Mateo 2:6 - ŊMALƐ KRƆŊKRƆŊ LƐ

⁶ ‘Ni bo, Betlehem ni oyɔɔ Yuda shikpɔŋ lɛ nɔ lɛ, jeee bo ji bibioo fe fɛɛ yɛ Yuda lumɛi lɛ ateŋ kwraa, shi omli lumɔ ni aaakwɛ mimaŋ Israel lɛ aaajɛ!’ ”

Ṅmãle̱ Kroṅkroṅ Le̱

⁶ “Ni bo, Betlehem, Iuda šikpoṅ le̱, dšee bo dši bibiō fè fẽ ye̱ Iuda lume̱i le̱ ateṅ kwrā, ši omli lumo̱ ní aalē̱ mimaṅ Israel le̱ aadše̱.”

Mateo 2:6 ပူးပေါင်းရင်းမြစ်များ

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

2 Samuel 5:2

Nyɛsɛɛ nɛɛ be ni Saul yeɔ wɔmaŋtsɛ lɛ, bo ji tatsɛ ni nyiɛ Israelbii lɛ ahiɛ kɛtee kɛba, asaŋ Yehowa wo bo shi akɛ ‘Bo oootsɔ̃ mimaŋ Israelbii lɛ ahiɛnyiɛlɔ kɛ amɛlumɔ.’ ”

1 Kronika 2:51

Amɛbinuu ni ji enyɔ ji Salma mɔ ni to Betlehem maŋ lɛ; amɛbinuu ni ji etɛ̃ ji Haref mɔ ni to Bet-Gader maŋ lɛ.

1 Kronika 5:2

Yɛ nyɛmimɛi lɛ ateŋ lɛ Yuda akutso lɛ ji mɔ ni he bawa fe mɔ fɛɛ mɔ, ni emli ejɛ aye maŋtsɛ. Shi kromɔbi gbɛnaa lɛ, tsɔ̃ Yosef shwiei lɛ anɔ.)

Ezra 2:21

Betlehembii lɛ: oha kɛ nyɔŋmai enyɔ kɛ etɛ̃.

Yesaia 40:11

Eeelɛ etooku lɛ tamɔ tookwɛlɔ; eeehiɛ etoobii lɛ yɛ ekpɔkɔiaŋ; Eeeloo amɛ eshãkã etsitsiŋ ni eeekpala toonyɛmɛi lɛ blɛoo.

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

4 Mose 24:19

Israel jaku baanaanaa amɛ fɛɛ amɛnɔ, ni eeekpãtã mɛi ni aaashwɛ yɛ maji lɛ amli lɛ ahiɛ.’ ”

Mateo 2:1

Be ni afɔ Yesu yɛ Betlehem yɛ Yudea, yɛ Maŋtsɛ Herode yinɔ lɛ, nilelɔi jɛ bokã ba Yerusalɛm babi akɛ,

Mateo 28:18

Ni Yesu ba ekɛ amɛ bawie ekɛɛ, “Aŋɔ hegbɛ fɛɛ ahã mi yɛ ŋwɛi kɛ shikpɔŋ nɔ.

Yohane 21:16

Esaa ebi lɛ nɔ ni ji shi enyɔ akɛ, “Simon, Yona bi, oosumɔ mi lo?” Ekɛɛ lɛ akɛ, “Hɛɛ, Nuŋtsɔ, ole akɛ miisumɔ bo.” Yesu kɛɛ lɛ akɛ, “Kwɛmɔ mitoi lɛ!”

Yohane 7:42

Ani Ŋmalɛ lɛ ekɛɛɛ akɛ David shwiei lɛ mli kɛ Betlehem maŋ he ni David hi lɛ, jɛi Kristo lɛ baajɛ?”

Efesobii 1:22

Ni ekɛ nibii fiaa ewo enajiaŋshi, ni ekɛ lɛ efee nibii fɛɛ yitso ehã asafo lɛ

Kolosebii 1:18

Ni lɛ ji gbɔmɔtso lɛ ni ji asafo lɛ yitso, lɛ ji shishijee lɛ, gbohii ateŋ kromɔbi lɛ, bɔ ni afee ni efee klɛŋklɛŋ mɔ yɛ nii fiaa mli.

Hebribii 7:14

ejaakɛ eyɛ faŋŋ akɛ Yuda mli wɔNuŋtsɔ lɛ jɛ, shi nakai akutso lɛ Mose ewieee he nɔ ko yɛ osɔfoyeli hewɔ.

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 2:27

tamɔ bɔ ni mi hu mina kɛjɛ miTsɛ ŋɔɔ lɛ, ni ekɛ dadetso aaakpala amɛ ni eeejwara amɛ tamɔ ajwaraa su gbɛi;

Kpojiemɔ 7:17

ejaakɛ Toobi lɛ ni yɔɔ maŋtsɛ sɛ̃i lɛ teŋ lɛ aaalɛ amɛ, ni eeetsɔ̃ɔ amɛ gbɛ kɛaatee wala nubui ahe. Ni Nyɔŋmɔ aaatsumɔ amɛhiɛiaŋ yaafonui fɛɛ.”