Marko 9:1 - ŊMALƐ KRƆŊKRƆŊ LƐ

¹ Ni ekɛɛ amɛ akɛ, “Miikɛɛ nyɛ yɛ anɔkwale mli akɛ mɛi komɛi yɛ mɛi ni damɔ biɛ nɛɛ ateŋ ni amɛsaŋ amɛnaa gbele kɛyashi beyinɔ ni amɛaana Nyɔŋmɔ Maŋtsɛyeli lɛ akɛ eeba yɛ hewalɛ mli.”

Ṅmãle̱ Kroṅkroṅ Le̱

¹ Ni ekē̱ame̱ ake̱: Le̱le̱ṅ, mīkē̱nye ake̱: Meikomei ye̱ mei ní damo bie̱ ne̱ ateṅ, ní ame̱saṅ ame̱nä gbĕle ke̱-yaši beyino ni ame̱ana Nyoṅmo̱ maṅtše̱yeli le̱ ake̱ ēba ye̱ hewale̱ mli.

Marko 9:1 ပူးပေါင်းရင်းမြစ်များ

Mateo 16:28

Anɔkwale mikɛɔ nyɛ akɛ, mɛi komɛi yɛ mɛi ni damɔ biɛ nɛɛ ateŋ ni amɛsaŋ amɛnaa gbele kɛyashi beyinɔ ni amɛaana Gbɔmɔ Bi lɛ miiba yɛ emaŋtsɛyeli lɛ mli.”

Mateo 24:30

Kɛkɛ lɛ Gbɔmɔ Bi lɛ okadi lɛ aaapue yɛ ŋwɛi, ni no lɛ shikpɔŋ lɛ nɔ akutsei lɛ fɛɛ aaawo yara, ni amɛaana Gbɔmɔ Bi lɛ ni eeba yɛ ŋwɛi atatui lɛ anɔ kɛ hewalɛ kɛ anunyam babaoo.

Mateo 25:31

“Shi be ni Gbɔmɔ Bi lɛ aaaba yɛ enunyam lɛ mli, ni bɔfoi lɛ fɛɛ aaafata ehe lɛ, no mli lɛ eeeta enunyam sɛ̃i lɛ nɔ;

Marko 13:26

Kɛkɛ lɛ, aaana Gbɔmɔ Bi lɛ akɛ eeba yɛ atatuiaŋ kɛ hewalɛ kpele kɛ anunyam babaoo.

Marko 13:30

Miikɛɛ nyɛ yɛ anɔkwale mli akɛ yinɔ nɛɛ hoŋ, ja nii nɛɛ fɛɛ eba mli dã.

Luka 2:26

ni Mumɔ Krɔŋkrɔŋ lɛ ejie kpo etsɔ̃ɔ lɛ akɛ egboŋ ja ena Nuŋtsɔ lɛ Kristo lɛ dã.

Luka 22:18

ejaakɛ miikɛɛ nyɛ akɛ minuŋ waintso yibii nɛɛ eko dɔŋŋ kɛyashi beyinɔ ni Nyɔŋmɔ maŋtsɛyeli lɛ aaaba.”

Luka 22:30

koni nyɛye nii ni nyɛnu yɛ mikpɔlɔ̃ lɛ he yɛ mimaŋtsɛyeli lɛ mli; ni nyɛaatara sɛii anɔ ni nyɛkojo Israel akutsei nyɔŋma kɛ enyɔ lɛ.”

Luka 9:27

Shi miikɛɛ nyɛ anɔkwale akɛ mɛi komɛi yɛ mɛi ni damɔ biɛ nɛɛ ateŋ ni amɛsaŋ amɛnaa gbele kɛyaashi beyinɔ ni amɛaana Nyɔŋmɔ Maŋtsɛyeli lɛ.”

Yohane 21:23

Kɛkɛ ni wiemɔ nɛɛ gbɛ shwã yɛ nyɛmimɛi lɛ ateŋ akɛ nakai kaselɔ lɛ gboŋ; tsɛ Yesu ekɛɛɛ lɛ akɛ egboŋ, shi moŋ ekɛɛ, “Kɛji miisumɔ akɛ ehi shi kɛyashi mibaabe lɛ, mɛni no kɔɔ yɛ ohe?”

Hebribii 2:9

Shi mɔ ni be kuku ko mli lɛ ahã shwɛ fioo ni ekɛ ŋwɛi bɔfoi aye egbɔ lɛ, wɔna akɛ Yesu ni, mɔ ni gbele mli nɔnaa hewɔ ni akɛ anunyam kɛ woo fi lɛ akekre lɛ, bɔ ni afee ni Nyɔŋmɔ dromɔ naa lɛ esa enaa gbele ehã mɔ fɛɛ mɔ.