Marko 5:23 - ŊMALƐ KRƆŊKRƆŊ LƐ

²³ ni ekpa lɛ fai pii ekɛɛ, “Gbo mibiyoo fioo heɔ agbo nɛɛ, hewɔ lɛ ba ni okɛ oniji abashwie enɔ koni ehe awa lɛ ni eyi ana wala!”

Ṅmãle̱ Kroṅkroṅ Le̱

²³ ni ekpale̱ fai āhũ ekē̱ ake̱: Gbo mibiyō fiō heo̱ agbo ne̱; hewo̱ le̱ ba ni oke̱ *onidši abaſie eno̱, ní ehe awale, ní eyi aná wala. *7,32.

Marko 5:23 ပူးပေါင်းရင်းမြစ်များ

2 Maŋtsɛmɛi 5:11

Shi Naaman mli fu ni eyiŋ kɛmiiya, ni ekɛɛ akɛ, “Naa, miyiŋ fɛɛ lɛ eeeje kpo kɛba miŋɔɔ ebadamɔ shi, ni eeetsɛ Yehowa eNyɔŋmɔ lɛ gbɛi, ni ekɛ enine aaahuu jɛi koni etsa kpiti lɛ.

Lalai 107:19

ni amɛbolɔ amɛtsɛ Yehowa yɛ amɛfimɔ lɛ mli; ni ejie amɛ kɛjɛ amɛmanehului lɛ amli.

Lalai 50:15

Tsɛ mi yɛ fimɔ gbi lɛ nɔ! Majie bo, ni ooowo mihiɛ nyam.”

Mateo 8:3

Ni Yesu kpã enine mli eta ehe ni ekɛɛ, “Miisumɔ, ohe atse!” Ni amrɔ lɛ ekpiti lɛ tã.

Marko 16:18

amɛaahole onufui anɔ; ni kɛji amɛnu nɔ ko ni gbeɔ mɔ lɛ, efeŋ amɛ nɔ ko; amɛkɛ amɛniji aaashwie helatsɛmɛi anɔ, ni amɛhe aaawa amɛ.”

Marko 5:24

Ni Yesu kɛ lɛ tee. Mɛi pii nyiɛ esɛɛ, ni amɛmiififia lɛ.

Marko 6:13

Ni amɛfãmɔ mumɔi fɔ̃ji pii ni amɛfɔfɔɔ helatsɛmɛi pii amu ni amɛtsa amɛ.

Marko 7:32

Ni akɛ mɔ ko ni muɔ toi ni mumui hu ji lɛ ba eŋɔɔ, ni amɛkpa lɛ fai koni ekɛ enine aŋmɛ enɔ.

Marko 8:23

Ni emɔ shwilafo lɛ nineshi ni ekɛ lɛ je akrowa lɛ, ni etsɛ̃ lajɔ̃ eshwie ehiŋmɛii lɛ anɔ, ni ekɛ eniji shwie enɔ ni ebi lɛ akɛ, “Ani oona nii lo?”

Luka 13:13

Ni ekɛ eniji shwie enɔ, ni amrɔ lɛ nɔŋŋ lɛ yoo lɛ jaje trɔmɔɔ, ni ewo Nyɔŋmɔ hiɛ nyam.

Luka 4:38

Ni Yesu je kpeehe lɛ ni eyabote Simon we lɛ. Shi atridii ni naa wa emɔ Simon shaayoo lɛ, ni amɛkpa lɛ fai ni ebakwɛ lɛ.

Luka 4:40

Ni be ni hulu nyɔ shi lɛ, mɛi abɔ fɛɛ ni yɔɔ mɛi ni helai srɔtoi hiɛ amɛ lɛ kɛ amɛ ba eŋɔɔ ni ekɛ eniji shwie amɛ fɛɛ amɛnɔ ekomekome ni etsa amɛ.

Luka 7:12

Shi be ni eshɛ maŋ lɛ agbo lɛ naa etã lɛ, naa, awo gbonyo ko kɛmiije kpo, ni enyɛ bi kome ji lɛ; ni okulafo ji yoo lɛ, ni maŋ lɛ mli bii pii kɛ lɛ nyiɛ.

Yohane 11:3

No hewɔ lɛ, enyɛmimɛi yei lɛ tsu aba eŋɔɔ abakɛɛ akɛ, “Nuŋtsɔ, naa, mɔ ni osumɔɔ lɛ he miiye.”

Bɔfoi 28:8

Eba mli akɛ Publio tsɛ kã shi kɛ atridii kɛ fɔ kɛ la wamɔ; ni Paulo tee eŋɔɔ, ni esɔle ekɛ eniji shwie enɔ ni etsa lɛ.

Bɔfoi 6:6

ni amɛkɛ mɛnɛɛmɛi badamɔ bɔfoi lɛ ahiɛ; ni amɛsɔle ni amɛkɛ amɛniji shwie amɛnɔ.

Bɔfoi 8:17

Kɛkɛ ni amɛkɛ amɛniji ŋmɛ̃lɛ amɛnɔ, ni amɛna Mumɔ Krɔŋkrɔŋ lɛ.

Bɔfoi 9:12

ni Saul na yɛ ninaa mli akɛ nuu ko ni atsɛɔ lɛ Anania lɛ miiba eŋɔɔ, ni ekɛ enine miiŋmɛ enɔ, bɔ ni afee ni ena nii ekoŋŋ.”

Bɔfoi 9:17

Kɛkɛ ni Anania yiŋ etee ni eyabote shĩa lɛ, ni ekɛ eniji shwie enɔ ni ekɛɛ, “Anyɛmi Saul! Nuŋtsɔ Yesu, mɔ ni jie ehe kpo etsɔ̃ɔ bo be ni obaa yɛ gbɛ lɛ nɔ lɛ, etsu mi oŋɔɔ, bɔ ni afee ni ona nii ekoŋŋ ni oyi obɔ̃ kɛ Mumɔ Krɔŋkrɔŋ lɛ.”