Mika 2:4 - ŊMALƐ KRƆŊKRƆŊ LƐ

⁴ Kɛji nakai be lɛ shɛ lɛ, mɛi kɛ nyɛsane lɛ aaabu abɛ, ni amɛaala nijiaŋwujee lala amɛkɛɛ akɛ, ‘Wɔhiɛ ekpãtã kwrakwra! Yehowa ehe wɔshikpɔŋ lɛ yɛ wɔdɛŋ; ni ekɛhã mɛi ni ŋɔ wɔ nom lɛ, ni eja wɔŋmɔji ehã mɛi ni ŋɔ wɔ nom lɛ.’ ”

Ṅmãle̱ Kroṅkroṅ Le̱

⁴ Nakai gbĩ le̱ no̱ le̱ aabu nyehe abe̱, ni aala yāfo lala ake̱: Eba mli, afitewo̱ kwrakwra! etšake mimaṅ le̱ gbe̱fāṅnõ le̱; kwe̱ boni etšile̱ ke̱-dše̱ mihe! eke̱ wo̱ṅmõdsi le̱ ehã henye̱lo̱!

Mika 2:4 ပူးပေါင်းရင်းမြစ်များ

2 Samuel 1:17

Kɛkɛ ni David kɛ lala nɛɛ fo Saul kɛ ebi Yonatan,

2 Kronika 35:25

Gbalɔ Yeremia fo yaafo lala, ni ekɛfo Maŋtsɛ Yosia. Kɛjɛ no sɛɛ lɛ, hii kɛ yei lalatsɛmɛi fɛɛ tsĩɔ Yosia tã yɛ amɛyaafo lalai amli kɛ ŋmɛnɛ. Kɛkɛ ni nii nɛɛ tsɔ̃ kusum ni bakã shi kɛbashi ŋmɛnɛ yɛ Israel. Yeremia yaafo lala nɛɛ fata Yaafo Lalai Awolo lɛ mli lalai lɛ ahe.

Hiob 27:1

Kɛkɛ ni Hiob wo ewiemɔ lɛ nɔ ekoŋŋ, ni ekɛɛ,

Yesaia 14:4

nyɛkɛ wiemɔi aaabɔ Babilon maŋtsɛ ahora akɛ, “Te aye tɛŋŋ ni mlifu ni shimɔɔ shi lɛ sɛɛ efo nɛɛ? Te aye tɛŋŋ ni haolɔ lɛ bɛ dɔŋŋ nɛɛ?

Yesaia 24:3

Abaakpãtã shikpɔŋ lɛ hiɛ butuu, ni abaashi lɛ shwɛm, ejaakɛ Yehowa ekɛɛ, ni ja ena eba mli.

Yesaia 6:11

Kɛkɛ ni mikɛɛ akɛ, “Ao, Nuŋtsɔ, kɛyaashi mɛɛ beyinɔ?” Eto he akɛ, “Kɛyaashi beyinɔ ni maji lɛ aaatsɔ̃mɔ amaŋfɔ̃i ni adesa ko bɛ amɛmli, ni shĩai lɛ aaajwere shi efoji ni gbɔmɛi bɛ mli, ni shikpɔŋ lɛ aaatsɔ̃ amaŋfɔ̃ kwraa.

Yeremia 14:18

Kɛji miyiŋ mitee ŋa lɛ nɔ lɛ, naa, gbohii ni enyɔnyɔɔi yɛ ta mli, kɛji miku misɛɛ kɛba maŋ lɛ mli lɛ, naa, gbɔmɛi ni hɔmɔ egbe amɛ. Ni gbalɔi lɛ kɛ osɔfoi lɛ miitsu amɛnitsumɔi lɛ yɛ shikpɔŋ lɛ nɔ nɛ; shi amɛleee nɔ ni amɛfeɔ lɛ.”

Yeremia 4:13

Naa, henyɛlɔ lɛ efã kɛmiiba tamɔ atatu; etayaa shwiilii lɛ tamɔ lasuogbele; ni ekpɔŋɔi lɛ ahe yɛ oya fe okropɔŋ. Kpoo hã wɔ. Wɔhiɛ ekpãtã!

Yeremia 6:12

Amɛshĩai kɛ amɛŋmɔji kɛ amɛŋamɛi fɛɛ aaatsɔ̃mɔ mɛi krokomɛi moŋ anii, ejaakɛ mibagbala shikpɔŋ nɛɛ nɔ bii lɛ atoi. Mi, Yehowa, mikɛɛ.

Yeremia 8:10

Enɛ hewɔ lɛ, maŋɔ amɛŋamɛi lɛ mahã mɛi krokomɛi; ni mikɛ amɛŋmɔji lɛ baahã mɛi ni baaye amɛnɔ kunim lɛ. Ejaakɛ kɛjɛ amɛteŋ mɔ bibioo nɔ kɛyashi mɔ wulu nɔ lɛ, amɛteŋ mɔ fɛɛ mɔ hiɛ joɔ; ni kɛjɛ gbalɔ nɔ kɛyashi osɔfo nɔ lɛ, amɛteŋ mɔ fɛɛ mɔ shishiuɔ mɔ.

Yeremia 9:10

Kɛkɛ ni mikɛɛ akɛ, “Mawo yara mafo gɔji lɛ waa, ni maye ŋkɔmɔ yɛ ŋa nɔ kooloi aniyelihei lɛ ahewɔ, ejaakɛ jɛi fɛɛ eŋãla, ni mɔ ko tsɔ̃ɔɔ jɛi kɛhooo dɔŋŋ. Anuuu tsinai agbee yɛ jɛi; ni jwɛiaŋ loofɔji kɛ kooloi tete ejo foi kɛshi jɛi amɛtee.”

Yeremia 9:16

Mibagbɛ amɛ mashwã maji anɔ, hei ni amɛ kɛ amɛtsɛmɛi lɛ tete leee; mahã henyɛlɔi afã klante kɛnyiɛ amɛsɛɛ kɛyashi beyinɔ ni maplenee amɛ kwraa.”

Ezekiel 16:44

“Naa, mɔ fɛɛ mɔ ni buɔ abɛ lɛ, aaabu nɛkɛ abɛ nɛɛ ashi bo akɛ, ‘Bɔ ni nyɛ (awo) yɔɔ lɛ, nakai ebiyoo yɔɔ.’

Ezekiel 2:10

Egbele mli elɛɛ shi yɛ mihiɛ. Aŋma nii yɛ ehiɛ kɛ esɛɛ fɛɛ; ni aŋma yaafo kɛ awerɛho kɛ ŋkɔmɔyeli wiemɔi yɛ mli.

Yoel 1:13

Osɔfoi, nyɛbua kpekpe, ni nyɛwoa yara; Nyɛ afɔleshãa latɛ lɛ he sɔ̃ɔlɔi, nyɛwɔa lele. Nyɛbotea Sɔlemɔ we lɛ, ni nyɛyea ŋkɔmɔ nyɔɔŋnyɔɔŋ fɛɛ, nyɛ miNyɔŋmɔ lɛ sɔ̃ɔlɔi, ejaakɛ niyenii afɔle kɛ dãa afɔle ni akɛyaa nyɛNyɔŋmɔ lɛ we lɛ, atsi naa.

Yoel 1:8

Wo yara tamɔ oblayoo ni foɔ eblayeiaŋ wu.

Amos 5:1

Israelbii, nyɛboa yaafo lala ni miwoɔ nɔ yɛ nyɛhe nɛɛ toi.

Mika 1:15

Mareshabi, Yehowa baajie mɔ ehã ni ebaye nyɛnɔ kunim. Ebaaŋɔ nyɛmaŋ lɛ, ni Israel hiɛnaanɔbii lɛ aaajo foi ayatee yɛ Abdulam tɛkplo lɛ mli.

Mika 1:8

Kɛkɛ ni Mika kɛɛ, “Enɛ hewɔ lɛ, maye ŋkɔmɔ ni mawo yara; manyiɛ pasaa kɛ mihe yayai. Mawo yara tamɔ ŋaŋgbei, ni maye ŋkɔmɔ tamɔ okpɔŋɔ loofɔlɔ,

Mika 2:10

Nyɛtea shi ni nyɛyaa. Biɛ bɛ shweshweeshwe dɔŋŋ yɛ nyɛhe eshai ni kɛ hiɛkpãtãmɔ baaba lɛ hewɔ.

Habakuk 2:6

Aso majimaji nɛɛ fɛɛ yeŋ lɛ yɔɔ amɛkɛɛ akɛ, “Kpoo hã mɔ ni haa nii ni ele faŋŋ akɛ jeee enɔ ni, kɛ mɔ ni loɔ awabatoonii eshwieɔ enɔ lɛ. Mɛɛ beyinɔ nɔŋŋ ni?”

Zefania 1:2

Yehowa kɛɛ akɛ, Mibakpãtã nibii fɛɛ ahiɛ yɛ shikpɔŋ lɛ nɔ.

4 Mose 23:18

Balaam wo egbee nɔ, ni ebɔ̃i gbaa, ni ekɛɛ, “Tee shi, Balak, ni obo mi toi; Zipor binuu, feemɔ toi ohã mi.

4 Mose 23:7

Kɛkɛ ni Balaam wo egbee nɔ, ni ebɔi gbaa ekɛɛ, “Moab Maŋtsɛ Balak yaŋɔ mi kɛjɛ Siria, yɛ bokã gɔji lɛ anɔ ekɛɛ: ‘Ba, baalomɔ Yakob; Baalomɔ Israelbii ohã mi!’

4 Mose 24:15

Kɛkɛ ni Balaam wo enaa nɔ, ni ebɔ̃i gbaa ekɛɛ, “Balaam, Beor binuu lɛ, ninaa nɛ. Nɔ ni mɔ ni agbele ehiŋmɛii lɛ kɛɛ nɛ:

4 Mose 24:3

ni ewo enaa nɔ, ni egba ekɛɛ akɛ, “Balaam, Beor bi lɛ, ninaa nɛ, nuu ninalɔ lɛ ninaa nɛ,

Marko 12:12

Ni amɛmiitao lɛ amɛmɔ, ejaakɛ amɛle akɛ amɛhewɔ ebu nɛkɛ abɛ nɛɛ, shi amɛmiishe asafo lɛ gbeyei. Ni amɛshi lɛ amɛtee.

5 Mose 28:29

Ooogbugbuu shi shwane fintiŋŋ tamɔ shwilafo ni yɔɔ duŋ mli be fɛɛ be. Obaatsɔ ogbutsɛ, ni onɔ ko nɔ ko kwraa shwereŋ, ni aaahi bo nyɔŋyeli kɛ ojotswaa sɔŋŋ kɛkɛ daa nɛɛ, ni onaŋ mɔ ko mɔ ko ni aaahere bo.