Mateo 10:1 - ŊMALƐ KRƆŊKRƆŊ LƐ

¹ Ni Yesu tsɛ ekaselɔi nyɔŋma kɛ enyɔ lɛ kɛba, ni ehã amɛ mumɔi fɔ̃ji lɛ anɔ hewalɛ ni amɛfamɔ amɛ ni amɛtsa hela fɛɛ hela kɛ hejaramɔ fɛɛ hejaramɔ.

Ṅmãle̱ Kroṅkroṅ Le̱

¹ Ni etšé̱ ekaselo̱i nyonma ke̱ enyo̱ le̱ ke̱-ba, ni ehãame̱ mumo̱i fõdši le̱ ano̱ hegbe̱ ake̱ ame̱fãmo̱ame̱ ní ame̱tšá hela-fẽ-hela ke̱ hedšramo̱-fë-hedšramo̱.

Mateo 10:1 ပူးပေါင်းရင်းမြစ်များ

Mateo 19:28

Shi Yesu kɛɛ amɛ akɛ, “Anɔkwale mikɛɔ nyɛ akɛ, nyɛ mɛi ni nyɛnyiɛ misɛɛ nɛɛ, be ni Gbɔmɔ Bi lɛ aaata enunyam sɛ̃i lɛ nɔ yɛ jeŋ hee lɛ mli lɛ, nyɛ hu nyɛaatara sɛ̃ii nyɔŋma kɛ enyɔ nɔ, ni nyɛaakojo Israel akutsei nyɔŋma kɛ enyɔ lɛ.

Mateo 26:20

Be ni shɛ gbɛkɛ lɛ, ekɛ mɛi nyɔŋma kɛ enyɔ lɛ yatara niyenii lɛ ahe.

Mateo 26:47

Ni be ni ewieɔ lolo lɛ, naa, Yuda, mɛi nyɔŋma kɛ enyɔ lɛ ateŋ mɔ kome lɛ ba, ni asafo pii ni jɛ osɔfonukpai lɛ kɛ maŋ onukpai lɛ aŋɔɔ, kɛ lɛ nyiɛ, ni amɛhiɛ klantei kɛ kpotii.

Mateo 4:23

Ni Yesu kpa Galilea muu lɛ fɛɛ, etsɔ̃ɔ nii yɛ amɛkpeehei lɛ, ni eshiɛɔ maŋtsɛyeli lɛ he sanekpakpa lɛ etsɔ̃ɔ, ni etsaa hela fɛɛ hela kɛ hejaramɔ fɛɛ hejaramɔ yɛ maŋ lɛ mli.

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

Mateo 9:35

Ni Yesu kpa maji lɛ kɛ akrowai lɛ fɛɛ nɔ, ni etsɔ̃ɔ nii yɛ amɛkpeehei lɛ, ni eshiɛ maŋtsɛyeli lɛ he sane kpakpa lɛ, ni etsa hela fɛɛ hela kɛ hejaramɔ fɛɛ hejaramɔ.

Mateo 9:38

No hewɔ lɛ, nyɛkpaa nikpamɔ nuŋtsɔ lɛ fai, koni ewo nitsulɔi agbɛ kɛba enikpamɔ lɛ mli!”

Luka 10:19

Naa, mihã nyɛ hegbɛ ni nyɛnaanaa onufui kɛ nyɔŋmɔŋkrakroi kɛ henyɛlɔ lɛ hewalɛ lɛ fɛɛ nɔ; ni nɔ ko nɔ ko efeŋ nyɛ efɔ̃ŋ ko.

Luka 21:15

ejaakɛ mahã nyɛ naabu kɛ nilee ni nyɛhenyɛlɔi lɛ fɛɛ nyɛŋ naa adamɔ ni amɛnyɛŋ naa amɛku hu.

Luka 24:49

Ni naa, miiha miTsɛ shiwoo lɛ aba nyɛnɔ; shi nyɛ lɛ nyɛhia shi yɛ Yerusalɛm maŋ lɛŋ kɛyashi beyinɔ ni aaajɛ ŋwɛi awo nyɛ hewalɛ.”

Luka 6:13

Ni be ni je tsɛre lɛ, etsɛ ekaselɔi lɛ kɛba eŋɔɔ ni ehala amɛteŋ mɛi nyɔŋma kɛ enyɔ, mɛi hu ni etsɛ amɛ bɔfoi lɛ.

Yohane 17:2

tamɔ bɔ ni ohã lɛ hegbɛ yɛ gbɔmɛi fɛɛ anɔ, koni mɛi fɛɛ ni okɛhã lɛ lɛ, ehã amɛ naanɔ wala lɛ.

Yohane 3:27

Yohane here nɔ ni ekɛɛ, “Gbɔmɔ nyɛŋ ana nɔ ko, akɛ ja ajɛ ŋwɛi akɛhã lɛ.

Yohane 3:35

Tsɛ lɛ sumɔɔ Bi lɛ, ni etu nii fɛɛ ewo edɛŋ.

Yohane 6:70

Yesu here amɛ nɔ akɛ, “Ani jeee nyɛyi nyɔŋma kɛ enyɔ mihala? Shi nyɛteŋ mɔ kome lɛ abonsam ni!”

Bɔfoi 1:8

Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Bɔfoi 19:15

Shi mumɔ fɔŋ lɛ here nɔ ni ekɛɛ amɛ akɛ, “Yesu lɛ, mile lɛ, ni Paulo hu, mile lɛ; shi nyɛ lɛ, namɛi ji nyɛ?”

Kpojiemɔ 12:1

Ni ana naakpɛɛ okadi kpeteŋkple ko yɛ ŋwɛi: yoo ko ni hulu ha ehe, ni nyɔɔŋtsere yɛ enajiaŋshi, ni ŋulamii nyɔŋma kɛ enyɔ akekre fi eyitso.