Mateo 5:6 - ŊMALƐ KRƆŊKRƆŊ LƐ

⁶ “Ajɔɔ mɛi ni jalɛ he hɔ̃mɔ kɛ kumai yeɔ amɛ lɛ; shi amɛaatɔrɔ.”

Ṅmãle̱ Kroṅkroṅ Le̱

⁶ Adšō̱ mei ni dšale̱ he hõmo̱ ke̱ kũmai yeo̱ame̱ le̱; ši ame̱atŏ̱ro̱.

Mateo 5:6 ပူးပေါင်းရင်းမြစ်များ

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Lalai 107:9

Mɔ ni kumai yeɔ lɛ lɛ, ehãa lɛ nu enuɔ; ni mɔ ni hɔmɔ yeɔ lɛ lɛ, ehãa etɔɔ kɛ nii kpakpai.

Yohane 6:27

Nyɛkatsua ŋmaa ni fiteɔ lɛ he nii, shi moŋ nyɛtsua ŋmaa ni hiɔ shi kɛyaa naanɔ wala mli ni Gbɔmɔ Bi lɛ aaahã nyɛ lɛ he nii, ejaakɛ lɛ enaa Tsɛ Nyɔŋmɔ lɛ esɔo.”

Lalai 145:19

Mɛi ni sheɔ lɛ gbeyei lɛ, efeɔ amɛnitaomɔnii ehãa amɛ; eboɔ amɛbolɔmɔ toi ni ehereɔ amɛyiwala.

Yohane 7:37

Shi naagbee gbi ni ji gbii juji lɛ ateŋ gbi wulu lɛ nɔ lɛ, Yesu yadamɔ shi ni ebo ekɛɛ, “Kɛji kumai miiye mɔ ko lɛ, eba miŋɔɔ ni ebanu nu.

Kpojiemɔ 7:16

Hɔ̃mɔ yeŋ amɛ dɔŋŋ, ni kumai hu yeŋ amɛ dɔŋŋ, ni asaŋ hulu eshaŋ amɛ ni latsaa ko etsaŋ amɛ dɔŋŋ;

Luka 6:21

“Ajɔɔ nyɛ mɛi ni hɔ̃mɔ yeɔ nyɛ amrɔ nɛɛ; ejaakɛ nyɛaatɔrɔ. Ajɔɔ nyɛ mɛi ni nyɛfoɔ amrɔ nɛɛ; ejaakɛ nyɛaaŋmɔ.

Yesaia 44:3

Ejaakɛ mibanɛ nu mashwie shikpɔŋ ni yeɔ nu kumai nɔ, ni mahã fai atue yɛ shikpɔŋ gbiŋ lɛ nɔ. Mahã oshwiei ayimɔ obɔ̃bɔ̃ kɛ mimumɔ lɛ, ni mijɔɔmɔ aaahi oshwiei anɔ.

Luka 1:53

Ehã mɛi ni hɔmɔ yeɔ amɛ etɔrɔ kɛ nii kpakpai, ni niiatsɛmɛi lɛ eshwie amɛ efolo.

Yesaia 65:13

No hewɔ lɛ, bɔ ni Nuŋtsɔ Nyɔŋmɔ kɛɔ nɛ. Naa, mitsuji lɛ aaaye nii atɔ, shi nyɛ lɛ hɔmɔ baaye nyɛ. Naa, mitsuji lɛ aaana nu amɛnu, shi nyɛ lɛ kumai aaaye nyɛ Naa mitsuji lɛ aaanya, shi nyɛ lɛ nyɛhiɛ aaagboi.

Lalai 65:4

Ajɔɔ mɔ ni ohala ni ohãa ebɛŋkɛɔ bo, koni ehi ohe krɔŋkrɔŋ lɛŋ lɛ. Wɔɔtɔrɔ kɛ owe lɛŋ nibii kpakpai lɛ, ni ji oSɔlemɔ we krɔŋkrɔŋ lɛŋ nibii lɛ.

Yesaia 25:6

Yehowa, Taiatsɛ lɛ, kɛ fɔŋ niyenii sɔkɔɔ kɛ wain momo ni adoo nɔ jogbaŋŋ baaŋmɛ shikpɔŋ lɛ nɔ bii fɛɛ okplɔ̃ yɛ gɔŋ nɛɛ nɔ.

Lalai 84:2

Misusuma hiɛ miitse Yehowa kpoi lɛ anɔ; hiɛtselɛ lɛ hãa misusuma tɔɔ biti po. Mikɛ mitsui kɛ migbɔmɔtso fɛɛ laa kɛ miishɛɛ hãa Nyɔŋmɔ hiɛkãalɔ lɛ.

Luka 6:25

“Kpoo hã nyɛ mɛi ni nyɛtɔrɔ amrɔ nɛɛ! Ejaakɛ hɔ̃mɔ aaaye nyɛ. “Kpoo hã nyɛ mɛi ni nyɛŋmɔɔ amrɔ nɛɛ! Ejaakɛ nyɛaaye ŋkɔmɔ ni nyɛaafofoi.

Yesaia 41:17

“Kɛji ohiafoi kɛ mɛi ni efi amɛ ye nu he kumai, shi nu bɛ, ni amɛlilɛii anɔ gbi kɛ kumai lɛ, Mi, Yehowa, mibabo amɛ toi, kɛji amɛtsɛ mi. Mi, Israel Nyɔŋmɔ lɛ, mikwaŋ amɛ.

Lalai 63:5

Misusumɔ aaaye wuiaŋ fɔ etɔ, ni minaabu aaala miishɛɛ lala kɛjie oyi.

Lalai 17:15

Mi lɛ, mana ohiɛ, yɛ jalɛ mli; ni kɛ mihiɛ tsɛ̃ lɛ, mitsui aaatɔ, ejaakɛ mina bɔ ni oyɔɔ.

Salomo Lalai 5:1

Minyɛmi yoo, miyɛmfro, miba mitrom lɛ mli, miibua mimire kɛ tsofaikɛŋmai anaa. Miiye miwo agbaku kɛ emli wo lɛ. Miinu miwain kɛ mifufɔ lɛ. Minanemɛi, nyɛyea ni nyɛnua, ni nyɛ, suɔlɔi, nyɛnua ni nyɛtɔrɔa!

Yesaia 66:11

Nyɛbaana eshweremɔ lɛ eko nyɛye nyɛtɔrɔ, tamɔ abifao yeɔ enyɛ fufɔ etɔɔ lɛ.”

Abe̱i 10:24

Nɔ ni mɔ fɔŋ sheɔ lɛ, no nɔŋŋ baaba enɔ; shi jalɔ lɛ enine aaashɛ etaomɔnii anɔ.

Abe̱i 21:21

Mɔ ni nyiɛɔ jalɛ kɛ mɔbɔnalɛ sɛɛ lɛ, enaa wala kɛ hiɛnyam.

Yeremia 31:25

ejaakɛ mibahã mɔ ni etɔ lɛ mii ashɛ, ni mɔ fɛɛ mɔ ni hɔmɔ ehã etɔ biti lɛ mahã ena nii eye ni etɔ.”