Mika 2:12 - ŊMALƐ KRƆŊKRƆŊ LƐ

¹² “Shi bɔ fɛɛ bɔ ni fee lɛ, mabua nyɛnaa, nyɛ Israelbii fɛɛ ni eshwɛ. Mabua nyɛnaa tamɔ too gwantɛŋ ku kome; mabua nyɛnaa tamɔ too ku yɛ amɛniyelihe yɛ ŋa nɔ; nyɛshikpɔŋ lɛ nɔ baashi hoo ekoŋŋ kɛ gbɔmɛi.”

Ṅmãle̱ Kroṅkroṅ Le̱

¹² Buamo̱ mabua onā, bo Iakob mū le̱ ſẽ! Kpēmo̱ hũ makpē Israel mei ní eſe̱ le̱ ke̱-akpe! Maṅõame̱ mato hekome tamo̱ tōi ní yo̱ tšũ mli, lo tamo̱ tōiku ní yo̱ amelẽ̱̀he le̱ teṅ, ni ame̱afe hõ ye̱ mei le̱ afále̱ hewo̱. Ezek. 36,37.

Mika 2:12 ပူးပေါင်းရင်းမြစ်များ

1 Mose 36:33

Be ni Bela gbo lɛ, Yobab, Zera ni jɛ Bozra lɛ bi lɛ, baye maŋtsɛ yɛ esɛɛ.

1 Kronika 1:44

Yobab, Zera bi lɛ ni jɛ Bozra lɛ, baye maŋtsɛ yɛ Bela gbele sɛɛ.

Yesaia 11:11

Nakai be mli lɛ Nuŋtsɔ lɛ kɛ hewalɛ baakpɔ̃ ewebii ni eshwɛ lolo lɛ, nɔ ni ji shii enyɔ nɔ, kɛjɛ Asiria kɛ Ijipt kɛ Patros kɛ Kush kɛ Elam kɛ Babilon kɛ Hamat, asaŋ kɛ ŋshɔnaa shikpɔji lɛ anɔ kɛaaba.

Yesaia 27:12

Ao Israel, nakai gbi lɛ, Yehowa aaahala nyɛ ekomekome kɛjɛ Eufrate Faa lɛ naa kɛyaashi Ijipt husu lɛ nɔ, tamɔ mɔ ko ni miigbee ŋmãa.

Yesaia 34:6

Yehowa klante lɛ amɛlá kɛ fɔ ewu he kpɔtɔɔ; tamɔ too gwantɛŋi kɛ too kpakpoi alá kɛ agbɛnɛ ojwɛnii asabai ahe fɔ ni akɛshã afɔle. Ejaakɛ Yehowa miishã afɔle yɛ Bozra, ni ebaakpãtã wala hiɛ waa diɛŋtsɛ yɛ Edom.

Yesaia 5:17

Too gwantɛŋbii aaaye nii yɛ ŋa nɔ he ni jwɛifɔ yɔɔ, ni abotiabii ni eshwishwii aaaye nii kɛnyiɛ amaŋfɔ̃ tsui koi lɛ ateŋ.

Yeremia 23:3

Kɛkɛ lɛ mibabua miwebii ni eshwɛshwɛɛ yɛ majimaji ni mishwie amɛ kɛtee lɛ fɛɛ anɔ lɛ anaa, ni mikɛ amɛ baaba amɛjaku shikpɔŋ lɛ nɔ ekoŋŋ; ni amɛaafɔfɔi, ni amɛyi aaafa pii.

Yeremia 3:18

Nakai be lɛ mli lɛ, Yuda akutso lɛ baaya ayafata Israel akutso lɛ he ni amɛaajɛ kooyigbɛ shikpɔŋ lɛ nɔ kutuu kɛaaba shikpɔŋ ni mikɛhã amɛtsɛmɛi lɛ akɛ amɛgboshinii lɛ nɔ.’ ”

Ezekiel 34:11

Bɔ ni Nuŋtsɔ Yehowa kɛɔ nɛ, “Naa, mi, mi diɛŋtsɛ madi mitoi lɛ asɛɛ ni matao amɛsɛɛgbɛ.

Ezekiel 34:13

Maŋɔ amɛ kɛaajɛ majimaji anɔ bii ateŋ, ni mabua amɛnaa kɛjɛ shikpɔji lɛ anɔ; ni maŋɔ amɛ kɛba amɛ diɛŋtsɛ amɛshikpɔŋ lɛ nɔ. Malɛ amɛ yɛ Israel gɔji lɛ anɔ, kɛ gɔji ateaŋ jɔi lɛ amli kɛ shikpɔŋ lɛ nɔ shihilɛhei fɛɛ.

Ezekiel 34:22

hewɔ lɛ, mibahere mitoi lɛ ayiwala, ni amɛtsɔŋ kooloi anaa loo dɔŋŋ. Mibakojo gwantɛŋ kɛ gwantɛŋ teŋ.

Ezekiel 34:31

Ni nyɛ lɛ, mitoi ji nyɛ, milɛɛhe toi ji nyɛ. Mi ji nyɛNyɔŋmɔ! Mi, Nuŋtsɔ Yehowa, mi kɛɛ!”

Ezekiel 36:37

“Bɔ ni Nuŋtsɔ Yehowa kɛɔ nɛ, mahã Israel we lɛ abi mi enɛ hu ni mafee mahã amɛ; no ji akɛ mahã amɛyi afa tamɔ toiku.

Ezekiel 37:21

koni okɛɛ amɛ akɛ, bɔ ni Nuŋtsɔ Yehowa kɛɔ nɛ, naa, majie Israelbii lɛ kɛaajɛ majimaji lɛ anɔ hei ni amɛtee lɛ, ni mabua amɛnaa kɛaajɛ hei fɛɛ; ni mikɛ amɛ aaaba amɛ diɛŋtsɛ amɛshikpɔŋ lɛ nɔ.

Hosea 1:11

No mli Yudabii kɛ Israelbii anaa aaabakpe shi kɛfee ekome, ni amɛaato mɔ koome akɛ amɛ fɛɛ amɛhiɛnyiɛlɔ, ni amɛaashwere yɛ shikpɔŋ lɛ nɔ ekoŋŋ, ejaakɛ Yezreel gbi lɛ gbi wulu ni.

Amos 1:12

No hewɔ lɛ, mibama Teman maŋ lɛ naa la, ni la nɛɛ baashã Bazra mɔji lɛ fɛɛ.”

Mika 2:13

Nyɔŋmɔ mɔ ni gbeleɔ gbɛ baagbele gbɛ ahã amɛ, ni eeenyiɛ amɛhiɛ kɛjɛ nomŋɔɔ mli kɛba. Amɛaajwa maŋ lɛ agboi lɛ kɛje kpo kɛya heyeli mli. Amɛmaŋtsɛ ni ji Yehowa diɛŋtsɛ aaanyiɛ amɛhiɛ kɛje kpo.

Mika 4:8

Ni bo, Yerusalɛm, tooku lɛ mɔɔ ni kwɔ, Zion biyoo lɛ gɔŋkpɔ, oootsɔ̃ maŋtsɛmaŋ ekoŋŋ tamɔ bɔ ni oyɔɔ tsutsu lɛ.

Mika 5:7

Israelbii ni aaashwɛ lɛ aaatamɔ ŋwɛi bɔ ni Yehowa hãa enyɔɔ maji pii anɔ lɛ. Mɛi ni aaashwɛ lɛ aaatamɔ futufuli ni shwãa jwɛfɔ nɔ. Amɛkɛ amɛhe aaafɔ̃ Yehowa nɔ, shi jeee gbɔmɔ adesa ko nɔ.

Mika 5:8

Israelbii ni aaashwɛ yɛ maji lɛ ateŋ lɛ aaatamɔ jata yɛ kooŋ kooloi ateŋ, aloo tamɔ jata oblanyo yɛ tookui ateŋ. Kɛji eegbɔbi kɛbote kooloi lɛ ateŋ lɛ, ehuruɔ eyiɔ amɛnɔ, ni etserɛɔ amɛmli, ni jielɔ ko bɛ.

Mika 7:14

Yehowa, feemɔ tookwɛlɔ ohã omaŋ lɛ, ni olɛ amɛ, maŋ ni bo diɛŋtsɛ ohala lɛ. Amɛyɛ ŋa kplanaa nɔ banee yɛ Gɔŋ Karmel lɛ yiteŋ, tsɛbelɛ shikpɔŋ ni baa nii bɔle amɛ kɛkpe. Hã ni amɛhi Bashan kɛ Gilead shikpɔŋ frɔ̃frɔ̃ lɛ nɔ; ni amɛye enɔ nii tamɔ blema ko lɛ.

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

Zefania 3:20

Nakai be lɛ mikɛ nyɛ baaba shĩa, be mli ni mibabua nyɛnaa lɛ. Mahã nyɛgbɛi ahehe, ni abaakafo nyɛ yɛ shikpɔŋ lɛ nɔ majimaji fɛɛ anɔ, ni mahã nyɛshwere ekoŋŋ yɛ nyɛ diɛŋtsɛ nyɛhiŋmɛiŋ.” Yehowa wiemɔ nɛ.