Mika 3:6 - ŊMALƐ KRƆŊKRƆŊ LƐ

⁶ “Gbalɔi, eshwɛ fioo kɛkɛ ni nyɛbe baaho. Hulu aaanyɔ shi yɛ nyɛnɔ. Akɛni nyɛhã mimaŋ lɛ du gbɛ hewɔ lɛ, nyɛnaŋ ninaa ko dɔŋŋ, ni nyɛnyɛŋ gbalɛ ko hu nyɛgba dɔŋŋ.”

Ṅmãle̱ Kroṅkroṅ Le̱

⁶ Ene̱ hewo̱ le̱ dše aananye, koni nyekana ninā ko, ni buṅ aawonye, ko-ni nyekakla, ni hũlũ aanyõ ši ye̱ gbalo̱i le̱ ano̱, ni ſane aatšṍ duṅ kpī ye̱ ame̱no̱.

Mika 3:6 ပူးပေါင်းရင်းမြစ်များ

Lalai 74:9

Wɔnaaa wɔkadii krɔŋkrɔŋi lɛ! Gbalɔ ko gbalɔ ko bɛ dɔŋŋ, ni mɔ ko mɔ ko kwraa bɛ wɔteŋ ni ele bɔ ni sane nɛɛ naa aaayakpa ahã.

Yesaia 29:10

Ejaakɛ Yehowa ehã wɔ ni mli tsii mumɔ enyɔ nyɛnɔ. Nyɛ gbalɔi, Yehowa eŋamɔ nyɛhiŋmɛii; ni nyɛ ninalɔi, Yehowa kɛ nɔ̃ eha nyɛhiɛ.

Yesaia 59:10

Wɔtatraa yɛ gbogbo he tamɔ shwilafoi, ni wɔgbugbuɔ shi tamɔ mɛi ni bɛ hiŋmɛii; wɔtɛrɛɔ shwane fintiŋŋ tamɔ nɔ ni hiɛ ebu, ni wɔnyiɛɔ hiɛkãalɔi ateŋ tamɔ mɛi ni egboi.

Yeremia 13:16

Nyɛwoa Yehowa, nyɛNyɔŋmɔ lɛ, hiɛ nyam, be ni ehãko duŋ awo nyɛ, be ni nyɛbɔ̃iko tɛrɛmɔ yɛ gɔji ni anɔ ewo duŋ lɛ anɔ; ni be mli ni okwɛɔ la gbɛ lɛ, ehãa duŋ moŋ woɔ, ni duŋ lɛ woɔ kabitii.

Yeremia 15:9

Yoo ni efɔ kpawo lɛ etɔ biti; nɔ nyɔ enɔ, ni egbo; ehulu enyɔ shi shwane fintiŋŋ; awo lɛ hiɛgbele, ni ashwie ehiɛ shi. Ni amɛteŋ mɛi ni eshwɛ lɛ, majɔɔ amɛnɔ mahã amɛhenyɛlɔi aklante. Mi Yehowa, mikɛɛ.”

Yeremia 18:18

Kɛkɛ ni maŋbii lɛ kɛɛ akɛ, “Nyɛbaa koni wɔkpãŋa Yeremia yinɔ, akɛni osɔfoi yɔɔ nɛɛ lɛ, wɔyɛ mɛi ni baatsɔ̃ɔ wɔ mla lɛ naa, ni nilelɔi yɛ ni baawo wɔ ŋaa, ni gbalɔi hu baahi shi amɛgba amɛhã wɔ. Nyɛbaa koni wɔkɛ wɔlilɛi afite lɛ, ni nyɛkahãa wɔbo ewiemɔ kome folo toi.”

Ezekiel 13:9

Mate shi mawo gbalɔi ni naa ninai ni bɛ mli, ni amɛmaleɔ lɛ; amɛhiŋ mimaŋ lɛ gwabɔɔ lɛ mli, ni asaŋ aŋmaŋ amɛgbɛii yɛ Israel we lɛ wolo lɛ mli, ni amɛyiŋ Israel shikpɔŋ lɛ nɔ hu; ni nyɛkɛale akɛ mi, mi ji Nuŋtsɔ Yehowa lɛ.

Ezekiel 7:26

Amanehulu aaanyiɛ amanehulu sɛɛ; akɛɛ akɛɛ sane aaanyiɛ akɛɛ akɛɛ sane sɛɛ. Amɛbaabi gbalɔ lɛ ni egba amɛ ninaa, nɔ ni ajie atsɔ̃ɔ lɛ. Osɔfoi lɛ tete ahiɛ lɛ, mla lɛ jeee fɛifɛi, ni onukpai lɛ wooo ŋaa kpakpa.

Amos 8:11

“Naa, gbii miiba, ni mahã hɔ̃mɔ aba shikpɔŋ lɛ nɔ. Jeee daaŋŋmãa hɔ̃mɔ mɛi baaye lɛ, ni jeee nu hɔ̃mɔ hu, shi moŋ abaaye Yehowa wiemɔi lɛ he kumai.

Mika 2:6

Mɛi shiɛɔ ni amɛkɛɔ akɛ, “Kaashiɛ owo wɔ. Kaashiɛ enɛɛmɛi nɛɛ owo wɔ; hiɛgbele ko bɛ ni baaba wɔnɔ.