Mika 1:4 - ŊMALƐ KRƆŊKRƆŊ LƐ

⁴ Gɔji lɛ aaasere yɛ enaneshi tamɔ wo-agbaku sereɔ yɛ la hiɛ lɛ; gɔji lɛ aaayiridi awo jɔi lɛ amli ni jɔi lɛ aaagbalagbalai tamɔ nu ni jɛ gɔŋ yiteŋ eebote jɔɔ mli.

Ṅmãle̱ Kroṅkroṅ Le̱

⁴ Ni gõdši le̱ aasĕre ye̱ ešiši, ni dšō̱i le̱ amli aagblagblai, tamo̱ wò-agbaku sĕreo̱ ye la hĩe, tamo̱ nu ní hoo̱ ſimſim ye heko ni emã enā ši.

Mika 1:4 ပူးပေါင်းရင်းမြစ်များ

Lalai 46:6

Majimaji lɛ feɔ hoo; maŋtsɛyelii lɛ hosoɔ. Nyɔŋmɔ woɔ egbee ni shikpɔŋ lɛ sereɔ.

Lalai 68:2

Bɔ ni ahuuɔ lasu kɛyaa lɛ, nakai ehuuɔ amɛ kɛyaa; bɔ ni wo agbaku sereɔ yɛ la he lɛ, nakai mɛi fɔ̃ji ahiɛ kpãtãa yɛ Nyɔŋmɔ hiɛ.

Lalai 97:5

Gɔji lɛ sereɔ tamɔ wo agbaku yɛ Yehowa hiɛ, yɛ shikpɔŋ muu lɛ fɛɛ Nuŋtsɔ lɛ hiɛ.

Amos 9:5

Nuŋtsɔ Nyɔŋmɔ lɛ, mɔ ni kɛ́ enine sa je lɛ he kɛkɛ lɛ je lɛ miihoso, ni emli gbɔmɛi fɛɛ yeɔ awerɛhoo, mɔ ni hãa je lɛ yiɔ ni ekpɔ̃ŋɔ tamɔ Nilo Faa lɛ,

Nahum 1:5

Gɔji hosoɔ yɛ ehiɛ, gɔ̃ŋkpɔi lɛ sereɔ: Shikpɔŋ lɛ hiɛ kpãtãa yɛ ehiɛ, ni je lɛ kɛ emli bii fɛɛ hu ahiɛ kpãtãa.

Habakuk 3:10

Gɔji lɛ na bo, ni amɛhosohosoo; nu tue kɛbaho yoo. Bu kwɔŋkwɔŋ lɛ wo egbee; ehole eniji anɔ kɛtee ŋwɛi.

Habakuk 3:6

Ewa edamɔ shi, ni shikpɔŋ hoso, Ekwɛ, ni maji lɛ ahe kpokpo. Naanɔ gɔji lɛ gbɛ shwã ni naanɔ gɔŋkpɔi lɛ ba shi, yɛ hei ni enyiɛ blema ko lɛ.

Zakaria 14:4

Nakai gbi lɛ nɔ lɛ Yehowa baadamɔ Mugɔŋ lɛ ni ma Yerusalɛm bokãgbɛ lɛ nɔ. Mugɔŋ nɛɛ mli baagba enyɔ kɛjɛ bokã kɛyashi anai, ni jɔɔ kpeteŋkple diɛŋtsɛ baakã teŋ. Gɔŋ lɛ fã baaye kooyigbɛ, ni fã hu baaye wuoyigbɛ.

Kpojiemɔ 20:11

Ni mina maŋtsɛ sɛ̃i yɛŋ ko ni da, kɛ mɔ ni ta nɔ lɛ, ni shikpɔŋ kɛ ŋwɛi jo foi yɛ ehiɛ, ni amɛbɛ gbɛhe dɔŋŋ.

Kojolɔi 5:4

Yehowa, be ni ojɛ Seir obaa lɛ, shikpɔŋ lɛ hoso, ŋwɛi tsere nu shwie shi, Be ni ofã nyiɛmɔ kɛjɛ Edom ŋã lɛ nɔ lɛ! Hɛɛ, nu tue kɛjɛ atatuiaŋ shwie shi.