Mika 4:7 - ŊMALƐ KRƆŊKRƆŊ LƐ

⁷ Ni mikɛ akpaketsɛmɛi ni yɔɔ maŋsɛɛ shɔŋŋ, kɛ maŋ, mɛi ni eshwɛ lɛ baaje shishi, ni mafee amɛ maŋ ni da agbo. Ni Yehowa aaaye amɛnɔ maŋtsɛ yɛ Zion Gɔŋ lɛ nɔ kɛaajɛ nakai be lɛ kɛaatee naanɔ fɛɛ.”

Ṅmãle̱ Kroṅkroṅ Le̱

⁷ Ni maṅõ mei ni tšo̱ö̱ le̱ maſe mei ní eſe̱, ni maṅõ mei ní aše̱re̱ame̱ aſie soṅn le̱ mafe dšeṅmaṅ agbo; ni Iehowa aaye ame̱no̱ maṅtše̱ ye̱ Zion goṅ le̱ no̱ ke̱-adše̱ ṅme̱ne̱ ke̱-ate nāno̱ fẽ.

Mika 4:7 ပူးပေါင်းရင်းမြစ်များ

Lalai 2:6

Ekɛɛ, “Miwo mimaŋtsɛ yɛ Zion, migɔŋ krɔŋkrɔŋ lɛ nɔ.”

Yesaia 16:5

abaajɛ suɔmɔ ni tsakeee mli afo maŋtsɛyeli sɛ̃i ko ama shi. Mɔ ko baajɛ David shwiei ateŋ eta sɛ̃i nɛɛ nɔ, ni ebaaye maŋtsɛ lɛ kɛ anɔkwayeli; ebaaye jalɛ sane yɛ kojomɔ mli, ni ebaakwɛ akɛ aaye jalɛ sane.”

Yesaia 24:23

Nyɔɔŋtsere kpɛŋ, ni hulu etsoŋ, ejaakɛ Yehowa, Taiatsɛ lɛ, baaye nɔ yɛ Zion Gɔŋ lɛ nɔ, yɛ Yerusalɛm, ni ebaajie enunyam lɛ kpo etsɔ̃ɔ maŋ lɛ mli onukpai lɛ.”

Yesaia 6:13

Ni kɛji eshwɛ maŋbii lɛ amlijaa nyɔŋma mli ekome tete yɛ shikpɔŋ lɛ nɔ lɛ, aaaku sɛɛ akpãtã amɛhiɛ. Shi amɛaatsɔ tamɔ tso kpele ni atoo agbee shi ni eshwɛ ekuku yɛ su mli. Tso kuku nɛɛ lɛ dumɔ wu krɔŋkrɔŋ ni.”

Yesaia 60:22

Mɔ bibioo fe fɛɛ lɛ aaatsɔ̃ weku muu, ni weku bibioo lɛ aaatsɔ̃ jaku muu. Kɛji be lɛ shɛ lɛ, Mi, Yehowa, maha eba mli oya.”

Yesaia 66:8

Namɔ enu nɛkɛ sane pɛŋ? Namɔ ena nɛkɛ nɔ ko pɛŋ? Ani gbi kome abɔɔ maŋ lo? Ani gbi kome akɛnaa jaku lo? Kɛ̃lɛ amrɔ nɔŋŋ ni Zion bɔi kɔ̃ɔmɔ lɛ pɛ, kɛkɛ ni efɔ ebii lɛ.

Ezekiel 43:7

Ekɛɛ mi akɛ, “Gbɔmɔ Adesa, mimaŋtsɛ sɛi lɛ shimaahe ji biɛ nɛɛ, ni biɛ nɛɛ nɔŋŋ ji minane maahe. Biɛ nɛɛ mahi yɛ Israelbii lɛ ateŋ kɛaatee naanɔ; ni Israel we lɛ woŋ migbɛi krɔŋkrɔŋ lɛ he muji dɔŋŋ. Amɛ, loo amɛmaŋtsɛmɛi lɛ kɛ wɔji krokomɛi ajamɔ kɛ amɛmaŋtsɛmɛi agbohii buleŋ migbɛi krɔŋkrɔŋ lɛ dɔŋŋ.

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Daniel 7:14

Ahã lɛ nɔyeli kɛ anunyam kɛ maŋtsɛyeli hewalɛ koni majimaji kɛ asafoi srɔtoi kɛ wiemɔi srɔtoi ashikpɔji anɔ bii fɛɛ asɔ̃mɔ lɛ. Emaŋtsɛyeli lɛ naanɔ maŋtsɛyeli ni, ni esɛɛ efoŋ; ni mɔ ko mɔ ko nyɛŋ hiɛ akpãtã.

Daniel 7:27

Kɛkɛ lɛ abaatu shikpɔŋ tso muu lɛ fɛɛ nɔ maŋtsɛyeli hewalɛ lɛ kɛ egbojee lɛ fɛɛ awo Nyɔŋmɔ Ofe lɛ mɛi krɔŋkrɔŋi lɛ adɛŋ. Amɛmaŋtsɛyeli hewalɛ nɛɛ sɛɛ efoŋ, ni shikpɔŋ lɛ nɔ lumɛi fɛɛ baasɔ̃mɔ amɛ, ni amɛbaabo amɛ toi.”

Hosea 1:10

Shi kɛ̃lɛ Israelbii ayikulɛ aaatamɔ ŋshɔnaa shia ni anyɛŋ asusu aloo akane. Kɛji nakai be lɛ shɛ lɛ, he ni akɛɛ amɛ yɛ akɛ, ‘Nyɛjeee mimaŋ lɛ,’ jɛi nɔŋŋ abaakɛɛ amɛ yɛ akɛ, “Nyɔŋmɔ hiɛkãalɔ lɛ bii ji nyɛ.”

Yoel 2:32

Shi mɔ fɛɛ mɔ ni aaasɔle atsɛ Yehowa gbɛi lɛ, aaahere eyi wala. Ni tamɔ bɔ ni Yehowa ekɛɛ lɛ. Mɛi komɛi ahe aaaje mli, yɛ Zion Gɔŋ, Yerusalɛm; mɛi ni mahala lɛ ayi aaana wala.”

Yoel 3:17

“Kɛkɛ lɛ nyɛaana nyɛle akɛ, mi ji Yehowa, nyɛNyɔŋmɔ lɛ. Mihiɔ Zion, migɔŋ krɔŋkrɔŋ lɛ nɔ. Yerusalɛm aaatsɔ̃ maŋ wulu krɔŋkrɔŋ; gbɔi nyɛŋ enɔ amɛye kɔkɔɔkɔ dɔŋŋ.

Obadia 1:21

Tabilɔi kunimyelɔi aaajɛ Yerusalɛm ayatua Edom, ni amɛaaye enɔ; ni Yehowa diɛŋtsɛ aaaye Maŋtsɛ.”

Mika 2:12

“Shi bɔ fɛɛ bɔ ni fee lɛ, mabua nyɛnaa, nyɛ Israelbii fɛɛ ni eshwɛ. Mabua nyɛnaa tamɔ too gwantɛŋ ku kome; mabua nyɛnaa tamɔ too ku yɛ amɛniyelihe yɛ ŋa nɔ; nyɛshikpɔŋ lɛ nɔ baashi hoo ekoŋŋ kɛ gbɔmɛi.”

Mika 2:13

Nyɔŋmɔ mɔ ni gbeleɔ gbɛ baagbele gbɛ ahã amɛ, ni eeenyiɛ amɛhiɛ kɛjɛ nomŋɔɔ mli kɛba. Amɛaajwa maŋ lɛ agboi lɛ kɛje kpo kɛya heyeli mli. Amɛmaŋtsɛ ni ji Yehowa diɛŋtsɛ aaanyiɛ amɛhiɛ kɛje kpo.

Mika 5:3

No hewɔ lɛ, Yehowa aaaŋmɛɛ emaŋ lɛ he ehã amɛhenyɛlɔi lɛ kɛyashi beyinɔ ni yoofɔyoo lɛ aaafɔ ebinuu lɛ, ni enyɛmimɛi lɛ ateŋ mɛi ni eshwɛ ni yɔɔ nomŋɔɔ mli lɛ aaaku amɛsɛɛ kɛaaba amɛnyɛmɛi Israelbii lɛ aŋɔɔ.

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

Zefania 3:13

amɛ mɛi ni baashwɛ yɛ Israel lɛ. Amɛfeŋ nɔfɔŋ lɛ, amɛmaleŋ lɛ, mɔshishiumɔ wiemɔ ko ejeŋ amɛnaa. Amɛbaahi shi, ni amɛbaashwere, ni mɔ ko woŋ amɛhe gbeyei.”

Zefania 3:20

Nakai be lɛ mikɛ nyɛ baaba shĩa, be mli ni mibabua nyɛnaa lɛ. Mahã nyɛgbɛi ahehe, ni abaakafo nyɛ yɛ shikpɔŋ lɛ nɔ majimaji fɛɛ anɔ, ni mahã nyɛshwere ekoŋŋ yɛ nyɛ diɛŋtsɛ nyɛhiŋmɛiŋ.” Yehowa wiemɔ nɛ.

Luka 1:33

Ni eeeye Yakob we lɛ nɔ maŋtsɛ kɛaatee naanɔ. Ni emaŋtsɛyeli lɛ sɛɛ efoŋ.”

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”