Mateo 3:2 - ŊMALƐ KRƆŊKRƆŊ LƐ

² ni ekɛɛ akɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ.”

Ṅmãle̱ Kroṅkroṅ Le̱

² ni ekē̱ ake̱: Nyetšakea nyetšuii; ši ṅwei maṅtše̱yeli le̱ ebe̱ṅke̱. 4,17.

Mateo 3:2 ပူးပေါင်းရင်းမြစ်များ

1 Maŋtsɛmɛi 8:47

ni amɛshwa amɛhe yɛ shikpɔŋ he ni amɛyɔɔ lɛ nɔ lɛ, ni amɛjaje amɛtɔ̃mɔi amɛtsɔ̃ɔ bo, ni amɛkpa bo fai lɛ, Nuŋtsɔ Nyɔŋmɔ, bo amɛsɔlemɔ lɛ toi.

Hiob 39:12

Ani oheɔ lɛ oyeɔ akɛ ekɛ onikpamɔnii lɛ baaku esɛɛ; naa, ni ebua obele lɛ naa ewo aboŋo mli?

Hiob 42:6

No hewɔ lɛ, eedɔ mi, ni miishwa mihe yɛ sũ kɛ lamlu mli.”

Ezekiel 33:11

Kɛɛmɔ amɛ akɛ gbii abɔ ni mi, mi ji Nyɔŋmɔ Hiɛkãalɔ lɛ nɛɛ, minaaa efɔŋfeelɔ gbele he miishɛɛ; shi moŋ minaa miishɛɛ kɛji efɔŋfeelɔ tsake ejeŋba, ni eyi na wala. Ao Israel we, nyɛkpalea, nyɛkpalea kɛjea nyɛgbɛi fɔ̃ji lɛ anɔ koni nyɛyi ana wala. Mɛni hewɔ nyɛaagboi?

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Mateo 10:7

Shi ni nyɛyaa nɛɛ, nyɛshiɛa nyɛkɛa akɛ, ‘Ŋwɛi maŋtsɛyeli lɛ eshɛ shi etã.’

Mateo 11:20

Kɛkɛ ni ebɔ̃i maji, hei ni etsu ehewalɛ nitsumɔi lɛ amli tsiimɔ yɛ lɛ, ahiɛ wiemɔ, yɛ amɛtsui ni amɛtsakeee lɛ hewɔ, ekɛɛ,

Mateo 12:41

Nineve hii lɛ kɛ nɛkɛ yinɔbii nɛɛ aaate shi yɛ kojomɔ lɛ mli, ni amɛaabu amɛ fɔ; ejaakɛ amɛtsake amɛtsui yɛ Yona shiɛmɔ lɛ naa; ni naa, nɔ ko ni fe Yona shiɛmɔ lɛ yɛ biɛ.

Mateo 13:11

Shi ehere nɔ ekɛɛ amɛ akɛ, “Ejaakɛ nyɛ lɛ akɛhã nyɛ akɛ nyɛle ŋwɛi maŋtsɛyeli lɛ mli teemɔ saji lɛ, shi amɛ lɛ akɛ hãko amɛ.

Mateo 13:24

Ebu amɛ abɛ kroko hu ekɛɛ, “Ŋwɛi maŋtsɛyeli lɛ tamɔ nuu ko ni duɔ wui kpakpai yɛ eŋmɔ mli.

Mateo 13:31

Yesu bu amɛ abɛ kroko ekɛɛ, “Ŋwɛi maŋtsɛyeli lɛ tamɔ sinapi wu ni mɔ ko kɔ ni eyadu yɛ eŋmɔ mli;

Mateo 13:33

Ebu amɛ abɛ kroko akɛ, “Ŋwɛi maŋtsɛyeli lɛ tamɔ mãsha ni yoo ko kɔ ni ekɛhɔ mã tsesei etɛ̃ mli kɛyashi beyinɔ ni fɛɛ sha.”

Mateo 13:47

“Asaŋ ŋwɛi maŋtsɛyeli lɛ tamɔ yaa ni afɔ̃ yɛ ŋshɔ mli ni edu loi srɔtoi fɛɛ eko;

Mateo 13:52

Ni ekɛɛ amɛ akɛ, “No hewɔ lɛ, mlatsɔɔlɔ fɛɛ mlatsɔɔlɔ ni afee lɛ kaselɔ, ahã ŋwɛi maŋtsɛyeli lɛ, etamɔ shĩatsɛ ko ni jieɔ nii hei kɛ nii memeji kɛjeɔ ejwetri lɛ mli.”

Mateo 18:23

No hewɔ lɛ, ŋwɛi maŋtsɛyeli lɛ tamɔ maŋtsɛ ko ni taoɔ ekɛ etsuji ababu akɔntaa.

Mateo 20:1

“Ejaakɛ ŋwɛi maŋtsɛyeli lɛ tamɔ nuu shĩatsɛ ko ni je kpo maŋkɛ mra ni eyabɔ nitsulɔi apaa kɛya ewaintrom mli.

Mateo 22:2

“Ŋwɛi maŋtsɛyeli lɛ tamɔ maŋtsɛ ko ni kpee yoo ehã ebinuu.

Mateo 23:13

“Kpoo hã nyɛ, mlatsɔɔlɔi kɛ Farisifoi, osatofoi! Nyɛŋaa ŋwɛi maŋtsɛyeli lɛ naa nyɛwoɔ gbɔmɛi; nyɛ diɛŋtsɛ lɛ nyɛboteee mli, ni mɛi ni taoɔ mli abote lɛ hu, nyɛŋmɛɛɛ amɛ gbɛ ni amɛbote mli.” [

Mateo 25:1

“No mli lɛ ŋwɛi maŋtsɛyeli lɛ aaatãmɔ oblayei nyɔŋma ni hole amɛkanei ni amɛtee amɛkɛ ayɛmforowu ayakpe.

Mateo 25:14

“Shi etamɔ nuu ko ni be ni ebaadom lɛ, etsɛ etsuji, ni etu enibii ewo amɛdɛŋ;

Mateo 4:17

Kɛjɛ no nɔ lɛ Yesu bɔ̃i shiɛmɔ ni ekɛɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ!”

Mateo 4:23

Ni Yesu kpa Galilea muu lɛ fɛɛ, etsɔ̃ɔ nii yɛ amɛkpeehei lɛ, ni eshiɛɔ maŋtsɛyeli lɛ he sanekpakpa lɛ etsɔ̃ɔ, ni etsaa hela fɛɛ hela kɛ hejaramɔ fɛɛ hejaramɔ yɛ maŋ lɛ mli.

Mateo 5:10

“Ajɔɔ mɛi ni jalɛ hewɔ ni awaa amɛ yi lɛ; shi amɛnɔ ji ŋwɛi maŋtsɛyeli lɛ.”

Mateo 5:3

“Ajɔɔ mumɔ lɛ mli ohiafoi lɛ; shi amɛnɔ ji ŋwɛi maŋtsɛyeli lɛ.”

Mateo 6:10

omaŋtsɛyeli lɛ aba. Afee nɔ ni osumɔɔ yɛ shikpɔŋ lɛ nɔ, tamɔ afeɔ yɛ ŋwɛi lɛ.

Mateo 6:33

Shi nyɛtaoa Nyɔŋmɔ Maŋtsɛyeli lɛ kɛ ejalɛ lɛ tsutsu ni akɛ nii nɛɛ fɛɛ aaafata he ahã nyɛ.

Marko 1:15

Ekɛɛ, “Be lɛ eshɛ; Nyɔŋmɔ Maŋtsɛyeli lɛ enina nyɛ! Nyɛtsakea nyɛtsui, ni nyɛhea Sanekpakpa lɛ nyɛyea.”

Marko 1:4

No hewɔ lɛ, Yohane ba ni ebaptisi yɛ ŋa lɛ nɔ; ni eshiɛ etsɔ̃ɔ mɛi akɛ amɛtsake amɛtsui ni abaptisi amɛ, koni akɛ amɛhe eshai afa amɛ.

Marko 6:12

Ni amɛyiŋ amɛtee, ni amɛyashiɛ amɛtsɔ̃ɔ mɛi akɛ amɛtsake amɛtsui.

Luka 1:16

Ni eeekpale Israelbii lɛ ateŋ mɛi pii kɛaaba Nuŋtsɔ, amɛNyɔŋmɔ lɛ; ŋɔɔ.

Luka 11:20

Shi kɛji Nyɔŋmɔ wao mikɛfãa mumɔi fɔ̃ji lɛ, no lɛ Nyɔŋmɔ Maŋtsɛyeli lɛ eshɛ nyɛŋɔɔ.

Luka 13:3

Miikɛɛ nyɛ akɛ ebɛ mli nakai, shi moŋ kɛ nyɛtsakeee nyɛtsui lɛ, nyɛ fɛɛ nyɛhiɛ baakpãtã nakai nɔŋŋ.

Luka 13:5

Miikɛɛ nyɛ akɛ ebɛ mli nakai, shi moŋ, kɛ nyɛtsakeee nyɛtsui lɛ, nyɛ fɛɛ nyɛhiɛ baakpãtã nakai nɔŋŋ.”

Luka 15:10

Nakai nɔŋŋ, miikɛɛ nyɛ akɛ, Nyɔŋmɔ bɔfoi lɛ naa miishɛɛ yɛ eshafeelɔ kome ni tsakeɔ etsui lɛ hewɔ.”

Luka 15:7

Miikɛɛ nyɛ akɛ nakai nɔŋŋ miishɛɛ aaaba ŋwɛi yɛ eshafeelɔ kome ni tsakeɔ etsui lɛ hewɔ fe jalɔi nyɔŋmai nɛɛhu kɛ nɛɛhu ni tsuitsakemɔ he ehiaaa amɛ lɛ.”

Luka 16:30

Shi lɛ lɛ ekɛɛ, ‘Dabi, Ataa Abraham, shi kɛji mɔ ko jɛ gbohii ateŋ tee amɛŋɔɔ lɛ, no amɛaatsake amɛtsui.’

Luka 21:31

Nakai nɔŋŋ hu, be ni nyɛaana akɛ nibii nɛɛ etsɔ̃ naa shi lɛ, nyɛnaa nyɛlea akɛ Nyɔŋmɔ maŋtsɛyeli lɛ eshɛ shi etã.

Luka 24:47

ni ashiɛ tsuitsakemɔ kɛ eshaifaa yɛ egbɛi lɛ mli atsɔ̃ɔ maji fɛɛ, ni abɔ̃i kɛjɛ Yerusalɛm.

Luka 6:20

Ni ehole ehiŋmɛi anɔ ekwɛ ekaselɔi lɛ ni ekɛɛ, “Ajɔɔ nyɛ ohiafoi lɛ; ejaakɛ nyɛnɔ ji Nyɔŋmɔ Maŋtsɛyeli lɛ.

Luka 9:2

Ni etsu amɛNyɔŋmɔ Maŋtsɛyeli lɛ shiɛmɔ kɛ helatsɛmɛi atsamɔ.

Bɔfoi 11:18

Shi be ni amɛnu wiemɔi nɛɛ lɛ, amɛmua amɛnaa, ni amɛwo Nyɔŋmɔ hiɛ nyam moŋ amɛkɛɛ, “Belɛ jeŋmaji lɛ hu Nyɔŋmɔ ehã amɛ tsuitsakemɔ ni akɛhere amɛyiwala!”

Bɔfoi 17:30

No hewɔ lɛ, bei ni aleee lɛ Nyɔŋmɔ eku ehiɛ efɔ̃ nɔ, shi agbɛnɛ lɛ eewo gbɔmɛi fɛɛ ni yɔɔ he fɛɛ he kitã akɛ amɛtsake amɛtsui,

Bɔfoi 2:38

Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Bɔfoi 20:21

ni miye odase mitsɔ̃ɔ Yudafoi kɛ Helabii fɛɛ akɛ amɛkpale kɛba Nyɔŋmɔ ŋɔɔ ni amɛhe wɔNuŋtsɔ Yesu nɔ amɛye.

Bɔfoi 26:20

shi moŋ mijaje mitsɔ̃ɔ mɛi ni yɔɔ Damasko lɛ tsutsu, kɛ mɛi ni yɔɔ Yerusalɛm kɛ Yuda shikpɔŋ lɛ nɔ fɛɛ, kɛ jeŋmaji lɛ hu akɛ amɛtsake amɛtsui ni amɛkpale kɛba Nyɔŋmɔ ŋɔɔ ni amɛtsu nii ni sa tsuitsakemɔ.

Bɔfoi 3:19

No hewɔ lɛ, nyɛtsakea nyɛtsui ni nyɛkua nyɛsɛɛ, koni agbe nyɛhe eshai lɛ,

2 Korintobii 7:10

Ejaakɛ dɔlɛ ni sa Nyɔŋmɔ hiɛ lɛ tsɛɔ tsuitsakemɔ kɛbaa, tsuitsakemɔ ni kɛ mɔ yaa yiwalaheremɔ ni ashwaaa he yɛ he lɛ mli; shi je nɛɛ mli dɔlɛ lɛ tsɛɔ gbele.

Kolosebii 1:13

Ni ejie wɔ kɛjɛ duŋ hewalɛ lɛ mli kɛtee esuɔmɔ Bi lɛ maŋtsɛyeli lɛ mli lɛ;

2 Timoteo 2:25

mɔ ni kɛ mlijɔlɛ wieɔ tsɔ̃ɔ mɛi ni kuɔ enaa, akɛ aleenɔ Nyɔŋmɔ ahã amɛ tsuitsakemɔ ni amɛle anɔkwale lɛ.

Hebribii 6:1

No hewɔ lɛ, nyɛhãa wɔshĩa Kristo he nitsɔɔmɔ lɛ shishijee nibii lɛ, ni wɔfo mli kɛya tsɔ̃ɔmɔi ni sa onukpai ahe; ni wɔkakã he wɔto nitsumɔi ni egboi ahe tsuitsakemɔ kɛ Nyɔŋmɔ nɔ hemɔkɛyeli,

2 Petro 3:9

Jeee tsɛ Nuŋtsɔ lɛ hãa eshiwoo lɛ sɛɛ tsɛɔ, tamɔ bɔ ni mɛi komɛi susuɔ akɛ esɛɛ etsɛ lɛ, shi moŋ etsui shi etoɔ ehãa wɔ, ejaakɛ esumɔ̃ɔɔ akɛ mɛi komɛi alaaje, shi moŋ akɛ mɛi fɛɛ atsake amɛtsui.

Kpojiemɔ 2:21

Ni mihã lɛ be koni ekɛtsake etsui, shi esumɔ̃ɔɔ akɛ etsake ni efɔ̃ɔ ejwamaŋbɔɔ lɛ.

Kpojiemɔ 2:5

No hewɔ lɛ, kaimɔ he ni ojɛ ogbee shi lɛ, ni otsake otsui, ni otsu tsutsu nitsumɔi lɛ. Shi kɛ jeee nakai lɛ, maba onɔ oya ni matsi okanetso lɛ kɛaajɛ egbɛhe lɛ, belɛ ja oshwa ohe.