Mateo 5:3 - ŊMALƐ KRƆŊKRƆŊ LƐ

³ “Ajɔɔ mumɔ lɛ mli ohiafoi lɛ; shi amɛnɔ ji ŋwɛi maŋtsɛyeli lɛ.”

Ṅmãle̱ Kroṅkroṅ Le̱

³ Adšō̱ mumo̱ le̱ṅ ohĩafoi le̱; ši ame̱nõ dši ṅwei maṅtše̱yeli le̱. Ies. 57,15.

Mateo 5:3 ပူးပေါင်းရင်းမြစ်များ

2 Kronika 33:12

Be ni Manase yɔɔ hejaramɔ nɛɛ mli lɛ, eba ehe shi jogbaŋŋ ehã etsɛmɛi aNyɔŋmɔ lɛ, ni ekpa Yehowa, eNyɔŋmɔ, lɛ, fai akɛ ena lɛ mɔbɔ.

2 Kronika 33:19

Manase faikpamɔ lɛ kɛ bɔ ni Nyɔŋmɔ bo lɛ toi ehã lɛ, kɛ hei grɔŋŋi ni emamɔ jemawɔji ajamɔhei yɛ lɛ, kɛ wɔŋ koi kɛ amãgãi ni efeefee fɛɛ dani eje ehe sɛɛ, ni eba ehe shi ehã Yehowa lɛ, aŋmala yɛ Gbalɔi Ahe Saji Awolo lɛ mli.

2 Kronika 33:23

Amon eyabaaa ehe shi kwraa ehãaa Yehowa tamɔ etsɛ Manase ba ehe shi lɛ, shi moŋ etɔ̃ tɔ̃mɔi babaoo.

2 Kronika 34:27

oje ohe sɛɛ, ni oba ohe shi yɛ Nyɔŋmɔ hiɛ, ni be ni onu nɔ fɔŋ ni baaba Yerusalɛm kɛ Yerusalɛmbii anɔ lɛ hu lɛ oba ohe shi yɛ mihiɛ, ni ogbala ohe atade, ni owo yara ni ofo lɛ hewɔ lɛ, mi hu mibo bo toi.

2 Kronika 7:14

kɛji mimaŋbii lɛ, ni ji mi diɛŋtsɛ minii lɛ, ba amɛhe shi amɛhã mi, ni amɛsɔle amɛkpa fai, ni amɛtao misɛɛgbɛ, ni amɛje amɛhe sɛɛ ni amɛkpa amɛshihilɛ gbohii lɛ, no lɛ mi hu majɛ ŋwɛi mabo amɛ toi, ni mikɛ amɛtɔ̃mɔi lɛ aaafa amɛ, ni mahã amɛshikpɔŋ lɛ ashwere ekoŋŋ.

Hiob 42:6

No hewɔ lɛ, eedɔ mi, ni miishwa mihe yɛ sũ kɛ lamlu mli.”

Lalai 1:1

Ajɔɔ mɔ ni booo mɛi fɔ̃ji aŋaawoo toi, ni ekɛ eshafeelɔi ebɔɔɔ, ni etaaa hefɛoyelɔi ateŋ.

Lalai 112:1

Jiemɔ Yehowa yi! Ajɔɔ gbɔmɔ ni sheɔ Yehowa gbeyei, ni eyɔɔ ekitãi lɛ ahe tsuijurɔ lɛ.

Lalai 128:1

Ajɔɔ mɔ fɛɛ mɔ ni sheɔ Yehowa, ni eyeɔ emlai lɛ anɔ lɛ.

Lalai 146:5

Ajɔɔ gbɔmɔ ni Yakob Nyɔŋmɔ lɛ ji eyelikɛbualɔ, mɔ ni ehiɛ kãa Yehowa, eNyɔŋmɔ lɛ nɔ lɛ.

Lalai 2:12

nyɛkɛ hekpokpomɔ akotoa lɛ; kɛjeee nakai lɛ emli baafu nyɛ oya, ni nyɛhiɛ aaakpãtã. Ajɔɔ mɛi fɛɛ ni baa lɛ abo lɛ.

Lalai 34:18

Yehowa bɛŋkɛɔ mɛi ni hiɛnɔkãmɔ etã, ni ehereɔ mɛi ni werɛ eho amɛhe lɛ.

Lalai 41:1

Ajɔɔ mɔ ni jwɛŋɔ ohiafo he; gbi fɔŋ nɔ lɛ, Yehowa aaahere lɛ.

Lalai 51:17

Afɔle ni sa ohiɛ ji mumɔ ni werɛ eho ehe. Oo Nyɔŋmɔ, tsui ni tswiaa shi kɛ dɔlɛ lɛ, okpooŋ.

Lalai 84:12

Oo Yehowa, Taiatsɛ, ajɔɔ gbɔmɔ ni kɛ ehiɛ fɔ̃ɔ onɔ lɛ!

Abe̱i 16:19

Ehi akɛ ohi shi akɛ humi yɛ ohiafoi ateŋ, fe nɔ ni okɛ hewolɔi aaaja nomŋɔɔnii.

Abe̱i 29:23

Gbɔmɔ hewoo nɔŋŋ aaaba lɛ shi; shi mɔ ni baa ehe shi yɛ mumɔ mli lɛ, aaawo ehiɛ nyam.

Abe̱i 8:32

No hewɔ lɛ, mibii nyɛboa mi toi! Ajɔɔ mɛi ni yeɔ mimlai anɔ lɛ!

Yesaia 30:18

No hewɔ lɛ, Yehowa miimɛ koni eduro nyɛ, ni no hewɔ lɛ, efee kralo koni ena nyɛ mɔbɔ, ejaakɛ Yehowa lɛ Nyɔŋmɔ ni yeɔ jalɛ sane ni. Ajɔɔ mɛi fɛɛ ni hiɛ kã enɔ lɛ.”

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Yesaia 66:2

Mi, minine bɔ enɛɛmɛi fɛɛ, ni no hewɔ lɛ, enɛɛmɛi fɛɛ lɛ minɔ ni,” Yehowa kɛɛ. “Shi mɔ he tsui ni minaa nɛ, mɔ ni ji humi, ni eshwaa ehe yɛ etsui mli, ni ehe kpokpoɔ yɛ miwiemɔ lɛ naa.”

Mika 6:8

Dabida! Ao Adesa, Yehowa etsɔ̃ɔ bo nɔ ni hi. Nɔ ni ebiɔ yɛ odɛ̃ŋ nɛ, akɛ ofee nɔ ni ja gbɛ, osumɔ onyɛmimɛi, okɛ oNyɔŋmɔ lɛ anyiɛ yɛ heshibaa mli.

Mateo 11:25

Nakai be lɛ mli lɛ Yesu kɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ okɛ nii nɛɛ etee nilelɔi kɛ jwɛŋlɔi, ni ojie otsɔ̃ɔ abifabii.

Mateo 11:6

Ni ajɔɔ mɔ fɛɛ mɔ ni mihe sane etɔtɔŋ enane.”

Mateo 13:16

“Shi nyɛ lɛ, ajɔɔ nyɛhiŋmɛii lɛ, akɛ amɛmiina nii, kɛ nyɛtoii lɛ, akɛ amɛmiinu nii.

Mateo 19:14

Shi Yesu kɛɛ, “Nyɛhãa gbekɛbii lɛ abaa miŋɔɔ, ni nyɛkatsia amɛ gbɛ; ejaakɛ mɛi ni tamɔ mɛnɛɛmɛi anɔ ji ŋwɛi maŋtsɛyeli lɛ.”

Mateo 24:46

Ajɔɔ nakai tsulɔ lɛ, mɔ ni be ni enuŋtsɔ lɛ baa lɛ ni eeebana lɛ ni eefee nakai lɛ.

Mateo 25:34

Kɛkɛ lɛ Maŋtsɛ lɛ aaakɛɛ mɛi ni yɔɔ eninejurɔ nɔ lɛ akɛ, ‘Nyɛbaa, nyɛ mɛi ni miTsɛ ejɔɔ nyɛ, nyɛbaŋɔa maŋtsɛyeli lɛ ni asaa ato nyɛ kɛjɛ jeŋ shishijee lɛ!

Mateo 3:2

ni ekɛɛ akɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ.”

Mateo 8:11

Shi miikɛɛ nyɛ akɛ mɛi pii aaajɛ bokã kɛ anai aba, ni amɛkɛ Abraham kɛ Isak kɛ Yakob aaabatara okplɔ̃ he yɛ ŋwɛi maŋtsɛyeli lɛ mli.

Marko 10:14

Shi be ni Yesu na lɛ, emli fu, ni ekɛɛ ekaselɔi lɛ akɛ, “Nyɛhãa gbekɛbii lɛ abaa miŋɔɔ, ni nyɛkatsia amɛ gbɛ, ejaakɛ mɛi ni tamɔ mɛnɛɛmɛi anɔ ji Nyɔŋmɔ Maŋtsɛyeli lɛ.

Luka 11:28

Shi ehere nɔ akɛ, “Ajɔɔ mɛi ni nuɔ Nyɔŋmɔ wiemɔ lɛ ni amɛyeɔ nɔ lɛ moŋ!”

Luka 18:14

Miikɛɛ nyɛ akɛ, nɛkɛ nuu nɛɛ yiŋ etee ewe ni abu lɛ bem fe mɔ kome lɛ. Ejaakɛ mɔ fɛɛ mɔ ni woɔ ehe nɔ lɛ aaaba lɛ shi, shi mɔ ni baa ehe shi lɛ, aaawo enɔ.”

Luka 22:29

Ni mi hu miito maŋtsɛyeli mahã nyɛ tamɔ bɔ ni miTsɛ eto ehã mi lɛ,

Luka 22:30

koni nyɛye nii ni nyɛnu yɛ mikpɔlɔ̃ lɛ he yɛ mimaŋtsɛyeli lɛ mli; ni nyɛaatara sɛii anɔ ni nyɛkojo Israel akutsei nyɔŋma kɛ enyɔ lɛ.”

Luka 4:18

“Nuŋtsɔ lɛ Mumɔ lɛ yɛ minɔ, ejaakɛ efɔ mi mu, koni mijaje Sanekpakpa lɛ mitsɔ̃ɔ ohiafoi.

Yohane 20:29

Yesu kɛɛ lɛ akɛ, “Toma, ni ona mi hewɔ lɛ, ohe oye; ajɔɔ mɛi ni enaaa ni kɛ̃lɛ amɛhe amɛye lɛ.”

5 Mose 8:2

Nyɛkaia gbɛ ni Yehowa, nyɛNyɔŋmɔ lɛ, kɛ nyɛ tsɔ̃ nɔ lɛ fɛɛ, yɛ shiaŋa lɛ nɔ afii nyɔŋmai ejwɛ nɛɛ mli lɛ, koni ekɛhã nyɛhumi shi, ni asaŋ koni etsɔ̃ nɔ ekɛka nyɛ ekwɛ ni ekɛle nɔ ni yɔɔ nyɛtsuiiaŋ akɛ nyɛaaye ekitãi lɛ anɔ lo, aloo nyɛyeŋ nɔ.

Yakobo 1:10

shi niiatsɛ lɛ eshwã yɛ eshibaa lɛ mli; ejaakɛ ebaaho eya tamɔ jwɛiaŋ fɔfɔi.

Yakobo 1:12

Ajɔɔ gbɔmɔ ni miaa ehiɛ yɛ kaa mli lɛ, ejaakɛ kɛ aka lɛ ni esa lɛ, eeena wala akekre ni Nuŋtsɔ lɛ ewo mɛi ni sumɔɔ lɛ lɛ shi yɛ he lɛ.

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

Kpojiemɔ 19:9

Ni ekɛɛ mi akɛ, “Ŋmaa, Ajɔɔ mɛi ni atsɛ amɛ kɛba Toobi lɛ yookpeemɔ okplɔ̃ lɛ he lɛ.” Ni ekɛɛ mi akɛ, “Nyɔŋmɔ anɔkwa wiemɔi nɛ.”

Kpojiemɔ 22:14

Ajɔɔ mɛi ni fɔɔ amɛtadei lɛ ahe, koni amɛna hegbɛ yɛ walatso lɛ he ní amɛtsɔ̃ agboi lɛ amli kɛbote maŋ lɛ mli lɛ.

Kpojiemɔ 3:17

Ejaakɛ okɛɔ akɛ, ‘Niiatsɛ ji mi ni miyɛ nii, ni nɔ ko nɔ ko he ehĩaaa mi.’ Ni oleee akɛ ohao ni onii hu yɛ mɔbɔ ni ohiafo kɛ shwilafo kɛ heyayaitsɛ ji bo.