Mika 4:13 - ŊMALƐ KRƆŊKRƆŊ LƐ

¹³ Yehowa kɛɛ, “Yerusalɛmbii, nyɛtea shi; ni nyɛgbea nyɛhenyɛlɔi lɛ tamɔ agbeɔ ŋmãa! Mahã nyɛhe awa tamɔ tsinanuu kɛ eklontoi ni wa tamɔ dade kɛ ekoklotoi hu ni wa tamɔ akɔɔble. Nyɛaaye maji pii anɔ kunim; ni nyɛaajɔɔ haanii ni amɛshɔ̃ aklanaŋ naa lɛ nɔ nyɛhã mi, mi ni ji je lɛ fɛɛ Nuŋtsɔ lɛ.”

Ṅmãle̱ Kroṅkroṅ Le̱

¹³ Te ši ni ogbẽ ṅmā̃, Zion biyō! Edšake̱ mafe oklontoi le̱ dade ke̱ okoklotoi le̱ hũ akō̱ble, ni oke̱-ašimo̱ mãdši pī dukuduku, ni oodšō̱ ame̱hānii le̱ no̱ oke Iehowa, ni oke̱ ame̱nĩfále̱ le̱ aahā šikpoṅ le̱ fẽ Nuṅtšo̱ le̱.

Mika 4:13 ပူးပေါင်းရင်းမြစ်များ

Lalai 24:1

Shikpɔŋ lɛ kɛ enɔ nii fɛɛ lɛ, Yehowa nɔ ni; ni je lɛ kɛ mɛi fɛɛ ni yɔɔ mli lɛ, enɔ ni.

Lalai 68:29

OSɔlemɔ we ni yɔɔ Yerusalɛm lɛ hewɔ lɛ, maŋtsɛmɛi tereɔ nikeenii amɛkɛbahãa bo.

Lalai 72:10

Tarshish kɛ ŋshɔkpɔi lɛ anɔ maŋtsɛmɛi aaatsu onia abahã lɛ. Sheba kɛ Seba maŋtsɛmɛi aaabake nii.

Yesaia 18:7

Nakai be lɛ gbɔmɛi ni kwɔlɔ ni amɛhe yɔɔ trotro ni asheɔ amɛ gbeyei yɛ kpaakpa kɛ shɔŋŋ, jaku ko ni he wa pam ni naanaa mɛi anɔ, ni fai ejara amɛshikpɔŋ lɛ mli baatere nikeenii kɛbaha Yehowa, Taiatsɛ lɛ, yɛ Zion Gɔŋ lɛ nɔ he ni ajaa Yehowa, Taiatsɛ lɛ yɛ lɛ.

Yesaia 21:10

Ao mimaŋ Israel, ni otamɔ ŋmãa ni agbee ni asha mli. Nɔ ni minu yɛ Yehowa Taiatsɛ, Israel Nyɔŋmɔ lɛ naa lɛ, no mikɛɛ bo nɛɛ.

Yesaia 23:18

Tiro baajɔɔ ejarayeli mli nii kɛ apaa ni abaabɔ lɛ mli nii hu nɔ ehã Yehowa. Atĩaŋ esɛɛnamɔ lɛ naa amaŋ shi, shi ejarayeli lɛ mli nii baahã ana niyenii babaoo kɛ mamai fɛɛfɛji ahã mɛi ni sɔmɔɔ Yehowa lɛ.

Yesaia 5:28

Amɛgãimlibii anaa ba, ni amɛtataa amɛgãi lɛ; amɛkpɔŋɔ akoklotoi tamɔ tswɛrɛbo, ni amɛshwiilii anaji lɛ tsɔ̃mɔɔ amɛhe oyaoya tamɔ lasuogbele.

Yeremia 51:20

Yehowa kɛɛ akɛ, “Babilon, bo ji mihamle, bo ji mitawuunii. Bo mikɛjwaraa majimaji wɔtsɔwɔtsɔ, bo mikɛkpãtãa maŋtsɛyelii ahiɛ.

Yeremia 51:33

Ejaakɛ bɔ ni Yehowa Taiatsɛ, Israel Nyɔŋmɔ lɛ, kɛɔ nɛ, ‘Babilon kɛ emli bii etsɔ̃ tamɔ ŋmãagbeemɔhe ni aagbee ŋmaa yɛ jɛi; eshwɛ fioo kɛkɛ ni be lɛ baashɛ, ni abaaloo amɛ kɛya tamɔ ŋmɔshinii ni akpa.’ ”

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Hosea 10:11

“Nyɛsɛɛ ko lɛ Israel tamɔ tsina oblayoo ni atsɔse lɛ, ni enyaa he kɛ̃, akɛ akɛ lɛ miigbee ŋmaa lɛ. Enɛ hewɔ lɛ, miwooo ekuɛ fɛɛfɛo lɛ kɔŋtso. Shi agbɛnɛ mibawo Israel kuɛ kɔŋtso. Yuda baashãtã tsina kɔi ekɛhu; ni Israel baaninɛ nɔ ni ehu lɛ.”

Mika 5:7

Israelbii ni aaashwɛ lɛ aaatamɔ ŋwɛi bɔ ni Yehowa hãa enyɔɔ maji pii anɔ lɛ. Mɛi ni aaashwɛ lɛ aaatamɔ futufuli ni shwãa jwɛfɔ nɔ. Amɛkɛ amɛhe aaafɔ̃ Yehowa nɔ, shi jeee gbɔmɔ adesa ko nɔ.

Habakuk 3:12

Okɛ mlila shi shi kɛtsɔ̃ shikpɔŋ lɛ nɔ, ni onaanaa majimaji lɛ anɔ kɛho yɛ mlifu naa.

Zakaria 12:3

Nakai be lɛ mli lɛ mahã Yerusalɛm atsɔ̃ tɛ ni tsii mahã maji ni bɔle lɛ lɛ. Maŋ fɛɛ maŋ ni aaaka tɛ nɛɛ nɔ womɔ lɛ aaapila. Ni shikpɔŋ lɛ nɔ majimaji krokomɛi fɛɛ aaafee ekome amɛte shi amɛwo Yerusalɛm.

Zakaria 12:6

“Nakai be lɛ mli lɛ, mahã Yuda akutsei lɛ atsɔ̃ tamɔ la kɛ ŋɛsu yɛ laii ateŋ; amɛaatamɔ jatɛŋ ni tsoɔ ni shãa abelebaa gbiŋ; ni amɛaakpãtã maji krokomɛi ni yɔɔ amɛninejurɔ kɛ amɛbɛku gbɛ lɛ fɛɛ ahiɛ. Yerusalɛmbii aaafee shweshweeshwe yɛ Yerusalɛm.

Zakaria 4:14

Kɛkɛ ni ekɛɛ mi akɛ, “Nibii nɛɛ damɔ shi hã mɛi enyɔ ni ahala amɛ, ni afɔ amɛ mu koni amɛsɔmɔ Yehowa mɔ ni ji jeŋ fɛɛ Nuŋtsɔ lɛ.”

Zakaria 6:5

Bɔfo lɛ hã mi hetoo ekɛɛ akɛ, “Enɛɛmɛi damɔ shi hã ŋwɛi kɔɔyɔi ejwɛ lɛ. Amɛmiiya amɛkɛ amɛhe ayatsɔ̃ɔ jeŋ fɛɛ Nuŋtsɔ lɛ, koni no sɛɛ lɛ amɛya ŋwɛi kɔɔyɔi ejwɛ lɛ aŋɔɔ.”

1 Korintobii 16:2

Daa otsi mli klɛŋklɛŋ gbi lɛ nɔ lɛ, nyɛteŋ mɔ fɛɛ mɔ kɛ nɔ ko ato yɛ bɔ ni enaa lɛ naa, koni mikaba dani atsu onia.

5 Mose 33:25

Akɛ dade kɛ akɔɔble adabãi aaalalaa omaŋ agboi asɛɛ; ni bɔ ni ogbii falɛ yɔɔ lɛ, nakai nɔŋŋ ohewalɛ aaahi.

Yoshua 6:19

Shi moŋ jwiɛtɛi fɛɛ kɛ shika fɛɛ kɛ agbɛnɛ nɔ fɛɛ nɔ ni akɛ akɔɔble loo dade fee lɛ, ajɔɔ nɔ ahã Yehowa, ni no hewɔ lɛ, aloo ni akɛba Yehowa nitoohe lɛ.”