Mateo 6:9 - ŊMALƐ KRƆŊKRƆŊ LƐ

⁹ “No hewɔ lɛ, nyɛsɔlea nɛkɛ, ‘WɔTsɛ ni yɔɔ ŋwɛi, ogbɛi lɛ he atse;

Ṅmãle̱ Kroṅkroṅ Le̱

⁹ Nohewo̱ le̱ nyeso̱lea ne̱ke̱: *Wo̱tše̱ ní yo̱ ṅwei, ogbe̱i le̱ he atše; *Luk. 11,2-4.

Mateo 6:9 ပူးပေါင်းရင်းမြစ်များ

2 Samuel 7:26

ni ogbɛi lɛ aaada kpeteŋkple, ni aaakɛɛ kɛya naanɔ akɛ, ‘Yehowa Taiatsɛ lɛ, lɛ ji Nyɔŋmɔ yɛ Israel;’ ni mi otsulɔ David we lɛ ama shi shiŋŋ yɛ ohiɛ.

1 Maŋtsɛmɛi 8:43

no lɛ bo lɛ toi yɛ ŋwɛi ni ji oshihilɛhe lɛ, ni ofee nɔ fɛɛ nɔ ni gbɔ lɛ boɔ tsɛɔ bo yɛ he lɛ ohã lɛ. Enɛ baahã shikpɔŋ lɛ nɔ majimaji fɛɛ ale ogbɛi lɛ koni amɛja bo tamɔ omaŋ Israelbii feɔ lɛ. Ni amɛsaa amɛaana amɛle akɛ ogbɛi aŋɔ wo nɛkɛ Sɔlemɔtsu ni mimã kɛhã ojamɔ nɛɛ.

1 Kronika 17:24

ni ogbɛi lɛ aaada kpeteŋkple, ni aaakɛɛ kɛya naanɔ akɛ, ‘Yehowa Taiatsɛ lɛ, lɛ ji Israel Nyɔŋmɔ lɛ.’ Ni ooohã miwe lɛ ahe shi shiŋŋ yɛ yinɔi fɛɛ mli.

2 Kronika 20:6

ni ekɛɛ akɛ, “Yehowa, wɔtsɛmɛi aNyɔŋmɔ, bo ji Nyɔŋmɔ ni yɔɔ ŋwɛi, asaŋ mɔ ni yeɔ je lɛ mli maji fɛɛ anɔ. Bo oyɔɔ hewalɛ kɛ nyɛmɔ, ni mɔ ko kwraa bɛ ni baanyɛ bo onaa aku.

Nehemia 9:5

Kɛkɛ ni Yeshua kɛ Kadmiel kɛ Bani kɛ Hashabneia kɛ Sherebia kɛ Hodia kɛ Shebania kɛ Patahia ni amɛ fɛɛ lɛ Levibii ji amɛ lɛ, kɛɛ akɛ, “Nyɛtea shi ni nyɛjiea Yehowa, nyɛNyɔŋmɔ lɛ, yi; nyɛjiea eyi kɛjɛ naanɔ kɛyashi naanɔ! Aaajie egbɛi ni yɔɔ nyam lɛ yi, tsɛbelɛ bɔ fɛɛ bɔ ni ajieɔ egbɛi yi ni akafoɔ lɛ ahãa tete lɛ, eshɛɛɛ egbɛi lɛ dalɛ.”

Lalai 111:9

Ehã akpɔ̃ ewebii lɛ, ni ekɛ amɛkpãŋ naanɔ kpãŋmɔ, Egbɛi lɛ he tse, ni egbɛi lɛ he yɛ gbeyei.

Lalai 115:3

WɔNyɔŋmɔ lɛ, Ŋwɛii amli ŋwɛi lɛ eyɔɔ; ni nɔ fɛɛ nɔ ni esumɔɔ lɛ, no efeɔ.

Lalai 72:18

Ajie Yehowa, Israel Nyɔŋmɔ lɛ, yi! Lɛ ekoome too efeɔ naakpɛɛnii.

Yesaia 37:20

No hewɔ lɛ, agbɛnɛ, Ao wɔNyɔŋmɔ, heremɔ wɔ yɛ Asiria maŋtsɛ lɛ dɛŋ koni shikpɔŋ lɛ nɔ maŋtsɛyelii fɛɛ kɛna ale akɛ bo okoome ji Yehowa.”

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Yesaia 6:3

Mɔnɛ boɔ ekɛɔ mɔnɛ akɛ, “Krɔŋkrɔŋ, krɔŋkrɔŋ, krɔŋkrɔŋ ji Yehowa, Taiatsɛ lɛ! Shikpɔŋ muu lɛ fɛɛ eyi obɔ kɛ enunyam lɛ.”

Yesaia 63:16

Ejaakɛ bo nɔŋŋ ji wɔtsɛ, tsɛbelɛ Abraham leee wɔ, ni Israel hu eŋɔɔɔ wɔ akɛ bii; shi bo Yehowa lɛ bo nɔŋŋ ji wɔtsɛ kɛ wɔkpɔ̃lɔ kɛjɛ blema beebe ejaakɛ nakai ji ogbɛi.

Yesaia 64:8

Kɛ̃lɛ bo, Yehowa, bo nɔŋŋ ji wɔtsɛ. Wɔ lɛ su ji wɔ, ni bo ji wɔshɔ̃lɔ, ni oninenaa nitsumɔ ji wɔ fɛɛ.

Yesaia 66:1

Bɔ ni Yehowa kɛɛ nɛ, “Ŋwɛi lɛ, mimaŋtsɛ sɛi ni; ni shikpɔŋ lɛ, minaneshi maaŋoo ni; belɛ mɛɛ tsu nyɛaama nyɛha mi mɔ, ni nɛgbɛ aaafee mihejɔɔmɔ he?

Ezekiel 36:23

“Masaa mafee minunyam gbɛi kpeteŋkple lɛ ni abule lɛ yɛ jeŋmaji lɛ ateŋ, ni nyɛ hu nyɛgbe he guɔ yɛ amɛteŋ lɛ krɔŋkrɔŋ. Kɛji kɛtsɔ̃ nyɛnɔ lɛ, misaa mifee minunyam gbɛi kpeteŋkple lɛ krɔŋkrɔŋ yɛ amɛhiɛ lɛ, no amɛkɛaale akɛ mi, mi ji Yehowa, Nuŋtsɔ Nyɔŋmɔ kɛɛ.

Ezekiel 38:23

Ni enɛ mikɛaahã maji fɛɛ ale akɛ mida ni mihe tse; ni amɛaana amɛle hu akɛ mi ji Yehowa.”

3 Mose 10:3

Kɛkɛ ni Mose kɛɛ Aaron akɛ, “Enɛ ji nɔ ni Yehowa tsɔ̃ɔ be ni ekɛɛ akɛ, ‘Mɛi fɛɛ ni sɔ̃mɔɔ mi lɛ esa akɛ abu mi akɛ mɔ krɔŋkrɔŋ; majie minunyam lɛ kpo matsɔ̃ɔ maŋ muu lɛ fɛɛ.’ ” Shi Aaron mua enaa.

Habakuk 2:14

Moŋ shikpɔŋ lɛ nɔ baayi tɔ kɛ Yehowa anunyam lɛ he nilee, tamɔ bɔ ni ŋshɔ eyi tɔ kɛ nu lɛ.

Zakaria 14:9

Nakai gbi lɛ nɔ lɛ aaale lɛ akɛ Yehowa kome kɛ egbɛi hu koome; ejaakɛ lɛ ebaaye shikpɔŋ muu lɛ fɛɛ nɔ maŋtsɛ.

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

Mateo 10:29

Ani aflimatai enyɔ lɛ jeee pesewa ahɔ̃ɔ aheɔ? Shi amɛteŋ ekome flo enyɔŋ shikpɔŋ, ja ejɛ nyɛTsɛ lɛ dɛŋ.

Mateo 23:9

Ni nyɛkatsɛa mɔ ko nyɛTsɛ yɛ shikpɔŋ lɛ nɔ; ejaakɛ mɔ kome pɛ ji nyɛTsɛ, mɔ ni yɔɔ ŋwɛi lɛ.

Mateo 26:29

Shi miikɛɛ nyɛ akɛ, kɛjɛ benɛ kɛyaa nɛɛ minuŋ waintso yibii nɛɛ eko dɔŋŋ, kɛyashi gbi nɔ ni mikɛ nyɛ aaanu lɛ ehee yɛ miTsɛ maŋtsɛyeli lɛ mli.”

Mateo 26:42

Eyiŋ etee ekoŋŋ nɔ ni ji shii enyɔ, ni eyasɔle ekɛɛ, “MiTsɛ, kɛji kpulu nɛɛ nyɛŋ mihe aho aya akɛ ja minu lɛ, afee bɔ ni bo osumɔɔ.”

Mateo 5:16

Nakai nyɛhãa nyɛla atsoa yɛ gbɔmɛi ahiɛ, koni amɛna nyɛnifeemɔnii kpakpai lɛ, ni amɛwo nyɛTsɛ ni yɔɔ ŋwɛi lɛ hiɛ nyam.”

Mateo 5:48

No hewɔ lɛ, nyɛhia kɛwulaa shi, tamɔ bɔ ni nyɛTsɛ ni yɔɔ ŋwɛi lɛ hi kɛwula shi lɛ.”

Mateo 6:14

“Shi kɛji nyɛkɛ mɛi atɔ̃mɔi fa amɛ lɛ, nyɛTsɛ ni yɔɔ ŋwɛi lɛ kɛaafa nyɛ hu.

Mateo 6:6

Shi bo lɛ, kɛ oosɔle lɛ, botemɔ opia mli, ni oŋa oshinaa lɛ, ni osɔle otsɛ oTsɛ yɛ teemɔ mli; ni oTsɛ ni naa teemɔ mli nii lɛ aaawo bo nyɔmɔ.

Mateo 7:11

Belɛ kɛji nyɛ ni nyɛ ji mɛi fɔ̃ji lɛ nyɛle bɔ ni nyɛfeɔ nyɛkɛ nikpakpai hãa nyɛbii lɛ, enyiɛ nɔŋŋ nyɛTsɛ ni yɔɔ ŋwɛi lɛ eŋɔŋ nikpakpai ehaŋ mɛi ni biɔ lɛ lɛ?

Luka 15:18

Mate shi matee mitsɛ ŋɔɔ ni mayakɛɛ lɛ akɛ, “Ataa, mifee Nyɔŋmɔ shishi esha ni mifee esha mishi bo,

Luka 15:21

Ni ebi lɛ kɛɛ lɛ akɛ, ‘Ataa, mifee Nyɔŋmɔ shishi esha ni mifee esha, mishi bo, ni misaaa mɔ ni atsɛɔ mi obi dɔŋŋ!’

Luka 2:14

“Anunyam ahã Nyɔŋmɔ yɛ ŋwɛi flooflo, ni hejɔlɛ aba shikpɔŋ lɛ nɔ, ni ana gbɔmɛi ahe tsuijurɔ!”

Yohane 20:17

Yesu kɛɛ lɛ akɛ, “Kaata mihe; miyako ŋwɛi yɛ miTsɛ ŋɔɔ; shi yaa minyɛmimɛi lɛ aŋɔɔ ni oyakɛɛ amɛ akɛ, miiya ŋwɛi yɛ miTsɛ kɛ nyɛ hu nyɛTsɛ kɛ miNyɔŋmɔ kɛ nyɛ hu nyɛNyɔŋmɔ lɛ ŋɔɔ.”

Romabii 1:7

Miiŋma nyɛ mɛi ni Nyɔŋmɔ sumɔɔ ni etsɛ nyɛ ni nyɛ ji mɛi krɔŋkrɔŋi ni yɔɔ Roma lɛ fɛɛ, dromɔ kɛ hejɔlɛ ni jɛ wɔTsɛ Nyɔŋmɔ lɛ kɛ Nuŋtsɔ Yesu Kristo dɛŋ lɛ ahã nyɛ!

Romabii 8:15

Ejaakɛ jeee nyɔŋ mumɔ nyɛna ni aaahã nyɛshe gbeyei ekoŋŋ, shi moŋ Mumɔ ni hãa mɛi tsɔ̃mɔɔ bii ni hãa wɔboɔ wɔtsɛɔ Nyɔŋmɔ akɛ, “Aba! Ataa!” lɛ.

Galatabii 1:1

Mi Paulo ni mi ji bɔfo ni mibɔfonitsumɔ lɛ jɛɛɛ gbɔmɛi adɛŋ, ni jeee gbɔmɔ ko nɔ hu etsɔ̃, shi moŋ Yesu Kristo kɛ Tsɛ Nyɔŋmɔ ni tee lɛ shi kɛjɛ gbohii ateŋ lɛ nɔ etsɔ̃ lɛ,

Galatabii 4:6

Shi akɛni bii ji nyɛ hewɔ lɛ, Nyɔŋmɔ tsu eBi lɛ Mumɔ lɛ kɛba nyɛtsuii amli, ni eboɔ akɛ, “Aba, Ataa!”

1 Timoteo 6:16

Lɛ ekome eyɔɔ naanɔ shihilɛ ni gbele bɛ mli, ni ehiɔ la ni anyɛŋ abɛŋkɛ mli; gbɔmɔ ko gbɔmɔ ko enako lɛ dã, ni enyɛŋ lɛ ena hu lɛ. Enɔ ji woo kɛ naanɔ hewalɛ lɛ. Amen!

1 Petro 1:17

Ni kɛ nyɛtsɛɔ mɔ ni kwɛɛɛ mɛi ahiɛiaŋ shi ekojoɔ yɛ mɔ fɛɛ mɔ nitsumɔ naa lɛ akɛ nyɛTsɛ lɛ, nyɛkɛ gbeyeishemɔ abaa nyɛjeŋ yɛ nyɛgbɔtoo be lɛ mli.

Kpojiemɔ 4:11

“WɔNuŋtsɔ kɛ wɔNyɔŋmɔ, osa akɛ oŋɔ anunyam kɛ woo kɛ hewalɛ lɛ, ejaakɛ bo obɔ nii fɛɛ, ni osuɔmɔ naa abɔ amɛ ni amɛyɔɔ wala.”

Kpojiemɔ 5:12

ni amɛkɛ gbee wulu kɛɛ akɛ, “Toobi ni agbe lɛ sa hewalɛ kɛ nifalɛ kɛ nilee kɛ nyɛmɔ kɛ woo kɛ anunyam kɛ jɔɔmɔ.”