Mika 4:6 - ŊMALƐ KRƆŊKRƆŊ LƐ

⁶ “Be miiba,” Yehowa kɛɛ, “Ni mabua obubuafoi ni egbɔjɔ kɛ mɛi ni ashwie amɛ, mɛi ni migbala amɛtoi lɛ fɛɛ anaa kɛaaba.

Ṅmãle̱ Kroṅkroṅ Le̱

⁶ Nakai gbĩ le̱ no̱ le̱, Iehowa kē̱, mabua mei ni tšo̱ö̱ le̱ anā, ni makpla mei ní aſieame̱ le̱ ke̱ mei ní mihao le̱ fẽ ke̱-aba. Ier. 31,8.

Mika 4:6 ပူးပေါင်းရင်းမြစ်များ

Lalai 147:2

Yehowa ji mɔ ni maa Yerusalɛm maŋ lɛ; ebuaa Israelbii ni agbɛ amɛ ashwã lɛ anaa.

Lalai 38:17

Shi mi lɛ, miihe magbee shi, ni mikãhe miipiŋ lolo.

Yesaia 56:8

Bɔ ni Yehowa Ofe mɔ ni kpala emaŋ Israel kɛjɛ nomŋɔɔ mli kɛku sɛɛ kɛba lɛ kɛɛ nɛ, “Masaa makpala mɛi krokomɛi kɛba kɛbafata mɛi ni mikpala kɛba momo lɛ ahe.”

Yeremia 3:18

Nakai be lɛ mli lɛ, Yuda akutso lɛ baaya ayafata Israel akutso lɛ he ni amɛaajɛ kooyigbɛ shikpɔŋ lɛ nɔ kutuu kɛaaba shikpɔŋ ni mikɛhã amɛtsɛmɛi lɛ akɛ amɛgboshinii lɛ nɔ.’ ”

Yeremia 31:8

Naa, mibakpala amɛ kɛjɛ kooyigbɛ shikpɔŋ lɛ nɔ, kɛjɛ shikpɔŋ lɛ naagbeehei tɔ̃ɔ. Mikɛ asafo yuu ni shwilafoi kɛ akpaketsɛmɛi kɛ yeihɔlɔi kɛ yeifɔyei fɛɛ tswɛm futu mli aaaku sɛɛ aba biɛ nɛɛ ekoŋŋ.

Ezekiel 36:24

Ejaakɛ maŋɔ nyɛ kɛaajɛ maji lɛ amli, ni mabua nyɛnaa kɛaajɛ shikpɔji lɛ fɛɛ anɔ, ni mikɛ nyɛ aaaba nyɛ diɛŋtsɛ nyɛshikpɔŋ lɛ nɔ.

Mika 2:12

“Shi bɔ fɛɛ bɔ ni fee lɛ, mabua nyɛnaa, nyɛ Israelbii fɛɛ ni eshwɛ. Mabua nyɛnaa tamɔ too gwantɛŋ ku kome; mabua nyɛnaa tamɔ too ku yɛ amɛniyelihe yɛ ŋa nɔ; nyɛshikpɔŋ lɛ nɔ baashi hoo ekoŋŋ kɛ gbɔmɛi.”

Zefania 3:19

Be lɛ miiba! Mikɛ mɛi ni haoɔ bo lɛ fɛɛ aaaye; Mahere mɛi fɛɛ ni tsɔɔ oshii ayiwala, ni makpala mɛi ni ashwie lɛ kɛba shĩa ekoŋŋ. Mahã amɛhiɛgbele lɛ atsɔ̃ hiɛsɔlɛ, ni amɛaana gbɛi yɛ shikpɔji fɛɛ anɔ.

Luka 19:10

Ejaakɛ Gbɔmɔ Bi lɛ ba nɔ ni elaaje lɛ taomɔ kɛ eyiwalaheremɔ.”

Yohane 10:16

“Miyɛ toi krokomɛi ni jɛɛɛ toi atsu nɛɛ mli; ni nomɛi hu, ja miŋɔ amɛ kɛba, ni amɛbanu migbee, ni toi lɛ fee kuu kome kɛ kwɛlɔ kome.