Mika 3:8 - ŊMALƐ KRƆŊKRƆŊ LƐ

⁸ Shi mi lɛ, Yehowa kɛ emumɔ kɛ ehewalɛ lɛ woɔ mimli obɔ̃, ni ehãa mileɔ nɔ ni ji jalɛ, ni ehãa mi ekãa ni akɛkɛɔ Israelbii lɛ nɔ ni hi kɛ nɔ ni ji eshai ni amɛfeɔ lɛ.

Ṅmãle̱ Kroṅkroṅ Le̱

⁸ Ši mi le̱, miyi obõ ke̱ hewale̱ ke̱ Iehowa Mumo̱ le̱ ke̱ kodšomo̱ ke̱ ekā̃ so̱ṅṅ, ní maṅõ-dšadše Iakob mlatõmo̱ le̱ ke̱ Israel he ešai le̱ matšõame̱. Ies. 55,1.

Mika 3:8 ပူးပေါင်းရင်းမြစ်များ

Hiob 32:18

Ejaakɛ minyɛɛɛ mamua minaa dɔŋŋ; mumɔ ni yɔɔ mimli lɛ ekpɛlɛ̃ɛɛ mi dɔŋŋ.

Yesaia 58:1

Yehowa kɛɛ akɛ, “Bolɔmɔ waa! Kaaha onaa miiba shi. Wo ogbee nɔ tamɔ tɛtɛrɛmantɛrɛ. Jajemɔ mimaŋbii lɛ ahe eshai lɛ otsɔɔ amɛ; tsɔɔmɔ Israel we lɛ amɛhe eshai lɛ.

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Yesaia 61:2

Etsu mi koni mibashiɛ akɛ Yehowa dromɔ afi lɛ kɛ wɔNyɔŋmɔ lɛ oweletɔɔ gbi lɛ eshɛ, koni mishɛje ŋkɔmɔyelɔi fɛɛ amii.

Yeremia 1:18

Naa, ŋmɛnɛ gbi nɛɛ lɛ mihã otsɔ̃ tamɔ maŋ ni atswa gbogbo awo he, tamɔ dade akulashiŋ, tamɔ akɔɔble gbogbo koni okɛ shikpɔŋ tso muu lɛ fɛɛ kɛ Yuda maŋtsɛmɛi kɛ elumɛi kɛ esɔfoi kɛ maŋbii lɛ fɛɛ ana.

Yeremia 20:9

Kɛji mikɛɛ akɛ, “Mitsiŋ Yehowa tã, ni miwieŋ yɛ egbɛi mli dɔŋŋ lɛ,” minuɔ he yɛ mitsuiŋ akɛ nɔ ko miitso tamɔ la ni atsi naa awo miwui amli. La nɛɛ naatsii etɔ mi, ni minyɛɛɛ dɔŋŋ.

Yeremia 6:11

Hewɔ lɛ mi hu mimli ewo la naakpa tamɔ Yehowa nɔŋŋ; ni mlila lɛ naatsii etɔ mi.” Kɛkɛ ni Yehowa kɛɛ akɛ, “Fɔsemɔ mimlila lɛ oshwie gbekɛbii ni yɔɔ blohuiaŋ kɛ oblahii akui lɛ hu fɛɛ anɔ. Abaamɔmɔ nuu kɛ eŋa fɛɛ kɛya, ni hiimeji kɛ mɛi ni egbɔlɔ kotokoto hu abaamɔmɔ amɛ.

Yāfó 2:14

Ninai ni ogbalɔi lɛ egba bo lɛ, apasa kɛ shishiumɔ sɔŋŋ ni; amɛkpako onifɔɔjianii lɛ ahe mama koni no ahã oje nomŋɔɔ mli; shi moŋ amale kɛ lakamɔ ninai sɔŋŋ amɛna.

Ezekiel 16:2

“Gbɔmɔ Adesa, jajemɔ musubɔɔnii ni Yerusalɛm efee lɛ otsɔ̃ɔ lɛ, ni okɛɛ Yerusalɛm akɛ,

Ezekiel 20:4

Ani oookojo amɛ, Gbɔmɔ Adesa? Ani oookojo amɛ? Belɛ hã amɛle musubɔɔnii ni amɛtsɛmɛi lɛ fee lɛ, ni okɛɛ amɛ akɛ,

Ezekiel 22:2

“Bo Gbɔmɔ Adesa, ani oookojo, ani oookojo maŋ ni ashwieɔ lá shi yɛ mli lɛ? Belɛ hã ele emusubɔɔnii ni efee lɛ fɛɛ.

Ezekiel 23:36

Yehowa bi mi akɛ, “Gbɔmɔ Adesa ani obaakojo Ohola kɛ Oholiba? Belɛ jajemɔ musubɔɔnii ni amɛfee lɛ otsɔ̃ɔ amɛ.

Ezekiel 3:14

Yehowa hewalɛ lɛ ba minɔ, ni ewo mi kɛtee. Mitee kɛ mlila ni naawa naakpa.

Ezekiel 43:10

Agbɛnɛ, bo Gbɔmɔ Adesa, susumɔ bɔ ni Sɔlemɔ we lɛ yɔɔ hã, kɛ esu fɛɛ otsɔ̃ɔ Israel we lɛ koni amɛhiɛ agboi yɛ eshai ni amɛfee lɛ hewɔ.

Mateo 7:29

ejaakɛ etsɔ̃ɔ amɛ nii akɛ mɔ ko ni yɔɔ hegbɛ, shi jeee tamɔ mlatsɔɔlɔi lɛ.

Marko 3:17

kɛ Yakobo, Zebedeo bi lɛ, kɛ Yohane, enyɛmi lɛ, ni ewo amɛ gbɛi akɛ Boanerges (eshishi ji nyɔŋmɔshimɔ bii);

1 Korintobii 2:4

ni miwiemɔ kɛ mishiɛmɔ lɛ hu jeee gbɔmɛi anilee wiemɔi ni hãa mɔ yiŋ tsɔ̃ɔ mikɛshiɛ, shi moŋ wiemɔi ni jieɔ Nyɔŋmɔ Mumɔ lɛ hewalɛ kpo,