Mika 2:2 - ŊMALƐ KRƆŊKRƆŊ LƐ

² Amɛhiɛ kɔ̃ɔ ŋmɔji anɔ, ni amɛshɔ̃ɔ; amɛhiɛ kɔ̃ɔ shĩai anɔ, ni amɛŋɔɔ. Mɔ ko mɔ ko gboshinii kɛ ewe fɛɛ bɛ shweshweeshwe.

Ṅmãle̱ Kroṅkroṅ Le̱

² Ni ame̱hĩe kõo̱ abō̱i ano̱, ni ame̱šõo̱, ke̱ šĩai, ni ame̱ṅõo̱; ni ame̱yeo̱ mo ke̱ ewe ke̱ mo ke̱ egbošinii amim.

Mika 2:2 ပူးပေါင်းရင်းမြစ်များ

1 Maŋtsɛmɛi 21:1

Saji nɛɛ asɛɛ lɛ sane ko hu ni ba nɛ. Nuu ko ni egbɛi ji Nabot, Yezreelnyo lɛ, yɛ waintrom yɛ Yezreel. Waintrom nɛɛ yɛ Samaria Maŋtsɛ Ahab mɔɔ lɛ masɛi kpaakpa.

2 Maŋtsɛmɛi 9:26

‘Nabot lá ni afɔse ashwie shi kɛ ebii lɛ hu alá ni afɔse ashwie shi, ni mina nyɛ, lɛ hewɔ lɛ, mikã mihe kitã akɛ mawo he nyɔmɔ yɛ nɛkɛ shikpɔŋ nɛɛ nɔŋŋ nɔ.’ Yehowa kɛɛ. No hewɔ lɛ, agbɛnɛ wo lɛ oshɛ ofɔ̃ shikpɔŋ nɛɛ nɔ yɛ Yehowa wiemɔ lɛ naa.”

Hiob 31:38

kɛji shikpɔŋ ni mihu nɔ bolɔ wo mi ni enɔ akofii wo yara kutuu;

2 Mose 20:17

“Ohiɛ akakɔ̃ onaanyo nɔ ko nɔ, eshĩa jio, eŋa jio, ewenuu jio, eweyoo jio, etsina jio, eteji jio, enɔ kroko jio, ohiɛ akakɔ̃ nɔ.”

Yesaia 3:14

Yehowa kɛ emaŋ onukpai kɛ maŋ lumɛi lɛ miikojo akɛ, “Nyɛ ji mɛi ni nyɛkpa waintrom lɛ mli nii ni nyɛye lɛ. Ohiafoi adɛŋ nibii ni nyɛhahaa lɛ yɛ nyɛshĩai lɛ amli.

Yesaia 5:8

Kpoo hã nyɛ, nyɛ mɛi ni nyɛheheo mɛi ashĩai nyɛfataa shĩai ni nyɛyɔɔ ahe, ni nyɛŋɔɔ mɛi aŋmɔji nyɛfataa nyɛŋmɔji ahe. Nyɛhiɛ nɛkɛ ni eshwɛŋ shikpɔŋ ko dɔŋŋ yɛ he ko ni abaashi nyɛ pɛ koni nyɛhi shikpɔŋ lɛ nɔ.

Yeremia 22:17

Shi bo lɛ, ohiŋmɛi kɛ otsui kã juukɛfɔ̃ nii kɛ mɛi ni efeko efɔŋ lá shishwiemɔ nɔ. Ni owaa mɛi ayi keketee.

Ezekiel 18:12

Ewaa ohiafo kɛ mɔ ni efi lɛ yi. Etswaa ojo, ni ekpaleee nyɔmɔtsɛ awabatoonii ehãaa lɛ. Ejaa amãgã, ni efeɔ musubɔɔnii.

Ezekiel 22:12

Mɛi heɔ nyɔɔŋnii, koni ashwie lá shi yɛ omli; aheɔ hekpa ni fe nine, ni atswaa nanemɛi ojo. Nyɛhiɛ ekpa minɔ.” Nuŋtsɔ Yehowa kɛɛ.

Ezekiel 22:13

“No hewɔ lɛ, mitswa midɛ̃ mishwie onɔ yɛ shishiumɔnii ni ona kɛ lá shi ni oshwie yɛ omli lɛ hewɔ.

Ezekiel 33:26

Nyɛfãa klante nyɛwoɔ nyɛhe, nyɛfeɔ musubɔɔnii; nyɛteŋ mɔ fɛɛ mɔ kɛ enaanyo ŋa bɔɔ ajwamãŋ; Aso shikpɔŋ lɛ aaatsɔ̃ nyɛnɔ kɛ̃?

Ezekiel 45:9

Bɔ ni Nuŋtsɔ Yehowa kɛɔ nɛ, “Ao, nyɛ Israel lumɛi, bɔ ni nyɛfee lɛ efa. Nyɛfɔ̃a yiwalɛ kɛ nɔnyɛɛ nifeemɔi lɛ, ni nyɛyea jalɛ sane koni nyɛfee nɔ ni ja. Nyɛkpaa mimaŋbii lɛ shwiemɔ yɛ shikpɔŋ ni ji amɛgbɛfaŋnɔ lɛ nɔ. Nuŋtsɔ Yehowa kɛɛ.

Ezekiel 46:18

Asaŋ lumɔ lɛ akashɔ̃ maŋbii lɛ agboshinii lɛ eko ni eshwie amɛ kɛjɛ amɛgbɛfaŋnɔ lɛ nɔ. Shi moŋ ekɛ nɔ ni ji lɛ diɛŋtsɛ egbɛfaŋnɔ lɛ mli eko ahã ebihii lɛ ni etsɔ̃ amɛnɔ, bɔ ni afee ni akashɔ̃ mimaŋbii lɛ eko gboshinii yɛ edɛŋ.”

Ezekiel 8:17

Kɛkɛ ni ekɛɛ mi akɛ, “Gbɔmɔ Adesa, ona enɛ? Ani nihiinii ni Yuda we lɛ feɔ yɛ biɛ nɛɛ lɛ efaaa ehãaa amɛ lo? Ni amɛhã yiwalɛ eyi shikpɔŋ lɛ nɔ obɔ̃ tɔ kɛmiiwo mimli la amɛfata he nɛɛ lo? Naa, amɛmaa mi gɔnti amɛjɛɔ mi.

Amos 2:7

Amɛnaanaa ohiafoi ayitsei anɔ yɛ shikpɔŋ mlu mli, ni amɛtsirɛɔ mɛi ni ehao kɛyaa gbɛsɛɛ. Mɔ kɛ lɛ diɛŋtsɛ etsɛ fɛɛ kɛ oblayoo kome lɛ nɔŋŋ naa bɔlɛ, ni amɛkɛbuleɔ migbɛi krɔŋkrɔŋ lɛ.

Amos 4:1

Nyɛ Samaria yei ni nyɛshwishwii tamɔ Bashan tsinayei ni yɔɔ Samaria gɔji anɔ lɛ, nyɛboa wiemɔ nɛɛ toi. Te nyɛwaa ohiafoi ayi, ni nyɛshwishwiaa mɛi ni efĩ amɛ shi, ni nyɛkɛɔ nyɛwumɛi lɛ akɛ, “Nyɛyataoa nɔ ni wɔɔnu kɛba!”

Amos 8:4

Nyɛboa toi, nyɛ mɛi ni nyɛnaanaa mɛi ni efi amɛ lɛ anɔ, ni nyɛkpãtãa ohiafoi ahiɛ yɛ shikpɔŋ lɛ nɔ.

Mika 3:9

Nyɛ Yakob we onukpai, nyɛ Israel nɔyelɔi, nyɛ mɛi ni nyɛhiɔ jalɛ, ni nyɛhãa jalɛ tsɔ̃ɔ nɔ ni ejaaa, nyɛboa toi koo!

Mika 6:12

Niiatsɛmɛi ni yɔɔ nyɛteŋ lɛ shishiuɔ ohiafoi lɛ; ni nyɛ fɛɛ lɛ amalelɔi ji nyɛ.

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”

Mateo 23:13

“Kpoo hã nyɛ, mlatsɔɔlɔi kɛ Farisifoi, osatofoi! Nyɛŋaa ŋwɛi maŋtsɛyeli lɛ naa nyɛwoɔ gbɔmɛi; nyɛ diɛŋtsɛ lɛ nyɛboteee mli, ni mɛi ni taoɔ mli abote lɛ hu, nyɛŋmɛɛɛ amɛ gbɛ ni amɛbote mli.” [

1 Timoteo 6:10

Ejaakɛ nibii fɔ̃ji fɛɛ ashĩshifã ji shikasuɔmɔ ni mɛi komɛi di sɛɛ ni amɛdu gbɛ kɛjɛ hemɔkɛyeli lɛ mli, ni amɛkɛ piŋmɔi babaoo egbulɔ amɛtsui lɛ.