Mateo 3:7 - ŊMALƐ KRƆŊKRƆŊ LƐ

⁷ Shi be ni ena Farisifoi kɛ Sadukifoi lɛ ateŋ mɛi pii baa ebaptisimɔ lɛ he lɛ, ekɛɛ amɛ akɛ “Shinɔi ashwiei, namɔ tsɔ̃ɔ nyɛ akɛ nyɛjo mlifu ni baaba lɛ naa foi?

Ṅmãle̱ Kroṅkroṅ Le̱

⁷ Ši beni ena Farisifoi ke̱ Sadukifoi le̱ ateṅ mei pī baä ebaptisimo̱ le̱ he le̱, ekē̱ame̱ ake̱: *Šinõi aſïei, namo tšõnye ake̱ nyedšo mlifũ ní baba le̱ nā foi? *23,33.

Mateo 3:7 ပူးပေါင်းရင်းမြစ်များ

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

Abe̱i 28:4

Mɛi ni kwaa mla lɛ, amɛ jieɔ mɔ fɔŋ yi; shi mɛi ni yeɔ mla nɔ lɛ teɔ shi amɛwoɔ mɛi fɔ̃ji lɛ.

Yesaia 59:5

Yiŋ shai ni amɛtoɔ lɛ yeɔ awui tamɔ shinɔ ni naa joɔ wɔji. Kɛji wɔji lɛ eko fɛ lɛ, onufu ji nɔ ni jɛɔ mli baa. Mɔ fɛɛ mɔ ni yeɔ wɔlɔ lɛ eko lɛ gbo egboɔ. Amɛnifeemɔ tamɔ anaanu ntaŋ;

Yeremia 51:6

Nyɛjoa foi kɛjea Babilon teŋ; mɔ fɛɛ mɔ ahere lɛ diɛŋtsɛ eyiwala. Nyɛkahãa aplenea nyɛ yɛ Babilon toigbalamɔ lɛ mli, ejaakɛ Yehowa oweletɔɔ be lɛ eshɛ, no ji Babilon toi ni egbalaa nɛɛ.

Yeremia 6:10

“Namɛi mikɛaawie, ni mabɔ amɛ kɔkɔ, ni amɛaabo mi toi? Naa, amɛtoii etsimɔ no hewɔ lɛ, amɛnuuu nɔ. Naa, Yehowa wiemɔ lɛ etsɔ̃ hefɛoyeli sane ehã amɛ, ni amɛnaaa he miishɛɛ.

Mateo 12:24

Shi be ni Farisifoi lɛ nu lɛ, amɛkɛɛ, “Mumɔi fɔ̃ji alumɔ Beelzebul hewalɛ kɛkɛ mɔ nɛ kɛfãa mumɔi fɔ̃ji lɛ.”

Mateo 12:34

Nyɛ shinɔi ashwiei! Te aaafee tɛŋŋ ni nyɛ mɛi ni nyɛ ji mɛi fɔ̃ji lɛ, ni nyɛaanyɛ ekpakpa nyɛwieŋ? Ejaakɛ nɔ ni eyi tsui obɔ kɛteke nɔ lɛ, no nɔŋŋ naabu wieɔ.

Mateo 15:12

Kɛkɛ ni ekaselɔi lɛ ba eŋɔɔ amɛbakɛɛ lɛ akɛ, “Ole akɛ be ni Farisifoi lɛ nu nɛkɛ wiemɔi nɛɛ, ewo amɛ mlila waa?”

Mateo 16:1

Ni Farisifoi kɛ Sadukifoi lɛ baka Yesu, amɛbi lɛ akɛ etsɔ̃ɔ amɛ ŋwɛi okadi ko.

Mateo 16:6

Shi Yesu kɛɛ amɛ akɛ, “Nyɛkwɛa jogbaŋŋ ni nyɛhiɛ ahia nyɛhe nɔ yɛ Farisifoi kɛ Sadukifoi lɛ amasha lɛ he!”

Mateo 22:15

Kɛkɛ ni Farisifoi lɛ tee ajina, bɔ ni amɛaafee ni amɛmɔ enaa enyɔŋ.

Mateo 22:23

Nakai gbi lɛ nɔ nɔŋŋ lɛ Sadukifoi ni kɛɔ akɛ gbohiiashitee ko bɛ lɛ hu ba eŋɔɔ babi lɛ akɛ,

Mateo 22:34

Shi be ni Farisifoi lɛ nu akɛ eku Sadukifoi lɛ anaa lɛ, amɛbabua amɛhe naa;

Mateo 23:33

Onufui, shikpãi ashwiei! Te nyɛaafee tɛŋŋ nyɛjo abonsamiiaje fɔbuu lɛ naa foiŋ?

Mateo 5:20

Shi miikɛɛ nyɛ akɛ, kɛji nyɛjalɛ lɛ faaa kɛtekeee mlatsɔɔlɔi kɛ Farisifoi lɛ anɔ lɛ, nyɛboteŋ ŋwɛi maŋtsɛyeli lɛ mli kwraa.”

Marko 12:13

Ni atsu Farisifoi lɛ kɛ Herodebii lɛ ateŋ mɛi komɛi kɛba Yesu ŋɔɔ koni amɛbamɔ enaa enyɔŋ yɛ wiemɔ mli.

Marko 12:18

Ni Sadukifoi ni kɛɔ akɛ gbohiiashitee ko bɛ lɛ hu ba eŋɔɔ ni amɛbabi lɛ akɛ,

Marko 8:15

Yesu bɔ amɛ kɔkɔ ekɛɛ, “Nyɛkwɛa jogbaŋŋ, ni nyɛhiɛ ahia nyɛhe nɔ yɛ Farisifoi lɛ amasha kɛ Herode masha lɛ he!”

Luka 16:14

Farisifoi lɛ hu ni ji shika suɔlɔi lɛ nu nii nɛɛ fɛɛ, ni amɛye lɛ ahi.

Luka 18:11

Farisifonyo lɛ yadamɔ shi, ni esɔle nɛkɛ, ‘Nyɔŋmɔ, miida bo shi akɛ mitamɔ̃ɔɔ mɛi krokomɛi lɛ, ojotswalɔi, kutumpɔfoi, gbãlãfitelɔi, loo tamɔ nɛkɛ toohelɔ nɛɛ po;

Luka 7:30

Shi Farisifoi lɛ kɛ mlatsɔɔlɔi lɛ kpoo Nyɔŋmɔ yiŋtoo ni eyɔɔ yɛ amɛhe lɛ, akɛni amɛhãaa ni Yohane abaptisi amɛ lɛ.

Yohane 1:24

Ni mɛi ni atsu lɛ jɛ Farisifoi lɛ ateŋ;

Yohane 8:44

Nyɛ lɛ nyɛtsɛ ni nyɛjɛ emli ji abonsam, ni nyɛtsɛ lɛ suɔmɔnaanii nyɛsumɔɔ akɛ nyɛfee. Lɛ lɛ gbɔmɔgbelɔ ji lɛ kɛjɛ teteete, ni ekɛ anɔkwale lɛ bɛ sane ko, ejaakɛ anɔkwale bɛ emli. Kɛ eemale lɛ, esu ni, ejaakɛ amalelɔ kɛ ablatsɛ ji lɛ.

Yohane 9:40

Ni Farisifoi lɛ ateŋ mɛi komɛi ni yɔɔ jɛi lɛ nu enɛ, ni amɛbi lɛ akɛ, “Ani wɔ hu shwilafoi ji wɔ?”

Bɔfoi 15:5

Shi mɛi komɛi ni jɛ Farisifoi lɛ akuu lɛ mli ni ehe eye lɛ te shi amɛkɛɛ akɛ, “Ja afolɔ amɛ ketia ni awo amɛ kitã akɛ amɛye Mose Mla lɛ nɔ.”

Bɔfoi 20:31

No hewɔ lɛ, nyɛsaraa, ni nyɛkaia akɛ afii etɛ̃ sɔŋŋ mikɛ yaafonui efɔ̃ɔɔ nyɛteŋ mɔ fɛɛ mɔ kɔkɔbɔɔ nyɔɔŋ kɛ shwane lɛ.

Bɔfoi 26:5

Ni kɛji amɛmiisumɔ akɛ amɛaaye he odase lɛ, amɛle mi sa kɛjɛ shishijee lɛ akɛ miba mijeŋ yɛ wɔjamɔ lɛ mli kuu ni yɔɔ veveeve fe fɛɛ lɛ tsɔ̃ɔmɔ naa akɛ Farisifonyo.

Bɔfoi 5:17

Kɛkɛ ni osɔfonukpa lɛ te shi kɛ mɛi fɛɛ ni kɛ lɛ yɔɔ ni ji Sadukifoi lɛ akuu lɛ, ni amɛhiɛ edɔ diɛŋtsɛ,

Romabii 1:18

Ejaakɛ ajieɔ Nyɔŋmɔ mlifu kpo kɛjɛɔ ŋwɛi kɛbaa gbɔmɛi ni kɛ nishaianii tsĩɔ anɔkwale lɛ gbɛ lɛ amusubɔɔ kɛ nishaianii lɛ fɛɛ nɔ,

Romabii 5:9

No hewɔ lɛ, agbɛnɛ ni abu wɔ bem yɛ elá lɛ hewɔ lɛ, aaatsɔ̃ enɔ ahere wɔyiwala kɛjɛ mlifu lɛ mli aahu.

1 Tesalonikabii 1:10

ni nyɛkwɛ eBi lɛ ni etee lɛ shi kɛjɛ gbohii ateŋ lɛ gbɛ kɛjɛ ŋwɛi, Yesu ni jie wɔ kɛjɛ mlifu ni baaba lɛ mli lɛ.

Hebribii 11:7

Hemɔkɛyeli Noa hu kɛbo Nyɔŋmɔ toi be ni ehã ele nii ni anako lɛ he nɔ ko lɛ, ni ekɛkpɛ adeka ehã ewe lɛ yiwalaheremɔ lɛ; no nɔ hu etsɔ̃ ebu je lɛ fɔ, ni enine shɛ jalɛ ni jɛ hemɔkɛyeli mli lɛ nɔ.

Hebribii 6:18

koni wɔtsɔ̃ saji enyɔ ni tsakeee ni Nyɔŋmɔ nyɛŋ emale yɛ mli lɛ anɔ wɔna miishɛjemɔ ni wa, ni wɔ mɛi ni wɔyaba abo lɛ wɔkɛmɔ hiɛnɔkãmɔ ni kã wɔhiɛ lɛ mli;

1 Yohane 3:10

Enɛ mli Nyɔŋmɔ bii lɛ kɛ abonsam bii lɛ jieɔ amɛhe shi faŋŋ yɛ. Mɔ fɛɛ mɔ ni tsuuu jalɛnii lɛ, ejɛɛɛ Nyɔŋmɔ mli, nakai nɔŋŋ ji mɔ ni sumɔɔɔ enyɛmi hu.