Mateo 10:2 - ŊMALƐ KRƆŊKRƆŊ LƐ

² Shi bɔfoi nyɔŋma kɛ enyɔ lɛ agbɛii nɛ: Klɛŋklɛŋ mɔ ji Simon ni atsɛɔ lɛ Petro hu lɛ, kɛ enyɛmi Andrea; Yakobo, Zebedeo bi lɛ, kɛ enyɛmi Yohane;

Ṅmãle̱ Kroṅkroṅ Le̱

² Ši bo̱foi nyonma ke̱ enyo̱ le̱ agbe̱ii ne̱: Kleṅkleṅmo le̱ Simon ní atšé̱o̱le̱ Petro, ke̱ enyemi Andrea; Iakobo, Zebedeo bi le̱, ke̱ enyemi Iohane;

Mateo 10:2 ပူးပေါင်းရင်းမြစ်များ

Mateo 17:1

Gbii ekpaa sɛɛ lɛ, Yesu ŋɔ Petro kɛ Yakobo kɛ enyɛmi Yohane, ni ekɛ amɛ tee gɔŋ ni kwɔ ko nɔ, ekɛ amɛ pɛ.

Mateo 20:20

Kɛkɛ ni Zebedeo bii lɛ anyɛ kɛ ebihii lɛ ba eŋɔɔ ebakula shi ni eba lɛ nɔ ko.

Mateo 26:37

Ni eŋɔ Petro kɛ Zebedeo bihii enyɔ lɛ efata ehe ni ewerɛ bɔ̃i ehe hoo ni ehao.

Mateo 4:18

Be ni Yesu kpaa shi yɛ Galilea Ŋshɔ lɛ naa lɛ, ena nyɛmimɛi enyɔ, Simon ni atsɛɔ lɛ Petro, kɛ enyɛmi Andrea, ni amɛmiihɛ yɛ ŋshɔ lɛ mli, ejaakɛ wolɛi ji amɛ.

Mateo 4:21

Ni be ni eje jɛi eyaa lɛ, ena nyɛmimɛi krokomɛi enyɔ, Zebedeo bi Yakobo kɛ enyɛmi Yohane, ni amɛkɛ amɛtsɛ Zebedeo yɛ lɛlɛ mli amɛmiikpɛ amɛyai lɛ; ni etsɛ amɛ.

Marko 1:29

Amɛje kpeehe lɛ nɔŋŋ pɛ ni amɛkɛ Yakobo kɛ Yohane tee Simon kɛ Andrea we lɛ.

Marko 13:3

Ni be ni eta shi yɛ Mugɔŋ lɛ nɔ yɛ Sɔlemɔ we lɛ ŋlɛnɔ lɛ, Petro kɛ Yakobo kɛ Yohane kɛ Andrea bi lɛ yɛ afã nigii akɛ,

Marko 6:30

Bɔfoi lɛ bua amɛhe naa kɛba Yesu ŋɔɔ, ni amɛbagba lɛ nii ni amɛyafee kɛ nii ni amɛyatsɔ̃ɔ lɛ fɛɛ.

Luka 11:49

Enɛ hewɔ nɔŋŋ ni Nyɔŋmɔ nilee lɛ kɛɛ, ‘Mibatsu gbalɔi kɛ bɔfoi kɛya amɛŋɔɔ, ni amɛaagbe amɛteŋ mɛi komɛi ni amɛaawa mɛi komɛi ayi,’

Luka 22:14

Ni be ni ŋmɛlɛtswaa lɛ shɛ lɛ, eho eta niyenii lɛ ahe, ni bɔfoi lɛ fata ehe.

Luka 22:8

ni etsu Petro kɛ Yohane ni ekɛɛ, “Nyɛyaa ni nyɛyasaa Hehoo niyenii lɛ nyɛtoa wɔ, koni wɔbaye.”

Luka 5:10

ni nakai nɔŋŋ Yakobo kɛ Yohane, Zebedeo bii lɛ ni ji Simon hefatalɔi lɛ, hu ahe jɔ̃ amɛhe. Ni Yesu kɛɛ Simon akɛ, “Kaashe gbeyei! Kɛjɛ be nɛɛ nɔ kɛyaa nɛɛ obaahɛ gbɔmɛi.”

Luka 9:10

Be ni bɔfoi lɛ ku amɛsɛɛ amɛba lɛ, amɛbagba Yesu nibii fɛɛ ni amɛfee lɛ. Ni ekɛ amɛ tee ŋa lɛ nɔ he ko banee yɛ maŋ ko ni atsɛɔ lɛ Betsaida lɛ masɛi.

Yohane 12:22

Filipo ba ni ebakɛɛ Andrea, ni Andrea kɛ Filipo bakɛɛ Yesu.

Yohane 13:23

Shi kaselɔi lɛ ateŋ mɔ kome ni Yesu sumɔɔ lɛ ta emasɛi kpaakpa yɛ okplɔ̃ lɛ he.

Yohane 20:2

Kɛkɛ ni esha foi, ni eba Simon Petro kɛ kaselɔ kome lɛ ni Yesu sumɔɔ lɛ ŋɔɔ, ni ebakɛɛ amɛ akɛ, “Amɛwo Nuŋtsɔ lɛ kɛje bu lɛ mli, ni wɔleee he ni amɛkɛ lɛ eyaŋmɛ.”

Yohane 21:2

Simon Petro kɛ Toma ni atsɛɔ lɛ Didimo lɛ, kɛ Natanael ni jɛ Kana yɛ Galilea lɛ, kɛ Zebedeo bii lɛ, kɛ ekaselɔi lɛ ateŋ mɛi krokomɛi enyɔ hu yɛ he kome kutuu.

Yohane 21:20

Shi be ni Petro tsɔ̃ ehe lɛ, ena kaselɔ ni Yesu sumɔɔ lɛ nyiɛ amɛsɛɛ; lɛ ji mɔ ni kpasa Yesu tsitsi yɛ niyenii lɛ ashi ni ebi lɛ akɛ, “Nuŋtsɔ namɔ baatsɔ̃ɔ osɛɛgbɛ lɛ?”

Yohane 21:24

Mɔ nɛ ji kaselɔ ni yeɔ nii nɛɛ ahe odase lɛ, ni lɛ eŋma nii nɛɛ, ni wɔle akɛ edase lɛ anɔkwaleŋ.

Yohane 6:67

No hewɔ lɛ, Yesu bi mɛi nyɔŋma kɛ enyɔ lɛ akɛ, “Ani nyɛ hu nyɛmiisumɔ akɛ nyɛaatee?”

Yohane 6:70

Yesu here amɛ nɔ akɛ, “Ani jeee nyɛyi nyɔŋma kɛ enyɔ mihala? Shi nyɛteŋ mɔ kome lɛ abonsam ni!”

Yohane 6:71

Shi Yuda Iskariot, Simon bi lɛ, he ewieɔ lɛ; ejaakɛ lɛ ji mɛi nyɔŋma kɛ enyɔ lɛ ateŋ mɔ kome ni baatsɔ̃ɔ esɛɛgbɛ lɛ.

Yohane 6:8

Ekaselɔi lɛ ateŋ mɔ kome, ni atsɛɔ lɛ Andrea lɛ, ni ji Simon Petro nyɛmi lɛ kɛɛ lɛ akɛ,

Bɔfoi 1:13

Ni be ni amɛshɛ jɛi lɛ, amɛtee ŋwɛitsu ko mli, he ni Petro kɛ Yakobo kɛ Yohane kɛ Andrea kɛ Filipo kɛ Toma kɛ Bartolomeo kɛ Mateo kɛ Alfeo bi Yakobo kɛ Simon, maŋ he hiɛdɔlɔ lɛ, kɛ Yakobo bi Yuda hiɔ lɛ.

Bɔfoi 1:26

Ni amɛfɔ̃ amɛnɔ oshiki, ni oshiki lɛ yagbee Matia nɔ, ni abu lɛ ashi bɔfoi nyɔŋma kɛ ekome lɛ anɔ.

Bɔfoi 12:2

Ni ekɛ klante gbe Yohane nyɛmi Yakobo.

Bɔfoi 3:1

Gbi ko gbɛkɛ ŋmɛji etɛ̃ ni ji sɔlemɔ be lɛ, Petro kɛ Yohane tsa mlu kɛtee Sɔlemɔ we lɛ.

1 Korintobii 15:7

No sɛɛ lɛ, ejie ehe kpo etsɔ̃ɔ Yakobo, no sɛɛ lɛ bɔfoi lɛ fɛɛ.

Efesobii 4:11

Ni lɛ nɔŋŋ ehã mɛi komɛi tsɔ̃mɔ bɔfoi, mɛi komɛi lɛ gbalɔi, mɛi komɛi hu Sanekpakpashiɛlɔi, ni mɛi komɛi hu nɔkwɛlɔi kɛ tsɔɔlɔi.

Hebribii 3:1

Enɛ hewɔ lɛ, anyɛmimɛi krɔŋkrɔŋi ni ena ŋwɛi tsɛmɔ lɛ eko, nyɛjwɛŋa wɔhemɔkɛyeli jajemɔ lɛ he bɔfo kɛ osɔfonukpa ni ji Kristo Yesu lɛ he,

1 Petro 1:1

Petro ni ji Yesu Kristo bɔfo lɛ ŋma yahã gbɔi ni egbɛ eshwã Ponto, Galatia, Kapadokia, Asia kɛ Bitinia lɛ. Amɛ ji mɛi ni ahala

2 Petro 1:1

Simon Petro ni ji Yesu Kristo tsulɔ kɛ bɔfo lɛ ŋma yahã mɛi ni nine eshɛ hemɔkɛyeli ni jara wa tamɔ wɔnɔ lɛ nɔŋŋ nɔ kɛtsɔ̃ wɔNyɔŋmɔ kɛ wɔyiwalaherelɔ Yesu Kristo jalɛ lɛ nɔ lɛ.

2 Yohane 1:1

Onukpa lɛ ŋma yahã Awula ni ahala lɛ kɛ ebii lɛ, mɛi ni misumɔɔ yɛ anɔkwale mli lɛ, ni jeee mi kome kɛkɛ, shi mɛi fɛɛ hu ni le anɔkwale lɛ

3 Yohane 1:1

Onukpa lɛ ŋma yahã suɔlɔ Gaio, mɔ ni misumɔɔ yɛ anɔkwale mli lɛ.

Kpojiemɔ 1:1

Yesu Kristo kpojiemɔ ní Nyɔŋmɔ kɛhã lɛ ni ekɛtsɔ̃ɔ etsuji nii ní sa akɛ aba mli nɔŋŋ ní ekɛtsu ebɔfo lɛ ni ehã etsulɔ, Yohane le lɛ.

Kpojiemɔ 1:9

Mi Yohane ni ji nyɛnyɛmi kɛ nyɛnaanyo yɛ Yesu Kristo amanehulu lɛ kɛ emaŋtsɛyeli lɛ kɛ ehiɛmiamɔ lɛ mli lɛ. Miyɛ ŋshɔkpɔ ni atsɛɔ lɛ Patmo lɛ nɔ yɛ Nyɔŋmɔ wiemɔ lɛ kɛ Yesu Kristo he odaseyeli lɛ hewɔ.

Kpojiemɔ 18:20

Bo ŋwɛi, kɛ nyɛ krɔŋkrɔŋbii kɛ bɔfoi kɛ gbalɔi, nyɛnyaa yɛ ehewɔ, ejaakɛ Nyɔŋmɔ ekojo lɛ ehã nyɛ!

Kpojiemɔ 22:8

Ni mi, Yohane, ji mɔ ni nu ni na nii nɛɛ. Ni be ni minu ni mina lɛ miho mibu shi ni maja yɛ bɔfo lɛ ni tsɔ̃ɔ mi nii nɛɛ lɛ naji anaa.