Mika 4:1 - ŊMALƐ KRƆŊKRƆŊ LƐ

¹ Wɔsɛɛ ko lɛ Sɔlemɔ We lɛ gɔŋ lɛ aaakwɔ fe gɔŋkpɔi lɛ fɛɛ, ni eeeta gɔŋkpɔi lɛ fɛɛ anɔ. Majimaji aaabu kɛaaba enɔ.

Ṅmãle̱ Kroṅkroṅ Le̱

¹ Ni aaba mli ake̱ nāgbē gbĩĩ le̱ amli le̱ Iehowa we goṅ le̱ aamā ši ye̱ gõdši le̱ ayiteaṅ, ni aawó eno̱ fè goṅkpo̱i le̱; ni mãdšimãdši aaho ke̱-aba he;

Mika 4:1 ပူးပေါင်းရင်းမြစ်များ

1 Mose 49:1

Kɛkɛ ni Yakob tsɛ ebii lɛ ni ekɛɛ, “Nyɛbuaa nyɛhe naa koni magba nyɛ wɔsɛɛ saji ni baaba nyɛ nɔ:

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

Lalai 110:3

Gbi nɔ ni ooofã ta lɛ, omaŋbii lɛ aaaba oŋɔɔ yɛ amɛ diɛŋtsɛ amɛsuɔmɔ naa. Oblahii lɛ aaaba oŋɔɔ tamɔ leebi bɔ yɛ ogɔŋ krɔŋkrɔŋ lɛ nɔ.

Lalai 22:27

Jeŋ koji kpawo lɛ aaakai, ni amɛaakpale kɛaaba Yehowa ŋɔɔ; ni majimaji lɛ amli akutsei lɛ fɛɛ aaakula shi amɛja lɛ.

Lalai 48:1

Yehowa je agbo, ni esa yijiemɔ kpele, yɛ wɔNyɔŋmɔ lɛ maŋ lɛŋ, yɛ egɔŋ krɔŋkrɔŋ lɛ nɔ.

Lalai 86:9

Oo Nuŋtsɔ, jeŋ majimaji fɛɛ ni bo obɔ lɛ aaaba abakoto bo; ni amɛbaawo ogbɛi lɛ hiɛ nyam.

Yesaia 27:13

Aaakpã tɛtɛrɛmantɛrɛ wulu ko nakai gbi lɛ, ni mɛi fɛɛ ni elaaje yɛ Asiria shikpɔŋ lɛ nɔ lɛ, kɛ mɛi ni ashwie amɛ kɛtee Ijipt shikpɔŋ lɛ nɔ lɛ aaaba, ni amɛaabaja Yehowa yɛ Gɔŋ Krɔŋkrɔŋ lɛ nɔ yɛ Yerusalɛm.

Yesaia 43:6

Makɛɛ kooyigbɛ akɛ, ‘Ŋmɛɛmɔ amɛhe!’ Ni makɛɛ wuoyigbɛ akɛ, ‘Kaatsi amɛnaa;’ ŋɔɔ mibihii lɛ kɛjɛ shɔŋŋ kɛ mibiyei lɛ kɛjɛ shikpɔŋ lɛ naagbeehei kɛba,

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Yesaia 54:2

Yehowa kɛɛ, “Lɛɛmɔ obuu lɛ mli, kpã oshihilɛhe lɛ mamai lɛ amli. Kaalɛte he; ha etaŋkpei lɛ akɛlɛ, ni okala oshiŋmlitsei lɛ ni awa.

Yesaia 56:7

amɛ ji mɛi ni mikɛaaba Zion, ni ji migɔŋ krɔŋkrɔŋ lɛ nɔ, ni maha amɛnya yɛ miSɔlemɔ we lɛ. Amɛshãa afɔlei lɛ kɛ amɛfɔlei krokomɛi lɛ aaasa mihiɛ yɛ mifɔleshãa latɛ lɛ nɔ. Ejaakɛ aaatsɛ miwe lɛ akɛ gbɔmɛi fɛɛ aSɔlemɔ we.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Yeremia 26:18

“Be ko lɛ Mika ni jɛ Moreshet lɛ gba yɛ Yuda Maŋtsɛ Hezekia yinɔ, ni ekɛɛ Yudabii fɛɛ akɛ, ‘Nɔ ni Yehowa, Taiatsɛ lɛ, kɛɛ ji,’ ‘Abaahu Zion tamɔ ahuɔ ŋmɔ, Yerusalɛm baatsɔ̃ koikoi, ni Sɔlemɔ we lɛ gɔŋ lɛ baatsɔ̃ koo ni etsa sulaŋŋ.’

Yeremia 3:17

Nakai be lɛ mli lɛ abaatsɛ Yerusalɛm akɛ Yehowa Maŋtsɛ Sɛi, ni majimaji bluublu aaabua amɛhe naa kɛaaba Yehowa hiɛ yɛ Yerusalɛm amɛbaja mi. Amɛkɛ kuɛŋtilɛ efeŋ nɔ ni amɛtsui fɔŋ kɛɔ amɛ lɛ dɔŋŋ.

Yeremia 31:12

Amɛbaaba ni amɛbala waa kɛ nyamɔ yɛ Zion Gɔŋ lɛ nɔ; ni amɛmii baashɛ Yehowa mlihilɛ lɛ he, yɛ abele kɛ wain kɛ mu, kɛ toobii kɛ tsinai ahewɔ. Amɛshihilɛ baatsɔ̃ tamɔ abɔɔ ni ashwie emlinii nɔ nu, ni amɛtɔŋ biti dɔŋŋ.

Yeremia 48:47

Shi naagbee mli aahu lɛ, mibahã Moab nine ashɛ nibii ni eŋmɛɛ lɛ lɛ fɛɛ nɔ. Mi, Yehowa, mikɛɛ, ‘Bɔ ni mikɛ Moab baaye mahã kɛyata nɛ.’ ”

Ezekiel 38:16

Ooote shi owo mimaŋ Israel; nyɛyifalɛ baaha shikpɔŋ lɛ nɔ. Kɛji gbi lɛ shɛ lɛ mahã otua mishikpɔŋ lɛ, ni bɔ ni mafee bo yɛ majimaji lɛ ahiɛ lɛ, baahã amɛle mi akɛ mɔ krɔŋkrɔŋ ji mi.

Ezekiel 40:2

Nyɔŋmɔ ŋɔ mi kɛba Israel shikpɔŋ lɛ nɔ yɛ ninaa mli, ni ekɛ mi yadamɔ gɔŋ grɔŋŋ ko nɔ. Gɔŋ nɛɛ nɔ lɛ, mina nɔ ko tamɔ maŋ ni ato yɛ mihiɛgbɛ.

Ezekiel 43:12

Sɔlemɔ we lɛ he mla nɛ. No ji akɛ, “Gɔŋ lɛ nɔ he ni ema lɛ, kɛ ehewɔ shikpɔŋ fɛɛ ni kã he kɛbɔle lɛ lɛ fɛɛ baafee he ni yɔɔ krɔŋkrɔŋ fe fɛɛ. Naa, Sɔlemɔ we lɛ he mla lɛ nɛ.

Daniel 10:14

ni miba koni mibatsɔ̃ɔ bo nɔ ni baaba omaŋbii lɛ anɔ wɔsɛɛ, ejaakɛ nɔ ni baaba wɔsɛɛ shɔŋŋ he ninaa ona lɛ.”

Daniel 2:28

Shi moŋ Nyɔŋmɔ ko yɛ ŋwɛi ni ejieɔ teemɔŋ nibii kpo etsɔ̃ɔ; ni lɛ ji mɔ ni ejie nɔ ni baaba wɔsɛɛ lɛ etsɔ̃ɔ Maŋtsɛ Nebukadnezar lɛ. Lamɔ lɛ ni ola, ni ji ninaa ni ajie atsɔ̃ɔ bo be ni okã osaa lɛ nɔ, lɛ nɛ,

Daniel 2:35

Kɛkɛ ni amãgã lɛ he dade lɛ kɛ su lɛ kɛ akɔɔble lɛ kɛ jwiɛtɛi lɛ kɛ shika lɛ hu fɛɛ tswɛm jwara wɔtsɔwɔtsɔ, ni amɛfuflu, ni amɛtsɔ tamɔ abelenaashaji ni bua gbo abeleshaahe. Kɛkɛ ni kɔɔyɔɔ loo fɛɛ kɛtee, ni eshwɛɛɛ amɛhe nɔ ko nɔ ko. Shi tɛ lɛ ni batswa amãgã lɛ da, ni etsɔ̃ gɔŋ kpeteŋkple, ni ekpele jeŋ fɛɛ.

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 7:14

Ahã lɛ nɔyeli kɛ anunyam kɛ maŋtsɛyeli hewalɛ koni majimaji kɛ asafoi srɔtoi kɛ wiemɔi srɔtoi ashikpɔji anɔ bii fɛɛ asɔ̃mɔ lɛ. Emaŋtsɛyeli lɛ naanɔ maŋtsɛyeli ni, ni esɛɛ efoŋ; ni mɔ ko mɔ ko nyɛŋ hiɛ akpãtã.

Daniel 7:18

Shi Nyɔŋmɔ Ofe lɛ bii hetselɔi lɛ anine baashɛ maŋtsɛyeli lɛ nɔ, ni eeehi amɛdɛŋ kɛya naanɔi anaanɔ.”

Daniel 7:22

kɛyashi beyinɔ ni mɔ ni Etsɛ Naakpa lɛ ba, ni ebabu Ŋwɛi Flooflonyo lɛ mɛi krɔŋkrɔŋi lɛ bem. Kɛkɛ ni be bashɛ, ni aŋɔ nɔyeli hewalɛ awo mɛi krɔŋkrɔŋi lɛ adɛŋ.

Daniel 7:27

Kɛkɛ lɛ abaatu shikpɔŋ tso muu lɛ fɛɛ nɔ maŋtsɛyeli hewalɛ lɛ kɛ egbojee lɛ fɛɛ awo Nyɔŋmɔ Ofe lɛ mɛi krɔŋkrɔŋi lɛ adɛŋ. Amɛmaŋtsɛyeli hewalɛ nɛɛ sɛɛ efoŋ, ni shikpɔŋ lɛ nɔ lumɛi fɛɛ baasɔ̃mɔ amɛ, ni amɛbaabo amɛ toi.”

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Mika 3:12

No hewɔ lɛ, yɛ nyɛhewɔ lɛ, aaatsa Zion ashwie shi tamɔ atsaa ŋa akɛfeɔ ŋmɔ. Yerusalɛm aaatsɔ̃ tsu koi ni bua shi tamɔ gɔŋ, ni Sɔlemɔ we lɛ gɔŋ lɛ nɔ aaatsa atsɔ̃ koo hayii.

Zakaria 14:10

Shikpɔŋ muu lɛ ni kã shi kɛjɛ Geba yɛ kooyigbɛ lɛ aahu kɛtee Rimon yɛ Yerusalɛm wuoyigbɛ lɛ fɛɛ baatsɔ̃ ŋa kplanaa; shi Yerusalɛm baahi shi grɔŋŋ yɛ eblema shimaahe lɛ. Ebaajɛ Benyamin Agbo lɛ naa kɛyashi he ni agbo yɔɔ tsutsu lɛ, ni ji Koŋ Agbo lɛ; ebaatsa nɔ kɛyamɔ Hananel Mɔɔ grɔŋŋ lɛ, aahu kɛyanina maŋtsɛ wainŋaahe lɛ.

Zakaria 2:11

Nakai gbi lɛ nɔ lɛ, maji babaoo kɛ amɛhe aaahã Yehowa ni amɛaatsɔ̃ mimɛi, ni mahi amɛteŋ. No nyɛkɛaale akɛ Yehowa Taiatsɛ lɛ ni tsu mi nyɛŋɔɔ lɛ.

Zakaria 8:3

Bɔ ni Yehowa kɛɛ ekoŋŋ nɛ, mibaku misɛɛ kɛba Zion, ni mibahi Yerusalɛm maŋ lɛ mli, ni abaatsɛ Yerusalɛm akɛ anɔkwale maŋ, kɛ Yehowa Taiatsɛ lɛ gɔŋ lɛ hu akɛ, ‘Krɔŋkrɔŋ.’

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

Bɔfoi 2:17

“Nyɔŋmɔ kɛɛ, ‘Ni aaaba mli yɛ naagbee gbii lɛ anɔ akɛ, mafɔse miMumɔ lɛ eko mashwie gbɔmɛi fɛɛ anɔ, ni nyɛbihii kɛ nyɛbiyei lɛ aaagba, ni nyɛblahii lɛ aaana ninai, ni nyɛnukpai lɛ aaala lamɔi.

Hebribii 1:2

Shi nɛkɛ bei nɛɛ anaagbee mli lɛ, eBi lɛ naa ekɛ wɔ wie yɛ. Ekɛ lɛ efee nibii fɛɛ yelɔ, ni enɔ hu etsɔ̃ efee je lɛ.

2 Petro 3:3

Klɛŋklɛŋ lɛ nyɛle enɛ, akɛ naagbee gbii lɛ anɔ lɛ, hefɛoyelɔi aaaba kɛ hefɛoyeli, ni amɛaanyiɛ yɛ amɛ diɛŋtsɛ amɛkɔnɔi lɛ anaa,

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”

Kpojiemɔ 20:4

Ni mina maŋtsɛ sɛ̃ii ni mɛi ni akɛ kojomɔ ehã amɛ lɛ tara nɔ. Ni mina mɛi ni afolɔ amɛyii yɛ Yesu he odaseyeli lɛ kɛ Nyɔŋmɔ wiemɔ lɛ hewɔ lɛ asusumai lɛ, kɛ mɛi ni jako kooloo lɛ loo emãgã lɛ ni amɛheko ekadi lɛ yɛ amɛhiɛŋtsei anɔ loo amɛdɛ̃ lɛ. Amɛtsɔ̃mɔ hiɛkãalɔi ekoŋŋ, ni amɛkɛ Kristo ye maŋtsɛ afii akpe.