Mika 1:7 - ŊMALƐ KRƆŊKRƆŊ LƐ

⁷ Aaajwara emãgãi lɛ fɛɛ wɔtsɔwɔtsɔ, ni nii ni akɛbawoɔ Sɔlemɔ we lɛ ajwamãŋi anyɔmɔ lɛ, aaashã fɛɛ. Makumɔ ewɔji lɛ fɛɛ mabua shi ni etsɔ̃ tamɔ gɔŋ. Ajwamãŋi anyɔmɔwo mli Samaria bua nii nɛɛ anaa kɛjɛ, ni agbɛnɛ Samaria henyɛlɔi aaaloo fɛɛ kɛaatee amɛjamɔhei yɛ hei krokomɛi.”

Ṅmãle̱ Kroṅkroṅ Le̱

⁷ Ni aadſăra emãgãi le̱ fẽ, aašã *enikēnii le̱ fẽ ye̱ la mli, ni mafe ewo̱dši le̱ fẽ amaṅfõ; edšake̱ adſamaṅ nyōmo̱wo mli ebua nā ke̱-dše̱, ni adſamaṅ nyõmo̱wo noṅṅ ame̱atšṍ ekoṅ! *Hos. 3,7. 14.

Mika 1:7 ပူးပေါင်းရင်းမြစ်များ

2 Kronika 31:1

Be ni agbe gbijurɔ lɛ yeli naa lɛ, Israelbii fɛɛ ni baye gbijurɔ lɛ teetee Yuda kɛ Benyamin maji lɛ amli, ni amɛyakumɔ jemawɔji amãgãi lɛ fɛɛ, ni amɛgba Asherim jemawɔŋ lɛ koi lɛ fɛɛ, ni amɛfitefitee hei grɔŋgrɔŋŋ ni ajaa jemawɔji yɛ lɛ fɛɛ, kɛ afɔleshãa latɛi fɛɛ ni yɔɔ jɛi lɛ hu. Amɛyafite nibii nɛɛ ahenɔi fɛɛ ni yɔɔ Efraim kɛ Manase hu fɛɛ kɛyashi eshwɛɛɛ ekome folo. Kɛkɛ ni Israelbii lɛ fɛɛ hu ku amɛsɛɛ kɛtee amɛkutsei ashikpɔji lɛ anɔ, ni mɔ fɛɛ mɔ tee ewe.

Yesaia 2:18

ni yakayaka amãgãi lɛ baaho aya kwraa.

Yesaia 23:17

Afii nyɔŋmai kpawo lɛ naagbee lɛ, Yehowa baahã Tiro aku sɛɛ ebɔi ejarayeli lɛ ekoŋŋ. Ebaafee ehe apaafonyo ehã shikpɔŋ lɛ nɔ maŋtsɛyelii fɛɛ.

Yesaia 27:9

No hewɔ lɛ, kɛji Yakob gbɛlɛ afɔleshãa latɛi lɛ amli tɛi lɛ munyɔmunyɔ tamɔ kaaloo tɛi ni afuflu, ni Ashera wɔŋkoi kɛ tsofakɛŋmashãa latɛi bɛ he ko he ko dɔŋŋ lɛ, no nɔ baatsɔ̃ ni akɛ Yakob tɔ̃mɔ lɛ baafa lɛ, ni no aaatsɔ̃ yibii ni etɔ̃mɔkɛfaa lɛ aaawo ahã lɛ.

Ezekiel 6:6

Hei fɛɛ ni nyɛyɔɔ lɛ nyɛmaji lɛ aaatsɔmɔ amaŋfɔ̃i, ni aaafite nyɛfɔleshãa latɛi kɛ nyɛjamɔhei grɔŋgrɔŋŋ lɛ. No hewɔ lɛ, abaafite nyɛfɔleshãa latɛi lɛ, ni amɛhiɛ baakpãtã. Abaakumɔ nyɛmãgãi lɛ, ni abaakpãtã hiɛ, ni nyɛtsofakɛŋma afɔleshãa latɛ lɛ, abaakumɔ, ni nyɛnitsumɔi lɛ abaagu.

Hosea 2:12

Ni maŋala ewaintsei lɛ kɛ agbãmi tsei lɛ ni ekɛɔ akɛ nomɛi ji nɔ ni enaa yɛ eshieŋtsɛmɛi lɛ adɛŋ akɛ enyɔmɔwo lɛ. Mahã fɛɛ atsɔ̃ koo koni ŋaŋ kooloi aye amɛnɔ nii.

Hosea 2:14

“No hewɔ lɛ, mibagbe eyitso ni mi kɛ lɛ aaatee ŋa lɛ nɔ ekoŋŋ; mi kɛ lɛ aaayawie naajɔlɛ wiemɔ yɛ jɛi koni eyiŋ atsɔ̃ kɛba shĩa.

Hosea 2:5

Ejaakɛ amɛnyɛ bɔ ajwamãŋ; efee hiɛgbejianii kɛna amɛ musu. Ekɛɛ ehe akɛ, ‘Hã maya mayatiu mishieŋtsɛmɛi lɛ; amɛ amɛhãa mi niyenii kɛ nu kɛ mikuntu kɛ klala lɛ kɛ mimu kɛ dãa.’

Hosea 8:5

Mitaooo tsinabi ni ajaa yɛ Samaria maŋ lɛ mli lɛ kwrakwra. Mimli ewo amɛ la naakpa. Mɛɛ beyinɔ po amɛaaba amɛjeŋ jogbaŋŋ yɛ Israel?

Hosea 8:6

Ŋaalɔ ko ni fee tsinabi lɛ; shi naa, jeee Nyɔŋmɔ ni. Nakai tsinabi lɛ ni ajaa yɛ Samaria lɛ, aaajwara lɛ dukuduku.

Yoel 3:3

Amɛfɔ̃ oshiki amɛkɛja nomii lɛ amɛhã amɛhe. Amɛhɔ̃ɔ gbekɛbii hii amɛkɛhe ajwamãŋi, ni amɛhɔ̃ɔ gbekɛbii yei amɛkɛhe wain amɛnu.

3 Mose 26:30

Mibafite hei ni nyɛjaa yɛ, yɛ gɔji lɛ anɔ, kɛ ohɛ afɔleshãa latɛi lɛ; ni mibashɛrɛ nyɛgbohii lɛ mashwie nyɛmãgãi ni akumɔ ashwie shi lɛ anɔ.

5 Mose 23:18

Nuu ni jio, yoo ni jio, mɔ ko mɔ ko kɛ ajwamãŋbɔɔ mli shika akabahã yɛ Yehowa, nyɛNyɔŋmɔ lɛ, we lɛ mli yɛ eshiwoo ko hewɔ, ejaakɛ Yehowa miihi jamɔhe lɛ mli ajwamãŋbɔɔ lɛ kɛ shika lɛ fɛɛ.

5 Mose 9:21

Kɛkɛ ni miwo tsina amãgã ni nyɛshwie lɛ, nɔ ni nyɛkɛtɔ̃ Yehowa nɔ lɛ, ni mishã, ni fee sɛɛ lɛ mishimɔ, ni miwiɛ lɛ kɛyashi efee munyɔmunyɔ tamɔ mlu, ni mitsi mlu nɛɛ mishwie faa ni jɛɔ gɔŋ lɛ nɔ hoɔ lɛ mli.

Kpojiemɔ 18:3

Ejaakɛ ehã jeŋmaji lɛ fɛɛ enu ejwamaŋbɔɔ dãa ni naa wa lɛ eko, ni shikpɔŋ lɛ nɔ maŋtsɛmɛi lɛ kɛ lɛ bɔ ajwamãŋ, ni shikpɔŋ lɛ nɔ jarayelɔi lɛ tsɔ̃mɔ niiatsɛmɛi yɛ enyɛnyɛŋtswibɔɔ lɛ hewalɛ naa.”

Kpojiemɔ 18:9

Ni shikpɔŋ lɛ nɔ maŋtsɛmɛi ni kɛ lɛ bɔ ajwamãŋ ni amɛkɛ lɛ bɔ nyɛnyɛŋtswi lɛ aaafo lɛ, ni amɛaawo yara yɛ hewɔ, be ni amɛaana eshãa lɛ lasu lɛ.

1 Samuel 5:4

Shi enɔ jetsɛremɔ leebi maaŋkpa be ni Ashdodbii lɛ te shi ekoŋŋ lɛ, naa, Dagon ekpa egbee shi ekoŋŋ, ni ehiɛ bu shikpɔŋ yɛ Yehowa Kpãŋmɔ Adeka lɛ hiɛ. Eyitso kɛ eniji enyɔ lɛ fɛɛ hu etserɛ yɛ ehe, ni amɛjwere kpoku lɛ nɔ. Dagon amãgã kuku lɛ kɛkɛ eshwɛ.