Mateo 4:2 - ŊMALƐ KRƆŊKRƆŊ LƐ

² Ni be ni ehi ŋmaa shwaneshwane kɛ nyɔɔŋnyɔɔŋ gbii nyɔŋmai ejwɛ sɛɛ lɛ, hɔ̃mɔ ye lɛ.

Ṅmãle̱ Kroṅkroṅ Le̱

² Ni beni *éhĩ ṅmā̃ ſaneſane ke̱ nyōṅnyōṅ gbĩĩ nyoṅmai-edſe̱ le̱, no se̱ le̱ hõmo̱ yele̱. *2 Mose 34,28. 1 Maṅ. 19,8.

Mateo 4:2 ပူးပေါင်းရင်းမြစ်များ

1 Maŋtsɛmɛi 19:8

Kɛkɛ ni Elia te shi, ni eye nii, ni enu nu eshwie nɔ. Niyenii nɛɛ mli hewalɛ lɛ ji nɔ ni hã enyɛ enyiɛ shwaneshwane kɛ nyɔɔŋnyɔɔŋ gbii nyɔŋmai ejwɛ kɛtee Nyɔŋmɔ Gɔŋ Horeb lɛ he.

2 Mose 24:18

Mose kwɔ gɔŋ lɛ, ni ebote atatu lɛ mli. Eye nyɔɔŋnyɔɔŋ kɛ shwaneshwane gbii nyɔŋmai ejwɛ yɛ gɔŋ lɛ nɔ.

2 Mose 34:28

Mose ye nyɔɔŋnyɔɔŋ kɛ shwaneshwane gbii nyɔŋmai ejwɛ yɛ Yehowa ŋɔɔ, ni eŋma kpãŋmɔ lɛ mli wiemɔi lɛ, ni ji Kitãi Nyɔŋma lɛ ewo tɛi tɛtɛrɛbii lɛ anɔ, eyeee nii lɛ enuuu nu hu.

Mateo 21:18

Shi leebi be ni eku esɛɛ eyaa maŋ lɛ mli lɛ, hɔ̃mɔ ye lɛ.

Mateo 25:35

Ejaakɛ hɔ̃mɔ ye mi, ni nyɛhã mi nii miye; kumai ye mi, ni nyɛhã mi nu minu; gbɔ ji mi, ni nyɛhã mibato nyɛŋɔɔ;

Mateo 25:42

Ejaakɛ hɔ̃mɔ ye mi, ni nyɛhãaa mi nii maye; kumai ye mi, ni nyɛhãaa mi nu manu;

Marko 11:12

Enɔ jetsɛremɔ, be ni amɛjɛ Betania amɛbaa lɛ, hɔ̃mɔ ye lɛ.

Luka 4:2

ni abonsam ka lɛ gbii nyɔŋmai ejwɛ. Nakai be lɛ mli lɛ eyeee nɔ ko nɔ ko; ni no sɛɛ lɛ hɔ̃mɔ ye lɛ.

Yohane 4:6

Shi Yakob nubu lɛ yɛ jɛi. Ni akɛni gbɛnyiɛmɔ lɛ etɔ Yesu hewɔ lɛ, eho eshwata shi yɛ nubu lɛ he. [Ebashɛ jɛi] aaafee ŋmɛlɛ nyɔŋma kɛ enyɔ mli.

5 Mose 18:18

Mibatee gbalɔ ko shi tamɔ bo mahã amɛ, yɛ amɛnyɛmimɛi lɛ ateŋ, ni ebaakɛɛ emaŋbii lɛ nɔ ni mikɛhã lɛ akɛ ekɛɛ amɛ lɛ.

5 Mose 9:18

Kɛkɛ ni mitee ekoŋŋ, ni miyagbee shi yɛ Yehowa hiɛ, tamɔ tsuutsu lɛ. Miye nyɔɔŋnyɔɔŋ kɛ shwaneshwane gbii nyɔŋmai ejwɛ ni miyeee nii lɛ, minuuu nu hu, yɛ nyɛtoigbele kɛ efɔŋ ni nyɛfee Yehowa ni nyɛkɛwo emli la lɛ hewɔ.

5 Mose 9:25

“Miho mikã shi yɛ Yehowa hiɛ nyɔɔŋnyɔɔŋ kɛ shwaneshwane gbii nyɔŋmai ejwɛ, ejaakɛ Yehowa ekɛɛ akɛ ebaakpãtã nyɛhiɛ.

5 Mose 9:9

Be ni mikwɔ gɔŋ lɛ koni miyahe tɛi tɛtɛrɛbii lɛ ni aŋma kpãŋmɔ ni Yehowa kɛ nyɛ kpãŋ lɛ yɛ nɔ lɛ; mihi gɔŋ lɛ nɔ shwaneshwane kɛ nyɔɔŋnyɔɔŋ gbii nyɔŋmai ejwɛ; miyeee nii lɛ, minuuu nu hu.