Marko 7:21 - ŊMALƐ KRƆŊKRƆŊ LƐ

²¹ Ejaakɛ mligbɛ ni ji gbɔmɛi atsuii amli lɛ, jɛi jwɛŋmɔi fɔ̃ji jɛɔ: ajwamãŋbɔɔ, juu, awuyeli,

Ṅmãle̱ Kroṅkroṅ Le̱

²¹ Ši mligbe̱, ní dši gbomei atšuii amli le̱, dše̱i dſẽṅmo̱i fõdši le̱ dše̱o̱, gblãfitemo̱, adſamaṅbō̱, awuyeli,

Marko 7:21 ပူးပေါင်းရင်းမြစ်များ

1 Mose 6:5

Be ni Yehowa na akɛ gbɔmɛi anɔfɔŋfeemɔ lɛ efa tsɔ yɛ shikpɔŋ lɛ nɔ, ni nibii ni amɛsusuɔ yɛ amɛyiŋ daa nɛɛ lɛ efɔŋ sɔŋŋ ni lɛ,

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

Hiob 14:4

Te aaafee tɛŋŋ ni ana nɔ ni he tse kɛ nɔ ni he tseee teŋ srɔto lɛ?

Hiob 25:4

Te aaafee tɛŋŋ hu ni adesa aaaja yɛ Nyɔŋmɔ hiɛ hu? Te aaafe tɛŋŋ ni gbɔmɔ ni jɛ yoo musuŋ lɛ he aaatse hu?

Lalai 119:36

Hã mashwe omlai lɛ anɔyeli fe ninamɔ.

Lalai 14:1

Kwashiai kɛɔ yɛ amɛtsuiŋ akɛ, “Nyɔŋmɔ ko bɛ!” Amɛfite, ni amɛfeɔ nyaŋemɔ nii; mɔ ko mɔ ko bɛ ni feɔ nɔ̃ kpakpa.

Lalai 14:3

Amɛ fɛɛ amɛdu gbɛ, amɛ fɛɛ kwa amɛfite. Mɔ ko mɔ ko bɛ ni feɔ ekpakpa. Dabida, mɔ kome folo nɛkɛ bɛ.

Lalai 53:1

Kwashiai kɛɔ yɛ amɛtsuiiaŋ akɛ, “Nyɔŋmɔ ko bɛ.” Amɛfite, ni nibii ni ahiɔ pɛ amɛfeɔ, amɛteŋ mɔ ko kwraa bɛ ni feɔ nɔ kpakpa.

Lalai 53:3

Amɛ fɛɛ amɛgba afã, amɛ fɛɛ amɛje amɛŋlɛ nɔ; amɛteŋ mɔ ko kwraa bɛ ni feɔ nɔ kpakpa. Dabida! Mɔ kome nɛkɛ folo bɛ.

Abe̱i 15:25

Yehowa wuleɔ hewolɔ we; shi ehãa okulafo husu hiɔ shi.

Abe̱i 4:23

Ohiɛ akã otsui he fe nii fɛɛ; ejaakɛ no mli wala jɛɔ.

Yesaia 59:13

Wɔtɔ̃, ni wɔkwa Yehowa, ni wɔkpale yɛ wɔNyɔŋmɔ lɛ sɛɛ. Yiwalɛ kɛ atuatsemɔ wiemɔi wɔwieɔ; amale wiemɔi ni wɔtoɔ yɛ wɔtsuiiaŋ lɛ jeɔ kpo yɛ wɔnaa.

Yesaia 59:7

Amɛhe yɛ oya kɛ efɔŋfeemɔ, ni amɛyeɔ oyai kɛshwieɔ mɔ ni fɔbuu ko bɛ ehe lɛ lá shi. Nɔ he pɛ ni amɛjwɛŋɔ ji nɔsha, ni nifitemɔ kɛ niihiɛkpãtãmɔ anaa yɛ he ni amɛyɔɔ.

Yeremia 16:12

Ni nyɛ lɛ nyɛfee efɔŋ fe nyɛtsɛmɛi lɛ tete, ejaakɛ naa nyɛteŋ mɔ fɛɛ mɔ nyiɛɔ nɔ ni etsui fɔŋ lɛ kɛɔ lɛ lɛ sɛɛ, ni ekpɛlɛ̃ɛɛ akɛ eboɔ mi toi.

Yeremia 17:9

Tsui yɔɔ nɛɛ elakaa mɔ fe nɔ fɛɛ nɔ; efite kwraa. Namɔ aaanu lɛ shishi?

Yeremia 4:14

Ao! Yerusalɛm, fɔ otsuiŋ nishaianii lɛ oshwie, bɔ ni afee ni ahere oyiwala. Mɛɛ beyinɔ nɔŋŋ po susumɔ fɔ̃ji aaahi oyiŋ kɛyashi?

Ezekiel 38:10

Bɔ ni Nuŋtsɔ Yehowa kɛɔ nɛ, “Nakai gbi lɛ nɔ lɛ susumɔi pii baaba oyiŋ, ni obajwɛŋ efɔŋfeemɔ he.

Mateo 15:19

Ejaakɛ tsui mli ni susumɔi fɔ̃ji, gbɔmɔgbee, gbãlãfitemɔ, ajwamãŋbɔɔ, juu, amale odaseyeli kɛ oshekuyeli jɛɔ.

Mateo 9:4

Ni be ni Yesu na amɛjwɛŋmɔi lɛ, ekɛɛ, “Mɛɛ hewɔ ni nyɛjwɛŋɔ nii fɔ̃ji yɛ nyɛtsuii amli nɛɛ?

Marko 7:20

Ni ekɛɛ akɛ, “Nɔ ni jɛɔ gbɔmɔ mli lɛ, no nɔŋŋ buleɔ lɛ.

Marko 7:22

gbãlãfitemɔ, hiɛjoomɔ, yiŋsha, shishiumɔ, nyɛnyɛŋtswibɔɔ, hiŋmɛisha, oshekuyeli, hewoo, kwashiai asaneyeli.

Luka 16:15

Ni ekɛɛ amɛ akɛ, “Nyɛ ji mɛi ni nyɛbuɔ nyɛhe bem yɛ gbɔmɛi ahiɛ; shi Nyɔŋmɔ lɛ, ele nyɛtsuiaŋ; ejaakɛ nɔ ni ji gojoo yɛ gbɔmɛi ateŋ lɛ, yɛ Nyɔŋmɔ hiɛ lɛ nihiinii ni.

Bɔfoi 5:4

Ani be ni eyɔɔ lɛ, jeee bo onɔ ni? Ni be ni ohɔ̃ɔ hu lɛ, shika lɛ jee bo diɛŋtsɛ onɔ ni? Mɛɛba oto nɛkɛ yiŋ? Jeee gbɔmɛi omale otsɔ̃ɔ nɛɛ, shi Nyɔŋmɔ moŋ.”

Bɔfoi 8:22

No hewɔ lɛ, agbɛnɛ shwa ohe yɛ onɔsha nɛɛ hewɔ, ni okpa Nyɔŋmɔ fai, akɛ aleenɔ akɛ otsuiŋ jwɛŋmɔ lɛ aaafa bo lo.

Romabii 7:5

Ejaakɛ be ni wɔhi shi yɛ wɔgbɔmɔfɔmɔ su lɛ naa lɛ, eshai ahe akɔnɔi lɛ tsɔ̃ɔ Mla lɛ nɔ tsuɔ nii yɛ wɔhenii lɛ amli ni wɔkɛwo yibii wɔhã gbele.

Romabii 7:8

Shi esha lɛ tsɔ̃ kitã lɛ nɔ ena hegbɛ ni eteɔ akɔnɔi fɛɛ ashi yɛ mimli; ejaakɛ kɛ Mla bɛ lɛ esha hu egbo.

Kolosebii 3:5

No hewɔ lɛ, nyɛgbea nyɛhenii ni yɔɔ shikpɔŋ lɛ nɔ lɛ: ajwamãŋbɔɔ, nyaŋemɔ nitsumɔ, mlila, akɔnɔ fɔŋ, kɛ hiɛjoomɔ ni ji wɔŋjamɔ lɛ.

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

Yakobo 2:4

ani jeee niiaŋ nyɛjieɔ yɛ nyɛteŋ ni kojolɔi ni hiɛ jwɛŋmɔi fɔ̃ji nyɛtsɔ̃mɔ lɛ?