Mateo 12:2 - ŊMALƐ KRƆŊKRƆŊ LƐ

² Shi be ni Farisifoi lɛ na lɛ, amɛkɛɛ lɛ akɛ, “Naa, okaselɔi lɛ miifee nɔ ni aŋmɛɛɛ gbɛ akɛ afee yɛ hejɔɔmɔ gbi lɛ nɔ.”

Ṅmãle̱ Kroṅkroṅ Le̱

² Ši beni Farisifoi le̱ na le̱, ame̱kē̱le̱ ake̱: Na, okaselo̱i le̱ mife noni ahãã hegbe̱ ake̱ afeo̱ ye̱ hedšō̱mo̱gbĩ le̱ no̱. 2 Mose 20,20.

Mateo 12:2 ပူးပေါင်းရင်းမြစ်များ

2 Mose 23:12

“Otsu nii gbi ekpaa, shi gbi ni ji kpawo lɛ okɛjɔɔ ohe, bɔ ni afee ni otsina kɛ oteji ajɔɔ amɛhe, ni nyɔŋ yoo bi kɛ ogbɔ awo amɛtsui.

2 Mose 35:2

Aŋɔ gbii ekpaa akɛtsu nii, shi gbi ni ji kpawo lɛ atsɔ̃ gbi krɔŋkrɔŋ ahã nyɛ, Yehowa hejɔɔmɔ gbi krɔŋŋ ni. Mɔ fɛɛ mɔ ni aaatsu nii yɛ nɔ lɛ aaagbe lɛ.

Yesaia 58:13

Yehowa kɛɛ, “Kɛji oto hejɔɔmɔ gbi lɛ akɛ gbi krɔŋkrɔŋ, ni ofɔ̃ɔ bo diɛŋtsɛ onɔ mlifomɔ yɛ migbi krɔŋkrɔŋ lɛ nɔ lɛ, kɛji obu Yehowa gbi krɔŋkrɔŋ lɛ, ni ohiɛ sɔ Yehowa gbi krɔŋkrɔŋ lɛ, kɛji owo gbi lɛ, ni ofeee bo diɛŋtsɛ otsuinaa nii, ni ofooo bo diɛŋtsɛ onɔ mli, ni otsuuu bo diɛŋtsɛ onii lɛ, loo otiuuu otsuinaanii sɛɛ, aloo owieee yaka wiemɔi yɛ nɔ lɛ,

Mateo 12:10

Ni naa, nuu ko yɛ jɛi ni enine kome egbo. Ni amɛbi lɛ akɛ, “Ani eja gbɛ akɛ atsaa mɔ yɛ hejɔɔmɔ gbi lɛ nɔ?” Bɔ ni afee ni amɛwo enaa folɔmɔ.

Mateo 12:3

Shi ekɛɛ amɛ akɛ, “Ani nyɛkaneko nɔ ni David fee be ni hɔ̃mɔ ye lɛ kɛ mɛi ni fata ehe lɛ:

Marko 2:24

No hewɔ lɛ, Farisifoi lɛ kɛɛ Yesu akɛ, “Kwɛ, mɛɛba okaselɔi lɛ feɔ nɔ ni aŋmɛɛɛ gbɛ akɛ afeɔ yɛ hejɔɔmɔ gbi lɛ nɔ nɛɛ?”

Luka 14:3

Ni Yesu bi mlatsɔɔlɔi lɛ kɛ Farisifoi lɛ akɛ, “Ani eja gbɛ akɛ atsaa mɔ yɛ hejɔɔmɔ gbi lɛ nɔ aloo ejaaa gbɛ?”

Luka 23:56

Ni amɛku amɛsɛɛ, ni amɛyasaa tsofaikɛŋmai; ni hejɔɔmɔ gbi lɛ nɔ lɛ amɛfee kpoo yɛ kitã lɛ naa.

Luka 6:2

Shi Farisifoi lɛ ekomɛi bi amɛ akɛ, “Mɛni hewɔ nyɛfeɔ nɔ ni aŋmɛɛɛ gbɛ akɛ afeɔ yɛ hejɔɔmɔ gbi lɛ nɔ lɛ?”