Mateo 24:3 - ŊMALƐ KRƆŊKRƆŊ LƐ

³ Shi be ni eta shi yɛ Mugɔŋ lɛ nɔ lɛ, ekaselɔi lɛ ba eŋɔɔ yɛ afã amɛbakɛɛ lɛ akɛ, “Tsɔ̃ɔmɔ wɔ beyinɔ ni aaafee nii nɛɛ, ni mɛni ji obaa lɛ kɛ je nɛɛŋ naagbee lɛ he okadi?”

Ṅmãle̱ Kroṅkroṅ Le̱

³ Ši beni etá ši ye̱ Mũgoṅ le̱ no̱ le̱, ekaselo̱i le̱ ba eṅõ ye̱ afã ame̱bakē̱: Tšõmo̱wo̱ beyino̱ ní aafe nii ne̱, ni meni dši obā le̱ ke̱ dše ne̱ṅ nāgbē le̱ he okadi?

Mateo 24:3 ပူးပေါင်းရင်းမြစ်များ

Mateo 13:36

Kɛkɛ ni Yesu jie asafoi lɛ agbɛ ni etee shĩa lɛ. Ni ekaselɔi lɛ ba eŋɔɔ bakɛɛ lɛ akɛ, “Tsɔ̃ɔmɔ wɔ ŋmɔ lɛ mli jwɛi lɛ he abɛ lɛ shishi.”

Mateo 13:49

Nakai nɔŋŋ abaafee yɛ je lɛ naagbee lɛ. Ŋwɛi bɔfoi lɛ aaaje kpo aba ni amɛbaahala mɛi fɔ̃ji lɛ yɛ jalɔi lɛ ateŋ;

Mateo 15:12

Kɛkɛ ni ekaselɔi lɛ ba eŋɔɔ amɛbakɛɛ lɛ akɛ, “Ole akɛ be ni Farisifoi lɛ nu nɛkɛ wiemɔi nɛɛ, ewo amɛ mlila waa?”

Mateo 16:27

Ejaakɛ Gbɔmɔ Bi lɛ baaba yɛ eTsɛ anunyam lɛ mli kɛ ebɔfoi lɛ; ni no mli lɛ eeewo mɔ fɛɛ mɔ nyɔmɔ yɛ enitsumɔ naa.

Mateo 16:28

Anɔkwale mikɛɔ nyɛ akɛ, mɛi komɛi yɛ mɛi ni damɔ biɛ nɛɛ ateŋ ni amɛsaŋ amɛnaa gbele kɛyashi beyinɔ ni amɛaana Gbɔmɔ Bi lɛ miiba yɛ emaŋtsɛyeli lɛ mli.”

Mateo 17:19

Kɛkɛ ni Yesu kaselɔi lɛ ba eŋɔɔ yɛ afã, ni amɛkɛɛ, “Mɛɛba wɔ lɛ wɔnyɛɛɛ lɛ wɔfã lɛ?”

Mateo 21:1

Be ni amɛbɛŋkɛ Yerusalɛm ni amɛshɛ Betfage yɛ Mugɔŋ lɛ he lɛ, Yesu tsu ekaselɔi lɛ ateŋ mɛi enyɔ,

Mateo 24:27

Ejaakɛ bɔ ni srawa gbaa kɛjɛɔ bokã kɛyaa anai lɛ, nakai nɔŋŋ Gbɔmɔ Bi lɛ baa lɛ aaatamɔ.

Mateo 24:30

Kɛkɛ lɛ Gbɔmɔ Bi lɛ okadi lɛ aaapue yɛ ŋwɛi, ni no lɛ shikpɔŋ lɛ nɔ akutsei lɛ fɛɛ aaawo yara, ni amɛaana Gbɔmɔ Bi lɛ ni eeba yɛ ŋwɛi atatui lɛ anɔ kɛ hewalɛ kɛ anunyam babaoo.

Mateo 24:37

Shi bɔ ni Noa gbii lɛ fee lɛ, nakai Gbɔmɔ Bi lɛ baa lɛ hu aaatamɔ.

Mateo 24:39

ni amɛleee kɛyashi nu afua lɛ baloo amɛ fɛɛ kɛtee lɛ, nakai nɔŋŋ Gbɔmɔ Bi lɛ baa lɛ aaatamɔ.

Mateo 24:43

Shi nyɛkaia akɛ, kɛ shĩatsɛ ko le nɔ ŋmɛlɛtswaa nɔ ni julɔ baa lɛ, kulɛ eeesra ni eŋmɛŋ gbɛ ni agbu ewe lɛ awoŋ.

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Luka 21:7

Ni amɛbi lɛ akɛ, “Tsɔɔlɔ, no hewɔ lɛ, mɛɛ be nii nɛɛ aaaba mli? Ni mɛɛ okadi abaana kɛ eshɛ be ni ebaaba mli lɛ?”

Bɔfoi 1:7

Shi Yesu kɛɛ amɛ akɛ, “Jeee nyɛnɔ ji akɛ nyɛaale bei loo gbii lɛ ni Tsɛ lɛ eto yɛ lɛ diɛŋtsɛ ehewalɛ mli lɛ.

Hebribii 9:26

ejaakɛ nakai ni kulɛ, esa akɛ ena amanehulu kpitiokpitio kɛjɛ jeŋ shishijee beebe; shi agbɛnɛ lɛ shi kome kɛkɛ ajie lɛ kpo yɛ bei lɛ anaagbee lɛ mli, koni ekɛ lɛ diɛŋtsɛ ehe ni ekɛshã afɔle lɛ ajie esha lɛ.