Mika 4:4 - ŊMALƐ KRƆŊKRƆŊ LƐ

⁴ Mɔ fɛɛ mɔ aaata lɛ diɛŋtsɛ ewaintsei kɛ lɛ diɛŋtsɛ egbãmitsei ashishi yɛ hejɔlɛ mli. Yehowa, Taiatsɛ lɛ ni kɛɛ enɛ.

Ṅmãle̱ Kroṅkroṅ Le̱

⁴ Ni mofẽmo aitá *eweintšo ke̱ egbãmitšo šiši, ni moko woṅ ame̱he gbeyei; edšake̱ Iehowa Zebaot nābu wie. *1 Maṅ. 5,5. Zak. 3,10.

Mika 4:4 ပူးပေါင်းရင်းမြစ်များ

1 Maŋtsɛmɛi 4:25

Ni Solomon yinɔ fɛɛ lɛ, Yuda kɛ Israel hi shi shweshweeshwe. Mɔ fɛɛ mɔ hi shi yɛ ewain tso kɛ egbami tso shishi kɛjɛ Dan aahu kɛyashwie Beersheba.

1 Maŋtsɛmɛi 5:5

Yehowa wo mitsɛ David shi akɛ, ‘Obi mɔ ni maŋɔ ta osɛi lɛ nɔ yɛ osɛɛ lɛ, lɛ eeema tsu ehã mi.’ Hewɔ lɛ mito miyiŋ akɛ mamã nakai tsu lɛ mahã Yehowa, miNyɔŋmɔ lɛ jamɔ.

Hiob 11:19

Oookã shi, ni mɔ ko woŋ ohe gbeyei; mɛi babaoo aaababi odɛ̃ŋ wamɔ.

Lalai 72:3

Hã hejɔlɛ ajɛ gɔji lɛ anɔ aba ahã omaŋ lɛ; ni jalɛ sane ajɛ ŋmeŋmei lɛ anɔ aba.

Abe̱i 3:25

Kaashe kpatu nɔ ko ni baahã otsui afã, aloo bɔ ni ahum fɔŋ tswaa mɛi fɔ̃ji lɛ gbeyei,

Yesaia 1:20

Shi kɛji nyɛkpɛlɛ̃ɛɛ, ni nyɛtse atua lɛ, no lɛ akɛ klante baakpãtã nyɛhiɛ. Mi, Yehowa, mikɛɛ.”

Yesaia 17:2

Abaashi Siria maji lɛ ashwie shi kɛya naanɔ. Toi kɛ tsinai kɛ jɛi baafee amɛniyelihe, ni mɔ ko mɔ ko woŋ amɛhe gbeyei.

Yesaia 22:25

Kɛji nakai be lɛ shɛ lɛ, shiŋmlitso lɛ ni aka akɛma shi shiŋŋ lɛ, aaawɔtsɔ, ni ebaagbee shi, ni jatsu ni tsotsoro nɔ lɛ hiɛ baakpãtã.” Yehowa, Taiatsɛ lɛ, ekɛɛ.

Yesaia 26:16

Ao Yehowa, amɛhejaramɔ mli lɛ, amɛtao osɛɛgbɛ; amɛsɔle amɛkpa bo fai be ni ogbalaa amɛtoi lɛ.

Yesaia 32:17

Jalɛ saneyeli lɛ hesɛɛnamɔ baafee toiŋjɔlɛ kɛ hejɔlɛ shihilɛ kɛ nyɛmi hemɔkɛyeli.

Yesaia 36:16

Nyɛkaboa Hezekia toi. Ejaakɛ bɔ ni Asiria Maŋtsɛ kɛɔ nɛ, ‘Nyɛjea kpo nyɛbaa koni nyɛ kɛ mi abakpãtãa, koni mɔ fɛɛ mɔ aye ewaintso kɛ egbamitso yibii, ni nyɛteŋ mɔ fɛɛ mɔ anu enubu mli nu,

Yesaia 40:5

Kɛkɛ lɛ abaajie Yehowa anunyam kpo, ni gbɔmɛi adesai fɛɛ baana, ejaakɛ enɛ jɛ Yehowa diɛŋtsɛ naa.”

Yesaia 54:14

Jalɛ shihilɛ aaahe shi yɛ omli. Yiwalɛ nifeemɔ kɛ bo teŋ baajekɛ, no hewɔ lɛ, osheŋ gbeyei; ni tsuifãa nifeemɔ bɛŋkɛŋ bo; no hewɔ lɛ otsui efaŋ.

Yesaia 58:14

no lɛ maha oye shikpɔŋ lɛ nɔ hei grɔŋŋi fɛɛ anɔ, ni omii aaashɛ Yehowa he, ni oooye otsɛ Yakob gboshinii lɛ!” Yehowa kɛ enaabu ekɛɛ.

Yeremia 23:4

Mato lumɛi, mɛi ni baalɛ amɛ jogbaŋŋ; ni amɛsheŋ gbeyei, ni amɛtsui hu efaŋ, ni amɛteŋ mɔ ko mɔ ko elaajeŋ. Mi, Yehowa, mikɛɛ.’

Yeremia 30:10

“No hewɔ lɛ, bo, mitsulɔ Yakob, kaashe gbeyei; ni Israel, otsui akafã, ejaakɛ mibahere nyɛ kɛ nyɛshwiei hu, kɛjɛ shɔŋŋ shikpɔŋ lɛ nɔ, kɛjɛ amɛnomŋɔɔ shikpɔŋ lɛ nɔ. Yakob baaku esɛɛ eba ni ebahi shi yɛ toiŋjɔlɛ kɛ hejɔlɛ mli; ni mɔ ko mɔ ko woŋ ehe gbeyei. Mi, Yehowa, mikɛɛ.

Ezekiel 34:25

Mikɛ amɛ baakpãŋ kpãŋmɔ ni baahã amɛhe ajɔ amɛ, ni mashwie kooloi awuiyelɔi yɛ shikpɔŋ lɛ nɔ koni amɛhi shi shweshweeshwe yɛ ŋa nɔ; amɛaawɔ yɛ koo mli.

Ezekiel 34:28

Amɛtsɔŋ tamɔ kooloo naa loo amɛhaŋ jeŋmaji lɛ dɔŋŋ; ni shikpɔŋ lɛ nɔ kooloi lɛ yeŋ amɛloo. Amɛaabahi shi shweshweeshwe, ni mɔ ko mɔ ko woŋ amɛhe gbeyei.

Ezekiel 38:11

Obaakɛɛ akɛ, ‘Mafa kɛyatua akrowai ni atswako gbogbo awoko amɛhe lɛ, ni mayatua mɛi ni yɔɔ kpoo ni amɛyɛ shweshweeshwe, maji ni atswako gbogbo awoko amɛhe, ni amɛbɛ agbosɛɛ adabaŋi kɛ agboi hu lɛ.

Ezekiel 39:26

Kɛji amɛbahi amɛshikpɔŋ lɛ nɔ shweshweeshwe bɔ ni mɔ ko mɔ ko wooo amɛhe gbeyei lɛ, amɛhiɛ baakpa nɔ akɛ be ni amɛtɔ̃ minɔ lɛ amɛhiɛ shwie shi.

3 Mose 26:6

“Mahã jeŋ ajɔ yɛ nyɛshikpɔŋ lɛ nɔ; ni nyɛaakamɔ shi nyɛwɔ ni mɔ ko mɔ ko woŋ nyɛhe gbeyei. Mahã kooloi fɔ̃ji atã yɛ nyɛshikpɔŋ lɛ nɔ, ni awuŋ ta yɛ jɛi.

Mika 5:3

No hewɔ lɛ, Yehowa aaaŋmɛɛ emaŋ lɛ he ehã amɛhenyɛlɔi lɛ kɛyashi beyinɔ ni yoofɔyoo lɛ aaafɔ ebinuu lɛ, ni enyɛmimɛi lɛ ateŋ mɛi ni eshwɛ ni yɔɔ nomŋɔɔ mli lɛ aaaku amɛsɛɛ kɛaaba amɛnyɛmɛi Israelbii lɛ aŋɔɔ.

Zefania 3:13

amɛ mɛi ni baashwɛ yɛ Israel lɛ. Amɛfeŋ nɔfɔŋ lɛ, amɛmaleŋ lɛ, mɔshishiumɔ wiemɔ ko ejeŋ amɛnaa. Amɛbaahi shi, ni amɛbaashwere, ni mɔ ko woŋ amɛhe gbeyei.”

Zakaria 3:10

Nakai gbi lɛ nɔ lɛ nyɛteŋ mɔ fɛɛ mɔ aaakpee enaanyo kɛaaba ewaintso kɛ agbãmitso shishi, Yehowa kɛɛ.’ ”