Marko 8:34 - ŊMALƐ KRƆŊKRƆŊ LƐ

³⁴ Agbɛnɛ etsɛ asafo lɛ kɛ ekaselɔi lɛ hu kɛba eŋɔɔ, ni ekɛɛ amɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe ni ewo esɛŋmɔtso lɛ ni enyiɛ misɛɛ.

Ṅmãle̱ Kroṅkroṅ Le̱

³⁴ Ni etšé̱ asafo le̱ ke̱ ekaselo̱i le̱ hũ ke̱-ba eṅõ, ni ekē̱ame̱ ake̱: Ke̱dši moko mīsumo̱ ake̱ enyie mise̱ le̱, hã ní étšo ehe nā, ni éwó ese̱ṅmo̱tšo le̱ efõ eno̱ ni enyie mise̱.

Marko 8:34 ပူးပေါင်းရင်းမြစ်များ

1 Maŋtsɛmɛi 14:8

Mishɔ̃ maŋtsɛyeli lɛ tete yɛ David we lɛ dɛŋ mihã bo; shi kɛ̃lɛ otamɔɔɔ mitsulɔ David ni eye mikitãi anɔ ni enyiɛ misɛɛ kɛ etsui fɛɛ lɛ. Efee nɔ ni sa sɔŋŋ yɛ mihiɛ.

4 Mose 14:24

Shi akɛni soro mumɔ ni mitsulɔ Kaleb hiɛ, ni asaŋ eye mi anɔkwa kɛwula shi hewɔ lɛ, lɛ lɛ, mikɛ lɛ baaya ayashɛ shikpɔŋ ni etee ayasara lɛ nɔ, ni jɛi aaatsɔ̃ eshwiei anɔ.

Mateo 10:38

Ni mɔ ni wooo esɛŋmɔtso kɛnyiɛɛɛ misɛɛ lɛ, esaaa mi.

Mateo 16:24

Kɛkɛ ni Yesu kɛɛ ekaselɔi lɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe ni ewo esɛŋmɔtso lɛ ni enyiɛ misɛɛ.

Mateo 27:32

Be ni amɛyaa lɛ; amɛna nuu Kirenenyo ko ni atsɛɔ lɛ Simon, ni amɛnyɛ enɔ ni ewo Yesu sɛŋmɔtso lɛ.

Marko 10:21

Ni Yesu kwɛ lɛ ni etsui mɔ lɛ, ni ekɛɛ lɛ akɛ, “Eshwɛ bo nɔ kome: Yaa ni oyahɔ̃ɔ nii fɛɛ ni oyɔɔ ni okɛhã ohiafoi, ni ooona jwetri yɛ ŋwɛi; ni oba ni obanyiɛ misɛɛ.”

Marko 7:14

Ni Yesu tsɛ asafo lɛ fɛɛ kɛba eŋɔɔ ekoŋŋ ni ekɛɛ amɛ akɛ, “Nyɛ fɛɛ nyɛboa mi toi ni nyɛnua shishi!

Luka 13:24

“Nyɛpelea agbo fintɔŋŋ lɛ mlibotemɔ he, ejaakɛ miikɛɛ nyɛ akɛ mɛi pii aaatao mli abote shi amɛnyɛŋ.

Luka 14:33

Nakai nɔŋŋ kɛ̃ nyɛteŋ mɔ fɛɛ mɔ ni kwaaa nibii fɛɛ ni eyɔɔ lɛ enyɛŋ mikaselɔ etsɔ̃.”

Luka 18:22

Ni be ni Yesu nu enɛ lɛ, ekɛɛ lɛ akɛ, “Eshwɛ bo nɔ kome lolo; yaahɔ̃ɔ nibii fɛɛ ni oyɔɔ lɛ ni okɛ shika lɛ aja ohiafoi, ni ooona jwetri yɛ ŋwɛi; ni oba obanyiɛ misɛɛ.”

Luka 20:45

Shi maŋ lɛ fɛɛ toiiaŋ ekɛɛ ekaselɔi lɛ akɛ,

Luka 9:23

Ni ekɛɛ mɛi lɛ fɛɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe, ni ewo esɛŋmɔtso lɛ daa gbi ni enyiɛ misɛɛ.

Yohane 10:27

Mitoi lɛ nuɔ migbee, ni mile amɛ, ni amɛnyiɛɔ misɛɛ,

Yohane 19:17

Ni lɛ diɛŋtsɛ etere esɛŋmɔtso lɛ kɛtee he ni atsɛɔ jɛi Yitsoŋoŋohe ni Hebri mli lɛ atsɛɔ lɛ “Golgota” lɛ.

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

Romabii 6:6

ejaakɛ wɔle enɛ akɛ asɛŋ wɔgbɔmɔ momo lɛ kɛ lɛ, koni esha gbɔmɔtso lɛ hiɛ akpãtã ni wɔkasɔ̃mɔ esha lɛ dɔŋŋ.

Romabii 8:17

Ni kɛ bii ji wɔ lɛ, belɛ niyelɔi hu ji wɔ, Nyɔŋmɔ niyelɔi kɛ Kristo nanemɛi niyelɔi; kɛji wɔ kɛ lɛ na amanehulu lɛ, koni awo wɔ kɛ lɛ hiɛ nyam hu.

1 Korintobii 15:31

Mina nyɛheshwãa ni miyɔɔ yɛ wɔNuŋtsɔ Kristo Yesu mli, anyɛmimɛi, akɛ migboɔ daa gbi.

1 Korintobii 8:13

No hewɔ lɛ, kɛji ŋmaa aaahã minyɛmi nane atɔ̃tɔ̃ lɛ, miyeŋ loo gbi ko gbi ko dɔŋŋ, koni mikahã minyɛmi lɛ nane miitɔ̃tɔ̃.

1 Korintobii 9:19

Mihiɛ mihe ni mijeee mɔ ko mɔ ko nyɔŋ, kɛ̃lɛ mifee mihe mɛi fɛɛ anyɔŋ, bɔ ni afee ni minine ashɛ mɛi babaoo anɔ.

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Galatabii 5:24

Shi mɛi ni ji Kristo nii lɛ, amɛsɛŋ heloo lɛ kɛ ehiɛdɔɔnii kɛ ekɔnɔi lɛ fɛɛ.

Galatabii 6:14

Shi mi lɛ, akagbale mi fɔ̃ŋfɔ̃ akɛ mashwã mafɔ̃ nɔ ko nɔ akɛ ja wɔNuŋtsɔ Yesu Kristo sɛŋmɔtso lɛ, nɔ nɔ ni atsɔ̃ asɛŋ je lɛ ahã mi, ni mi hu asɛŋ mi ahã je lɛ.

Filipibii 3:10

ni male lɛ Kristo eshitee lɛ hewalɛ lɛ; ni mana emanehului lɛ eko, ni matamɔ lɛ yɛ egbele lɛ gbɛfaŋ;

Filipibii 3:7

Shi kɛ̃lɛ nii ni ji sɛɛnamɔ hã mi sa lɛ, yɛ Kristo hewɔ lɛ mibu amɛ akɛ shigbeemɔ.

Kolosebii 1:24

Agbɛnɛ mimii shɛɔ yɛ mimanehului ni minaa yɛ nyɛhewɔ lɛ amli, ni mikɛ miheloo naa Kristo amanehului ni shwɛ lɛ mikɛwoɔ amɛ obɔ̃ hã egbɔmɔtso ni ji esafo lɛ.

Kolosebii 3:5

No hewɔ lɛ, nyɛgbea nyɛhenii ni yɔɔ shikpɔŋ lɛ nɔ lɛ: ajwamãŋbɔɔ, nyaŋemɔ nitsumɔ, mlila, akɔnɔ fɔŋ, kɛ hiɛjoomɔ ni ji wɔŋjamɔ lɛ.

2 Tesalonikabii 3:11

Ejaakɛ wɔnuɔ akɛ mɛi komɛi yɛ nyɛteŋ ni feɔ hejɔ̃, ni amɛtsuuu nii, shi moŋ amɛkɛ amɛhe woɔ mɛi asaji amli.

Tito 2:12

Ni etsɔseɔ wɔ koni wɔkwa she ni asheee Nyɔŋmɔ gbeyei kɛ je nɛɛŋ akɔnɔi lɛ ni wɔkɛ hiɛshikãmɔ kɛ jalɛ nifeemɔ kɛ Nyɔŋmɔ gbeyeishemɔ ahi shi yɛ je nɛɛŋ,

Hebribii 13:13

No hewɔ lɛ, agbɛnɛ, nyɛhãa wɔjea kpo kɛyaa eŋɔɔ yɛ nsra lɛ sɛɛ ni wɔtere ehorabɔɔ lɛ.

1 Petro 4:1

Agbɛnɛ akɛni Kristo na amanehulu ehã wɔ yɛ heloo mli hewɔ lɛ, nyɛ hu nyɛkɛ nakai jwɛŋmɔ lɛ nɔŋŋ amiaa akɛ tawuunii, ejaakɛ mɔ fɛɛ mɔ ni ena amanehulu yɛ heloo mli lɛ, ekpa eshafeemɔ.

1 Petro 4:13

shi moŋ bɔbɔ ni nyɛnaa Kristo amanehului lɛ eko lɛ, nakai nyɛmii ashɛa, koni enunyam kpojiemɔ lɛ mli hu nyɛmii ashɛ ni nyɛmli afili nyɛ.

2 Petro 1:14

Ejaakɛ mile akɛ migbele lɛ baaba nɔŋŋ tamɔ bɔ ni wɔNuŋtsɔ Yesu Kristo hu ejie kpo etsɔ̃ɔ mi lɛ.

1 Yohane 3:16

Enɛ mli wɔyoɔ suɔmɔ lɛ yɛ, akɛ ekɛ ewala ŋmɛ shi yɛ wɔhewɔ, ni sa akɛ wɔ hu wɔ kɛ wɔwala ŋmɛɔ shi yɛ wɔnyɛmimɛi ahewɔ.

Kpojiemɔ 2:10

Kaashe amanehulu ni obaana lɛ ekoeko gbeyei. Naa, abonsam baaŋɔ nyɛteŋ mɛi komɛi awo tsuŋ, koni akɛka nyɛ, ni nyɛaana amanehulu gbii nyɔŋma. Feemɔ anɔkwafo kɛyashi gbele mli, ni mahã bo wala akekre lɛ.