Mika 1:5 - ŊMALƐ KRƆŊKRƆŊ LƐ

⁵ Enɛɛmɛi fɛɛ baaba yɛ esha ni Israelbii efee eshi Nyɔŋmɔ kɛ ehiɛ atua ni amɛtse lɛ hewɔ. Israelbii atuatsemɔ lɛ, namɔ ejɛ? Ani jeee Samaria, maŋtsɛmaŋ lɛ? Wɔŋjamɔ ni yɔɔ Yuda lɛ, namɔ ejɛ? Ani jeee Yerusalɛm?

Ṅmãle̱ Kroṅkroṅ Le̱

⁵ Iakob mlatõmo̱ le̱ ke̱ Israel we le̱ he ešai le̱ ahewo̱ ni ene̱mei fẽ baä ne̱. Mẽ dši Iakob mlatõmo̱ le̱? *ani dšee Samaria ni? ni mẽ dši Iuda hei groṅṅi le̱? ani dšee Ierusalem ni? *Ier. 23,13. 14.

Mika 1:5 ပူးပေါင်းရင်းမြစ်များ

1 Maŋtsɛmɛi 11:7

Kɛkɛ ni Solomon mã jamɔhe ehã Kemosh, Moabbii anyɔŋmɔ ni Yehowa hiɔ lɛ, kɛ Molek ni ji Amonbii anyɔŋmɔ ni Yehowa hiɔ lɛ hu, yɛ Yerusalɛm bokãgbɛ.

1 Maŋtsɛmɛi 13:32

ejaakɛ wiemɔi ni Yehowa fã lɛ koni ewie eshi afɔleshãa latɛ lɛ ni yɔɔ Betel lɛ kɛ jamɔhei ni yɔɔ hei grɔŋŋi lɛ ni yɔɔ Samaria maji lɛ anɔ lɛ, bɔ fɛɛ bɔ ni fee lɛ gbalɛ wiemɔi lɛ baaba mli kɛ̃.”

1 Maŋtsɛmɛi 16:24

Omri tse jwiɛtɛi kukuji akpei ekpaa, ni ekɛhe Samaria gɔŋ lɛ yɛ mɔ ko ni egbɛi ji Shemer lɛ ŋɔɔ. Omri to maŋ yɛ gɔŋ lɛ nɔ, ni ewo maŋ lɛ Samaria, yɛ gɔŋ lɛ tsɛ Shemer gbɛi lɛ hewɔ. Ewaje maŋ lɛ.

2 Kronika 34:3

Yosia maŋtsɛyeli afi ni ji kpaanyɔ lɛ nɔ, be ni edako beebe lɛ, ebɔi eseshinyo David Nyɔŋmɔ lɛ jamɔ kɛ esɛɛgbɛ taomɔ. Be ni ena afii nyɔŋma kɛ enyɔ yɛ sɛi lɛ nɔ lɛ, Yosia bɔi jemawɔji ajamɔhei lɛ kɛ Ashera jemawɔŋ lɛ wɔŋ koi lɛ kɛ amãgãi krokomɛi lɛ fɛɛ fitemɔ, koni ekɛtsuu Yuda kɛ Yerusalɛm he.

2 Kronika 34:4

Ehã akumɔkumɔɔ Baal jemawɔŋ lɛ afɔleshãa latɛi lɛ yɛ lɛ diɛŋtsɛ ehiɛ; ni amɛyiteŋgbɛ tsofakɛŋmashãa latɛi ni amãmɔ yɛ jɛi lɛ hu, ehã akumɔ fɛɛ. Ehã akumɔ ni ashimɔ Asherim jemawɔŋ lɛ amãgã lɛ kɛ amãgãi krokomɛi lɛ hu fɛɛ mɔnyɔmɔnyɔ, ni akɛshwã mɛi ni be ni amɛyɔɔ wala mli lɛ amɛshã afɔle amɛkɛhã amãgãi nɛɛ asaŋi anɔ.

Yesaia 7:9

Israel he waaa fe Samaria, emaŋ wulu lɛ, ni Samaria he waaa fe Maŋtsɛ Peka, Remalia binuu lɛ. Kɛji nyɛheee nyɛyeee lɛ, no lɛ nyɛhiŋ shi akɛ maŋ.”

Yeremia 2:17

Israel, aso jeee bo diɛŋtsɛ oyatao nɛkɛ sane ohã ohe akɛ okwa Yehowa, oNyɔŋmɔ lɛ, be mli ni ekpalaa bo yɛ gbɛ lɛ nɔ lɛ?

Yeremia 2:19

Bo diɛŋtsɛ onifɔɔjianii lɛ baagbala otoi, ni kwamɔ ni okwa mi lɛ baabu bo fɔ. Na ole, ni oyoo akɛ kwamɔ ni okwa mi, Yehowa, oNyɔŋmɔ lɛ, nɔ fɔŋ ni, ni ebaajoo ehã bo. Mihe gbeyeishemɔ bɛ omli. Mi, Nuŋtsɔ Nyɔŋmɔ, Taiatsɛ, mikɛɛ.”

Yeremia 23:13

Mina esha ni Samaria gbalɔi lɛ fee lɛ; amɛtsɔ̃ Baal nɔ amɛgba, ni amɛhã mimaŋ Israel du gbɛ.

Yeremia 23:14

Shi nɔ ni mina yɛ Yerusalɛm gbalɔi lɛ ahe lɛ, eyɛ gbeyei. Amɛfiteɔ gbãlã, ni amɛmaleɔ; amɛwo efɔŋfeelɔi hewalɛ, no hewɔ lɛ, mɔ ko mɔ ko kpaaa efɔŋ feemɔ. Amɛ fɛɛ kwa amɛtsɔ̃ tamɔ Sodom, ni maŋbii lɛ tamɔ Gomora hã mi.

Yeremia 4:18

Yuda, ojeŋba kɛ onifeemɔnii ji nɔ ni kɛ nɛkɛ sane eba onɔ nɛɛ. Ohiɛkpãtãmɔ nɛ, ni eejoo pam, ni eetsu otsui mli.

Yeremia 5:25

Nyɛnishaianii lɛ ehã enɛɛmɛi fɛɛ eŋmɛɛ nyɛ, ni nyɛhe eshai lɛ ehã nɔ kpakpa ebɔ nyɛ.

Yeremia 6:19

Shikpɔŋ, bo toi! Miihã hiɛkpãtãmɔ abanina gbɔmɛi nɛɛ, ejaakɛ no ji yibii ni amɛjeŋba ewo; ejaakɛ miwiemɔi lɛ amɛboko toi, ni amɛkwa mimlai lɛ.

Yāfó 5:16

Wɔnunyam akekre eje wɔyitso egbee shi. Kpoo hã wɔ! Ejaakɛ wɔfee esha.

Ezekiel 16:46

“Onyɛmi yoo nukpa ji Samaria, mɔ ni kɛ ekrowai yɔɔ okooyigbɛ lɛ; ni onyɛmi yoo gbekɛ ji Sodom, mɔ ni kɛ ekrowai lɛ yɔɔ owuoyigbɛ lɛ.

Hosea 7:1

“Kɛ mito miyiŋ akɛ matsa mimɛi Israelbii lɛ koni amɛshwere pɛ, kɛkɛ lɛ Efraim kɛ Samaria nifɔɔjianii lɛ eje kpo: no ji mɔshishiumɔ kɛ juu kɛ ojotswaa yɛ gbɛteŋ.

Amos 6:1

Kpoo hã mɛi ni ahe ejɔ amɛ yɛ Zion, kɛ mɛi ni nyɛsusuɔ akɛ amɛyɛ shweshweeshwe yɛ Samaria Gɔŋ lɛ nɔ, mɛi ni ji lumɛi wuji yɛ maŋ wulu, Israel mli lɛ, mɛi aŋɔɔ ni Israelbii lɛ baa lɛ.

Amos 7:9

Hei ni Isak shwie lɛ jaa yɛ lɛ baatsɔ̃mɔ amaŋfɔ̃, ni hei ni Israelbii jaa yɛ lɛ hu baafee koikoi; ni mibafã ta mawo Yeroboam we lɛ.”

Amos 8:14

ni mɛi ni kɛ Samaria jemawɔji lɛ kãa kitã amɛkɛɔ akɛ, ‘Mina Dan jemawɔŋ lɛ,’ loo ‘Mina Beersheba jemawɔŋ lɛ,’ amɛbaanyɔnyɔi.”

Mika 1:13

Nyɛ Lakishbii, nyɛfimɔa shwiilii nyɛkpɛtɛa okpɔŋɔi ni he yɔɔ oya ahe. Israel eshai lɛ nyɛkase feemɔ, ni nyɛkɛhã Yerusalɛm efee esha.