Mika 1:16 - ŊMALƐ KRƆŊKRƆŊ LƐ

¹⁶ Yudabii, nyɛshɛa nyɛyi kɛyea ŋkɔmɔ yɛ nyɛbii ni nyɛsumɔ lɛ ahewɔ. Nyɛkpɔa nyɛyi kuekue tamɔ akpaŋa yiteŋ, ejaakɛ abaaŋɔ nyɛbii lɛ anom kɛaaje nyɛhe kɛya.

Ṅmãle̱ Kroṅkroṅ Le̱

¹⁶ Kpo̱ oyi ní oše̱ otšẽṅ ye̱ obii ni onyã́a ame̱he le̱ ahewo̱; hã oyiteṅ kpatā le̱ alē̱ tamo̱ akpaṅa nõ! edšake̱ ame̱dše ohe ame̱te nomṅō̃ mli!

Mika 1:16 ပူးပေါင်းရင်းမြစ်များ

2 Maŋtsɛmɛi 17:6

Hoshea yinɔ afi ni ji nɛɛhu lɛ nɔ lɛ, Asiria maŋtsɛ lɛ ŋɔ Samaria. Kɛkɛ ni eŋɔ Israelbii nom kɛtee Asiria; eŋɔ amɛteŋ mɛi komɛi kɛtee Hala maŋ wulu lɛ mli; ekɛ mɛi komɛi hu tee Habor Faa lɛ naa yɛ Gozan kpokpai anɔ; ekɛ mɛi komɛi hu tee Media maji wuji lɛ amli.

Hiob 1:20

Kɛkɛ ni Hiob te shi, ni ekɛ awerɛho gbala ehe atade lɛ, eshɛ eyi, ni eho ebu shikpɔŋ, ni esɔle.

Yesaia 15:2

Dibonbii lɛ ekwɔ kɛtee amɛwɔŋjamɔhei lɛ koni amɛyafo. Moabbii ewɔ lele yɛ Nebo kɛ Medeba maji lɛ ahewɔ. Amɛshɛ yi fɛɛ yi kɛ tsɛŋ fɛɛ tsɛŋ.

Yesaia 22:12

Nakai gbi lɛ Nuŋtsɔ Nyɔŋmɔ, Taiatsɛ lɛ, tsɛ koni nyɛfo ni nyɛye ŋkɔmɔ ni nyɛshɛshɛɛ nyɛyi ni nyɛmia kɛ kpekpe.

Yeremia 16:6

Amɛteŋ mɛi wuji kɛ mɛi bibii lɛ fɛɛ baagboi yɛ shikpɔŋ nɛɛ nɔ. Afuŋ amɛ, ni afeŋ amɛyara hu. Mɔ ko mɔ ko bãmɔŋ ehe kɛ kakla aloo eshɛŋ eyiteŋ kɛyeŋ amɛgbohii lɛ ahe ŋkɔmɔ.

Yeremia 4:8

Enɛ hewɔ lɛ, nyɛmiaa kɛ kpekpe nyɛyea ŋkɔmɔ, ni nyɛwoa yara, ejaakɛ Yehowa efoko emli ni fu wɔ waa lɛ sɛɛ.”

Yeremia 47:5

Ŋkɔmɔyeli ehã Gaza yiteŋ ekpa, ni akpãtã Ashkelon hiɛ. Ao! Nyɛ jɔɔŋbii ni eshwɛ, mɛɛ beyinɔ nɔŋŋ nyɛaabamɔ nyɛhe kakla kɛye awerɛhoo kɛyashi?

Yeremia 6:26

Yehowa kɛɛ, “Ao, mimaŋbii, nyɛkɔlɔa kpekpe nyɛbumɔa, nyɛkokloa shi yɛ lamlu mli, nyɛwoa yara nyɛfoa waa tamɔ afoɔ bi koome ni egbo, ejaakɛ hiɛkpãtãlɔ lɛ baaba ebatua nyɛ trukaa.”

Yeremia 7:29

“Yerusalɛmbii, nyɛkua nyɛyi nyɛshwiea, nyɛwoa yara yɛ gɔji kpataai lɛ anɔ, ejaakɛ Yehowa ekwa, ni ekpoo yinɔbii ni emli efu amɛ nɛɛ!

Yāfó 2:19

Tee shi koni obo yaafo nyɔɔŋ be fɛɛ be ni bulɔi jeɔ buu shishi. Fɔsemɔ otsuiŋ fɛɛ oshwie Nuŋtsɔ lɛ hiɛ, tamɔ afɔseɔ nu ashwieɔ shikpɔŋ. Holemɔ oniji anɔ otsɔ̃ɔ lɛ yɛ obii bibii ni hɔmɔ ehã amɛtɔ biti yɛ blohu fɛɛ blohu koŋ lɛ awala hewɔ.

Amos 7:11

Nɔ ni Amos kɛɛ ji, “Yeroboam baanyɔ yɛ ta mli, ni nom kɛ̃ aaaŋɔ Israelbii kɛaaje amɛshikpɔŋ nɔ kɛaatee.”

Amos 7:17

Amazia, bɔ ni Yehowa kɛɛ nɛ, ‘Oŋa baatsɔ̃ ajwamãŋ yɛ maŋ lɛ mli, ni obihii kɛ obiyei lɛ baanyɔnyɔɔ yɛ ta naa; abaaŋɔ oshikpɔŋ lɛ, ni abaaja ahã mɛi kpɔji. Bo diɛŋtsɛ lɛ maŋsɛɛ obaaya oyagbo yɛ, yɛ shikpɔŋ ko nɔ ni ajaaa Nyɔŋmɔ yɛ; ni Israelbii lɛ nom kɛ̃ aaaŋɔ amɛ kɛaaje amɛshikpɔŋ nɔ kɛaatee.’ ”

Amos 8:10

Mahã gbii juji ni nyɛyeɔ lɛ atsɔ̃ yarafeemɔ, ni lalai kɛ ŋɔɔmɔ ni nyɛlaa lɛ baatsɔ̃ yaafo. Nyɛbaabumɔ kpekpe, ni nyɛaashɛshɛɛ nyɛyi, ni nyɛbaatsɔ̃mɔ tamɔ fɔlɔi ni miiye amɛbi koome ni egbo he awerɛho. Nakai gbi lɛ naagbee mli baajoo pam.

5 Mose 28:41

Ooofɔ bihii kɛ biyei nɛ, shi ohiŋ bi, ejaakɛ aaaŋɔ amɛ fɛɛ nom.