Mateo 27:3 - ŊMALƐ KRƆŊKRƆŊ LƐ

³ Agbɛnɛ be ni Yuda, mɔ ni tsɔ̃ɔ Yesu sɛɛgbɛ lɛ, na akɛ abu lɛ fɔ lɛ, eshwa ehe, ni ekpale jwiɛtɛi kukuji nyɔŋmai etɛ̃ lɛ eyahã osɔfonukpai lɛ kɛ onukpai lɛ,

Ṅmãle̱ Kroṅkroṅ Le̱

³ Ke̱ke̱ ni Iuda, moni tšõ ese̱gbe̱ le̱, beni ena ake̱ abule fo̱ le̱, eſa ehe, ni ekpale dſie̱te̱i kukudši nyoṅmaĩ-etẽ le̱ eyahã oso̱fonukpai le̱ ke̱ onukpai le̱ ekoṅ, 26,15.

Mateo 27:3 ပူးပေါင်းရင်းမြစ်များ

Hiob 20:5

akɛ efɔŋfeelɔi anyamɔ sɛɛ etsɛɛɛ, ni mɛi ni sheee Nyɔŋmɔ gbeyei amiishɛɛ yeɔ hiŋmɛitswaa kɛkɛ!

2 Mose 21:32

Kɛji tsina lɛ yashi nyɔŋ nuu loo nyɔŋ yoo lɛ tsinatsɛ lɛ ahã nyɔŋ lɛ nuŋtsɔ lɛ jwiɛtɛi shekel nyɔŋmai etɛ̃, ni no sɛɛ hu lɛ atswia tsina lɛ tɛ.

Zakaria 11:13

Kɛkɛ ni Yehowa kɛɛ mi akɛ, “Okɛyawo Sɔlemɔ we lɛ fotro lɛ mli.” No hewɔ lɛ, mikɛ jwiɛtɛi talentai nyɔŋmai etɛ̃ ni amɛkɛwo mi nyɔmɔ lɛ yawo Yehowa Sɔlemɔ we lɛ fotro lɛ mli.

Yohane 13:2

Ni be ni amɛyeɔ nii lɛ, belɛ abonsam kɛwo Yuda Iskariot, Simon bi lɛ, tsui mli momo, akɛ etsɔ̃ɔ esɛɛgbɛ —

Yohane 13:27

Ni atrɔma lɛ sɛɛ pɛ ni Satan bote Yuda mli. Yesu kɛɛ lɛ akɛ, “Nɔ ni ofeɔ lɛ, feemɔ mramra!”

Yohane 18:3

No hewɔ lɛ, Yuda yaŋɔ asraafoi kɛ tsuji kɛjɛ osɔfonukpai kɛ Farisifoi lɛ aŋɔɔ, ni amɛhiɛhiɛ kanei kɛ hai kɛ awuiyeli dadei kɛba jɛi.

Bɔfoi 1:18

Shi nɛkɛ nuu nɛɛ ŋɔ enɔsha ni efee lɛ mli nyɔmɔwoo lɛ ehe abɔɔ, ni eyama eyi shi, ni emli gba enyɔ ni emlinii fɛɛ tue shwie shi.

2 Korintobii 7:10

Ejaakɛ dɔlɛ ni sa Nyɔŋmɔ hiɛ lɛ tsɛɔ tsuitsakemɔ kɛbaa, tsuitsakemɔ ni kɛ mɔ yaa yiwalaheremɔ ni ashwaaa he yɛ he lɛ mli; shi je nɛɛ mli dɔlɛ lɛ tsɛɔ gbele.