Mateo 9:2 - ŊMALƐ KRƆŊKRƆŊ LƐ

² Ni naa, akɛ mɔ ko ni yeɔ kuumɔ hela ni kã saa nɔ ba eŋɔɔ. Ni be ni Yesu na amɛhemɔkɛyeli lɛ, ekɛɛ mɔ ni yeɔ kuumɔ hela lɛ akɛ, “Bi, hã otsui anyɔ omli, akɛ ohe eshai lɛ efa bo!”

Ṅmãle̱ Kroṅkroṅ Le̱

² Ni na, ake̱ moko ní yeo̱ kū̃mo̱-hela ní kã sā no̱ ba éṅõ. Ni beni Iesu na ame̱hemo̱-ke̱-yeli le̱, ekē̱ helatše̱ le̱ ake̱: Bi, hã otšui anyõ omli, aṅõ ohe ešai le̱ afao!

Mateo 9:2 ပူးပေါင်းရင်းမြစ်များ

Jajelɔ 9:7

Yaa nɔ oye oboloo kɛ miishɛɛ, ni onu owain hu kɛ mliflimɔ, ejaakɛ Nyɔŋmɔ ejɔɔ nɔ ni ofeɔ lɛ nɔ momo.

Yesaia 44:22

Mihã ohe eshai lɛ ekpalaŋ kɛtee tamɔ atatu, ohe eshai lɛ emii tamɔ afua. Kpalemɔ kɛba miŋɔɔ, ejaakɛ mi, mikpɔ̃ bo.”

Mateo 14:27

Shi amrɔ lɛ Yesu fã enaa ekɛɛ amɛ akɛ, “Nyɛnaa tsui, miŋ; nyɛkashea gbeyei.”

Mateo 4:24

Ni ehe sane gbɛ shwã Siria fɛɛ, ni akɛ mɛi fɛɛ ni bɛ hewalɛ ni helai kɛ piŋmɔi srɔtoi hiɛ amɛ kɛ mɛi ni mumɔi fɔ̃ji yɔɔ amɛmli kɛ mɛi ni yeɔ gbligbli kɛ mɛi ni yeɔ kuumɔhela ba eŋɔɔ, ni etsa amɛ.

Mateo 6:12

ni okɛ wɔnyɔji lɛ ake wɔ, tamɔ bɔ ni wɔ hu wɔkɛkeɔ mɛi ni hiɛ wɔ nyɔji lɛ.

Mateo 8:10

Shi be ni Yesu nu enɛ lɛ, ehiɛ fee lɛ yaa, ni ekɛɛ mɛi ni nyiɛ esɛɛ lɛ akɛ, “Anɔkwale mikɛɔ nyɛ akɛ minako hemɔkɛyeli ni da tamɔ enɛ yɛ Israel!

Mateo 8:16

Shi be ni shɛ gbɛkɛnaashi lɛ, akɛ mɛi pii ni mumɔi fɔ̃ji yɔɔ amɛmli ba eŋɔɔ. Ni ekɛ ewiemɔ fãmɔ mumɔi lɛ, ni etsa mɛi ni he yeɔ fɛɛ.

Mateo 9:22

Shi Yesu tsɔ̃ ehe, ni be ni ena lɛ lɛ ekɛɛ, “Biyoo, hã otsui anyɔ omli, ohemɔkɛyeli lɛ ehere oyiwala!” Ni yoo lɛ he wa lɛ nakai ŋmɛlɛtswaa lɛ nɔ nɔŋŋ.

Mateo 9:5

Te emli nɔ ni kɛɛmɔ jaraaa hu, akɛ aaakɛɛ akɛ, ‘Aŋɔ ohe eshai lɛ afa bo,’ aloo ‘Tee shi ni onyiɛ’ lɛ?

Mateo 9:6

Shi be ni afee ni nyɛna akɛ Gbɔmɔ Bi lɛ yɛ hegbɛ yɛ shikpɔŋ lɛ nɔ akɛ ekɛ eshai faa lɛ,” — kɛkɛ lɛ ekɛɛ mɔ ni yeɔ kuumɔ hela lɛ akɛ, “Tee shi, wo osaa lɛ ni oya shĩa!”

Marko 1:32

Gbɛkɛ be ni hulu enyɔ shi lɛ, akɛ helatsɛmɛi kɛ mɛi ni mumɔi fɔ̃ji yɔɔ amɛmli fɛɛ ba Yesu ŋɔɔ.

Marko 10:49

Yesu wa damɔ shi ni ekɛɛ, “Nyɛtsɛa lɛ kɛbaa!” Ni amɛtsɛ lɛ, ni amɛkɛɛ lɛ akɛ, “Na tsui, tee shi, eetsɛ bo!”

Marko 5:34

Yesu kɛɛ lɛ akɛ, “Biyoo, ohemɔkɛyeli ehã ohe ewa bo; yaa yɛ hejɔlɛ mli, ni ohela lɛ ajɔ.”

Marko 6:50

ejaakɛ amɛ fɛɛ amɛna lɛ, ni amɛtsui fa. Ni amrɔ lɛ ekɛ amɛ wie, ni ekɛɛ amɛ akɛ, “Nyɛtsui anyɔa nyɛmli; mi ni; nyɛkashea gbeyei!”

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Yohane 2:25

Ni ehe ehĩaaa akɛ mɔ ko aye gbɔmɔ he odase ahã lɛ, ejaakɛ lɛ diɛŋtsɛ ele nɔ ni yɔɔ gbɔmɔ tsui mli.

Yohane 21:5

Kɛkɛ ni Yesu bi amɛ akɛ, “Bii, nyɛyɛ niyenii ko lo?” Amɛhere lɛ nɔ akɛ, “Dabi.”

Bɔfoi 14:9

Ni be ni Paulo wieɔ lɛ, ebo toi. Paulo kwɛ lɛ gãa ni ena akɛ eyɛ hemɔkɛyeli akɛ aaatsa lɛ,

Bɔfoi 19:12

aahu po ni aŋɔɔ eklaladukui kɛ atade hiɛhaanii tete ayahaa helatsɛmɛi anɔ, ni amɛhelai lɛ tãa ni mumɔi fɔ̃ji lɛ hu jeɔ amɛmli.

Bɔfoi 23:11

Shi enɔ nyɔɔŋ lɛ Nuŋtsɔ lɛ badamɔ emasɛi ni ekɛɛ, “Paulo, hã otsui anyɔ omli, ejaakɛ bɔ ni oye mihe odase yɛ Yerusalɛm nɛɛ, ja oyaye odase nakai nɔŋŋ yɛ Roma hu.”

Romabii 5:11

Shi jeee no kɛkɛ, shi asaŋ wɔshwãa wɔfɔ̃ɔ Nyɔŋmɔ nɔ hu yɛ wɔNuŋtsɔ Yesu Kristo, mɔ nɔ ni tsɔ̃ ni agbɛnɛ wɔna kpãtãmɔ lɛ hewɔ.

Yakobo 2:18

Shi mɔ ko aaakɛɛ, “Bo lɛ, oyɛ hemɔkɛyeli, ni mi lɛ, miyɛ nitsumɔi.” Tsɔ̃ɔmɔ mi ohemɔkɛyeli ni nitsumɔi bɛ he lɛ ni mi hu majɛ minitsumɔi lɛ amli matsɔ̃ɔ bo mihemɔkɛyeli lɛ.