Mateo 5:5 - ŊMALƐ KRƆŊKRƆŊ LƐ

⁵ “Ajɔɔ mɛi ni he jɔ lɛ; shi shikpɔŋ lɛ aaatsɔ̃ amɛnɔ.”

Ṅmãle̱ Kroṅkroṅ Le̱

⁵ Adšō̱ mei ní he dšo̱ le̱; ši ame̱aye šikpoṅ le̱ no̱. Lal. 37,11.

Mateo 5:5 ပူးပေါင်းရင်းမြစ်များ

Lalai 147:6

Yehowa woɔ heshibalɔi anɔ, shi yiwalɔi lɛ etsirɛɔ amɛ etswiaa shi.

Lalai 149:4

Ejaakɛ Yehowa naa emaŋbii lɛ ahe tsuijurɔ; ehãa humii yeɔ ta mli kunim.

Lalai 22:26

Ohiafoi aaaye nii, ni amɛaatɔrɔ; mɛi ni taoɔ Yehowa sɛɛgbɛ lɛ, aaajie eyi. Amɛyi ana wala kɛya naanɔ.

Lalai 25:13

Nɛkɛ gbɔmɔ lɛ eeeshwere, ni eshwiei aaaye shikpɔŋ lɛ nɔ.

Lalai 25:9

Ekpalaa heshibalɔi kɛnyiɛɔ jalɛ gbɛ nɔ, ni etsɔ̃ɔ mɛi ni he jɔ lɛ egbɛ lɛ.

Lalai 37:11

Shi mɛi ni he jɔ lɛ, shikpɔŋ lɛ aaatsɔ̃ amɛnɔ; ni amɛmii aaashɛ amɛhe yɛ amɛshweremɔ babaoo hewɔ.

Lalai 37:22

Mɛi ni Yehowa ejɔɔ amɛ lɛ, shikpɔŋ lɛ aaatsɔ̃ amɛnɔ; shi mɛi ni alomɔ amɛ lɛ, aaaplenee amɛ.

Lalai 37:29

Jalɔi lɛ shikpɔŋ lɛ aaatsɔ̃ amɛnɔ, ni amɛaahi nɔ kɛya naanɔ.

Lalai 37:34

Mɛɛ Yehowa ni onyiɛ egbɛ lɛ nɔ, ni eeewo onɔ koni shikpɔŋ lɛ atsɔ̃ onɔ; ni ooona mɛi fɔ̃ji lɛ ahiɛkpãtãmɔ.

Lalai 37:9

Ejaakɛ efɔŋfeelɔi lɛ, aaafolɔ amɛ ashwie; shi mɛi ni mɛɔ Yehowa lɛ, amɛaahi shikpɔŋ lɛ nɔ.

Lalai 69:32

Hã mɛi ni awaa amɛ yi lɛ ana koni amɛmii ashɛ. Nyɛ mɛi ni nyɛtaoɔ Nyɔŋmɔ sɛɛgbɛ lɛ, nyɛhãa nyɛtsui anyɔa nyɛ mli;

Yesaia 11:4

Shi moŋ eeekojo ohiafoi lɛ yɛ jalɛ naa; ni eeebu shikpɔŋ lɛ nɔ humii lɛ atɛŋ yɛ jalɛ naa. Ekɛ edaaŋ wiemɔ aaaplene shikpɔŋ lɛ nɔ bii, ni ekɛ emumɔ lɛ aaagbe mɔ fɔŋ lɛ.

Yesaia 29:19

Humii baana miishɛɛ hee yɛ Yehowa hewɔ, ni ohiafoi amli aaafli amɛ yɛ Israel Mɔ Krɔŋkrɔŋ lɛ hewɔ.

Yesaia 60:21

Omaŋ muu lɛ fɛɛ aaafee nɔ ni ja, ni shikpɔŋ lɛ aaatsɔ̃ amɛnɔ kɛya naanɔ, amɛ ji tso ni mitɛo akɛ mi mininenaa nitsumɔ nii koni akɛwo mihiɛ nyam.

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Zefania 2:3

Nyɛ shikpɔŋ lɛ nɔ heshibalɔi fɛɛ ni feɔ Yehowa suɔmɔnaa nii, nyɛtaoa Yehowa sɛɛgbɛ; nyɛtaoa jalɛ sɛɛgbɛ; ni nyɛtaoa heshibaa sɛɛgbɛ, ni eko lɛ aaaŋɔ nyɛ atee yɛ Yehowa mlifu gbi lɛ nɔ.

4 Mose 12:3

Nɛkɛ nuu Mose nɛɛ lɛ, anɔkwa, eji ehe humi fe shikpɔŋ lɛ nɔ gbɔmɛi fɛɛ.

Mateo 11:29

Nyɛwoa mipã lɛ nyɛfɔ̃a nyɛnɔ, ni nyɛkasea mi; shi mihe jɔ, ni mibaa mihe shi kɛjɛ mitsui mli; ni nyɛaana hejɔɔmɔ nyɛhã nyɛsusumai lɛ.

Mateo 21:5

“Nyɛkɛa Zion biyoo lɛ akɛ, naa, omaŋtsɛ lɛ miiba oŋɔɔ. Ehe jɔ, ni eta teji nɔ kɛ teji ni ji nitsumɔ kooloo lɛ bi nɔ.”

Romabii 4:13

Ejaakɛ jeee Mla nɔ ni Abraham ye hewɔ ni Nyɔŋmɔ wo lɛ loo eshwiei ashi akɛ je lɛ aaatsɔ̃ enɔ lɛ, shi moŋ akɛni ehe eye ni Nyɔŋmɔ bu lɛ akɛ jalɔ lɛ hewɔŋ.

Galatabii 5:23

kpoofeemɔ, henɔyeli. Enɛɛmɛi lɛ mla ko eguuu.

Efesobii 4:2

Nyɛnyiɛa kɛ heshibaa fɛɛ kɛ kpoofeemɔ fɛɛ kɛ tsuishitoo fɛɛ ni nyɛnanaa nyɛhã nyɛhe kɛ suɔmɔ.

Kolosebii 3:12

No hewɔ lɛ, akɛni Nyɔŋmɔ halamɔbii, mɛi krɔŋkrɔŋi kɛ suɔmɔ mɛi ji nyɛ nɛɛ lɛ, nyɛwoa musuŋtsɔlɛ, mlihilɛ, heshibaa jwɛŋmɔ, kpoofeemɔ, tsuishitoo.

1 Timoteo 6:11

Shi bo lɛ, Ao Nyɔŋmɔ gbɔmɔ, joo nibii nɛɛ anaa foi, ni onyiɛ jalɛ, Nyɔŋmɔjamɔ, hemɔkɛyeli, suɔmɔ, hiɛmiamɔ, kɛ kpoofeemɔ sɛɛ.

2 Timoteo 2:25

mɔ ni kɛ mlijɔlɛ wieɔ tsɔ̃ɔ mɛi ni kuɔ enaa, akɛ aleenɔ Nyɔŋmɔ ahã amɛ tsuitsakemɔ ni amɛle anɔkwale lɛ.

Tito 3:2

Amɛkawie mɔ ko he efɔŋ, amɛkabe, shi moŋ amɛfee kpoo, ni amɛhã mɛi fɛɛ ana amɛ akɛ amɛhe jɔ kwraa.

Yakobo 1:21

No hewɔ lɛ, nyɛshɛrɛa nyaŋemɔ nitsumɔ kɛ efɔŋ ni afeɔ kɛtekeɔ nɔ fɛɛ nyɛshwiea, ni nyɛkɛ heshibaa aherea wiemɔ lɛ ni atɛo yɛ nyɛmli ni yɔɔ hewalɛ ni ekɛaahere nyɛsusumai ayiwala lɛ.

Yakobo 3:13

Namɔ ji nilelɔ kɛ sanesɛɛkɔlɔ yɛ nyɛteŋ? Ekɛ jeŋba kpakpa atsɔ̃ɔ lɛ diɛŋtsɛ enitsumɔi lɛ yɛ nilee kpoofeemɔ mli.

1 Petro 3:15

Shi Nuŋtsɔ, Kristo lɛ, nyɛbua lɛ krɔŋkrɔŋ yɛ nyɛtsuii amli; ni daa nɛɛ nyɛsaa nyɛhe nyɛtoa, koni nyɛna hetoo nyɛhã mɔ fɛɛ mɔ ni biɔ nyɛ hiɛnɔkãmɔ ni yɔɔ nyɛmli lɛ shi lɛ;

1 Petro 3:4

Shi moŋ efee tsui mli gbɔmɔ ni akɛtee yɛ mumɔ ni he jɔ ni yɔɔ kpoo lɛ hewulamɔ ni fiteee lɛ mli lɛ; no ji nɔ ni jara wa yɛ Nyɔŋmɔ hiɛ.