Marko 7:4 - ŊMALƐ KRƆŊKRƆŊ LƐ

⁴ Ni kɛ amɛjɛ jara nɔ amɛba lɛ, ja amɛju amɛhe dani amɛyeɔ nii. Ni nibii krokomɛi pii hu yɛ ni ato ahã amɛ ni amɛfeɔ yɛ kpuji kɛ gbɛi kɛ ayawai amlifɔmɔ kɛ saatsei ahefɔmɔ he.

Ṅmãle̱ Kroṅkroṅ Le̱

⁴ ni ké̱ ame̱dše̱ dšā no̱ ame̱ba le̱, dša ame̱dšu, dãni ame̱yeo̱ nii. Ni nii krokomei pī hũ ye̱ ní ato ahãame̱ ní ame̱feo̱ ye̱ kpudši ke̱ gbé̱i ke̱ ayawai ke̱ sātšei ahefo̱mo̱ hewo̱.

Marko 7:4 ပူးပေါင်းရင်းမြစ်များ

Lalai 26:6

Oo Yehowa, mifɔɔ midɛ̃ kɛtsɔ̃ɔ akɛ miyeko sɔ̃ ko, ni mibɔleɔ ofɔleshãa latɛ lɛ mijaa bo.

Yesaia 1:16

Nyɛjua nyɛhe koni nyɛhãa nyɛhe atsea; nyɛkɛ nyɛnifɔɔjianii lɛ ajea mihiɛ, ni nyɛkpaa efɔŋfeemɔ.

Yeremia 35:5

Kɛkɛ ni mikɛ gbɛi ni eyimɔ obɔ̃bɔ̃ kɛ wain kɛ kɔɔpoi bamamɔ Rekab weku lɛ hiɛ, ni mikɛɛ amɛ akɛ, “Nyɛnua wain koo!”

Yeremia 4:14

Ao! Yerusalɛm, fɔ otsuiŋ nishaianii lɛ oshwie, bɔ ni afee ni ahere oyiwala. Mɛɛ beyinɔ nɔŋŋ po susumɔ fɔ̃ji aaahi oyiŋ kɛyashi?

Mateo 23:25

“Kpoo hã nyɛ, mlatsɔɔlɔi kɛ Farisifoi, osatofoi! Nyɛtsumɔɔ kpulu he kɛ kã sɛɛ; shi amɛmligbɛ eyimɔ obɔ̃bɔ̃ kɛ ojotswaa kɛ adufudeyeli.

Mateo 23:26

“Farisifonyo shwilafo, sha kpulu lɛ kɛ kã lɛ mli ni aje tsutsu, kɛkɛ lɛ esɛɛ hu aaaje!

Mateo 27:24

Be ni Pilato na akɛ enyɛɛɛ he nɔ ko efee; shi moŋ basabasa feemɔ miiba lɛ, ekɛ nu fɔ edɛ̃ yɛ asafo lɛ hiɛ, ni ekɛɛ, “Mi lɛ miyeee jalɔ nɛɛ lá yi sɔ̃; nyɛ, nyɛkwɛa nɔ!”

Marko 7:8

“Nyɔŋmɔ kitã lɛ, nyɛshi, ni gbɔmɛi ablema tsɔ̃ɔmɔi anɔ nyɛyeɔ.”

Yohane 2:6

Ni tɛ botokui ekpaa mamɔ shi yɛ jɛi, yɛ Yudafoi lɛ ahetsuumɔ hewɔ, ekome yeɔ susumɔ gbɛi enyɔ loo etɛ̃.

Yohane 3:25

Agbɛnɛ naataamɔ bate shi yɛ Yohane kaselɔi lɛ kɛ Yudafonyo ko teŋ yɛ hetsuumɔ he.

Hebribii 9:10

ejaakɛ nibii nɛɛ kɔɔ niyenii kɛ ninumɔnii kɛ hejuu srɔtoi ni ji heloo gbɛnaanii ni ato akɛ afee kɛkɛ ahe kɛyashi be ni aaasaa nibii fɛɛ afee amɛ ehee.

Yakobo 4:8

Nyɛtsia nyɛbɛŋkɛa Nyɔŋmɔ, ni eeetsi ebɛŋkɛ nyɛ. Nyɛtsuua nyɛniji ahe, nyɛ eshafeelɔi, ni nyɛhãa nyɛtsuii ahe atsea, nyɛ jwɛŋmɔi enyɔnyɔɔnyɔtsɛmɛi.

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.