Mika 2:1 - ŊMALƐ KRƆŊKRƆŊ LƐ

¹ Kpoo hã mɛi ni toɔ efɔŋ he ŋaa yɛ amɛsai anɔ lɛ. Kɛji je tsɛre, ni amɛna hegbɛ lɛ, amɛfeɔ efɔŋ ni amɛto he ŋaa amɛfɔ shi lɛ ejaakɛ efɔŋ lɛ nɔ hewalɛ yɛ amɛdɛŋ.

Ṅmãle̱ Kroṅkroṅ Le̱

¹ Kpóo hã mei ní dſẽṅo̱ nišaianii ni ame̱too̱ nifõdšianii ahe ṅāi *ye̱ ame̱sāi ano̱ le̱! ké̱ dše tše̱re le̱, ame̱feo̱, edšake̱ eye̱ ame̱dẽ hewale̱ mli. *Lal. 35,5.

Mika 2:1 ပူးပေါင်းရင်းမြစ်များ

1 Mose 31:29

Kulɛ manyɛ mafee bo efɔŋ; shi otsɛ Nyɔŋmɔ lɛ kɛ mi wie nyɔɔŋ nɛɛ mli, ni ekɛɛ mi akɛ, ‘Kwɛmɔ ohe ni ahi koni okɛ Yakob akawie wiemɔ fɔŋ ko.’

1 Maŋtsɛmɛi 21:7

Kɛkɛ ni Yezebel kɛɛ Ahab akɛ, “Aso maŋtsɛ kɛ̃ oyeɔ yɛ Israel nɛɛ? Tee shi ni oye nii, ni ona tsui. Mi, mahã onine ashɛ Nabot, Yezreelnyo lɛ, waintrom lɛ nɔ.”

Ester 3:8

Kɛkɛ ni Haman kɛɛ maŋtsɛ Ahashwerosh akɛ, “Nii, Gbɔmɛi komɛi egbɛ eshwã omaŋtsɛyeli shikpɔji kɛ kpokpai fɛɛ anɔ, ni amɛ lɛ esoro amɛkusum kwraa yɛ maŋbii krokomɛi lɛ anɔ he, ni amɛyeee maŋtsɛ mlai lɛ anɔ hu. Enɛ lɛ esaaa akɛ Nii aŋmɛ amɛ gbɛ nakai.

Ester 5:14

No hewɔ lɛ, eŋa lɛ kɛ enanemɛi lɛ fɛɛ wo lɛ ŋaa akɛ, “Hã akla tsei ama shi; ekwɔlɛ afee ninetalɔi nyɔŋmai enumɔ. Obi maŋtsɛ lɛ koni asɛŋ Mɔdekai yɛ nɔ wɔ leebi. No sɛɛ lɛ, okɛ maŋtsɛ lɛ aya okplɔ̃ lɛ he kɛ miishɛɛ.” Ŋaa ni awo nɛɛ ŋɔɔ Haman naa; ni no hewɔ lɛ, ehã akla sɛŋmɔtso lɛ ama shi.

Ester 9:25

Shi Ester yana maŋtsɛ lɛ, ni maŋtsɛ lɛ ŋmã wolo, ni naagbee mli lɛ ehã Yudafoi lɛ ayinɔ ŋaa fɔŋ ni Haman etsɔ̃ lɛ babua lɛ moŋ eyiteŋ, ni asɛŋ lɛ kɛ ebihii lɛ fɛɛ yɛ tso nɔ yɛ maŋ jara nɔ.

Hiob 15:35

Nifɔ̃ji ahe ŋaa amɛtoɔ, ni amɛfeɔ nifɔ̃jianii; ni mɔshishiumɔ eyi amɛtsuiiaŋ tɔ.”

Hiob 24:14

Gbɔmɔgbelɔ lɛ teɔ shi leebi mra ni eyaa eyagbeɔ ohiafo kɛ shitswialɔ, ni kɛji je na hu lɛ etsɔ̃ɔ tamɔ julɔ.

Lalai 36:4

Etoɔ efɔŋfeemɔ he ŋaa be ni ekã esaa nɔ; ni eyiɔ gbɛ fɔŋ nɔ; nɔ fɔŋ ko kwraa bɛ ni enyaŋeɔ.

Lalai 36:5

Oo Yehowa, osuɔmɔ ni sɛɛ efooo lɛ, kwɔ kɛshɛɔ ŋwɛi tɔ̃ɔ. Onɔkwayeli lɛ shɛɔ atatuiaŋ tɔ̃ɔ.

Lalai 58:3

Mɛi fɔ̃ji gbaa jwɛi kɛjɛɔ musuŋ beebe; kɛji ashwie amɛ shi nɔŋŋ pɛ amɛbɔi malemɔ.

Abe̱i 12:2

Gbɔmɔ kpakpa hiɛ baa nyam yɛ Yehowa hiɛ, shi mɔ ni toɔ yiŋ fɔŋ lɛ, ebuɔ lɛ fɔ.

Abe̱i 14:22

Mɔ ni tsɔ̃ɔ ŋaa fɔŋ lɛ ani jeee tɔ̃ etɔ̃ɔ lɛ lo? Shi mɔ ni toɔ ŋaa kpakpa lɛ, afiɔ esɛɛ, ni ayeɔ lɛ anɔkwa.

Abe̱i 3:27

Mɛi ni esa amɛ ejurɔfeemɔ lɛ, kaakãmã amɛ, kɛji eyɛ ohewalɛ mli akɛ ooonyɛ ofee lɛ.

Abe̱i 4:16

Ejaakɛ mɛi fɔ̃ji wɔɔɔ akɛ ja amɛfee efɔŋ dã. Wɔ po tseɔ yɛ amɛhiɛ ja amɛna mɔ ko awui amɛye dã.

Yesaia 29:20

Ejaakɛ yiwalɔi aaatã, ni hefɛoyelɔi asɛɛ aaafo, ni mɛi fɛɛ ni shiɔ efɔŋfeemɔ he kpe lɛ, aaakpãtã amɛhiɛ,

Yesaia 3:14

Yehowa kɛ emaŋ onukpai kɛ maŋ lumɛi lɛ miikojo akɛ, “Nyɛ ji mɛi ni nyɛkpa waintrom lɛ mli nii ni nyɛye lɛ. Ohiafoi adɛŋ nibii ni nyɛhahaa lɛ yɛ nyɛshĩai lɛ amli.

Yesaia 32:7

Shishiulɔ nifeemɔ lɛ nɔ fɔŋ ni; etoɔ efɔŋfeemɔ he ŋaa koni ekɛ amale wiemɔi akpãtã ohiafo hiɛ kɛji ohiafo sane ja tete po lɛ.

Yesaia 5:8

Kpoo hã nyɛ, nyɛ mɛi ni nyɛheheo mɛi ashĩai nyɛfataa shĩai ni nyɛyɔɔ ahe, ni nyɛŋɔɔ mɛi aŋmɔji nyɛfataa nyɛŋmɔji ahe. Nyɛhiɛ nɛkɛ ni eshwɛŋ shikpɔŋ ko dɔŋŋ yɛ he ko ni abaashi nyɛ pɛ koni nyɛhi shikpɔŋ lɛ nɔ.

Yesaia 59:3

Ejaakɛ nyɛkɛ lá ebule nyɛniji, ni nyɛkɛ nishaianii ebule nyɛwaobii; nyɛnaabu wieɔ amale wiemɔi, kutumpɔo wiemɔi ji nɔ ni kã nyɛlilɛi nɔ.

Yeremia 18:18

Kɛkɛ ni maŋbii lɛ kɛɛ akɛ, “Nyɛbaa koni wɔkpãŋa Yeremia yinɔ, akɛni osɔfoi yɔɔ nɛɛ lɛ, wɔyɛ mɛi ni baatsɔ̃ɔ wɔ mla lɛ naa, ni nilelɔi yɛ ni baawo wɔ ŋaa, ni gbalɔi hu baahi shi amɛgba amɛhã wɔ. Nyɛbaa koni wɔkɛ wɔlilɛi afite lɛ, ni nyɛkahãa wɔbo ewiemɔ kome folo toi.”

Ezekiel 11:2

Mumɔ lɛ kɛɛ mi akɛ, “Gbɔmɔ Adesa, mɛnɛɛmɛi ji mɛi ni toɔ yiŋshai, ni amɛwoɔ ŋai gbohii yɛ maŋ nɛɛ mli lɛ.

Ezekiel 33:26

Nyɛfãa klante nyɛwoɔ nyɛhe, nyɛfeɔ musubɔɔnii; nyɛteŋ mɔ fɛɛ mɔ kɛ enaanyo ŋa bɔɔ ajwamãŋ; Aso shikpɔŋ lɛ aaatsɔ̃ nyɛnɔ kɛ̃?

Ezekiel 38:10

Bɔ ni Nuŋtsɔ Yehowa kɛɔ nɛ, “Nakai gbi lɛ nɔ lɛ susumɔi pii baaba oyiŋ, ni obajwɛŋ efɔŋfeemɔ he.

Ezekiel 46:18

Asaŋ lumɔ lɛ akashɔ̃ maŋbii lɛ agboshinii lɛ eko ni eshwie amɛ kɛjɛ amɛgbɛfaŋnɔ lɛ nɔ. Shi moŋ ekɛ nɔ ni ji lɛ diɛŋtsɛ egbɛfaŋnɔ lɛ mli eko ahã ebihii lɛ ni etsɔ̃ amɛnɔ, bɔ ni afee ni akashɔ̃ mimaŋbii lɛ eko gboshinii yɛ edɛŋ.”

Mika 6:12

Niiatsɛmɛi ni yɔɔ nyɛteŋ lɛ shishiuɔ ohiafoi lɛ; ni nyɛ fɛɛ lɛ amalelɔi ji nyɛ.

Nahum 1:11

Nineve, ani mɔ ko jɛɛɛ omli ni jwɛŋ Yehowa he efɔŋ, ni to ehe yiŋ fɔŋ?

Zakaria 7:10

Nyɛkawaa okulafo loo awusa loo gbɔ loo ohiafo yi. Ni nyɛteŋ mɔ ko mɔ ko akasusu enyɛmi he efɔŋ ko yɛ emli.’

Marko 15:1

Ni be ni je kɛɛ etsɛreɔ lɛ, osɔfonukpai lɛ kɛ maŋ onukpai lɛ kɛ mlatsɔɔlɔi lɛ kɛ akwaashɔŋ muu lɛ fɛɛ tee ajina, ni amɛfi Yesu, ni amɛkpala lɛ kɛyahã Pilato.

Luka 20:19

Ni osɔfonukpai lɛ kɛ mlatsɔɔlɔi lɛ miitao lɛ amɔ yɛ nakai ŋmɛlɛtswaa lɛ nɔ nɔŋŋ, ejaakɛ amɛyoo akɛ amɛhewɔ ebu nɛkɛ abɛ nɛɛ; shi amɛmiishe maŋ lɛ gbeyei.

Yohane 19:11

Yesu here nɔ akɛ, “Kɛjeee ŋwɛi ajɛ akɛhã bo lɛ, kulɛ onaŋ hewalɛ ko yɛ minɔ. No hewɔ lɛ, mɔ ni jie mi wo odɛ̃ŋ lɛ he esha lɛ da fe onɔ lɛ.”

Bɔfoi 23:12

Shi be ni je tsɛre lɛ, Yudafoi lɛ kpãŋ ni amɛkãmɔ kitãi akɛ amɛyeŋ nii ni asaŋ amɛnuŋ nɔ ko ja amɛgbe Paulo dã.

Bɔfoi 23:15

No hewɔ lɛ, agbɛnɛ nyɛkɛ akwaashɔŋ lɛ fɛɛ ayakɛa asafoiatsɛ nukpa lɛ, koni (wɔ lɛ) ekɛ lɛ akpeleke shi kɛba nyɛŋɔɔ, tamɔ nɔ ni esane lɛ mli nyɛbaatao fitsofitso, shi wɔ lɛ, dani eeeshɛ nyɛŋɔɔ lɛ, wɔsaa wɔhe ni wɔgbe lɛ.”

Romabii 1:30

amɛyeɔ amɛhe osheku, Nyɔŋmɔnyɛlɔi, mɛi ni hiɛ esɔɔɔ mɔ, hetsɔ̃ɔlɔi, shwãlɔi, nɔfɔŋ he ŋaatsɔlɔi, fɔlɔi anɔtoigbolɔi,

5 Mose 28:32

Abaaŋɔ obihii kɛ obiyei akɛ nomii ahã mɛi kpɔ̃ji be mli ni oona kɛ ohiŋmɛi nɔŋŋ, ni obaakwɛ amɛsɛɛkuu gbɛ kɛ tɔlɛ daa gbi; shi onyɛŋ he nɔ ko ofee.