:3

Agbɛnɛ amɛaakɛɛ akɛ, “Wɔbɛ maŋtsɛ ejaakɛ wɔsheee Yehowa gbeyei. Shi kɛji wɔyɛ maŋtsɛ po lɛ mɛni ebaanyɛ efee ehã wɔ?”

Hosea 13:13

Yoofɔyoo kɔ̃ɔmɔ be miiba ehã Israel; shi ehe bi kwashia ni eji hewɔ lɛ, emaaa eyi shi ebaaa awosojwaahe lɛ.

Hosea 3:4

Ejaakɛ nakai pɛ Israel baahi shi gbii pii ni amɛbɛ maŋtsɛ lɛ, amɛbɛ lumɛi hu; asaŋ amɛshãaa afɔle; ni amɛbɛ shiu lɛ amɛbɛ efod kɛ terafim hu ni akɛbiɔ nii.

Mika 5:3

No hewɔ lɛ, Yehowa aaaŋmɛɛ emaŋ lɛ he ehã amɛhenyɛlɔi lɛ kɛyashi beyinɔ ni yoofɔyoo lɛ aaafɔ ebinuu lɛ, ni enyɛmimɛi lɛ ateŋ mɛi ni eshwɛ ni yɔɔ nomŋɔɔ mli lɛ aaaku amɛsɛɛ kɛaaba amɛnyɛmɛi Israelbii lɛ aŋɔɔ.

Yohane 16:21

Kɛji yoo miikɔmɔ lɛ, ehaoɔ, ejaakɛ eŋmɛlɛtswaa lɛ eshɛ; shi kɛ efɔ bi lɛ sɛɛ lɛ, ekaiii hejaramɔ lɛ dɔŋŋ yɛ miishɛɛ ni enaa akɛ efɔ gbɔmɔ kɛba je lɛ mli lɛ hewɔ.

Kpojiemɔ 12:2

Ehiɛ musu ni fɔmɔ kɔ̃ɔmɔ kɛ nɔnaa ehã eebolɔ.