Mika 3:11 - ŊMALƐ KRƆŊKRƆŊ LƐ

¹¹ Maŋ onukpai lɛ, nyɔɔŋnii amɛheɔ dani amɛbuaa sane he; osɔfoi lɛ, nyɔmɔwoo hewɔ amɛtsɔ̃ɔ Nyɔŋmɔ Mla lɛ, ni gbalɔi lɛ shika hewɔ amɛgbaa nɔ ni ajie atsɔ̃ɔ amɛ. Kɛ̃lɛ amɛkɛ amɛhe kpasaa Yehowa ni amɛkɛɔ akɛ, “Yehowa kɛ wɔ yɛ; nɔ fɔŋ ko nɔ fɔŋ ko baŋ wɔnɔ.”

Ṅmãle̱ Kroṅkroṅ Le̱

¹¹ Emli onukpai le̱, nyõṅnii hewo̱ ame̱kodšoo̱, ni emli oso̱foi le̱, nyõmo̱wo hewo̱ ame̱tšõo̱ nii, ni emli gbalo̱i ie̱, šika hewo̱ ame̱gbaä; ni kẽle̱ ame̱ke̱ ame̱-he kpasaä Iehowa ni ame̱kē̱o̱ ake̱: *Nto Iehowa ye̱ wo̱teṅ? nõfõṅ ko nõfõṅ ko baṅ wo̱no̱! *Ier. 7,4.

Mika 3:11 ပူးပေါင်းရင်းမြစ်များ

Abe̱i 17:23

Efɔŋfeelɔ heɔ nyɔɔŋnii koni etsɔ̃ jalɛ hiɛ ebu shi.

Yesaia 1:23

Omli lumɔi lɛ etsɔ̃mɔ atuatselɔi kɛ julɔi ananemɛi. Amɛteŋ mɔ fɛɛ mɔ miinya nyɔɔŋnihamɔ he ni amɛhiŋmɛii etsu kɛnyiɛ mɛi adɛŋ nikee sɛɛ. Amɛfãaa awusa he lɛ, amɛyeee okulafo sane amɛhãaa lɛ.

Yesaia 48:2

Nyɛtsɛɔ nyɛhe maŋ krɔŋkrɔŋ lɛ mli bii, ni nyɛkɛɔ akɛ nyɛkpasa Israel Nyɔŋmɔ lɛ. Mɔ ni gbɛi ji Yehowa, Taiatsɛ lɛ.

Yesaia 5:23

Kpoo hã mɛi ni heɔ nyɔɔŋnii ni no hãa amɛŋmɛɔ mɔ ni efe efɔŋ he tswaa lɛ, ni amɛhãa mɔ ni sane ja gbɛnaanii ŋmɛɔ lɛ lɛ!

Yesaia 56:11

Gbei fulɔi ni; amɛleee mitɔ! Nɛkɛ tookwɛlɔi ni ji maŋhiɛnyiɛlɔi nɛɛ lɛ hu, amɛbɛ jwɛŋmɔ; amɛ fɛɛ amɛkɔlɔ amɛgbɛ, mɔ fɛɛ mɔ miifo ekome enɔ mli.

Yeremia 23:17

Nɔ ni amɛkɛɔ mɛi ni ebuuu mi, Yehowa, miwiemɔ lɛ ji, ‘Nɔ ko gbaŋ nyɛnaa;’ ni mɔ fɛɛ mɔ ni efee ehe kuɛŋtilɔ lɛ, amɛkɛɔ lɛ akɛ, ‘Nɔ fɔŋ ko nɔ fɔŋ ko bɛ ni baaba onɔ.’ ”

Yeremia 26:7

Osɔfoi lɛ kɛ gbalɔi lɛ kɛ maŋ muu lɛ fɛɛ nu akɛ Yeremia miiwie wiemɔi nɛɛ yɛ Yehowa Sɔlemɔ we lɛ.

Yeremia 5:12

Yehowa webii lɛ emale yɛ Yehowa he, ejaakɛ amɛkɛɛ akɛ, “Efeŋ wɔ nɔ ko; nɔ fɔŋ ko baŋ wɔnɔ; ta ko ebaninaŋ wɔ, ni wɔyeŋ hɔmɔ hu.

Yeremia 6:13

Ejaakɛ kɛjɛ amɛteŋ mɔ bibioo nɔ kɛyashi mɔ wulu nɔ lɛ, mɔ fɛɛ mɔ miishishiu mɛi koni ekɛna nii; ni kɛjɛ gbalɔ nɔ kɛyashi osɔfo nɔ lɛ, mɔ fɛɛ mɔ shihilɛ mli lɛ kutumpɔo sɔŋŋ ni.

Yeremia 7:4

Nyɛkɛ nyɛhiɛ akafɔ̃a nɛkɛ lakamɔ wiemɔi nɛɛ anɔ akɛ, ‘Yehowa Sɔlemɔ we nɛ! Yehowa Sɔlemɔ we nɛ! Yehowa Sɔlemɔ we nɛ!’

Yeremia 8:10

Enɛ hewɔ lɛ, maŋɔ amɛŋamɛi lɛ mahã mɛi krokomɛi; ni mikɛ amɛŋmɔji lɛ baahã mɛi ni baaye amɛnɔ kunim lɛ. Ejaakɛ kɛjɛ amɛteŋ mɔ bibioo nɔ kɛyashi mɔ wulu nɔ lɛ, amɛteŋ mɔ fɛɛ mɔ hiɛ joɔ; ni kɛjɛ gbalɔ nɔ kɛyashi osɔfo nɔ lɛ, amɛteŋ mɔ fɛɛ mɔ shishiuɔ mɔ.

Ezekiel 22:12

Mɛi heɔ nyɔɔŋnii, koni ashwie lá shi yɛ omli; aheɔ hekpa ni fe nine, ni atswaa nanemɛi ojo. Nyɛhiɛ ekpa minɔ.” Nuŋtsɔ Yehowa kɛɛ.

Ezekiel 22:27

“Emli lumɛi lɛ tamɔ klãji ni tserɛɔ milɛloo mli, amɛshwieɔ lá shi, amɛkpãtãa mɛi ahiɛ, bɔ ni afee ni amɛwo shishiumɔ ninamɔ.

Ezekiel 34:2

“Gbɔmɔ Adesa, gbaa oshi Israel tookwɛlɔi lɛ. Gbaa ni okɛɛ amɛ, amɛ mɛi ni ji maŋhiɛnyiɛlɔi lɛ, ni amɛ ji tookwɛlɔi lɛ. Kɛɛmɔ amɛ akɛ bɔ ni Nuŋtsɔ Yehowa kɛɛ nɛ, Ao, nyɛ Israel tookwɛlɔi ni nyɛlɛɔ nyɛ kɛkɛ nyɛhe. Ani esaaa akɛ tookwɛlɔi lɛ alɛ toi lɛ?

Hosea 4:18

Kɛji amɛnunuu dãi ni amɛtɔrɔ sɛɛ lɛ kɛkɛ lɛ amɛkɛ ajwamãŋbɔɔ lɛ etsa nɔ, ejaakɛ amɛsumɔɔ hiɛgbele moŋ fe hiɛnyam.

Hosea 4:8

Amɛtsɔ̃ esha ni mimɛi lɛ feɔ lɛ nɔ amɛna nii, ni no hewɔ lɛ, amɛshweɔ akɛ mɛi aya nɔ afee esha.

Amos 5:14

Nyɛtaoa nɔ kpakpa, shi jeee nɔ fɔŋ, bɔ ni afee ni nyɛyi ana wala, kɛkɛ lɛ Yehowa, Taiatsɛ lɛ, kɛ nyɛ aaahi shi kpakpa; ni nyɛyea jalɛ sane yɛ koishi akɛ aleee nɔ Yehowa, Taiatsɛ lɛ, aaadro Yosef shwiei ni eshwɛ lɛ lo!

Amos 9:10

Mimaŋbii lɛ ateŋ gbɔmɛi eshafeelɔi ni kɛɔ akɛ, ‘Nyɔŋmɔ haŋ nɔ fɔŋ ko anina wɔ lɛ, amɛ fɛɛ amɛbaanyɔnyɔi yɛ ta mli.’ ”

Mika 3:5

Gbalɔi lɛ lakaa mimaŋ lɛ. Mɛi ni hãa gbalɔi nɛɛ nɔ ko lɛ, gbalɔi lɛ shiɛɔ tsɔ̃ɔ amɛ akɛ hejɔlɛ miiba; shi mɛi ni hãaa amɛ nɔ ko lɛ, amɛwoɔ amɛhe gbeyei akɛ ta baaba abatua amɛ. Yehowa miikɛɛ gbalɔi nɛɛ akɛ,

Mika 7:3

Amɛhe esa kɛ efɔŋfeemɔ, ni amɛfeɔ lɛ kɛ ŋaa. Lumɛi kɛ kojolɔi lɛ heɔ nyɔɔŋnii. Nɔ fɔŋ ni yɔɔ hiɛnaanɔ gbɔmɔ tsuiŋ lɛ, ejeɔ enaa; kɛkɛ lɛ amɛ fɛɛ amɛkpãŋ amɛto.

Zefania 3:3

Emli lumɛi lɛ jatai ni huuɔ ni, emli kojolɔi lɛ hu klãji hɔmɔwɔlɔi ni shiii niyenii ko niyenii ko ni je atsɛre nɔ.

Zefania 3:4

Emli gbalɔi lɛ yiŋflɛflɛtsɛmɛi kɛ kutumpɔfoi sɔŋŋ ni; ni emli osɔfoi lɛ ebule nii ni yɔɔ krɔŋkrɔŋ, ni amɛtsɔ Nyɔŋmɔ mla lɛ hiɛ amɛbu shi.

Maleaki 1:10

Yehowa, Taiatsɛ kɛɛ akɛ, “Mina ni kulɛ nyɛteŋ mɔ ko ŋamɔ Sɔlemɔ we lɛ shinai lɛ koni nyɛkayashɛre la yakatswaa yɛ mifɔleshãa latɛ lɛ nɔ dɔŋŋ. Minaaa nyɛhe miishɛɛ, ni mimɔŋ nikeenii ni nyɛkɛbahãa mi lɛ hu mli.

Maleaki 2:9

“No hewɔ lɛ, bei abɔ ni nyɛyeee mimlai lɛ anɔ, shi moŋ nyɛkwɛɔ mɛi ahiɛiaŋ yɛ nyɛnifeemɔ mli lɛ, mibahã nyɛhe guɔ agbo yɛ Israelbii fɛɛ ahiɛ.”

4 Mose 16:15

Sane lɛ wo Mose mli la naakpa; ni ekɛɛ Yehowa akɛ, “Kaahe amɛfɔlei lɛ. Mishɔ̃ko amɛteŋ mɔ ko teji yɛ edɛŋ lɛ, miyeko amɛteŋ mɔ ko sane fɔŋ ko!”

4 Mose 22:7

Moab onukpai lɛ kɛ Midian onukpai lɛ yi mli amɛtee; ni amɛhiɛ klamɔ nyɔmɔwoo shika kɛtee. Be ni amɛyashɛ Balaam ŋɔɔ lɛ, amɛkɛ wiemɔ ni Maŋtsɛ Balak kɛtsu amɛ lɛ hã lɛ.

Mateo 3:9

Ni nyɛkasusua ni nyɛkɛɛ yɛ nyɛmli akɛ, ‘Wɔ lɛ wɔtsɛ ji Abraham;’ shi miikɛɛ nyɛ akɛ, Nyɔŋmɔ aaanyɛ etee bii ashi kɛjɛ tɛi nɛɛ amli ehã Abraham.

1 Timoteo 3:3

jeee dãanulɔ, jeee ninekpokpookpotsɛ, shi moŋ mɔ ni he jɔ, mɔ ni beee, mɔ ni hiɛ ekɔ̃ɔɔ shika nɔ,

Tito 1:11

Amɛ ji gbɔmɛi ni sa akɛ awo amɛnaa manyoflɛ. Amɛ, amɛbutuɔ shĩai muji fɛɛ, ni sɛɛnamɔ ni yɔɔ hiɛgbele hewɔ lɛ amɛtsɔ̃ɔ nii ni ejaaa.

1 Petro 5:2

Nyɛlɛa Nyɔŋmɔ tooku ni yɔɔ nyɛteŋ lɛ, nyɛkwɛa nɔ, jeee nɔnyɛɛ naa, shi moŋ yɛ suɔmɔ naa; tamɔ bɔ ni Nyɔŋmɔ taoɔ, asaŋ jeee sɛɛnamɔ ni yɔɔ hiɛgbele hewɔ, shi moŋ tsuijurɔ naa;

Yuda 1:11

Kpoo hã amɛ! Ejaakɛ amɛkɔ Kain gbɛ lɛ, ni amɛkɔ shishiumɔ amɛfɔ̃ amɛnɔ tamɔ Bileam yɛ sɛɛnamɔ hewɔ, ni amɛhiɛ ekpãtã yɛ atuatsemɔ mli tamɔ Kora.

1 Samuel 8:3

Shi Samuel bihii lɛ eyakɔɔɔ amɛtsɛ jeŋba kwraa. Amɛyadi ninamɔ sɛɛ ni amɛhehee nyɔɔŋnii, ni amɛtsɔ̃mɔ saji ahiɛ amɛbumɔ shi.