Marko 8:2 - ŊMALƐ KRƆŊKRƆŊ LƐ

² “Mimusuŋ miitsɔ̃ mi yɛ asafo lɛ he, ejaakɛ amɛkɛ mi ehi shi gbii etɛ̃ sɔŋŋ, ni amɛbɛ nɔ ko ni amɛbaaye.

Ṅmãle̱ Kroṅkroṅ Le̱

² Mimũsũṅ mītšõmi ye̱ asafo le̱ hewo̱, edšake̱ ame̱ke̱mi éhĩ ši gbĩĩ ete so̱ṅṅ, ni ame̱naa noko ame̱ye. 6,34-44.

Marko 8:2 ပူးပေါင်းရင်းမြစ်များ

1 Maŋtsɛmɛi 19:6

Elia kwɛ ehe, ni ena aboloo ni ashã yɛ tɛi ni edɔ anɔ kɛ kpulu kɛ nu ma eyitsogbɛ. Eye nii lɛ, ni enu nu lɛ, kɛkɛ ni eho ekã shi ekoŋŋ.

Lalai 103:13

Bɔ ni tsɛ musuŋ tsɔ̃ɔ lɛ yɛ ebii ahe lɛ, nakai Yehowa musuŋ tsɔ̃ɔ lɛ yɛ ebii ni sheɔ lɛ gbeyei lɛ ahe.

Lalai 145:15

Bɔɔnii fɛɛ kwɛɔ bo gbɛ, ni bo ohãa amɛ niyenii yɛ be ni sa mli.

Lalai 145:8

Durolɔ kɛ mɔbɔnalɔ ji Yehowa; emli fuuu mra, ni esuɔmɔ ni tsakeee lɛ fa babaoo.

Mika 7:19

Oooku sɛɛ omusuŋ atsɔ̃ bo yɛ wɔhe. Okɛ onane aaashwishwia wɔnishaianii lɛ anɔ ni osherɛ oshwie ŋshɔ shishi bu kwɔŋkwɔŋ lɛ mli.

Mateo 14:14

Ni be ni Yesu kpeleke lɛ, ebana mɛi babaoo, ni emusuŋ tsɔ̃ lɛ yɛ amɛhewɔ, ni etsa amɛhelatsɛmɛi lɛ.

Mateo 20:34

Ni Yesu musuŋ tsɔ̃ lɛ, ni etara amɛhiŋmɛii lɛ ahe, ni amrɔ lɛ amɛna nii, ni amɛnyiɛ esɛɛ.

Mateo 9:36

Shi be ni ena mɛi babaoo lɛ, emusuŋ tsɔ̃ lɛ yɛ amɛhewɔ, ejaakɛ etɔ amɛ ni amɛfee yuuyaa tamɔ toi ni bɛ kwɛlɔ.

Marko 1:41

Yesu musuŋ tsɔ̃ lɛ yɛ ehe, ni ekpã enine mli eta ehe, ni ekɛɛ lɛ akɛ, “Miisumɔ; ohe atse!”

Marko 5:19

Shi Yesu ekpɛlɛ̃ɛɛ lɛ; moŋ ekɛɛ lɛ akɛ, “Yaa owe kɛ owekumɛi aŋɔɔ ni oyagba amɛ nii ni Nuŋtsɔ lɛ efee ehã bo, kɛ mɔbɔ ni ena bo lɛ!”

Marko 6:32

Ni amɛtsɔ̃ lɛlɛ mli kɛtee ŋa lɛ nɔ he ko banee.

Marko 6:34

Be ni Yesu kpeleke lɛ, ena asafo kpele, ni emusuŋ tsɔ̃ lɛ yɛ amɛhe, ejaakɛ amɛtamɔ toi ni bɛ kwɛlɔ; ni ebɔ̃i amɛ nibii pii tsɔ̃ɔmɔ.

Marko 8:3

Ni kɛji mihã amɛkɛ amɛmusuŋ hɔmɔ yiŋ kɛmiiya amɛwe lɛ, amɛaayatɔ biti yɛ gbɛteŋ ejaakɛ amɛteŋ mɛi komɛi ajɛɛhe jɛkɛ.”

Marko 9:22

Kpitiokpitio eshɛɔ lɛ efɔ̃ɔ la mli kɛ nui amli koni ekpãtã ehiɛ. Shi kɛji ooonyɛ he nɔ ko ofee lɛ, omusuŋ atsɔ̃ bo yɛ wɔhe ni ofee he eko ohã wɔ!”

Luka 15:20

Ni ete shi ni eyiŋ eba etsɛ ŋɔɔ. Shi be ni enyiɛ shɔŋŋ kɛbaa lɛ, etsɛ na lɛ, ni emusuŋ tsɔ̃ lɛ, ni esha foi ni eyafua lɛ atuu, ni eshwɔshwɔɔ enaa.

Luka 7:13

Ni be ni Nuŋtsɔ lɛ na lɛ lɛ, emusuŋ tsɔ̃ lɛ yɛ ehe, ni ekɛɛ lɛ akɛ, “Kaafo!”

Hebribii 2:17

No hewɔ lɛ, nibii fɛɛ gbɛfaŋ lɛ esa akɛ etamɔ enyɛmimɛi lɛ, koni etsɔ̃ mɔbɔnalɔ kɛ anɔkwa osɔfonukpa yɛ Nyɔŋmɔ hiɛ, koni ekpãtã ehã maŋ lɛ yɛ amɛhe eshai lɛ ahewɔ.

Hebribii 4:15

Ejaakɛ wɔsɔfonukpa ni wɔyɔɔ lɛ ejeee mɔ ni nyɛ̃ɛɛ anu wɔgbedemɔi lɛ ahe ahã wɔ, shi eji mɔ ko ni aka lɛ yɛ nibii fɛɛ agbɛfaŋ tamɔ wɔ, ni kɛ̃lɛ esha ko esha ko bɛ ehe.

Hebribii 5:2

akɛ mɔ ko ni nyɛɔ ehiɛɔ mɛi ni leee nii kɛ mɛi ni edu gbɛ lɛ blɛoo, akɛni lɛ diɛŋtsɛ hu lɛ gbedemɔ ebɔle lɛ kɛkpe lɛ.