Mateo 4:4 - ŊMALƐ KRƆŊKRƆŊ LƐ

⁴ Shi Yesu here nɔ ekɛɛ, “Aŋma akɛ, ‘Jeee aboloo kɛkɛ hãa gbɔmɔ yi naa wala; shi mɔŋ wiemɔ fɛɛ wiemɔ ni jɛɔ Nyɔŋmɔ daaŋ lɛ.’ ”

Ṅmãle̱ Kroṅkroṅ Le̱

⁴ Ši ehere no̱ ekē̱: *Aṅmã ake̱: “Dšee abolo ke̱ke̱ hãa gbomo yi naä wala; ši moṅ wiemo̱-fẽ-wiemo̱ ní dše̱o̱ Nyoṅmo̱ dāṅ le̱.” *5 Mose 8,3.

Mateo 4:4 ပူးပေါင်းရင်းမြစ်များ

2 Mose 16:15

Be ni Israelbii lɛ na nibii nɛɛ, amɛbibii amɛhe akɛ, “Kolɛ mɛni nɛ?” Ejaakɛ amɛleee nɔ ni ji. Mose kɛɛ amɛ akɛ, “Aboloo ni Yehowa hã nyɛ koni nyɛye lɛ nɛ.

2 Mose 16:35

Ni Israelbii lɛ ye mana afii nyɔŋmai ejwɛ kɛyashi amɛyanina shikpɔŋ ni amɛaanyɛ nɔ amɛhi. Amɛye mana lɛ kɛyashi beyinɔ ni amɛyashɛ Kanaan shikpɔŋ lɛ husu naa.

2 Mose 16:8

Mose tee nɔ ekɛɛ amɛ akɛ, “Kɛji gbɛkɛ lɛ Yehowa hã nyɛ loo nyɛye, ni leebi lɛ ehã nyɛ aboloo nyɛye nyɛtɔrɔ, ejaakɛ enu huhuuhu wiemɔi ni nyɛwieɔ nyɛshiɔ lɛ lɛ, wɔ lɛ nɛgbɛ wɔdamɔ? Jeee wɔ nyɛwieɔ huhuuhu nyɛshiɔ lɛ, shi Yehowa mɔŋ ni.”

2 Mose 23:15

Nyɛyea Akpiti Gbijurɔ lɛ. Bɔ ni miwo nyɛ ehe kitã lɛ, nyɛyea aboloo ni akɛ mã akpiti shã. Nyɛyea lɛ gbii kpawo yɛ be ni ato lɛ, ni ji Abib nyɔɔŋ lɛ nɔ, ejaakɛ no nɔ nyɛshi Ijipt shikpɔŋ lɛ nɔ. No be lɛ mli lɛ mɔ ko akaba mi jamɔ ni ehiɛɛɛ edɛŋ afɔle.

Mateo 15:11

Jeee nɔ ni boteɔ mɔ daaŋ lɛ buleɔ gbɔmɔ; shi moŋ nɔ ni jeɔ mɔ daaŋ lɛ, no buleɔ gbɔmɔ.”

Mateo 4:10

Kɛkɛ ni Yesu kɛɛ lɛ akɛ, “Jee mihiɛ, Satan! Ejaakɛ aŋma akɛ, ‘Nuŋtsɔ oNyɔŋmɔ lɛ oja, ni lɛ kɛkɛ osɔ̃mɔ!’ ”

Mateo 4:7

Yesu kɛɛ lɛ akɛ, “Aŋma ekoŋŋ akɛ, ‘Kaaka Nuŋtsɔ, bo Nyɔŋmɔ lɛ.’ ”

Marko 7:20

Ni ekɛɛ akɛ, “Nɔ ni jɛɔ gbɔmɔ mli lɛ, no nɔŋŋ buleɔ lɛ.

Luka 4:12

Shi Yesu here nɔ ekɛɛ lɛ akɛ, “Aŋma akɛ, ‘Kaaka Nuŋtsɔ oNyɔŋmɔ lɛ.’ ”

Luka 4:4

Ni Yesu here nɔ ni ekɛɛ lɛ akɛ, “Aŋma akɛ, ‘Jeee aboloo kɛkɛ nɔ gbɔmɔ tsɔ̃ɔ ni eyi naa wala.’ ”

Luka 4:8

Yesu here nɔ, ni ekɛɛ lɛ akɛ, “Aŋma akɛ, ‘Nuŋtsɔ oNyɔŋmɔ lɛ oja, ni lɛ kɛkɛ osɔ̃mɔ!’ ”

Yohane 15:26

“Shi Hefatalɔ lɛ ni mibatsu nyɛŋɔɔ kɛaajɛ Tsɛ lɛ ŋɔɔ lɛ, mɔ ni ji anɔkwale Mumɔ lɛ ni jɛɔ Tsɛ lɛ ŋɔɔ baa lɛ, kɛ eba lɛ, eeeye mihe odase;

Yohane 6:63

Mumɔ lɛ ji mɔ ni hãa wala lɛ; heloo lɛ ehe bɛ sɛɛnamɔ ko. Wiemɔi ni mikɛ nyɛ wie lɛ, mumɔ ni, ni wala ni.

Romabii 15:4

Ejaakɛ nibii abɔ ni aŋma ato momo lɛ, aŋma ni etsɔ̃ɔ wɔ nii, koni wɔkɛ hiɛmiamɔ kɛ ŋmalɛi lɛ amli miishɛjemɔ lɛ ana hiɛnɔkãmɔ.

Efesobii 6:17

ni nyɛŋɔa yiwalaheremɔ akɛ dadefai, kɛ mumɔŋ klante ni ji Nyɔŋmɔ Wiemɔ lɛ.

5 Mose 8:3

Ehã hɔmɔ ye nyɛ, ni ehã nyɛhumi shi; ni ehã nyɛ mana ni nyɛye, niyenii ko ni nyɛleee, ni nyɛtsɛmɛi hu tete leee nɔ ni ji lɛ, koni nyɛkɛna nyɛle akɛ jeee aboloo pɛ hãa gbɔmɔ yi naa wala, shi moŋ wiemɔ fɛɛ wiemɔ ni jɛɔ Yehowa daaŋ lɛ hãa gbɔmɔ yi naa wala.