Mika 2:10 - ŊMALƐ KRƆŊKRƆŊ LƐ

¹⁰ Nyɛtea shi ni nyɛyaa. Biɛ bɛ shweshweeshwe dɔŋŋ yɛ nyɛhe eshai ni kɛ hiɛkpãtãmɔ baaba lɛ hewɔ.

Ṅmãle̱ Kroṅkroṅ Le̱

¹⁰ Nyetea ši ní nyeyaā! edšake̱ dšee nyehedšō̱mo̱be ne̱, ye̱ mũdšinii ní ke̱ hĩekpãtãmo̱ ní nā wa baä le̱ hewo̱.

Mika 2:10 ပူးပေါင်းရင်းမြစ်များ

1 Maŋtsɛmɛi 9:7

no lɛ makpãtã Israel hiɛ kɛje shikpɔŋ ni miŋɔ hã amɛ lɛ nɔ. Makwa nɛkɛ Sɔlemɔ we nɛɛ ni mifee lɛ krɔŋkrɔŋ mihã mihe akɛ jɛi aaaja mi yɛ lɛ. Mɛi aaaye Israel he fɛo, ni eeetsɔ̃ nyaŋemɔnɔ yɛ maji krokomɛi ateŋ.

2 Maŋtsɛmɛi 15:29

Israel Maŋtsɛ Peka yinɔ lɛ Tiglat-Pileser, Asiria maŋtsɛ lɛ, fã ta kɛba Israel. Ebaŋɔ Gilead kɛ Galilea shikpɔji lɛ kɛ amɛmli maji nɛɛ: Iyon, Abel-Bet-Maaka, Yanoa, Kedesh, Hazor. Eŋɔ Naftali shikpɔŋ muu lɛ fɛɛ hu. Kɛkɛ ni eŋɔ Israelbii fɛɛ ni yɔɔ shikpɔŋ nɛɛ nɔ lɛ nom kɛtee Asiria.

2 Maŋtsɛmɛi 17:6

Hoshea yinɔ afi ni ji nɛɛhu lɛ nɔ lɛ, Asiria maŋtsɛ lɛ ŋɔ Samaria. Kɛkɛ ni eŋɔ Israelbii nom kɛtee Asiria; eŋɔ amɛteŋ mɛi komɛi kɛtee Hala maŋ wulu lɛ mli; ekɛ mɛi komɛi hu tee Habor Faa lɛ naa yɛ Gozan kpokpai anɔ; ekɛ mɛi komɛi hu tee Media maji wuji lɛ amli.

2 Kronika 7:20

no lɛ mibashwie nyɛ kɛje shikpɔŋ ni mikɛhã nyɛ nɛɛ nɔ, ni Sɔlemɔtsu nɛɛ ni mitsuu he mifee lɛ krɔŋkrɔŋ koni aja mi yɛ mli lɛ hu mibabule lɛ koni etsɔ̃ amaŋfɔ̃, ni majimaji fɛɛ kɛaabu abɛ, ni abaanyɛ lɛ.

Lalai 106:38

Amɛshwie amɛbihii kɛ amɛbiyei ni efeko efɔŋ ko lɛ alá shi amɛkɛshã afɔle amɛhã Kanaan amãgãi lɛ ni amɛkɛ lá lɛ bule shikpɔŋ lɛ.

Lalai 95:11

No hewɔ lɛ, mikã kitã yɛ mimlifu mli akɛ, “Kɛ amɛna amɛshɛ hejɔlɛ shikpɔŋ nɔ fĩĩ!”

Yeremia 10:18

ejaakɛ bɔ ni Yehowa kɛɛ nɛ, “Mibafɔ̃ shikpɔŋ nɛɛ nɔ bii tamɔ afɔ̃ɔ aklomia mli tɛ amrɔ nɛɛ nɔŋŋ; ni mibahã amɛhe ajara amɛ bɔ ni amɛbaanu he.”

Yeremia 3:2

Wo ohiɛ nɔ ni okwɛ gɔji lɛ anɔ hei ni yɔɔ kpataa lɛ. Te amɛteŋ he ni akɛ bo ebɔko ajwamãŋ yɛ lɛ? Otaa gbɛi atoii omɛɔ shieŋtsɛmɛi tamɔ Arabianyo woɔ ka yɛ shiaŋa mli kɛmɛɔ gbɛnyiɛlɔ. Okɛ ojwamaŋbɔɔ ni naa wa ebule shikpɔŋ lɛ.

Yeremia 9:19

Ejaakɛ wɔnu yaafo blɔmɔ kɛjɛ Zion akɛ, “Kwɛ bɔ ni akpãtã wɔhiɛ ahã. Ashwie wɔhiɛ shi naakpa, akɛ ahã wɔshi wɔshikpɔŋ lɛ nɔ ni akumɔ wɔshĩai lɛ fɛɛ.”

Ezekiel 36:17

“Gbɔmɔ Adesa, be ni Israelbii lɛ yɔɔ amɛ diɛŋtsɛ amɛshikpɔŋ lɛ nɔ lɛ, amɛkɛ amɛjeŋba kɛ amɛnifeemɔnii bule shikpɔŋ lɛ. Amɛjeŋba yɛ mihiɛ lɛ tamɔ yoo ni etee tsuiasɛɛ ni ehe tseee.

Ezekiel 36:19

Migbɛ amɛ mishwã majimaji lɛ ateŋ kɛ shikpɔji lɛ anɔ. Amɛjeŋba kɛ amɛnifeemɔnii ahewɔ lɛ migbala amɛtoi.

5 Mose 12:9

ejaakɛ nyɛnako nyɛshɛ shikpɔŋ lɛ ni Yehowa, nyɛNyɔŋmɔ lɛ, kɛhãa nyɛ lɛ nɔ, he ni nyɛbaana hejɔlɛ yɛ lɛ.

5 Mose 30:18

no lɛ miigba mli kpoo miikɛɛ nyɛ ŋmɛnɛ gbi nɛɛ akɛ nyɛhiɛ aaakpãtã, ni nyɛwala sɛɛ etsɛŋ yɛ shikpɔŋ ni nyɛfoɔ Yordan Faa lɛ ni nyɛyaŋɔ lɛ nɔ.

5 Mose 4:26

no lɛ miitsɛ ŋwɛi kɛ shikpɔŋ ŋmɛnɛ koni amɛye odase amɛshi nyɛ akɛ etsɛŋ ni aaakpãtã nyɛhiɛ yɛ shikpɔŋ ni nyɛbaafo Yordan lɛ kɛya ni nyɛyaŋɔ lɛ nɔ. Nyɛyeŋ be ko yɛ nɔ ni abaakpãtã nyɛhiɛ kwrakwra.